53. deməli,
əvvəlcə onu bilin ki, testin nəticəsi 80% sizdən asılıdır, müəllimlərə sizə istiqamətləndirməkdən başqa yük düşmür. gündəlik azı 3-4 saatınızı bu işə sərf etməyə çalışın. bu, bir practice test əlavə bir neçə saat əlavə performansı yaxşılaşdıra biləcək hər hansı bir "activity" ola bilər. bölmələr üzrə getsək:
listening:
listening bölməsində bir müsbət cəhət var ki, elə güclü söz bazası tələb etmir, yəni pre-intermediate səviyyəsindən başlasanız, uzağı 2-3 aya listening-də işlədilən əksər sözü öyrənmiş ola bilərsiniz. qulağınızı ingilis aksentinə alışdırmaq üçün internetdə sıxılmadan izləyə/dinləyə biləcəyiniz materiallar tapın və tez-tez dinləyin. (misal: tedx, əcnəbi yotuberlər)
reading:
burada söz bazanız həll edici rol oynayır. xüsusi terminlər istesna olmaqla mütəmadi olaraq bütün reading tapşırıqlarındakı sözləri öyrənməyə çalışın. bundan başqa sürətli oxu vərdişlərinizi artırmaq və "gözünüzü alışdırmaq" üçün normalda maraq sahəniz, ehtiyacınızla əlaqədər türk və rus dillərində oxuduğunuz məqalələri artıq ingiliscə oxumağa çalışın. bir çox müəllimlər, bloqqerlər reading performansınızı artırıb, sizə vaxt qazandıra biləcək xüsusi hiylələr, taktikalar haqda yazır, ancaq şəxsən məncə, bu cür variantlar balınızı uzağı 1-2 sual qaldıra bilər. ona görə də, işi riskə atmadan söz bazanızı artırın.
writing:
bəli, ən çətinidir, çünki qərar subyektiv verilir. məhz buna görə də bəzi tələbələr ielts-i xaricdə verir. ancaq mümkünsüz də deyil yüksək bal almaq. mənim üçün writing-də ən çox yardımçı olan nümunəvi esselər oxumaq və oradakı frazaları, cümlə strukturlarını öz esselərimə tətbiq etmək oldu. bir də ki, özünüzü imtahana hazırlamaq üçün bu esseləri arada fasilə vermədən və ümumi1 saat vaxt qoyaraq yazın.
speaking:
çox sadə. qarşınıza nümunəvi sualları qoyub saatlarla danışın. hər cür mövzu üçün (məs: təbiət, şəhərlər, təhsil) kifayət qədər "advanced" söz bazanızın olmasına önəm verin.