265. yalan deyil, qeybət deyil
qonşumuzda bir kişi var.
kişiləri qadın kimi
mat eyləyən vərdişi var.

ədasıyla, işvəsiylə
görənləri usandırır.
söhbətiylə, gülüşüylə
yeri, göyü o yandırır.

kişi kimi kişi deyil,
qaşı, gözü sürməlidi.
dili əzvay mürəbbəsi
naz-qəmzəsi gülməlidi.

beləsinə nə ad verim?
bir söz tapmır deyə dilim
nə şalvara yamaqdır o,
nə tumana balaqdır o

"beləsinə nə deyim", 1980-ci il.