13. sevgilindən yeni ayrılmış insanın ən böyük arzusu elə görünməz olmaqdı məncə.
təsəvvür edin də, əvvəllər hər günü birlikdə keçirdiyin, hər addımından xəbərin olduğu birindən uzaq durmaq məcburiyyətindəsən indi, bir neçə ay öncə həyatının hər dəqiqəsindən xəbərdar olduğun o insanın indi nə etdiyini bilmirsən, yazıb özündən də necə olduğunu soruşmağa üzün gəlmir, öyrənmək üçün nələr etməzdim deyə düşünürsən. ancaq büruzə vermirsən, hər axşam evə gəlib ağlayırsan, əvvəl bu saatda filan yerdə olurdu, görəsən indi də ora gedirmi deyə suallar verirsən özünə. ancaq qürurunu sındırıb da heç nə edə bilmirsən. elə bu anda arzulayırsan ki, kaş ki görünməz olardım, indi də nələr etdiyini görərdim, yenə o keçmişdə görüşdüyümüz parka gedirmi, o mahnıları dinləyirmi, gecələr sənin kimi o da keçmiş günləri düşünürmü və ən əsası həyatında yeni bir insan varmı?