voyager golden record - #78177 Sözaltı Sözlük

voyager golden record

r
facebook twitter əjdaha lazımdı - izlə - Googlla

  1. 1977-ci ildə fəzaya buraxılan voyager 1voyager 2 kosmik zondlarının gövdəsinə bərkidilən, şəkil və audio materiallardan ibarət məlumat daşıyan qızıl plastinkalardır. insanlığın elmi nailiyyətləri, yaşayış tərzləri, hissləri, yer kürəsinin coğrafiyası, geoloji bilgilər, günəş sistemindəki, süd yolu qalaktikasındakı yerimiz və başqa şeylər haqqında ötəri bilgi verəcək 155 şəkil, ardınca yer kürəsində yaşayan, yaşamış olan 55 dildə salamlama, bmt-nin baş katibi kurt waldheim-ın audio məktubu və o dövrün amerikan prezidenti Jimmy Carterin yazılı məktubu plastinkalarda yer almışdır. həmçinin insanlığın musiqi mədəniyyətini təqdim edəcək 27 musiqi parçasından ibarət, 90 dəqiqəlik bir audio material da plastinkada yer alıb. onların arasında azərbaycanın da öz töhvəsi var:
    (youtube: )

    bu hadisə bir çox vətənşüvənin orgazmına səbəb olmuşdur, bu barədə yazardım, amma kefimi pozmaq istəmirəm. bundan başqa müxtəlif səslər yerləşdirilib. məsələn: ildırım, vulkan püskürməsi, müxtəlif heyvan səsləri və bənzər şeylər.
    plastinkalar qızıl suyuna çəkilmiş misdən hazırlanmışdır və 500 milyon il istifadəyə yararlı olacağı düşünülmüşdür. bu qəribə proyektin məqsədi nə vaxtsa yad planetlilərin əlinə keçəcəyinə ümid edilən bu qızıl plastinkaların yer kürəsi, insanlıq haqqında məlumat verməsi olub. 500 milyon il belə ümidlənmə üçün kifayət etməsə də, insanlıq üçün böyük zaman dilimidir. o vaxta qədər özümüz yad planetlilər ilə əlaqəyə keçə bilərik, ya da nəslimiz kəsilə bilər. amma ümid edilir ki, biz məhv olduqdan sonra olsa belə yad planetlilər plastinkaları tapıb, bir vaxtlar belə bir sivilizasiya yaşayıb-yaradıb * deyəcəklər. Plastinkaların qapağında * onları necə oxutmaq lazım olduğu və səyahətə başladıqları yerin * "koordinatları" simvolik bir dillə başa salınıb. yad planetlilərdən nə vaxtsa feedback almaq ümidi ilə. qapaqlar alüminiumdan hazırlanıb və radioaktiv uran izotopu ilə örtülüb. ümid edilir ki, yad planetlilər bu radioaktiv izotopların parçalanma yarım periodundan plastinkaların yaşını təyin edə biləcəklər. plastinkalar carl sagan reyizin komandası tərəfindən hazırlanıb.
    voyager 1 1990-cı ildə plutonun orbitini keçmiş, 2004-cü ilin noyabr-ında günəş küləyinin təsirinin itdiyi məsafəyə çatmışdır. Nasanın 12 sentyabr 2013-cü ildə verdiyi açıqlamaya görə voyager 1, günəş sistemini tərk etmişdir, artıq ulduzlar arası fəzada irəliləyir. 2012-ci ilin mart ayında verilən məlumata görə voyager 1, günəşdən 17,9 milyard km məsafədə, təxminən 61000 km/saat sürətlə hərəkət edir. voyager 2 isə bu vaxtı günəşdən 14,7 milyard km məsafədə 56000 km/saat sürətlə hərəkət edir. 40000 il sonra voyager 1 gliesse 445 ulduzuna, voyager 2 isə ross 248 ulduzuna yaxınlaçacaq. voyager 1-in gövdəsində olan 11 cihazdan 5-i hələ də funksionaldır və yerə məlumat ötürməkdə davam edir. hesablamalara görə 2025-ci ildən sonra cihazları işlədə biləcək enerji olmayacaq. *
    bmt-nin baş katibinin və amerikan prezidentinin sözləri də bir başqa önəmlidir:
    "As the Secretary General of the United Nations, an organisation of 147 member states who represent almost all of the human inhabitants of the planet Earth I send greetings on behalf of the people of our planet. We step out of our solar system into the universe seeking only peace and friendship, to teach if we are called upon, to be taught if we are fortunate. We know full well that our planet and all its inhabitants are but a small part of the immense universe that surrounds us and it is with humility and hope that we take this step."
    Kurt Waldheim

