16. Getdikcə düşən təhsildir. Yəni səviyyə onsuz aşağı idi, indi ümumiyyətlə yerlərdə gəzir. Üstdəki entry-ləri birbəbir oxumuşdum vaxtında. Bunu deyə bilərəm ki, Müdafiə edənlər də, əleyhinə çıxanlar da haqsızdırlar.

Belə götürək, rus dili azərbaycanda lazımsızdır demək absürd fikirdir. Çar rusiyasından tutmuş arada bir iki illik fasilə ilə 1991-ci ilə kimi rəsmi sürətdə ölkə müstəmləkə olub. Rus dili, xristianlıq, ruslaşdırma seçimlərindən bu torpaqlarda dərin kök salan rus dili oldu. Nə qazaxıstan kimi ruslaşdıq, nə də digər orta asiya ölkələri kimi müsəlman əhalinin əridilməsi baş tutmadı. Amma bu zəhrimara qalmış dil ölkədə bərkidi. Yüzillər keçər, yenə də dilin adı buradan silinməz. Haqlı olaraq da, ölkədəki iş yeri sahibləri rus dilini tələb edirlər. iri şirkətləri çıxmaq şərti ilə yerdə qalan sahələrdə işçinin gündəlik olaraq bir rusla danışma ehtimalı bir ingilislə olan ehtimaldan daha çoxdur. Mağazalarda bakonu rus babuşkalar gəlib soruşacaq, ingilis emma xala, con əmi yox.

Digər tərəfdə olanlar da özlərini görə yanlış düşünür. Ölkədə açılan fransız liseyləri, ingilis dilli məktəbləri dövlət maliyələşdirmir. Amma rus bölmələrini birbaşa dövlət maliyəşləşdirir. Ora keçirilən imtahanlarda bu il keçə bilməyən uşaq növbəti il də yenidən iştirak edə bilər. Niyə? Sırg valideyn öz eqosunu ödəyə bilsin deyə. Millət olaraq rus olmayan biri bu ölkədə daimi yaşayırsa, azərbaycan dilini bilməlidir. Bilmirsə, bu onun günahıdır. Yox, bilirsə, o yaşda uşağı sırf rus bölməsində oxusun deyə dil öyrətməyə yormaz. Bu günün russektot şagirdləri bir zibil də bilmirlər. Uşağı hər iki dildən məhrum etmək ən böyük yanlışdır.

Belə də ki, rus bölməsinin dərs proqramı azərbaycan bölməsinin tərcümə olunmuş formasıdır. Yəni azsektorda təhsil pisdirsə, digərində də pisdir, təməlləri eyni qoyulub çünki. Aradakı fərq dərsin tədris olunma şəkli ola bilər ki, mən oxuduğum müddətdə ibtidaidən sona qədər kurikulumla, müasir standartlarla yetişmiş russektor müəllimi görmədim. Deməli aradakı fərq bu bölmənin müəllimlərinin köhnə üsulda dərs keçməsi ilə əlaqədardır.