13. hər-hansı bir xalq hərəkatı və ya çevriliş olmadığı müddətcə azərbaycan'da siyasi rejim dəyişikliyi gözləmək sadəlövhlük olar. demək olar ki iqtidara gəldiyi gündən bütün seçkiləri saxtalaşdıran bir hakimiyyətdən söhbət gedirsə, onun 2018'də demokratik seçki keçirəcəyinə inanmaq mümkünsüzdür. hərhalda konstitusiyaya absürd dəyişiklikləri ehtiva edən 2016 sentyabr referendumu'nda 90% "hə" çıxması bunu sübut edir.
yeganə dəyişiklik *ilham əliyev*'in yerini *mehriban əliyeva*'ya buraxması olar ki, bu da ölkə üçün yaxşı heç nə vəd etmir. və bu dəyişiklik olsa belə ilham əliyev'in mehriban əliyeva'nın idarəçiliyinə təsir edə biləcəyini görmək də çətin deyil. ancaq bunu da qeyd etmək lazımdır ki, mehriban əliyeva, prezident postuna gəlməsindən sonra ilham əliyev'ə etimad edəcəkmi yoxsa ilham əliyev'i hakimiyyətdən kənarlaşdırıb, "paşayevlər" diktaturasınımı quracaq, bunun özü də naməlumdur. digər tərəfdən ilham əliyev yenidən özünün seçilməsini də təmin edə bilər amma 4'cü müddətə, və bu dəfə hətta 7 illiyə bu posta gəlməsi dünya tərəfindən xoş qarşılanmaya bilər, absürd görünər. eləcə də ilham əliyev yenidən seçilib, xalqın milyardlarını qonşu dövlətlərə, *aşpa*'ya və eləcə də digər nüfuzlu təşkilatlara "tökərək" özünün 4'cü prezidentliyini təmin edə də bilər.
qəti fikir bildirmək çətindir, ancaq ilham əliyev çətin bir sınaq qarşısındadır: ya "sevimli" həyat yoldaşına 7 illiyinə güvənməlidir, ya da riskə gedib qarşısında nüfuzunu itirdiyi beynəlxalq aləmə özünü 4'cü prezident kimi qəbul etdirməlidir. 3'cü bir yol da var ki, reallaşma ehtimalı 0.01%'dən də belə aşağıdır, o da ilham əliyev'in demokratik seçkiyə izin verərək, hakimiyyətdən uzaqlaşmasıdır ki, 3 dəfə prezident postunu "udan", referendum keçirib, müddətini 7 ilə çıxarmağa çalışan birisi heç vaxt dinc yolla hakimiyyətdən getməz.