əjdaha lazımdı
izlə
dostlar
mən
googlla
vaqif səmədoğlu
-
öyrənildiyində təəccübləndirən məlumatlar
-
qazaxdan qız çıxmaz səlyandan kişi
-
uşaqlıqda oxunan kitablar
-
yusif səmədoğlu
-
osman sarıvəlli
-
azərbaycan ssr-in himni
-
1 mart 2016 rus dilində kino təqdimatına etiraz
-
azərbaycan
başlıqdakı ən bəyənilən yazılar:
+28 əjdaha
15. nifrət etdiyim şair. səbəbi əlbəttə klassik səbəblər deyil. əsl kommunistdir nədir , lap əla . bu adama nifrətimin tək səbəbi vaqif dramıdır . bu qədər iyrənc bir əsər ola bilməz. xüsusən , türklər demiş ağa məhəmməd şah qacara bel altı vurmuş onu bugünkü xalqın gözündə dəyərdən salmışdır. təbii ki , biz də tarixi nağıldan öyrənən bir xalq olaraq vurğuna inanmış , qacarı vəhşi , qaniçən kimi görürük. gələk mətləbə ,
vaqifin dilindən vurğun qacara deyir " sən hələ bilmirsən busənin dadın " . bu qacarın xədimliyinə vurğunun sözvurmasıdır. və öz əsərində daima belə bel altı vurur qacarı. məlumdur ki , qacar xədim olub . ancaq qacar doğuşdan yox sonradan xədim edilib. kərim xan zənd qacarın atası məhəmməd həsən xan qacarı məğlub edib öldürür. onunla birlikdə ağa məhəmməd xaric bütün oğlanları öldürülür. məhəmmədin yaşı keçməsinə baxmayaraq kərim xan xədim edilməsi əmrini verir. xədim edildikdən sonra qacarın yaşama ehtimalı çox zəif olur. ancaq həyatda qalır və kərim xan onu yanından ayırmır. qacar kərim xana içində dərin nifrətlə böyüyür və onu öldürəcəyi anı gözləyir. 1779-cu ildə kərim xan ölür. qacar 1796-cı ildə sonuncu zənd lütfəli xanı da öldürür və şah olur. vaqif dramında vurğun daimi olaraq qacarı bu bədbəxt hadisə ilə qaralayır. diqqət etsəniz bundan başqa da arqumenti olmur. feodaldır nədir bunlar hamısı ideolojik tənqiddir və anlaşılandır. ancaq bu qədər alçaqcasına bir əsər azərbaycan ədəbiyyatında mövcud deyil. əlavətən , qacar fars zad deyil. qarabağnamələr də belə qacarın ordusu qızılbaş qoşunu adlanır
+30 əjdaha
11. burda yeniyetmələr görürəm, utanmaz-utanmaz səməd vurğunu bəyənmirlər filan, siz də məni çox üzrlü sayın amma ki, "azərbaycan" şeirini əzbərləyib ədəbiyyat tanıyırsınız, hal-hazırda koelyo zad oxuyursunuz ha, ona görə bəyənmirsiniz? (koelyo oxuyanları ümumiyyətlə ədəbiyyatdan başı çıxmayıb tənqid edənləri fərqləndirmək üçün xüsusi vurğuladım, yoxsa saramaqo, böll, lagerkvist filan da oxuyan şəxslərə eyni zamanda bunu aid edə bilərəm.) yox, siz bəlkə 1930-cu illərdə yaşamısınız, dövrün konkret şəraitini yaxşı bilib dəyərləndirə bilirsiniz buna görə də? ümumiyyətlə hər şeydə marjinal olacaqsınız deyə bir məcburiyyətiniz yoxdur axı, inanın mənə, yəni ola bilər ki, hər hansı bir şeyi atanız da, siz də bəyənirsiniz eyni anda, ya bəyənmirsiniz. sırf atanıza, geniş mənada götürsək ümumiyyətlə keçmişə bütün adət-ənənələrimizə əks gedəcəksiniz deyə bir qayda yoxdur. ədəbiyyatı təhlil etmək istərkən, təbii ki, dünya ədəbiyyatını hamımız oxumalıyıq filan, amma vurğunun ədəbiyyatı olmasaydı, bu dəqiqədə azərbaycan ədəbiyyatı olaraq füzulinin qəzəllərində metaforaları təhlil etməklə məşğul idik, indi həvəslə oxuduğumuz aqşinlər, ramiz rövşənlər, kəsəmənlilər, novruzlar (və ya sevdiyiniz hər hansı başqa müasir şair.) - hamısına səməd vurğunun təsiri vardır, birbaşa və ya dolayısı yolla.
