S Ö Z A L T I

euro 2024 |

Peşin edit: səhvən sifarişi də özüm vermişəm.
14 iyun - 14 iyul tarixlərində Almaniyada keçiriləcək futbol bayramı. Bir çoxları Fransa və İngiltərəni favorit hesab edir. Məncə həmişəki kimi İngilislər bacara bilməyəcək. Bəlkə də beynimə loser kimi kodlanıblar bilmirəm. Şəxsən mən turnirin qalibi kimi fransanı görürəm. Çox əjdaha şəkildə gəlirlər. Keçim qrup təxminlərimə:

Burda Macarıstan qrupun sürprizi olacaq. Almaniya maks 2 olacaq. İsveçrə və Şotlandiya isə ən yaxşı 3-cü yer uğrunda mübarizə aparacaq. Qrupun həlledici oyunu elə 1-ci turdakı Macarıstan - İsveçrə matçı olacaq.

Azarkeşi olduğum və son çempion İtaliyanın taleyindən qorxuram. Spaletti bambılısı dünən hücumçu qıtlığında Bolognada əla mövsüm keçirən Orsolinini komandadan çıxartdı. İtaliyada hamı spalettini topa tutur. Zaccagni, çolaq el shaarawy və demək olar ki, bu sezon oynamayan faggiolini saxlayıb, Orsolini və lazionun qapıçısı provedeli kənarda tutub. İspaniya və Xorvatiya, hətta Albaniya da başağrısı olacaq İtaliyaya. Türkiyə ilə 0-0 bitən matçda da ümid vermədilər. Amma bu İtaliyadı. Qrupda 3 heç-heçədən sonra dünya çempionu olmuş komandadı. Bilmək olmaz. Bu qrupa təxmin vermək çox çətindi. Realist olsam hal-hazırki vəziyyətə uyğun olaraq
1 İspaniya 2 Xorvatiya 3 İtaliya 4 Albaniya.

İngiltərə burdan təmiz çıxar. 2ci yer üçün Danimarka və Serbiya əlləşər və Danimarka yeri qapar.

Ən asan qrupdu bu məncə. Fransa 1, Hollandiya 2, Avstriya 3, bərbad oyun oynayan Polşa 4.

Ən maraqlı qrup. Hamı Belçikanın asanlıqla 1-ci olacağını desə də mənim fikrimcə onların generasiyasının limiti çoxdan bitib. Rumıniya sürpriz edəcək. Ukraniya da ondan geri qalmayacaq. Slovakiya 4-cülüyə məhkumdu.

Gəldik dananın Türkiyə üçün quyruğunun qopduğu yerə. Türkiyə burdan necə çıxırsa çıxsın 8/1-dən o yana getməyəcək. Çünki ya Fransa ya İngiltərə ya da b qrupunda hansısa əjdaha ilə qarşılaşacaq. Ümumiyyətlə Türkiyə elə komandadı ki, oyununu heç cür tuta bilmirsən. Heç vaxt stabil oynamırlar. 0 da çəkə bilərlər. 90+ -da vurulan qollar ilə 1-ci də çıxa bilərlər. Portuqaliya 1-ci olacaq sözsüz. Gürcüstan Mdb-nin hal-hazırda ən yaxşı oynayanıdı. (Russia excluded). Çexiya burda tale həll edən komanda olacaq.
Könlümdən keçən İspaniyaın 2008 və 2012-dəki kimi İtaliyanın da ardıcıl qalib gəlməsidir. Amma çətin. Real vəziyyət Fransanın çempionluğunu göstərir. Ümid edirəm ki, 2004 və 2016 kimi sıxıcı yox, 2000 və 2008 kimi yaddaqalan turnir olsun.
sifarişi verən: 4cü böyük

sosioloji marksizm | elm

analitik marksizm ekolu ilə tanınan, sosial siniflər klassifikasiyasında yeni nəzəri paradiqmaları ilə həm sosiologiya sahəsində həm də bütöv olaraq marksizm sahəsində yeni cığırlar açan erik olin wrightın Viskonsin-Medison Universitetində verdiyi dərslərdən biri.

dərsin syllabusu 87 səhifədir -*. bu yay syllabusda paylaşdığı əsas oxumaları bitirməyi planlayıram.

syllabusdakı chapterlər bu şəkildədir:
1) giriş
2) sinfi struktur
3) sinfi təşəkkül
4) dövlət və siyasət nəzəriyyəsi
5) ideologiya və şüur
6) tarix nəzəriyyəsi
7) sosializm və xilas/azadlıq

və üstəlik əsas oxumaların yanında- əgər vaxtınız varsa- əlavə oxuma materialları da var. möhtəşəm syllabusdur.

syllabusun linkini paylaşıram. məncə göz atın və bu sahə haqqında nələrsə oxumaq istəyirsinizsə yararlanın.

link: https://drive.google.com/file/d/1Q64aPnfb1IlezJXjzcwuXMh62U8Silft/view?usp=sharinghttps://drive.google.com/file/d/1Q64aPnfb1IlezJXjzcwuXMh62U8Silft/view?usp=sharing

