121. heç səni dünənlərdə belə sevmədim
sən dünənindən daha gözəlsən
saçların bir başqa olmuş, gözlərin bir başqa
bu gün dünənindən də mənə özəlsən
baxışların, təbəssümün ayaqları alır yerdən
olar mı bir sirrini açım ?
mələklərin arasından,
cənnətin bağçasından,
gözəlliyin aynasından endin göydən.
qəlbimdə yaşa,
düşünmə ki, ağırlıqdır mənim üçün.
qəlbimiz olmasa qoşa,
ağırlaşar mənim üçün.
nə gözəldir xəyalları birgə qurmaq.
nə gözəldir puç olsa da
arzulardan xeyir ummaq.
birgə quraq
-misal üçün bir söz tutaq:
ən kiçik xəyalımız
pəncərəsi çox olan,
bağçası da gül çiçəklə bol olan bir ev quraq.
divarları fərqli rənglərlə boyayaq
çalarları göz oxşasın.
gəl səninlə bir söz tutaq
əsla tərk etməməyə.
bir söz tutaq üşümədən yaşamağa,
küsən an barışmağa.
misal üçün,
misal üçün kədər bir gün gəlsə qonaq
təbəssümlə onu yoraq.
səhv ünvanda olduğunu anlasın,
ondan belə qapımızı çalmasın.