101. bir dəfə bir tədbirdə idim və prezidentin də ora gələcəyi əvvəlcədən bəlli idi. hər şey həmişəki kimi əvvəlcədən hazırlanmış, hər kəs öz çıxışını əzbərləyə əzbərləyə var gəl edirdi ortalıqda. bizə də tapşırılmışdı ki, prezident gələn kimi ayağa qalxıb tribunaya çatana qədər alqışlamalısınız. çox süni göründüyündən yola verib, onsuzda ortada oturmuşam kimdi məni görən deyib başımı qoyub yatmışdım. birdən hay-küy qopdu ki, bəs prezident burdadı gəlir, hazır olun. yenə də fikrimdə qaldığımı düşünürdüm ki, adam birdən içəri girdi, özümdən asılı olmadan ilahi bir qüvvə ayağa qaldırdı məni, baxıram ki, alqışlaya-alqışlaya olan-bitəni izləyirəm və bunu niyə elədiyimi anlamağa çalışıram. nitqinə başlayanda mövzu yenə iqtisadiyyat idi, elə bir şəkildə bədən dilindən istifadə edib danışırdı ki, o tədbirdən çıxana qədər bizim iqtisadiyyatın güclü dayaqları olduğunu beynimə yeritmişdim. çıxışları zamanı sərbəst olması da müsbət tərəfidir. bu adama yeməyib içməyib belə söhbətlər öyrədiblər, çox gözəl manipulyasiya edir.