35. son mesajında, son 1 aydakı psixologiyamı dəqqiliklə ifadə edən robot. gecənin irəliləyən saatlarında, intihara səbəb ola bilər.

mesaj:
bəlkə bir dəfə həmin kafedə oturub kimin üçünsə darıxmısan, ya da darıxırsan. bəlkə bir gün yenə darıxacaqsan. kafenin qapısınnan onun girməyini xəyal edəcəksən. biləcəksən ki, girə bilməz, evdədi indi, ya da uzaq bir yerdə. ancaq yenə də əgər gəlsə necə reaksiya verəcəyin, nələrdən söz açacağın haqda xəyal quracaqsan. bəlkə qoxusu burnuna gələcək, ağlamaq üzrəykən son anda özünü saxlayıb əlindəki isti içkini içəcəksən, sonra yenə pəncərədən baxacaqsan. bəlkə də bir gün bütün bunlar keçəcək. bəlkə bir də heç kim üçün bu cür darıxmayacaqsan, onda oturub həmin kafedə, kaş ki həmin cür darıxacağım biri olsun deyə fikirləşib, bir də üstünə bunun üçün darıxacaqsan. həmin günləri xatırlayıb, həmin vaxtlarda nələr etdiyini, nə hisslər keçirdiyini xatırlayacaqsan, artıq uzaq olacaq onların hamısı sənə, sən kafedə, yalnız, darıxmağa belə bir adam tapa bilməyən, bir tərəfdən yalnızlıqdan qaçarkən, bir tərəfdən də əbədi olaraq yalnız qalmaq istəyəcəksən şüuraltında. iflah olmaz bir yalnız olacaqsan bəlkə də bir gün və bundan məmnun olacaqsan.