rus ədəbiyyatında söz var ki, bəs bütün ədəbiyyat qoqolun "şinel"indən çıxıb, mənə görə də yeni azərbaycan poeziyası vurğunun "azərbaycan"ından çıxıb.
hə satqınlıqla əlaqədar filan, siz sadəcə heç vurğun həyatını oxumamısınız, ümumi bilgiləriniz 11-ci sinif ədəbiyyat kitabından və facebook-da yazılan paylaşımlardan o tərəfə keçmir təəssüf ki, həmin dövrdə digər şairlərin də şeirlərini (hamısına aid ssri təbliği olan şeir göstərə bilərəm.), bağırovun vurğuna konkret münasibəti haqda filan hansısa ədəbiyyatçı belə olmayan sərdar-mərdarlardan eşitmisiniz və bununla özünüz mühakimə hüququ tapırsınız hardansa.
repressiyada səməd vurğun və ya rəsul rza filan, öldürülməyib deyə fəxr eləməlisiniz yoxsa müşfiq, cavad filan da repressiyada qurban olmasa indi onlar haqda da belə sözlər deyirdiniz, siz insanı yaşam - həyat naminə verdiyi mübarizə üçün günahlandırırsınız və bunu edərkən çoxunuz əsgərliyə getməmənin yollarını axtarırsınız. uğurlar sizə.
+12 əjdaha
19. Dövrümüzdə yaşasaydı öndərə salam şeirləri ilə bizi feyziyab edərdi.
+10 əjdaha
4. göte girmenin 40 yolu deye başlıq açılsa entry'lerine çox ehtiyyac duyacağımız şair.heyif ölüb.
+5 əjdaha
3. adr in qurucusu məhəmməd əmin rəsulzadə haqqında aşağıdakı şeri yazıb, sovet rəhbərliyinin götünə girməyə çalışan azərbaycan şairi.
indi xəbər verim oxucuma mən
o ‘millət rəhbəri’ rəsulzadədən;
toplamış məclisə müsəlmanları,
yağlı vədələrlə tutmuş onları;
deyir: türkiyəni çağıraq gərək,
bizə kömək olsun, qılınc çəkərək,
parlasın ədalət, mehri-hürriyyət,
ucalsın göylərə şərəfi-millət!...
-şarlatan!
-afərin!
-rəhbərə bir bax!...
-vətəni yadlara bunlar satacaq!...
-bir dayan!
-də dedin?
o bir xaindir,
sözünün pərdəsi millətdir, dindir...
+4 əjdaha
6. mənim üçün azərbaycan ədəbiyyatında nömrə 1. osman sarıvəlli demişdir:
- illər sonra geriyə dönüb azərbaycan ədəbiyyatına baxanda bizim dövrü - 20ci əsr azərbaycan ədəbiyyatını belə qiymətləndirəcəklər: səməd vurğun və digərləri.
+4 əjdaha
20. ölüm sevinməsin qoy!
ömrünü vermir bada,
el qədrini canında daha əziz bilənlər.
şirin bir xatirə tək qalacaqdır dünyada,
sevərək yaşayanlar, sevilərək ölənlər.
etdiyi səhvlərə baxmayaraq bu misralarını çox sevdiyim şairdir.
bundan əlavə azərbaycan ssr-nin dövlət himninin sözlərinin müəllifidir.
