16. azərbaycan xalqına doğru yolu göstərən, vətənpərvər, yorulmaz, millətini ən çox sevənlərdən biri olmuş yazıçımız.

bu günə kimi bir çox müəllifin kitablarını oxudum. istər yerli, istərsə də, xarici ədəbiyyatdan. lakin mən cəlil məmmədquluzadə kimi bir yazıçıyla rastlaşmadım. vətənpərvərlik deyilən şeyin mahiyyətini, elmin nə qədər vacib olduğunu, insanımızın niyə bu qədər geridə qaldığını ondan öyrəndim.

bizdə cəlil məmmədquluzadənin molla nəsrəddin jurnalında çap olunmuş məqalələrindən ibarət kiril əlifbasıyla yazılmış kitab var idi. açıb boş vaxtlarımda onu oxuyardım. hələ uşaq ikən. oxuyurdum heyranlıqla.

bir çox yazdığını sonra başa düşmüşdüm. anlamışdım: təxminən yazdıqlarından 80-90 il keçsə də, yazdıqlarının indiki dövrdə də öz aktuallığını qorumasına sevinimmi, yoxsa kədərlənimmi?