2. əvvəlindən salan olsaydı əgər başa bizi,
cəhlimiz salmaz idi bunca dağa-daşa bizi,
azacıq elmimiz olsaydı əgər əsrə görə,
boyun əydirməz idi qonşuya yoldaşa bizi,
nə hünər var nə biliymiz nə də ki devləti mal,
itə atson da yeməz hiss eləməz laşa bizi,
şübhəsizdi tüpürər surəti halımıza,
göstərən olsa bu simaynan nəqqaşə bizi,
üzü dönsün görüm o, ağuya dönmüş çörəyin,
yaxçı möhtac elədi qəhbəyə oğraşa bizi...
qəzəlinin müəllifi. qəhbəyə ve oğraşa möhtac qalmış azərbaycan xalqının qəzəlxanlarından biri.
11. deyilənə görə, gəncliyində polina adlı bir rus qızını sevirmiş. amma rus dilini pis bildiyindən ürəyini ona aça bilmirmiş. bir gün cəfər cabbarlıya sirrini açır və ona deyir ki, amanın günüdür, mənə kömək elə, dərdimi deyə bilmirəm. cəfər vahidə kömək edir, sonralar vahid həmin qızla evlənir. amma onların övladları olmur və bu da vahidi çox sıxırdı, narahat edirdi.
bir gün xəstəxanada ona qulluq edən şəfqət bacısına “adamın belə arvadı ola” deyir, həmin qadın da zarafatla qayıdır ki, “alsan, niyə olmur”. bu zarafat onların evlənməsiylə nəticələnir. vahidin nəslinin davamı olacaq övladlarını da elə bu qadın dünyaya gətirir.
masazır kənd qəbirstanlığının girəcəyində yerləşən qəbrinin başdaşında yazılmış qəzəli:
vətəndir
könlüm yenə bül-bül kimi
şeydayi-vətəndir.
məcnun edən aşiqləri
leylayi-vətəndir.
yüzlərlə gözəl aşiqi
olsam da mən amma
qəlbim yenə də
sevdayi-vətəndir.
dünyaya gözəllik verən
əlbəttə vətəndir.
ondan da gözəl xəlqə
təcəllayi vətəndir.
qoymaz bu müqəddəs yerə
biganə toxunsun,
hər kəs ki, sədaqətlidir
əbnayi-vətəndir
tərifi behişt eyləməsin
xəlqimə heç kəs
cənnət də, behişt də bizə
səhrayi vətəndir
vahid, elə zənn eylə ki,
mən yusifi-əsrəm
məşuqə mənə eşqi
züleyxayi-vətəndir.
9. 20ci əsr azərbaycan qəzəlxanı, şairi. ədəbi yaradıcılığında füzuli ənənələrinin davamçısı kimi də çıxış etmişdir. haqqında maraqlı məlumatlar çoxdu. eyni zamanda ideologiyasız ədəbiyyatın nümayəndəsi hesab olunur ki, əgər həqiqətən belə idisə rəğbət edir sayılaram. repressiya dövründə həyatda qalmağın tək yolu kimi süni sovet adamı təbliğatı yerinə bu cür ideologiyasız yazmaq daha şəxsiyyətli gəlir hətta.. repressiya qurbanı olmaması ilə bağlı çox içməsi də səbəb göstərilir ki, mircəfər bağırova içində repressiya hədəflərinin olduğu siyahı (!) göndərilir, mircəfər
bağırov isə siyahıd olan vahidin adının üstündən xətt çəkir ki, bütün günü sərxoş olan adamdı. ondan bizə nə ziyan gələcək. həmçinin ondan neft buruqlarını təbliğ edən şeir yazması istənildikdə " ay qara şalban, mən sənə qurban" cümləsi dediyi də vardır -*
bir də "adamın lap sağlam ölməyə heyfi gəlir" sözləri vardır ki qış vaxtı dondurmaya etiraz edən dostlara bəhanə ola bilir.
17. aşiq olalı zülfinə, ey gül, dəliyəm mən,
öldür məni, asudə elə, ölməliyəm mən.
zülfün kimi ardınca sürünnəm, hara getsən,
hər yerdə döşənnəm yerə, guya xəliyəm mən.
məqsədün əgər canımı almaq isə, zalim,
naz eyləmə, bir kəc nigahin mətəliyəm mən!
dünya o qədər işvəli dilbər yetiribdir,
çox hüsnünə fəxr etmə, demə şivəliyəm mən.
hər kim o qara zülfə könül versə, xətadır,
amma yenə mən bəndəm, əcəb gülməliyəm mən!
bilməm niyə məhrular olur talibi-əğyar?
bu hikmətin axır səbəbin bilməliyəm mən.
vahid, mənə cövr eylər o gül, qeyrə məhəbbət,
bilmiş ki, cəfa çəkmək üçün sərfəliyəm mən.
7. içki içdiyi düşüncəsinə görə mircəfər bağırov tərəfindən avara şair kimi qiymətləndirilən və repressiya qurbanı olmayan şair. adam dövrünün əjdahası olub. daha çox məhəbbət mövzusunda yazdığı şeirlərilə tanınıb. azərbaycan muğamlarında söylənən qəzəllərin demək olar ki yarısı əliağa vahidindir.