+3 əjdaha
10. #82823 etry'ə düzəltmə olaraq səməd vurğun vağzala düşərkən əlini iki yana açıb "el bilir ki sən mənimsən" deyir. geri dönüb çemodanın buxarlandığını görəndə isə əlini yanına salıb "indi bildim götverənsən" deyir. yəni anekdot belədir bildiyimə görə.
+3 əjdaha
1. 1906-1956cı illərdə yaşamış azərbaycanın ilk xalq şairi, azərbaycan ssr ea`nın vitse-prezidenti, stalin mükafatı laureatı, azərbaycan ssr əməkdar incəsənət xadimi.vaqif, fərhad və şirin , xanlar , insan , şairin həyatı kimi dram əsərlərinin, komsomol poeması, zamanın bayraqdarı, üsyan, hürmüz və əhriman kimi poemaların müəllifi, eyni zamanda bir çox tərcümələrin sahibi.
+6 əjdaha
17. yeganə azərbaycan şairidir ki, yazmış olduğu şeiri ("azərbaycan" şeiri) mənsub olduğu xalqın bütün nümayəndələri əzbər bilir.
"cahanda hər hökmü bir zaman verir, dünən fərman verən bu gün can verir" misraları ilə bəni-adəmə sözünü demişdir.
səməd vurğun "iyirmi altılar" poemasında rəsulzadəni şarlatan adlandırsa da, ikinci bu barədə "əgər o məni bu cür təsvir etməsəydi, başqa milli mövzuda olan şeirlərini nəşr etdirə bilməzdi. həm də o mənim adımı xatırlamaqla unudulmaz etmişdir. zəkalı oxucu dərhal mənim kimliyimlə maraqlanacaq və hər şey ona bəlli olacaq" demişdir.
+2 əjdaha
18. Bakının dərdi var, Bakı xəstədir,
Könül intizarda, göz yol üstədir...
Soyuq divarlarda güllə nişanı.
Didir, parçalayır, insan insanı.
Burda döngələrin yeri darısqal.
Oturmuş palanın üstündə hambal,
Dərin fikirlərə qərq olmuş yazıq,
Dincəlmək istəyir o da azacıq.
Şahların qızdığı qorxunc bir zaman,
Atıb külfətini gəlmiş irandan;
Bir çörək puludur onun arzusu.
Bulanmış hambalın gözlərində su,
Alnının qatları qırış-qırışdır.
Onun gözlərində bahar da qışdır...
Bükülümüş belinin donqarı vardır,
Onun barmaqları qabar-qabardır;
Görünür ovcunda kəndin izləri
Çırıq şalvarından çıxmış dizləri.
Başında bir kirli, bir əski təsək,
Dünaydan qazancı bir budur desək,
Tarix utanmazmı yaratdığından,
Dönüb keçmişinə baxmazmı iran?
Hələlik bir yanda qalsın bu sual...
Oturmuş palanın üstündə hambal,
Dərin fikirlərə qərq olmuş yazıq,
Dincəlmək istəyir o da azacıq.
Arabir silərək alın tərini,
Açır həaytının qəm dəftərini...
Gəlir xəyalının önünə bəzən
Ətəkdən, divardan yapışıb gəzən
Günahsız bir körpə...
Düşkün bir qarı
Gözləyir uzanan dilsiz yolları...
Həyat çoxlarına bir intizardır,
Həyatın nə yaman günləri vardır.
Əlində körpəni oynadır qarı,
Göstərir uzanan dilsiz yolları;
“Ağlama, can bala, qayıdar atan,
Rəhm edər bizə də bizi yaradan.
Bizim də bolluca ağcamız olar,
Qapımız, bağımız, bağçamız olar;
Güllü don tikərəm alıb geyərsən,
Sən də şirin-şirin qoğal yeyərsən”
Oturmuş palanın üstündə hambal,
Baldan şirin gəlir ona bu xəyal...
