18. Əslində muğam ustaları biraz öz üslublarından çıxıb biraz qeyri-adi sintez ilə dünyanın diqqətini çəkə bilər. Əslində bunu sadəcə hələlik Alim Qasımov cəhd eləməyə çalışır.

Rock Azərbaycanda Sovet dönəmi gəlib və bu periodda Azərbaycanda 2-3 rock qrupu fəaliyyət göstərib. Eksperiment OK qrupu 1960-70 ci illərdə Azərbaycanda fəaliyyət göstərən ilk professional rock qrupudur. Qrup 8-ci sinifdə oxuyan yeniyetmələr tərəfindən qurulmuşdur. Qrupa qatılan Oktay Kazımov qrupun söz yazarıdır. Lakin daha sonra qrup üçün yazmış olduğu mahnıları Qaya Qrupu və Flora Kərimova satmağa başlayır.


Digər qruplardan biri Temur Nadir-in vokalı olduğu Coldünya qrupu qurulur. Qrupun ən böyük uğuru Sehrbaz mahnısı ilə BBC Radio-da "ən yaxşı xarici mahnılar" siyahısnda 2 həftə boyunca 7-ci pillədə qərarlaşmasıdır.


Əfsuslar olsun ki, bu illər boyunca tək albomları 2003-cü ildə çıxardıqları Oyanış olub.
Sovet dövründə yaranmış digər məşhur qrup isə Yuxu qrupu idi. Qrup Sumqayıtın simvolunu daşıyır və bu şəhərdə qurulmuşdur. 90-cı illərin ən məşhur rock qrupu olan Yuxu bu dövrlərdə 3 studio albomunu satışa çıxarmağı bacarmışdır. Naghdaliyev və Eyvazov-un Türkiyəyə köçməsi nəticəsində qrup dağılır və Eyvazov türkiyədə tatoo rəssamı kimi fəaliyyət göstərir. Naghdaliyev isə musiqi fəaliyyətini dəvam etdirir.


Qrupun digər üzvü Emin isə 2004-cü ildə Sirr qrupunu yaradır. 1966-cı ildə Eskulap və 1969-cu ildə Khurramids qurulur və Azərbaycanda rock musiqisinin formalaşmasına kömək edir. Eskulap Tibb Universieti, Khurramids isə iqtisad Universieti tələbələri tərəfindən yaradılmışdır. 70-ci illərdə Cahangir Qarayev Cürbəcür qrupunu qurur. Daha sonra Three Flames və Brevis qrupları qurulur. Əfsuslar olsun ki, bu qruplar haqqında heç bir məlumat yoxdur. O zamanlar rock-un vətəni olaraq ingiltərə göstərilir. Animals, Beatles , Led Zeppelin məşhur olduğu, mahnılarının dillər əzbəri olduğu dönəmlərdi.
Daha sonra Polad Bülbüloğlu-nun təşəbbüsü ilə Aşıqlar qrupu qurulur və qrup Rusiya , Monqolustan və Əfqanistanda konsertlər verir. Bu qrup rock musiqisini tamam başqa cür ifadə edərək daha soft versiya ilə izləyici ilə bölüşüblər.


Qrupun yaradıcısı Elxan Şıxəliyev bir gün konsertdən sonra qrupun adını belə açıqlayır :
“Biz əsasən özümüz yazıb, çalıb-oxuduğumuza görə qrupun adını da belə qoyduq. Aşıq o demək deyil ki, yalnız sazda çalmalıdır. Sözün əsl mənası odur ki, aşıq öz xalqının musiqisinə aşiqdir. Özü yazıb, çalıb-oxuyan hər musiqiçi aşıq ola bilər. Mən həmçinin Azərbaycan xalq mahnılarını elə aranjeman edirdim ki, xalq mahnısı öz stilini dəyişirdi, lakin şirinliyini itirmirdi. ilk vaxtlarda mahnılarımızı solo musiqi və caz-rok stilində yazmağa başladıq”.

1987-ci ildə digər rock qrupu Charley ATL qurulur. Qrup öz stilini yaradan ilk rock qrupu olaraq azərbaycan tarixinə keçib. Qrupun üzvlərindən biridə Vahid Mustafayev idi. Lakin qrup 1995 ci ildə fəaliyyətini dayandır və çoxlarımızın yaddaşında tar ilə etdikləri sintez ilə qaldılar.

Azərbaycanda Rock 2000-ci illərdə məşhurlaşmağa başlayıb. Rüstəm Məmmədov və Novruz ismayılov tərəfindən Unformal qrupu yaradılır. Qrup ilk başlarda hard-rock-a üstünlük verir və 2001-ci ildə Azərbaycan Rock Müsahibəsində qalib olur və Red Crescent Prize mükafatına layiq görülür. Daha sonra isə alternativ rock-a üstünlük verən qrup 2007-ci ildə Sonsuz yol adlı single mahnını bizimlə bölüşməyi bacarır və mahnı Azərbaycanla yanaşı Ukraniya, Rusiya və Türkiyə də böyük rəğbətlə qarşılanır və onların musiqi siyahılarına daxil olur.

Qrupun keçmiş üzvləri Samir Cavadzadə və Elnur Hüseynov 2008-ci ildə Eurovision-da ikinci yerə çıxmağı bacarmışdır. Qrupun daha sonrakı vokalı isə Dilara Kazımova olmuşdur. 2000-ci illərin ən yaxşı qrupu adlandırdığımız "Unformal" qrupu haqqında Amerikan radiosunda qısa bir söylənti Rock-un Azərabycanda nə səviyyədə olduğunu göstərmişdi. "Mən çox istərdim ki, Unformal qrupunun mahnısını sizinlə bölüşüm. Lakin mahnının yazılış keyfiyyəti çox aşağıdır.."

2014-cü ildə ölkədə Tuborg GreenFest keçirilir və bu ilədək ölkədə keçirilən ən böyük rock festivalı olur.

Rock qrupları əsasən Sumqayıt şəhərində daha çox qurulub. 5:59 rock qrupu 2011-ci ildə Sumqayıt şəhərində qurulmuş digər rock qruplarından biridir. Qrup hal-hazırda da fəaliyyətlərinə dəvam edir.
2013-cü ildə The Ranchers qrupu yaradılır və indiyə qədər müəyyən vaxt çərvisində öz fəaliyyətini dəvam etdirir. Qrup əsasən blues janrına üstünlük verir. 2008-ci ildə metal-rock qrupu kimi Silence Lies Fear yaradıldı. Digər metal qrupu olan Sumgzeit 2013-cü ildə fəaliyyətə başlayıb. Hal-hazırda fəaliyyət göstərən digər biri isə Milan rock qrupunun vokali və gitaristi Milan Məmmədov-dur. Təəssüf ki, bu qrupların ciddi bir uğuru yoxdur.