əjdaha lazımdı
izlə
dostlar
mən
googlla
snuff
-
işıqlar söndü
-
yazarların paylaşmaq istədikləri şeirlər
-
yazarların milli mənsubiyyətləri
-
tosu zəngilanlı
-
unudulmaz film replikaları
-
güldürən qəribə yuxular
-
uşaq ağlı ilə inanılanlar
-
yalnızlıq
başlıqdakı ən bəyənilən yazılar:
+16 əjdaha
1. heyvan demәyә dilim gәlmәyәn canlı. itlər fәsilәsinin, canis *
latın
cinsinә mәnsubdular. itlәr fәsilәsinin әn iri üzvlәridilәr. әsasәn kanada, alyaska, rusiya, şәrqi avropa vә mәrkәzi asiyada yaşayırlar. qәrbi avropa, amerika, şimali afrika ölkәlәrindә isә, çox az sayda qalıb. bu әrazilәrdә ovlanmasına icazә var. mәsәlçün, fransada 1927ci ildә, ingiltәrәdә 1500cü ildә, irlandiyada 1770dә, danimarkada isә 1772dә son canavarlar öldürülmüşdür. hәmçinin amerikada da, 1915ci ildәn canavarların aktiv ovuna başlanmışdı. buna qәdәr dünyada әn çox saya malik yırtıcı, canavarlar idi. tәxminәn 2 milyon. hazırda 150-200 min canavarın qaldığı tәxmin edilir ki, bunun da 75 mini rusiya әrazisindә yaşıyır. canavarları ilә mәşhur yellowstone parkında son canavar 1926cı ildә öldürülmüşdü. 1995ci ildә isә, bura başqa әrazilәrdәn canavarlar köçürüldü. 2008ci ildә parkda artıq 133 fәrddәn ibarət 13 canavar sürüsü var idi.
canavarlar sosial heyvanlardı. ancaq tәk yaşayan canavarlar da var ki, bunlara yalquzaq deyilir. canavar sürüsündә iyerarxik sistem vardır. sürünün başcı dişi vә erkәyi alfa *
alpha
, 2ci dәrәcәli üzvlәri beta, әn әziklәri isә omega adlanır. tәbәqәlәr arasında mәsafә hәmişә gözlәnir, bir növü böyüklәrin hörmәti saxlanır. sözün әsl mәnasında. zatәn canavarları möhtəşəm qılan da onların sürü quruluşudu. sürülәr minimum 3-4, maksimum 30-40 fәrddәn ibarәt olur. ancaq belә böyük sürülәrdә birlik aclıq dövrü bitәnә qәdәr olur. betalar tez tez alfalarla döyüşür vә belә sürülәrdә qohumluq bağları az olur. daha çox mәcburiyyәtdәn bir yerә yığılırlar. tez tez baş qaldıran betalar, tәrәfdarlarını yığıb sürüdәn ayrılırlar. eyni sürü ilә növbəti qarşılaşma, ölüm qalım savaşı demәkdi. ayrılıqlar nәticәsindә, normal 13-15 üzvlü sürülәr formalaşır.
normal sürülәrdә, әksәrәn *
90% deyәk
bütün sürü üzvlәri qohum olur. qardaş vә bacılar. alfalar isә ana vә ata olduğu üçün belә sürülәrdә beta, omega söhbәti olmur. dolayısı ilә, davalar da olmur. canavar sürüsündә, cütlәşmә haqqına yalnız alfalar sahib olur. onlar sürünün әn güclü üzvlәri olduqları üçün, sürünün gәlәcәyi, yəni balalar da әn güclü cütdәn doğulmalıdı. canavarlar balaları sürü halında böyüdürlәr. daha cavanlar, balalara dayәlik eliyir vә әn az ana canavar *
dişi alfa
qәdәr hәssaslıqla onları qoruyurlar. digәrlәri isә ova çıxır. vә hәr biri balaları yedizdirir. şirlәrdәki *
mәsәlçün yәni
kimi hәrәnin öz balası söhbәti olmur. ki zatәn hәrәnin öz balası olma şansı da yoxdu, yuxarıda qeyd etdiyim kimi. ancaq bu hal birlәşmiş böyük sürülәrdә ola bilәr. hәr canavarın cütlәşmә haqqı olmadığı üçün, bәzi canavarlar ömürlәrinin sonuna kimi 31 çәkirlәr *
asfsfag
. hәmçinin, sürü qan bağı ilә qurulduğu üçün, әlaqәlәri insest sayılır ki, heyvanlar alәmindә insest әlaqә mümkün deyil. olmur yәni.