Alır qəlyanını gülümsəyərək,
Yoxulluq içində böyük bir ürək
Döyünür, döyünür...
Bu dəmdə birdən
Yazıq bir top kimi qalxıb yerindən,
Qıvrıla-qıvrıla dəyir daşlara;
Çaxnaşır aralıq, qarışıq ara...
Nə olmuş? Nə imiş hambalın suçu?
Burdan təsadüfən keçən bir qoçu
Sınamaq istəmiş öz nağanını,
Yurdsuz bir insanın tökmüş qanını...
Əlində körpəni oynadır qarı.
Göstərir uzanan dilsiz yolları...
Bakının dərdi var, Bakı xəstədir,
Könül intizarda, göz yol göstərir...
Sükut içindədir gəlib gedənlər,
Günəşin altında yanır mədənlər,
Küləklər titrədir dik buruqları;
Burda işçilərin rəngi sap-sarı;
Gözlərdə acıq var, baxışlarda kin,
Doyurmaz insanı nə qanun, nə din;
Batıb uşaqların aclıqdan ordu.
Bir tərəf üsyandır, bir tərəf ordu.
Göyə çəkilmişdir bu yerdə çörək...
Qara çarşafları örtür qadınlar,
imamın qəbrinə yığışır onlar,
Köməyə çağırır görünməzləri...
Günlər addımlayır gedir irəli...
Yolun kənarında aclar, əlillər,
Tiyanlar altında kiçik səfillər,
Onların üstümnə yağır tozanaq.
Duzlu balıqlarla dolmuş qazalaq,
Şəhər kənarında tozlanır yenə,
Soxulmuş gecənin dərinliyinə.
Göylərin altında aclıq çəkir yer
Odur, lovğa-lovğa keçen bir eser
Deyir yoldaşına: Gözlərin aydın!
Ömrümüz keçəcək gün kimi aydın;
Xəzərdən keçərək gəlir ingilis,
Onun sayəsində dolanırıq biz:
Bizim ümidimiz bunadır ancaq”.
Səsinə səs verir onun bir daşnaq:
“özüü tez yetir, aman, ingilis!
Gəldiyin yollara qurban olaq biz!
inqilab oldusa, çəkilsin geri
Qaranlıq evlərdir işçinin yeri.
Bizimdir bu buruq, bu dolu mədən,
Bizə səadətdir, onlara kəfən!”
indi xəbər verim oxucuma mən
O “millət rəhbəri” Rəsulzadədən;
Toplamış məscidə müsəlmanları,
Yağlı vədələrə tutmuş onları;
Deyir: “Türkiyəni çağıraq gərək,
Bizə kömək olsun, qılınc çəkərək,
Parlasın ədalət, mehri-hürriyyət,
Ucalsın göylərə şəfəqi-millət!..”
- Şarlatan
- Afərin
- Rəhbərə bir bax!..
- Vətəni yadlara bunlar satacaq!..
- Bir dayan!
- Nə dedin?
- O bir xaindir,
Sözünün pərdəsi millətdir, dindir...
Məscidi doldurur haray, qışqırıq,
Qarğış, hədələmə, söyüş, fışqırıq.
Mədənlər övladı cəsur bir insan
Yerindən sıçrayıb, danışır alan:
- “Ay rəhbər!” bəri vax! Çox
Lovğalanma
Çoşub, dəniz kimi heç dalğalanma!
Burnunu görürük bu pərdələrdən;
Ağzın köpüklənir danışanda sən.
Süzüb gözlərini, qaşını çatma,
Ölkəni aldadıb, yadlara satma!
Yetər danışdığın millət adından,
Millət yuvasında ölür acından!
Bu yurdu talayan, dağıdan da siz,
Bugün- sabahlıqdır səadətiniz!”
Qoçular bürüyür bizim yoldaşı,
Kəsirlər xəncərlə düşünən başı,
Qoyulur köhnə bir divar üstünə...
Hörmət o yoldaşa, nifrət o günə!
