14. fərhad mehdiyevdən maraqlı versiyalar

ankarada son 5 ay içində törədilən 3-cü terror hadisəsi, sıradan bir faciə olaraq qiymətləndirilə bilməz. türkiyə respublikası birbaşa öz paytaxtında vurulur. bu işi kim törədib sualı aktual olmaqla bərabər, olduqça spekulativdir, çünki ehtimal olaraq, bunun arxasında pkk ola biləcəyi kimi, fsb, yaxud cia də ola bilər, çünki hər üçünün motivləri mövcuddur. hər halda istintaqı aparan şəxslər əldə olunan sübutlara görə daha dəqiq qərar verəcəkdir. lakin hadisənin kim tərəfindən törədilməsindən asılı olmadan dəqiq olan bir şey var ki, həm türk polisi, həm bə mit öz işini yerinə yetirəbilmir. düşünün ki 11 martda abş səfirliyi öz vətəndaşlarını internetdə xəbərdar edir ki, ankarada hökümət dairələrinə yaxın getməsinlər, amma türk istihbaratı terraktın qabağını ala bilmir.
türkiyədə hal-hazırda ciddi təhlükəsizlik problemi var və istənilən terror hadisəsi asanlıqla həyata keçirilə bilər. birincisi ona görə ki, ölkədə 2 milliondan çox nəzarətsiz kütlə var. ikincisi ona görə, küçələri və insanları tanıyan polis türkiyədə yoxdur. “parallel yapını” çökərtmə adı ilə, şübhəli görülən 20.000-dən çox polis ya işdən çıxarıldı ya da passiv vəzifələrə göndərildi, yerlərinə isə sözün həqiqi mənasında qeyri-peşəkar insanları siyasi motivlərlə yerləşdirdilər. polisin özünün kəşfiyat xidməti vardı amma 17-25 dekabr hadisələrində onlar da buraxıldı.
hökümət dərhal hadisə haqqında yayın yasağı gətirdi. əslində hadisə olub-bitəndən sonra belə bir qadağa absurd görsənir. əslində bununla hökümət insanların hadisə haqqında fikir yürütməsini istəmir, çünki hüquq-mühafizə orqanlarının ehmalkarlığı ortadadır.
hadisənin kimin tərəfindən törədilməsinə dair bunları yenə də qeyd edə bilərik. pkk burda əsas şübhəli olaraq görülə bilər, hər halda təhlükəsizlik kameraları, dna testləri ilə müəyyən ipucları tapmak mümkündür.
indiki mərhələdə də, təhlükəsizlik tədbirlərini gücləndirməkdən başqa çarə yoxdur. hökümət, güneydoğuda apardığı təmizləmə əməliyyatlarına davam etməli, lakin süriya məsələsində də əsadla danışığa getmənin zərurətini də anlamalıdır.