86. qarşınıza ciddi bir səbəb qoysanız o qədər də çətin olmayan hadisə. klişe səslənsə belə, çox adamda siqaret fiziki asılılıqdan daha çox psixoloji asılılıq yaradır.

fiziki asılılığın qarşısını almaq üçün sayı tədricən azaldaraq tərgitmək və ya nikotin tərkibli başqa vasitələrdən istifadə etmək kifayətdir. nikotin tərkibli saqqızlar var məsələn. bir çox aptekdə tapa bilərsiniz.

psixoloji asılılığı dəf etmək isə biraz şəxsin öz iradəsindən asılıdr. amma istənilən halda siqaret çəkdiyiniz müddəti mütləq başqa bir şeylə doldurmalısınız. yoxsa hər boş qalanda "gedim bir siqaret çəkim" düşüncəsi rahat qoymayacaq. bir ehtimal hər siqaret çəkmək istəyəndə meyvə yeyə bilərsiniz.

həmçinin siqareti tərgitmə vaxtının da böyük əhəmiyəti var zənnimcə. ağır iş rejimi ilə birlikdə siqareti tərgitmək heç də asan deyil. tətil vaxtı və ya daha az stressə məruz qalınan bir vaxt ərzində tərgitməyi seçmək daha məntiqlidir.

siqareti tərgitməyə çalışdığınız müddət ərzində içki də içməsəniz yaxşı olar. nəzərə alın ki, içki siqaret çəkmək üçün olan ən güclü triqqerlərdən biridir.

çoxları deyir idman edin və.s amma mən buna qatılmıram. mümkün qədər gündəlik rejiminizi dəyişməyin. siqareti tərgidəndə bədən zatən əzab çəkir. bir də beyini idman, səhər yuxudan tez durmaq, tam sağlam qidalanmaq kimi başqa şeylərlə yükləməyin. Bunu uzun müddət sürdürmək mümkün deyil.

siqareti tərgitmək üçün sadəcə reseptlə satılan xüsusi dərman maddələri də var. həmin dərmanlar nikotin reseprorlarına təsir edərək siqaretə olan istəyi azaldır, eyni zamanda siqareti tərgitdikdən sonra yaranan başağrısı, yorğunluq, ürəkbulanma kimi simptomların qarşısını alır.* withdrawal symptoms dərman terapiyası adətən yüksək asılılıq olan şəxslərə tətbiq olunur. aşağıdakı əlamətlər sizdə varsa siz də yüksək asılı hesab olunursunuz və həkim yardımı almadan tərgitməyiniz daha çətin ola bilər.
-Gündə 1 paketdən çox siqaret çəkmək
-oyanandan sonra 5 dəqiqə ərzində çəkmək
-Xəstə olanda da siqaret çəkmək
-Gecələr siqaret çəkmək üçün oyanmaq

Başlığı açdım və illər əvvəl yazdığım entrynin hələ də qaldığını görürəm. Paylaşım bəzilərinə faydalı olar bəlkə