    "This Voyager spacecraft was constructed by the United States of America. We are a community of 240 million human beings among the more than 4 billion who inhabit the planet Earth. We human beings are still divided into nation states, but these states are rapidly becoming a single global civilization.

    We cast this message into the cosmos. It is likely to survive a billion years into our future, when our civilization is profoundly altered and the surface of the Earth may be vastly changed. Of the 200 billion stars in the Milky Way galaxy, some--perhaps many--may have inhabited planets and spacefaring civilizations. If one such civilization intercepts Voyager and can understand these recorded contents, here is our message:

    This is a present from a small distant world, a token of our sounds, our science, our images, our music, our thoughts, and our feelings. We are attempting to survive our time so we may live into yours. We hope someday, having solved the problems we face, to join a community of galactic civilizations. This record represents our hope and our determination, and our good will in a vast and awesome universe."
    Jimmy Carter, 16 iyun 1977
    bu proyekt haqqında düşünəndə adamın içi qəribə fərəhlə dolur. vətənpərvərlik hissinə oxşayır. o ki, tarı eşidəndə, dolma yeyəndə, yığmamız almaniyaya məşhur "ev tapşırığından" qol vuranda keçirdiyimiz sevinc hissi var ee bax onun kimi. amma bu daha böyükdür. yerləşdirilən şəkillərə baxdıqda, musiqiləri dinlədikdə içindən "biz buyuq" deyirsən, özünlə fəxr edirsən. hələ hər iki məktubun mətnindəki ifadələr daha da təsirləndirir adamı. "günəş sistemindən çıxıb, sülh və dostluq axtarışı ilə fəzaya yollanmışıq. bizə yönələnlərə öyrətməyə, bəxtimiz gətirdikdə isə öyrənməyə..." ən təsirlisi isə bilirsiz nədi? ümid! bizim on illərdən bəri göndərdiyimiz radiosiqnalları tutmayan bu yad planetlilərin bir gün təsadüfən bu kiçik kosmik zondu tutacağına ümid etmək. ehtimalın nə qədər az olduğunu özünüz təsəvvür edirsiniz. amma o xırda ümid qığılcımı insanlığı çılğınlıqlar eləməyə vadar etdi. bax budur məni fərəhləndirən. dünyamız bu gün hər cürə qəhbəliyin, oğraşlığın yuvasıdır, ancaq eyni varlıqların ən xırda ümidlə ağlasığmaz dəliliklərini görəndə, adam istər-istəməz xoş günə ümid eləməyə başlayır. ümid edirəm voyagerin qızıl plastinkasını tapan, oxudan yad planetlilər, insanlığın xırda ümidlərlə nələrə qadir olduğunun fərqinə vararlar, əslində saf olduğumuzu, zərərsiz olduğumuzu, ya da ən azından belə bir tərəfimizin də olduğunu anlayarlar.
  2. qatiq qaradi blet, 18.11.2013 02:57









məsləhətxanadan son duyurular:

başlıq içində axtar:



son səs verilmiş entrylər

2 gündür bəzi bədbəxt yazarcıqlar tərəfindən linç ...
tanim: menasiz sohbet. derdivizi sikim ala insan o...
(bax: apofeoz) ilahiləşdirmə. ölümlü varlığ...
Theo Angelopoulos trilogiyasının ilk filmidir. Fil...
tanim: menasiz sohbet. derdivizi sikim ala insan o...
Theo Angelopoulos trilogiyasının ilk filmidir. Fil...
sabah kamaz da sürər...