ancaq, yetişkin betalar, vә ya hәr hansı bir üzv sürüdәn ayrılıb özünә sürü qura bilәr. bunun üçün o әvvәlcә başqa sürü tapmalıdı. ancaq digәr sürünün alfası onu görsә, sürü halında hücum eliyib parçalayarlar. ona görә mama papa evdә olmuyanda, sürüyә yaxınlaşıb br neçә fәrdin diqqәtini cәlb eliyә bilәrlәr. nәticәdә öz sürüsünü qurar. buarada, sürüyә tәk dişi alfa da başçılıq edә bilir. normal xaldır.
ayrı da, zaman novruz adında bir möhtәrәm bioloqun vəhşilər arasında adında kitabı var. adam hәm dә ovçu olub vә bu kitabda çox maraqlı xatirәlәri var. *
kitabı tapmaq ehtimalı olan, mesaj qutumun qırmızısını yandırsın lütfәn
mәsәlçün, mәllim qeyd eliyir ki, canavar çox kinli heyvandı. bir dәfә, sәhv elәmirәmsә qәbәlәdә bir canavar yuvası tapıb, balalarını öldürüblәr. iki gün sonra, kәnddә 300 başlıq bir qoyun sürüsünün hamısını canavarlar boğub vә birini dә yemiyiblәr.
başqa bir әhvalatda, bu heyvanların saat anlayışının olduğu görünür. demәli, lәnkәran zonasında bir çoban hәmişә onu iki gözün izlәdiyini hiss eliyir amma qoz qoymur. bu bir hәftә davam eliyir. bir hәftәdәn sonra, çobanın fermadakı iş vaxtını, fasilә saatlarını hesablıyan qurdlar hücum eliyib qoyunları basıb yeyiblәr.
hәmçinin, mәllim qeyd eliyir ki, qurdlar itlәrdәn istifadә eliyә bilirlәr. erkәk itlәri ilk fürsәtdә boğsalar da, dişi itlәri saxladıqları hallar olur. it kәndi tanıdığı üçün, qurd sürüsünü hücumlarda idarә eliyir. bununla da, sürüdә babat hörmәti olur. bәzәn hәtta sürünün alfa dişisinә çevrilir. ancaq bu nadir hallarda baş verir.
hәmçinin, aclıq dövründә sürünün yaşlıları özlәrini yem eliyir. onların adınca alfalar, vә sıra ilә daha cavanlar. sona çox vaxt balalar qalır ki, onların da yaşamaq şansı az olur. tәbii ki, bu da yaşlarından asılıdır.
qurdlar haqqında bir digәr maraqlı mәlumat da verim ki, bu heyvanlar insanlardan qorxur. bu qorxu deyәsәn әsrlәrlә formalaşmış bir şeydi. mәsәlçün, insana bir dәfә boyun әymiş qurd, onu heç vaxt dişlәmir. nә elәsәn dә. artıq bir dәfә üstünlüyünü qәbul edib. bu bәlkә dә, onların ailәsindә *
sürüdә
formalaşmış psixologiyadı *
alfa söhbәti
. bunu tәzәlikcә bir sәnәdli filmdә öyrәndim. tәlәyә düşmüş bir canavarı 2 nәfәr bitәhәr qurtardı. düzü biraz cavan qurd idi, amma fәrq etmәz. qaqaş qurdu qucağına aldı. heç bir tәhlükәsizlik tәdbiri olmadan. yarasını falan yoxladı, dәrman vurdu. izini itirmәmәk üçün boynuna ötürücü taxdı. elә həmin vaxt da, bu boyun әymә söhbәtini açıqladı. mәsәlçün, canavarlarla illәrcә yaşayan bioloqlar da az deyil. onlar insanı görәndә direkt hücum elәmirlәr. ancaq hәmişә nәzarәtdә saxlıyırlar. bir müddət sonra isә daha yaxına buraxırlar. balalarına yaxınlaşacaq qәdәr yaxına buraxırlarsa, artıq olmuşsunuz, siz dә bir canavar sürüsü üzvüsünüz. tәbii, bunu hәr adam da bacarmır. biraz mәlumatlı olmalısan.
