156. 17 noyabr günü səni tanımağımın bir ili tamam olacaq artıq. dostum əmraha görə danışmağa başlamışdıq biz, onu yuxunda görmüşdün deyə. elə o gündən bu günə, deyəsən, həyatımda olan istənilən qadın sənin boşluğunu doldurmaq funksiyasını yerinə yetirib. heç kəsə uyğunlaşdıra bilmirəm özümü, səni gözümdə mükəmməlləşdirməmişdim, sadəcə, sən həqiqətən mükəmməlsən, sən sevilməyə layiq, Sevgiyə layiqsən.

hər dəfə sənə yaxın olmaq istədikcə sən məni əlinlə itələdin həyatından, hər dəfəsində mənə üz çevirdin, qürurumu sındırdın, yanında olmaq istəsəm də yanımda yox, qarşımda ol dedin, düşmən mövqeyi bəsləməyə sən məcbur etdin. sənin üçün darıxdığım qədər dünyasın ı dəyişən insanlar üçün belə darıxmamışdım mən, bilmirsən bunları, sənə görə nə boyda işimi atdığımı, səni hazırda belə qorumaq üçün canımı belə verə biləcəyimi bilmirsən, sənə olan aqressiyamın, kinimin səbəbinin sənə olan sevgim olduğunu bilmirsən, haqqımda olanları bilsən də, ən yaxşı bilən sən olsan da, sənə olan sevgimi öldürsən də bilə bilməzsən. hər yerdə sənə aid nəsə var bu şəhərdə, onu da bilməzsən, ilk görüş yerimiz (onsuz da ilk və son görüş oldu), yaşadığın ərazi, universitet oxuduğun ərazi, bunların mənim üçün necə bir məna ifadə etdiyini bilmirsən, iş yerim sənin evinə də yaxındır hazırda.

qorxuram səndən. mənə etdiyin təsirlərin heç birini bilmirsən. məsələ orasındadır ki, mənim sevgimi qəbul etmək istəmirsən, mən axı niyə o hisləri hələ də sənə ötürmək istəyirəm, sən niyə hələ də bunları bilə-bilə susursan? niyə mənim bağrıma od qoyursan? ürək xəstəliyim həyəcandan yaranıb, sənə görə əsəbiləşirdim çox, ondan sonra oldu bunlar, heç bilirsən? ya da hazırda nəfəsimin daralmasının ən böyük səbəbkarı sənin qaldığın yerdə çəkdiyim paçkalarla siqaretlərdir, bunu bilirsən? bilmirsən. heç birini nə duyursan, nə görürüsən. sanki, korsan, gözlərin tutulub. həyatın qanunudur sanki, səni sevənə, səni dəli kimi sevənə, sənə aşiq olana cavab verməmək. hər gün gün boyu işdə, dərsdə oluram deyə çox xatırlamıram səni, yadıma düşəcək vaxt olmur. bir o yerimin içinə girəndə, bir də sənə aid yerləri görəndə mənim yaşadığım ürək sancılanmasını qəti surətdə bilə bilməzsən. ürəyim partlayır mənim. mənim ürəyim səni istəyir. elə istəyir ki, sən bunu təsəvvür belə edə bilməzsən. bəlkə də, bu yazını görəcəksən, ya da yox, bilmirəm. 2023-cü ildən aramızda çoooox böyük məsafələr də olacaq. polşaya gedəcəm, təhsilimi orada davam etdirəcəm. sənin xatirələrin olan bu şəhərdə artıq yaşamaq mənə çətinləşməyə başlayır, kaş ki, heç həyatıma girib mənim xəstəliklərimə səbəb olmazdın.

son danışığımızda sənə kəskin danışdım, haqqımı halal etməyəcəyimi dedim. sən əmin ol ki, sənin ətrafında heç kəs səni sevə bilməz bu qədər, mənim sənin üstündə haqqım əsla yoxdur, bəlkə də, bu yazını görsən, ürəkdən güləcəksən ki, "hahahaha, nə yaxşı olub", amma bil ki, yaxşı olmadı, əzizim. sadəcə mənim daha böyümüş bioloji yaşımı bir az da böyütdün, tək xeyrin bu oldu. hamı sevgi mövzusunda məndən məsləhət alıb uğurlu münasibət qurur ki, it kimi sevdiyin biri olub, alındırmamısan bunu.

yazarkən əllərimin buz bağladığının fərqinə vardım. əzizim, onu yadında saxla ki, mən 35, 40 yaşında olsam belə, beynimin hansısa küncündə yaşayacaqsan sən, səni öldürə bilmərəm, ümid edirəm səndən də əlavə qardaşım da məni əfv edər ki, ona bu qədər dəyər verən, onu bu qədər sevən birini çox pis sözlər deyərək üzmüşəm. səndən isə əfv istəmirəm, dikbaşlığımdan.

ümid edirəm ki, ən yaxın zamanda rastlaşarıq. gözlərin üçün çox pis darıxmışam mən. bir də atdığın səslər üçün. ilk dəfə atdığın səs belə telefonumdadır. snap atanda deyirdin e, niyə skrin aldın? çünki, baxırdım... özü də həmişə. bir şəklin də yoxdur ki, oturum baxım. heyif.

mən səni çox sevirəm, amma sən yox. bu, belə də olacaq. nə vaxtsa zülmətimi qaranlıq edərsən. indi işdəyəm, komfortum yerindədi, amma ağlıma sən gəldin yenə. gedim işimi davam etdirim, bir mahnı da tullayım bura.



ümid edirəm ki, sənə çatar. ümid edirəm. musiqini də dinləyərsən. ümid edirəm yolun bura düşər.

bir də ki, sənin qəlbini qırmağım üçün tək səbəb dəqiqədəbir mənə "birini bəyəndim" deməyin idi. halbuki səni sevdiyimi də çox gözəl bilirdin.