Boğulmuş nə qədər haqq danışanlar.
Yenə izdiham var küçələrdə bax,
Ürəklər coşaraq, qanlar coşaraq,
Yenə dalğalanır qızıl bayraqlar;
Hər duyan könüldə bir iztirab var.
Mədənlər boş qalan bir məzarıstan...
Burda ac qarnına yaşarmı insan?
Hər duyan ürəkdə min bir arzu var
Dolaşır əllərdə kiçik varaqlar,
Fəhlələr, bu yurdun mərd oğulları
...Dikib gözlərini kağıza sarı,
Deyir bir ağızdan : “Ar olsun bizə!”
Başmı əyəcəkdir bir ingilisə
Bu şanlı məmləkət! – Inqilab yurdu,
Günəşin bağrından qopar bir ordu?
Xeyr! Bayraqları tutun yuxarı!
Çoşsun ürəklərin zəfər rüzgarı!
Bombalar yağsa da bizə dörd yandan,
Namərddir çəkilən ölümdən, qandan!
Alın silahları, alın yoldaşlar!
Tutulsun atəşə o kinli başlar”.
Dəstə addımlayır, gedir irəli,
Sahilə səs salır bu nəğmələri:
Aclığa göstərək tab,
Tox zamanlar gələcək;
Bizimkidir inqilab,
Bizimkidir gələcək!
Zirzəmidən qalxaraq.
Qaranlıqdan uzaqlaş.
Bu məmləkət, bu torpaq
Səndən gedər, a yoldaş!
Qoy boğsun ingilisi
Xəzərin dalğaları!
Yaşadacqdır bizi
Bu qardaşlıq ilqarı...
Uzanmış Xəzərə gecənin əli,
Sahil qaranlıqdır, dalğalar qara;
Gecəyə bir acı xəbər gələli,
Gecə boğazından çəkilmiş dara...
Sahil qaranlıqdır, dalğalar qara.
Artıq görünməyir göylərdə ulduz,
Qalın buludlara soxulmuşdu ay.
Gecə biyabanda qalan bir yalqız,
Tökülmüş üstünə buludlar lay-lay;
Qalın buludlara soxulmuşdu ay...
Bu qərib mənzərə nə qədər acı!...
Könüllər qırıqdır baxışlar qəmli...
Küləklər coşaraq. Döyür yamacı,
Bayıl can üstədir, Bayıl vərəmli,
Könüllər qırıqdır baxışlar qəmli...
Dustaqlar boylanır dustaqxanadan,
Əlvida söyləyir qaranlıqlara...
Ağır fikirlərə dalmış Şaumyan,
Xəyalı göyləri hey yara-yara,
Əlvida söyləyir qaranlıqlara...
Onsuz üzündəki fırtınaya bax!
Böyük bir həsrətlə boğulmuş rəngi;
Onmun baxışları alovlanaraq,
Əngin üfüqlərə dikilmiş gözü;
Yad edir Leninin teleqramını;
O dahi rəhbərin hər qızıl sözü
Yandırır qəlbinin sönməz şamını:
“Hələ siz gənc ikən inandım sizə,
Sizin polad kimi iradənizə.
Fəqət qarışıqdır bugünki həyat,
Cəsarət, ustalıq, bir də ehtiyat!
Siz ey cəbhələrdə sınanmış əsgər!
Bizimdir gələcək, bizimdir zəfər!”
“Haydı xına qoyun əllərinizə,
Artıq gülümsəyir baxtımız bizə;
Gümüş qədəhləri qaldırın görək,
Bu məclis şənlənib qızışsın gərək!
Meydan bizimkidir, yaxın oturun,
Mehriban danışın, mehriban durun;
Səmti dəyişmişdir əsən rüzgarın,
Sabah matəmidir komissarların.
Onlar bir fənd ilə keçmişdir ələ,
Qafqazın qartalı Şaumyan belə...