+12 əjdaha
10. birinci dünya müharibəsində rus və alman əsgərləri arasında bir müddət atəşkəsə səbəb olmuş heyvan. 1917-ci ilin qışında litvanın vilnüs şəhəri yaxınlığındakı kovno- wilna bölgəsində bir-birilərinə qarşı vuruşan rus və alman qüvvələri uzun müddətdir ki davam edən müharibə səbəbilə yuvalarından ayrılmaq məcburiyyətində qalan canavarlar həmin bölgəyə daxil olaraq heyvanların çoxunu öldürən hətta iki uşağa da hücum edən canavar sürülərinə görə müəyyən müddətə hər iki tərəfin məsuliyyətli şəxsləri tərəfindən atəşkəs elan edilir. hər iki bölmənin canlı qüvvələri canavar ovuna çıxır. bir-birilərinə atəş açmamaq barədə razılığa gəldiyi hadisədə xeyli sayda qurd sürüsü öldürülür. sağ qalmışları da ərazidən uzaqlaşırlar. razılaşmaya əsasən sonradan bölmələr öz yerlərinə qayıdıb qısa atəşkəsdən sonra döyüşlərə davam edərlər.
- The Oklahoma Times qəzetinin 15 fevral 1917-ci il buraxılışında hadisə haqqında dərc olunmuş xəbəri : https://www.newspapers.com/image/173587092/
the new york times-ın dƏrc etdiyi xəbər : https://timesmachine.nytimes.com/timesmachine/1917/07/29/96262482.pdf
+9 əjdaha
12. Uzun müddətdi tiktokda izlədiyim bir heyvansevər var, hər dəfə də küçə itləri, pişikləri ilə videolar çəkib tiktoka qoyur. Hər girəndə profildə bir neçə saat keçirirəm. Küçə heyvanlarının nə qədər zərərsiz, sevgiyə möhtac və bir o qədər də qorunmasız olduğunu göstərir xanım bu kanalında. Bildiyin yekə-yekə küçə itləri gəlir qızın qabağında yerdə yumrulanır, oynayır qızla. O kirli, bir gözü olmayan, tükləri tökülmüş itlərlə elə sevgi dolu davranır ki, mən şəxsən küçədə it, pişik qoymamışam oynamadığım, sevmədiyim o videolardan təhriklənib . Xanımın əvvəlki videolarından bəri bir küçə iti var. Adı da canavardı. Əzəmətli, qafqaz qanqalına oxşayan, yekəpər, sırf zövq olsun deyə dalaşdırılıb gözü çıxarılmış, başdan ayağa bədəni yara, üzü cırmaq dolu bir itdi canavar. Əvvəlki videolarında xanım özü də qorxduğu üçün uzaqdan yemləməyə çalışsa da ki canavar da qızın qorxduğunun fərqində olub onsuz da ona yaxınlaşmırdı, sırf qızı qorxutmamaq üçün, amma son vaxtlarda o kötü günlerin çocuğu, o bad boy canavar qıza o qədər öyrəşmişdi ki, sevgi pıtırcığına dönmüşdü. O qədər panyatkalı it idi ki, digər cılız itlərin ondan qorxduğunu bildiyi üçün uzaqda dayanıb gözləyirdi ki, xanım birinci onları yemləsin, sevsin. Hərkəs doyduqdan sonra sakitcə gəlib qalan yemək artıqlarını yeyirdi. Öz teritoriyasının kralı idi canavar. Xanım hamilə itləri yemləyəndə yaxınlıqda dayanıb keşik çəkirdi birdən qıza sataşmaq istəyən olar deyə. Çünki itlər adətən xarabalıq, zirzəmi yerlərdə balaladığı üçün xanım qorxurdu ora girib itləri yemləməyə. Amma camavarın qızdan gördüyü 1 zərrə sevginin müqabilində canavar qızı da, onun yemlədiyi, sevdiyi itləri də qoruyurdu per-peysərdən. Bla baxırsan ki, mən həyatımda heç belə panyatkalı insan görməmişəm, qaldı ki, küçə iti. Bunları mən o kanaldakı aylardır izlədiyim videolardan bilirəm. Baxırsan ki, biz hələ bunlara heyvan deyirik içn skm. Sırf kirli, yaralıdılar deyə heçkim sevmir bu heyvanları. insanlara cicik-bicik, təmiz, keymolla, pakazuxalıq itlər sevimli gəlir çünki. Nə isə. Uzun müddətdir, kanalı izlədiyimdən itlərin hamısını doğma hiss edirəm özümə. Qız onları nə qədər sevirsə, oxşayırsa mən də onları sevirəm videoları izləyərkən.
