103. yalandan xoşbəxtlik satan və insanları olduğu kimi deyil, olmaq istədiyi kimi göstərən bir dünya. çox az istisna xaric, əksəriyyət istifadəçi ortalama bir həyat yaşayır, daha doğrusu sıradan bir şey. amma və lakin instaqram onları dünyanın ən xoşbəxt, ən qayğısız, daim üzü güllər açan, problemsiz insanları kimi təqdim edir. yəni, əslində insanlar şüuraltı olaraq qovulduqları " cənnət"i geri istəyirlər, amma reallıq başqadır.

dünyaca özünü tanıtmış brend markaları, insanları anlamaq əslində elə də çətin deyil. onlar real həyatda da elə belədirlər, yəni budu(lar). instagram və ya digital dünya sadəcə onların həyatının davamı kimidir. amma geriyə qalan kütlə bəs? yox, əlbəttə ki.

bir dəfə baseldə airbnb-də bir otaqda qaldım, qızın otağının şəkilləri, öz profili instada dəhşətül-vəhşət bir şey: baxanda deyirsən ki, vse da, bu pula bu otaq dəyər. getdim, gördüm, nə? otaq başdan ayağa qızın saçları, qadın da bütün günü körpə qızı ilə söz-söhbətdədir. və ya çölə super xoşbəxt cütlük kimi görsənib, əslində dm-də başqaları ilə yazışanlar. onlar da, başqa bir aləm, başqa bir macəradırlar.

bir də bunun üzərinə Influencer anlayışı var. yəni, insan, nə qədər öz həyatının və düşüncələrinin ipini buraxmalıdır ki, başqa biri(ləri) sənin üçün nəyin yaxşı, nəyin pis olduğunu desin. hələ, hələ bu kişilər üçün geyim, motivasiya, qadın tutma, qadınlar üçün də kosmetika və gözəllik adına nə varsa. həyatım boyu kiminsə məsləhəti ilə nəsə almamışam və geyinməmişəm. hələ bunun üstünə həmişə başqalarından dəfələrlə eşitdiyim olub ki " çox şık görsənirsən", " ətir superdi, markası nədi?" yəni, insanın özünə nəyin yaraşıb, nəyin yaraşmayacağını ondan yaxşı kim bilə bilər ki?
və bir də bikini "seksiyası" var. eyni iç paltarı ilə çimərlikdə, evdə, münasib istənilən yerdə qadına/qıza yaxınlaşsan, səni cinsi şiddətdən ( aşka-kuşko tayfanın dili ilə: taciz) məhkəmələrə qədərə süründürər, amma de gəl ki instada fəlsəfi məzmunlu, yeni alınan ev əşyası təqdimatı üçün calvin klein dəsti şərtdir.
Monika post paylaşdı: əlində maşın açarı " həyat bizə istədiyimizi həmişə verir, yetər ki biz onu doğru zamanda istəyə bilək (dua smayliki, gülücük),#happy#newcar" burdakı həyat da monikanın sugar daddy-sidir.