Torpağın üst qatı, dənizin dibi
Böyük Britaniyaya Hindistan kimi
Xəraclar verəcək bu gündən, əvət,
Gülür taleyimiz, gülür təbiət.
Bizim son ağası Azərbaycanın,
Bizimdir gələcək, artıq, inanın!”-
Dedikcə general, coşur alqışlar,
Gülür “səadətlə” kinli baxışlar.
Dinlə, ey qum çölü; dayan ey külək!
Qurtuluş istəyir döyünən ürək...
Gecənin qoynunda tıraq-tıraq-tar,
Ağcaqum çölündə uzanır qatar...
Qatar bir quş kimi havanı yarır,
Qatar xəyal kimi heçliyə varır.
Yolda nə gələn var, nə də bir gedən,
Dustaqlar boylanır pəncərələrdən...
Gecə aydınlıqdır, gecə dümağdır,
Qatar bu gecənin köksündə dağdır.
Dinlə, ey qum çölü, dayan, ey külək!
Odur, biyabanda dayanır qatar,
Türkmən paltarına girmiş saldatlar.
Bu sonsuz çöllərdə qum təpələri...
Bu qum dənizinin boz ləpələri
Xəyalı küsdürür bu kainatdan,
Bu aydın gecədən, yerdən, həyatdan.
Gecənin qoynunda nə həsrətlər var,
Açılır güllələr şaraqhaşaraq...
Üzündə fırtına, sinəsində qan
Deyir son sözünü yoldaş Şaumyan:
“Siz ey Avropanın cahangirləri!
Tarixin məhvəri dönəndən bəri
Quldur paltarına büründünüz siz,
Budur, ölümünüz, acizliyiniz!
Bu qırğın, bu hücum, bu ölüm, bu qan,
Tutub əsrlərin daş yaxasından
Cavab istəyəcək!
O zaman həyat,
Əllərdə yüksələn qızıl plakat
intiqam! Deyərək tapacaq sizi.
Tarix dinləyəcək məhkəmənizi!
Bu ucsuz dənizlər, ucsuz ölkələr,
Yerdən baş qaldıran müstəmləkələr
Nifrətlər deyəcək hər zaman sizə,
Tarix tüpürəcək pis üzünüzə!”
“Əlvida, ey vətən, ey əziz Bakı!
Bu qum çölündəki, biyabandakı
Sənə qurban gedən 26-lar
Döyüşlər günündən qalır yadigar” –
Deyir Məşədi bəy, alnında vüqar,
Onun ipək kimi təbiəti var.
Odur, qəhrəmanım yerə yıxılmış,
Üzündə titrəyir boranlı bir qış.
Çatılmış qaşları buludlar kimi,
Ağarmış bənizi dümağ qar kimi...
Ah! Onun görkəmi nə tarımardır!
Köksünün altında üç yara vardır.
Ləkəsiz bir vicdan, böyük bir ürək
Buludlar ardında sönür günəş tək...
Səhərdir, günəşin rəngi sapsarı,
Sarılıq culğamış ağ buludları,
Elə bil kainat birdən qocalmış...
Ağcaqum çölündə yuxuya dalmış
Bizim qəhrəmanlar, bizim yoldaşlar,
O duyan könüllər, düşünən başlar.
Bu matəm nə deyir Azərbaycana?
Nə deyir oğlunu sevən bir ana?
Cavab de sorğuma, Ağcaqum çölü!
Nədir qoynundakı qızıl qan gölü?
Aymı parçalandı? Günəşmi söndü?
Yoxsa alovlanıb, küləmi döndü
Döyünən bir könül, düşünən bir baş?
Neçin dalğın keçir o fəhlə yoldaş?
Ona tez yetişdi bu qara xəbər,
Yenə silahlandı çalışan əllər!...
Siz, ey kommunanın mərd qurbanları!
Tarixin qocaman qəhrəmanları!
Dünya dedikləri-döyüş meydanı,
Dənizlər qədərdir insanın qanı...
O qumlu çöllərdə, biyabanda siz
Öldünüz qanunsuz və məhkəməsiz...