Amma bugün göz yaşları içində baxdım bir videoya, aylardır sevgiylə izlədiyim kanalda. Güllələyiblər canavarı. insaf yoxsunu insanabənzəyən şeytanlar sırf qorxulu görünür deyə güllələdilər o heçkimə zərəri toxunmayan, həmişə istifadə edilib atılan, 100 insandan şərəfli və daha insani o canavarı. Üstəlik belə şeylərə görə nə şikayət edəsi yerin var, nə də şikayət etsən belə şikayətinə baxacaq bir çoban. Uzağı itdi də ölüb ölüb də deyib keçəcəklər. Çünki onlar da canavarı güllələyənlərin tayıdır elə. Onlar kimi peysərdilər. Onlar üçün peysər çıxıb-çıxmamaq arvadlarının qıçlarının arasından asılıdır yalnız. Amma o peysərlər bilmir ki, cəmiyyətin mərhəmət hissinin, hüquqlarının, qayğılarının sikilməsi elə onların əsl, haqqıynan peysər çıxmağıdı. Söz tapmıram deməyə.
Bəzən elə şeylər olur ki, o insana daha doğma gəlir canlı insanlardan. Bu mənəvi dəyəri olan bir əşya ola bilər, hər səhər eşidilən hansısa səs, musiqi ola bilər, qəsəbədəki uşaqlıq illərinə qaytaran köhnə bağça ola bilər, bilmirəm. Mənim üçün də onlardan biri canavar idi, digər küçə itləri kimi. Ümid edirəm daha bundan sonra rahat yatar canavar.
Canavarın güllələndiyi video https://www.instagram.com/p/CM_aMJRDxjT/?igshid=qcnwws4ajxwo
Canavarın kanaldakı son videosu https://vm.tiktok.com/ZSJjm8WHv/
+8 əjdaha
14. Hər kəs yerdən daş götürüb canavara ata bilər, amma heç kəs yerdən canavarı götürüb daşa ata bilməz
+6 əjdaha
9. ay canavar alan
ov möcüzələri kitabından
kimsə ovçular cəmiyyətinə zəng edib demişdi ki, avropadan gəliblər və baha qiymətə diri canavar almaq istəyirlər.
sədr sevincindən telefon zənginin doğru olub olmamasını yoxlamağı unutmuşdu. zəng vuranın familiyasını da soruşmamışdı. işçilərin də etirazına əhəmiyyət vermədi. təcili bir göstəriş yazıb respublikanın bütün cəmiyyətlərinə tapşırdı ki, çoxlu canavar tutub bakı şəhərinə diri gətirsinlər. məktubu oxuyanda bir çoxları gözlərinə inanmadılar. tez sədrə zəng çaldılar. lakin cavab məktubda yazılanla eyni idi:
- mütləq canavarları diri tutub bakı şəhərinə gətirmək lazımdır. yaxşı qazanc yeri tapmışıq.
yuxarı təşkilatın əmri icra olunmalıdır. bakı şəhərinə gətiriləcək diri canavarları saxlamaq üçün yer lazım idi. bu məqsədlə musabəyov qəsəbəsindəki qədim sallaqxana əlverişli oldu. canavarları saxlamaq üçün dəmir çəpər çəkildi. ovçular tərəfindən tutulub bakı şəhərinə gətirilən canavarları həmin çəpərə salırdılar.
bir neçə gün ərzində volyerdə irili-xırdalı 32 canavar toplandı. indi bu canavarları yemləmək, bəsləmək məsələsi ortaya çıxmışdı. bu məqsədlə sədr canavar ovçularını yanına dəvət elədi. ovçular elə bildilər ki, yenə canavar ovuna gedəcəklər. lakin sədr ovçuları telefon zənginin məzmunu ilə tanış edib:
- bu dəfə canavar öldürmək üçün yox, canavar yemləmək üçün ov etmək lazımdır, - dedi.
