164. 6-7 yaşım olardı, deyəsən. O zamanın kompyüterlərini bilənlər bilər, - söhbət 2000-ci ilin başından gedir, - Əsasən, ağ rəngli, balaca ekran, böyük gövdəli bir monitor idi. Bir də yanında böyük olan, qurğusu isə kiçik olan "case". Hər kəs də *gta 3*dən danışır, Təzə çıxıb, 2000-ci ilin möhtəşəm oyunu idi. Artıq tps modu, heyrətamiz açıqdünyası valeh edərcəsinə idi. Təbii ki, buna yiyələnmək mənim üçün o vaxtın imkanları səbəbilə mümkün deyildi. Atam isə internet kafedə bunu oynamağıma icazə verməzdi. Mən də qonşunun oğlu oynadıqda oyuna baxmışdım və ağlımın hər küncünə qazıyıb, evdə dəftərə çəkmişdim. Bir vərəqdən klaviatura, birindən maus (siçan şəklin çəkdiyim daha real olsun deyə, taxtaya keçirtdiyimi xatırlayıram) düzəldib, özüm üçün oynayırdım. Zamanla uşaqlıqda edə bilmədiyin, gördüyün oyuncağı sənə almamaları çox toxunur. Hər zaman keçmişdən bir əskik parça hiss edirsən, doldurulmayan...