1078. Qız kimi atasız böyümək onsuz da çox çətindir. Həmçinin anam işləməli oldu, bu da hər şeyi çətinləşdirirdi. Mən bilirdim ki sevgi var, amma bunu hiss edə bilmirdim. Ailəmdə hamı məni sevdiyini deyirdi amma bunu çox göstərəbilmirdilər. Həmçinin heç vaxt dostum olmadığı üçün sevilmədiyimi daha çox hissedirdim. Qızlar daha çox evcilik oynadıqları üçün mənimlə qızlar oynamırdılar çünkü mən ailə anlayışını çox bilmirdim necə davranacağımı bilmirdim, ona görə də onlara görə özümü səhv aparırdım. Ümumiyyətlə, daha çox oğlanlarla oynayırdım həmişə kiçik olanda döyülən uşaq olmuşam, amma böyüdükcə atam olmadığı üçün başqa cür baxmağa başladılar. Vaxt keçdikcə ailəm məni hər cür kurslara göndərirdi ki, daha çöldə oynamayım. Ailəm dediyim nənəm . Mən yenə də onlarla dostluq edirdim, çünki bilmirdim niyə kişilərlə dostluq etməməliyəm, çünki heç kim mənə nədənini demirdi. Onlarla dostluq etmək mənim üçün daha asan idi. Mən onlarla hər şey haqqında danışa bilirdim, heç vaxt təfərrüat verməli olmurdum onlar məndən heç nə soruşmurdular, sadəcə mənimlə oyun oynayırdılar. Buda mənim üçün daha yaxşı idi. Qızlar bir az maraqlanır, ailənizi soruşurlar, yadımdadır, bir dəfə 9-cu sinifdə oxuyanda, atanız evə gələndə rəfiqələrimdən soruşmuşdum, sizinlə necə davranır, ona qarşı nə edirsiniz? Mənə güldülər, başadüşürəm onlara da qəribə gəlirdi. Amma ailənizə görə oğlanlar heç vaxt sizə gülməzdilər. Oğlanlar ailə haqqında danışması belə düzgün deyildi. Yəni bu, yazılmamış qayda kimidi, danışılmırdı, şərh verilmirdi, oğlanlar həmişə belə olurdu. Amma böyüdükcə hər şey çətinləşdi, ona görə ki oğlanlar eyni deyildi və mən də eyni qalmadım. Fərqli hisslər var idi və onlar məni sevdiklərini deyəndə, mənim xoşuma gəldi. Amma sevdim dediklərinin mənasını anlaya bilmədim, böyüdükcə anladım ki onların dediyi sevgi hissi fərqlidir. Həyatımda kişi rolu görmədiyim üçün onların mənə olan sevgisini və ya o istiliyi başqa bir şeylə (bax: ailə sevgisi) səhv salmışam. Təəssüf ki, ilk zərbə ən yaxınımdan qohumumdan gəldi. Kişi evli idi və iki qızı var idi. Qızlarının 4-5 yaşı var idi. Mənim də 13 yaşım var idi. Adam mənə pis təkliflər etməyə başladı. Məni bəzi videolara baxmağa vadar edirdi. Sonuncu dəfə hamamda olarkən şəklimi çəkmişdi. Mən qışqırdım, anama dedim, amma inanmadı. Və kişi aylarla mənimlə belə davranmağa davam etdi. indi mən başqa ölkədəyəm, amma yenə də məni incidir ki, o adam heç nə olmamış kimi yaşayır.

Keçən il ailəmi ziyarət etmək üçün Azərbaycana qayıdanda bildim ki, bu hadisə əslində hamı tərəfindən bilinir və hamı susur.