ovçular elə başa düşdülər ki, sədr zarafat edir. lakin onları musabəyov qəsəbəsinə aparıb çəpərdə olan canavarları göstərərək:
- bax, bunları biz qızıl pula avropa ölkələrinə satacağıq. canavar xarici ölkələrin sifarişi ilə tutulub. necə olur-olsun, biz onları yedizdirib kökəltməliyik. cəmiyyətimiz varlanacaq!
bundan sonra ovçular qapı-qapı düşüb kolxoz, sovxoz fermalarını axtarırdılar, ölmüş qoyun-keçi, inək, camış, at, eşşək nə varsa alıb böyük zəhmətlə daşıdılar volyerə, lakin 32 canavarı doyuzdurmaq asan iş deyildi. bir neçə ay keçdi. daha ölü mal-qara tapmaq da çətinləşmişdi. canavarlar isə acından ulaşırdılar. necə deyərlər, sədrin də əli alnında qalmışdı. yola baxmaqdan gözləri qaralmışdı, amma müştəriləri gördüm deyən yox idi. biçarə sədr yuxarıdan zəng edən adamın kim olduğunu da soruşmamışdı ki, onu tapıb müştərilərin nə vaxt gələcəyini soruşaydı. bilmirdi ki, nə eləsin. dərdini kimə desin!
bir gün güman etdiyi bütün telefonlara zəng çalıb sifarişçini tapmaq istədi. lakin qəhqəhədən başqa heç bir cavab ala bilmədi. başa düşdü ki, kimsə onunla zarafat edib.
canavarlara da adamın yazığı gəlirdi. onları yenidən təbiətə buraxmağa da adamın əli gəlmirdi. bir də ki, sədr hələ ümidlə yaşayırdı ki, birdən fransızlar, ingilislər əlində qızıl pul gələrlər, canavar olmasa, pul da əldən çıxar.
aylar keçir ovçular da boğaza yığılmışdılar. yem gətirən də yox idi. canavarlar aclıqdan ağız-ağıza verib ulaşırdılar. bir gün sədrə zəng vurub dedilər ki, xırdalanda bir sahibsiz eşşək görüblər. o da bir neçə nəfərlə təcili olaraq ora gedib həmin eşşəyi tapıb gətirdi. canavar olan volyerin yanına gələnə qədər yazıq eşşək elə başa düşürdü ki, onu yedizdirib-içirmək üçün aparırlar. elə ki, eşşək volyerdə canavarları gördü, ayaqlarını yerə möhkəm dayayıb, qulaqlarını qabağa tərəf şəkləyərək yerində dondu. canavarlar da eşşəyi görüb bayram nümayişi keçirirdilər. dövrə vurub atılıb-düşürdülər. eşşək yazıq bu mənzərəni görüb gözü kəlləsinə çıxmışdı, bir addım da irəli getmək istəmirdi. volyerə girməmək üçün nə qədər müqavimət göstərdisə, mümkün olmadı. itələyib zor-bəla ilə onu volyerə saldılar. bu yerdə adama əlavə göz lazım idi ki, həmin mənzərəni müşayiət etsin və ürək lazım idi ki, ona dözsün.
eşşək volyerə salınan kimi canavarlar eşşəyi dövrəyə aldılar. lakin heç biri cəsarət edib yerindən tərpənmirdi. "vojak"ın göstərişini izləyirdilər. eşşək də dayanıb bu mənzərəyə baxırdı. fikirləşirdi görəsən bu nizam-intizamın axırı nə ilə qurtaracaq.
bir qədər sükutdan sonra başçı canavar sıradan çıxıb eşşəyin ətrafında bir neçə dəfə dövrə vurdu. sonra, buna ehtiyac olmasa da, çox dəqiq hərəkətlə sıçrayıb eşşəyin boğazından yapışdı. eşşək boğazını yuxarı qaldırdıqda canavar da onunla qalxıb sallanan vəziyyət aldı. dişlərini eşşəyin boğazından çəkməyərək onu boğdu. eşşək taqətdən düşüb yerə yıxıldı. çox keçmədi ki, eşşək öldü. sürüdən o biri canavarlar da gəlib eşşəyi parçalayıb yedilər.
həmin əhvalatdan sonra canavarlara yem verən olmadı. bu yerdə də canavarlar öz qanunlarına biganə qalmadılar. nəsli yaşatmaq ümidi ilə növbə ilə əvvəlcə qoca canavarlar könüllü olaraq cavanlara özlərini qurban verdilər, sonra da tək-tək aciz və zəif canavarları yedilər. bir neçə gündən sonra volyerdə beş canavar qalmışdı. bunlar da başçı canavarın ailəsinə məxsus canavarlar idi.
