Bu mahnının müşayiəti ilə adətən ortaya tort gətirilir və alqışlarla kəsilir. Daha doğrusu, kəsməyə məcbur edilir. Adətən tortu kəsən adamın əlindən kimsə tutur, çünki həmin vaxt ya utanır, ya da tortu kəsməyə hövsələsi yoxdur. Ya bu atəşfəşanlığın bitməsini və bir an öncə sevgilisinin mesajına cavab yazmağı gözləyir, ya da ki işin pul qisminin gözləntisindədir.
Adətən, hər qohum-əqrəbada texnologiyadan anlayan bir "Z" nəslinə mənsub yeniyetmə olur və telefonu ona verərək tortun kəsilmə anında olan bütün mövcud kadrları qeyd etməsi üçün ona müxtəlif növ şəkillər və videolar çəkdirərək mənəvi təcavüz edirlər. Tort şamı üflənilir və niyyət tutulur. Həmin gün hamı sənə yaxşı davranır, sabahdan fərqli olaraq. Sabah isə köhnə hamam köhnə tas. Sabah "oxşamısan da dədən tərəfə" cümləsini eşidəndə dünənki "anasının fəxri, necə mənə oxşayır" deyən anana "noooldu paşinyan, mədh edirdin bəs" demək istəyirsən.
işin ən axmaq tərəfi, edilən təbriklərdir. Bir də bunu edən yaşlı nəslin nümayəndəsidirsə. Sənə 100 il xoşbəxtlik arzulayırlar. Ordan hansısa qohumun çıxıb "O gün olsun gələn il bu vaxt adgününü öz arvadınla..." cümləsini işlədəndə, bir ara fame olan həmin o qaqaşın "bəsdi dəəə.. gərəy soxasan bu arvad söhbə.." demək istəyirsən. Deyə bilmirsən, təbii..
Nəysə, bugün adgünü olan hamını təbrik edirəm.. Bura da Mirinin mahnısını qoyuram, bəlkə kimsə dinləyər..
(youtube: 
)
)