44. azərbaycanda feminizm anlayışı digər bütün anlayışlar kimi təhrif olunub. feminizmin əsasını qadın-kişi bərabərliyi tutur. patriarxal cəmiyyətlərdə qadınlar kişilərə nəzərən bir neçə addım geridə olduqları üçün feminizm hərəkatı altında qadınlar kişilərlə bərabərləşmək istəyirlər. bura kimi hər şey gözəl, hər şey çox pakizə.

di gəl bu bərabərləşməni qəbul etdirəə bilməyən cib feministləri cəmiyyətə daha yad olan düşüncələri dirəyirlər. məsələn, bu gün bakıda, ya da bölgələrdə axşam saat 10-dan sonra, hətta bir az qaranlıq düşəndən sonra qadınlar küçələrdən yığışırlar. buna səbəb kimdir - cəmiyyət. cəmiyyət deyəndə qadınlı-kişili hər kəsi nəzərdə tuturam, çünki qadının ən böyük düşməni elə həmcinsidir. nəysə, deməli qadınlar axşam zənn altında qalmadan kişilər kimi gəzmək istəyirlər, amma bacarmırlar. feministlər əvvəlcə bu problemi həll etməlidirlər. fəqət etmirlər. etmədikləri kimi də yeni problemi gündəmə gətirirlər və alışdırma etmədən bu axıma qarşı insanları hürküdürlər. sonra da ay feministlərə ilişirsiz, ay bizi qəbul etmirlər filan.

azərbaycanda feminizm 8 marş yürüşündə özünü biruzə etdi. əvvəl də yazmışdım, yenə təkrarlayıram. o yürüşdə "vaginasını istəyənə verən"lər cəmiyyəti hürkütdülər. elina ilə bağlı poster heç yayılmadı məsələn, halbuki mobbinq məktəblərin və bütün toplumun ən böyük bəlasıdır. buna çarə tapmadan gedib ən düşük formada özlərini təqdim etdilər. nəticəsi də ortadadır.

sonda deyim ki, azərbaycanda söyüş söyərək, siqaret çəkib içki içərək cool sayılan təbəqə fərqli görünmək üçün özünü feminist adlandırır və özünə sərf edəni feminizm adı altında yayır. bədbəxtlik ondadır ki, ölkəni irəli aparmağa kömək edəcək addımların icrası da elə bu cür aparılır. individual olaraq daha çox təzyiq göstərmək, irəli getmək olur, nəinki birlik kimi.

ehh, nəyi qoyub, nəyi çürüdürəm. ölkənin aydın təbəqəsi kimi qələmə verilən ictimai sektoru qrant uğrunda bir-birini cıranda heç nəyin mənası qalmır.