əsl faciə də elə buradan başlandı. vaxtı ilə böyük bir canavar sürüsünə başçılıq edən və volyerdə öz hökmranlığını saxlayan güclü canavar məhv olacaqlarını duyaraq nəsli yaşatmaq naminə öz qanununa sadiq qalaraq yerə uzanıb parçalanması üçün əmr verdi. ana və üç bala ata canavarı parçalayıb tikə-tikə yedilər, maraqlı o idi ki, ata canavar parçalananda məğrur dayandı, müqavimət göstərmədi. elə bil heç canı yox imiş. yenə bir neçə gün keçdi, canavarlara yem verən olmadı. nəsli yaşatmaq naminə bu dəfə ana canavar balalarının qarşısında uzanaraq öz əmri ilə özünü iki erkək, bir dişi balasına qurban verdi.
yenə bir neçə gün keçdi, volyerdə bir bacı və bir qardaş qalmışdı. bir neçə gün onlar bir-birini qucaqlayaraq volyerin divarı yanında yatdılar. ətrafa biganə qalaraq, gəlib-gedən adamlara əhəmiyyət vermirdilər. nə qardaş bacını nə də bacı qardaşı yemək istəmirdi. nəhayət, canavar qanunu sonda özünü göstərdi. bacı qardaşının qabağında uzanaraq özünü ona yem etdi. canavara baxan işçi deyir ki, yerdə bir canavar qalmışdı. o, gözlərini dünən yediyi bacısından saxladığı bir pəncəyə və bir parça qarına zilləyərək üzü üstə uzanıb tərpənmirdi. canavara baxanın bu mənzərəyə ürəyi ağrıyır. yaxınlıqda olan mağazadan ət alıb onun qabağına atır ki, yesin. lakin canavar əti yeməyəndə, canavara baxan çəpərin qapısını açıq qoyaraq gedir ki, heyvan çıxa bilsin. lakin səhər ora gələndə görür ki, canavar yerindən tərpənməyərək həmən vəziyyətdəcə ölüb, ətə heç dilini də vurmayıb.
+7 əjdaha
15. Bir gün canavar şirə deyir ki, sən böyüysən mən?
Şir də qayıdır, indi başıva işiyəcəm ağlın başıva gələcəy
+3 əjdaha
6. çıxılmaz vəziyyətə düşəndə, qaçmağa bir yeri olmayanda öz dərilərini didə bilən heyvanlardır. canavarlar nümunəvi ailə mədəniyyətinə malik heyvanlardır.*
nümunəvi ailə mədəniyyəti nə amk
-* belə ki, erkək böyük bir problem olmasa ömrünün sonuna qədər eşinə sadiq qalır. eşlərdən biri yaralandıqda digəri ona yemək gətirir yəni qısaca heyvanın dibidilər. *
heyvandakı asilliyə bax ala
+1 əjdaha
7. qurd sürüsü...
öndə ən zəif 3 xəstə qurd gedir. pusquya düşsələr ilk onlar öləcəklər. əsas vəzifələrindən biri də arxadan gələnlərin yorulmamaları üçün qarı ayaqlayıb yumşaltmaqdır...
onlardan sonra 5 ən təcrübəli canavar - avanqard dəstə gedir.
ortada isə 11 dişi qurd. dişiləri arxa cinahdan məsul digər 5 təcrübəli qoruyucu qurd izləyir.
ən sonda, sürüdən bir qədər aralı məğrur yalnızlığı ilə irəliləyənsə liderdir, sürünün başçısı. o, sürünün tamamını görməli, nəzarətdə saxlamalı və onu idarə etməlidir....
+1 əjdaha
8. canavarlar qohum olduğu bir canavarla cütləşmir.
türklərdə də qohum evliliyi olmamışdır.emi qızı xala qızı dayı qızı bibi qızı ilə evlənmək türklərdə olmamışdır.ərəblərdən gəlmişdir.
+1 əjdaha
2. qohumları ilə heç bir zaman çütləşməyən monoqamik məməli
+2 əjdaha
13. (baxma: evdə canavar çöldə can alar)
hamısını göstər