Dünyanın təkəri gerimi döndü?
Yoxsa üfüqlərdə günəşmi söndü?
Yox, yox, tarix boyu siz parladınız,
Qalın kitablarda durur adınız.
Yaşadır ayılmış bu insanlığı,
Biz sizdən öyrəndik qəhrəmanlığı!..
Sizi unutmadı bu torpaq, bu yer,
Oxuyan komsomol, yazan pioner.
Alqışlar göndərir iradənizə!
Şair də baxaraq abidənizə,
Çatır qaşlarını, xəyala dalır,
Siz gəncləşirsiniz, tarix qocalır.
(baxma: 26-lar poeması)
+4 əjdaha
7. özü qazaxdan olsa belə
əzəldən bələdir dünyanın işi
qazaxdan qız çıxmaz salyandan kişi
sözlərini işlətmiş olan şair. dəyilənə görə həyat yoldaşının onu salyanlı birisi ilə aldatdığını öyrəndikdən sonra bu sözləri demişdi.
+2 əjdaha
13. mikayıl müşfiq haqqında dediklərinə görə sevmədiyim şair. ədəbiyyatda yeri başqadır, ancaq insanlığı mənə görə daha əvvəl gəlir.
+1 əjdaha
14. bakıda adına park olan şair. nədənsə o parka ilk dəfə qrup uşağlarıyla gedəndə hamısı mənə bildirdi ki burda petuxlar olur gecə vaxtı. və biz 6 oğlan. saat da axşam 9 ətrafı.niyə demək məcburiyyəti hiss elədiz ? burdan hamısının gq. sonra insidentsiz dağılışdıq amma o gündən sonra "səməd vurğun" deyəndə ağlıma park və petuxlar gəlir.
+1 əjdaha
16. nə şiş yansın nə kabab məntiqi ilə dövrünü yola verən şair. cəfər cabbarlıdan bu mənada heç bir fərqi yoxdur məncə. səhər axşam banket,prazdnik,den rojdeniye,otmechaniye, obmivaniye ..başını stoldan qaldıramma və axırda stalin sənə orden versin.. halal olsun .. məncə həkim,alim falan olsa dünyaca məşhur olardı.. həba edib özünü
+1 əjdaha
5. eşitdiyimə görə özdə moşnu vurmadan yəni sərxoş olmadan yaza bilmirmiş.
+2 əjdaha
12. fikrimcə azərbaycan ədəbiyyatının ən çox önyargı ilə üzləşən şairidir.sanki bir çoxumuz sırf ölmədi və ya o dövrün hökümətini pisləmədi deyə sevmirik.yəni bir adamın idealogiyasını hardan bilə bilərik qardaş.bu işlərdən o qədər də başım çıxmamasına baxmayaraq,doğulduğu vaxtlar tam da sovet idealogiyalarının yayıldığı vaxtlar idi.yəni görüşlərini sevməməyiniz sizə əsas verirmi ki,yaradıcılığını görməzdən gələsiniz,bəlkə də bir şeirini belə oxumadan tənqid edəsiniz.sonra da fikir,düşüncə,din və s. azdlığı deyərək ortalıqda dolaşırsınız.yox əgər yaradıcılığını sevmirsizsə bu öz işinizdi amma görüşlərinə görə qınamağı da düzgün hesab etmirəm.
eyni zamanda özü ən sevdiyim azərbaycan şairlərindəndir.şeirlərindəki bədii təsvir etməni və axıcılığı xüsusi ilə sevirəm.özü azərbaycanın ilk xalq şairidir. eyni zamanda məşhur "yeddi oğul istərəm" filmi səməd vurğunun "komsomol" poeması əsasında çəkilmişdi. atamla "şair,nə tez qocaldın sən" şeirini və "26lar"poemasının başlanğıc hissəsini söylədiyimiz anlar şairi daha çox sevdirmişdir mənə.gözəl xatirərimin olduğu şairdir.
hamısını göstər