ufc | idman

Açılışı ultimate fighting championship olan mma təşkilatı. İnsanların niyə bu qədər az maraqlandığına təəsüflənirəm düzü, xususilə də həmcinslərim arasında. Nəticə də, dünyanın ən güclü ya da badass insanının kimi olduğu sualı maraqlıdır və bunun cavabının öyrəniləcəyi ən prestijli təşkilat ufcdir. One championship və bellator kimi təşkilatlar da var, lakin ordakı əksər divizyadakı çempionlar heç ufcnin top 10 una girə bilməz müvafiq çəki divizyasında. Təbii olaraq anlayıram bəzi insanlar şiddət və s. kimi görüntüləri sevmir, həmin insanların baxmamağı normal haldı. Ancaq ölkədə xususilə animeci kütlənin, heç ufc nin nə olduğunu eşitməməyi maraqlanmamağı qəribə gəlir. one punch man, naruto və oxşarı animelərə baxmaqdansa çox daha real olanına baxa bilərsiz. Və bu real xarakterlərdən çox daha yaxşı inspiration ala bilərsiniz. Misal verim döyüşçülərdən,
Alex pereira gec yaşda kick-box a başlıyır. Ən yüksək səviyyə olan glorydə 2 diviziyada çempion olur. 2 dəfə məğlub elədiyi israel adesanya tərəfindən hər hansı bir interviyuda, "mən əfsanə olanda, hər hansısa bir pubda arxamdan boş boş danışacaq , o heç kimdi" tərzi təhqir olunmadan sonra özünə tamam yad olan bir idmana başlıyır. Hansı ki grappling dediyimiz şey 30 dan sonra elə rahat öyrənilən bir şey deyil. Öyrənsən belə heç vaxt vasatın üstü ola bilməyəcəksən, bunun özü də böyük drawback di istenilen döyüşçü üçün. Pereira ufc debutunu edir, və hətta bambılı bambılı danışan adesanyanı knockout edir. Sonra bir yuxarı çəkidə də çempion olur və hal-hazırda planetdə ayaqüstü döyüşdə ən çox qorxulan döyüşçüdür desək düz olar. Və bu insanın bütün bu uğuru, brazilyanın kasıb favellalarından birində, yoxsullaqdan çıxaraq elədiyi də
ayrı bir heyrətamiz haldı.

Çox maraqlı personaj var yəni ufcdə, misal günlərcə qaranlıqda ac sussuz, balaca otaqda günlərcə duran jiri prochazka. Bu xarakter elə bil sırf mistik anime xarakteri sevən insanlar üçün dizayn olunub. Günlərcə meşədə tək qalıb, məşq edir, just insane dude overall. Hərtərəfli döyüşə bilir, ancaq əsasən ayaqüstü döyüşməyə üstünlük verir, və sıfır guard ilə, full hücüm. Alex pereira kimi dünyanın ən təhlükəli kickbox çusunun belə üstünə şığıyır, əli qolu qarınında, ayaqları yediyi low kick lərdən təndimiş, qızarmış(döyüşdən sonra hətta morarmış olacaq) vəziyyətdə.
Son olaraq döyüş deyim maraqlananlar baxsın.
https://youtu.be/dHKRVKnChFI?si=SPdvsxA140sdhjxV

Jiri ilə glover teixeirü nın döyüşü həqiqətən yüksək gərginlikli bir kəmər döyüşü idi, gərginlik dedim yəni daim bir actionın olduğu maraqlı bir döyüş, sıxıcı şəkildə bir roundda 10, 15 jab in atıldığı bir döyüş yox. Düşünürəm ki, bu döyüşə önyarqısız baxan insan mma fanatı ola bilər.
Səhv eləmirəmsə gloverin 8 ci dərəcə bjj qara kəməri var və bu onu idmandakı ən yüksək grappling çi deməyimizə bəs edər. Ancaq mma təkcə grappling deyil.

https://youtu.be/7CAkyfHMhhA?si=dgNlY8GcxY5sm7cn
Rober whittaker , yoel romero

Müasir dövr middleweightdə(83kg) ən yaxşılardan olan cavan Whittakerın 41 yaşlı kafdar romero ilə olan 2- ci döyüşü. Romeroya kafdar dediyimə baxmıyın the dudes is insanely ripped and explosive. Çox gec başladığı idmana səhv eləmirəmsə 35,(köhnə olimpik gürəşçidir) əfsanə olaraq ayrılmışdı ufcdən. Qeyri mümkün bir nailiyyətdi həqiqətən 35 indən sonra təzə idmana başlamaq oyana, 35 indən sonra çempion ola bilmək ya da oxşarı bir nailiyyət göstərmək qeyri mümkün bir haldı. Çünki istər istəməz qocalırsan, əgər heavyweight ya da light heavyweight deyilsənsə. Romero onsuz adi bir insan deyil, hamı kuba da bədəninə qəribə experimentlər olunduğu bilir, ancaq yenə də idmanın özündə doping təşkilatları nəzarət edir, keçə bilibsə fair competition.

https://youtu.be/h9oj6HEdZSI?si=_0lutKRzOWW03d_v
Son olaraq aşağı çəkilərdən daha texniki olan, volkanovski, islam makhachev döyüşü. Volkanovski bu döyüş zamanı məğlubiyyətsiz demək olar, çempion idi 66 kiloda, islam isə xəbibin atasının favorit tələbəsi idi və çempionluğu oliveirdan(xəbibi udacağı deyilirdi, çox yaxşı grapplingi olduğuna görə) almışdı. Çoxlarına görə xəbibdən daha yaxşı olan islam, xususilə ayaqüstü döyüşdə, əksər döyüşlərini 1 dəqiqənin altında bitirən islam üçün çıxa biləcək ən texniki və inatçı rəqiblərdən idi alexander, həmçinin bütün çəki divizyalarını əhatə edən reytinqdə də, pound for pound rankingdə də 1 ci sırada idi. Bu döyüş digərləri qədər, süper maraqlı olmaya bilər, ancaq məğlubedilməz dağıstan grappling məktəbinin qarşısına çıxan ən güclü oponentin döyüşə necə bir əhəmiyyət qazandırdığnı qavraya bilsəz, yüksək diqqətlə baxacağıvıza şübhəm yoxdur. Hərhalda texniki skill olaraq bunun üstünə çıxa biləcək başqa qarşıdurma yoxdur.

Sona da ufc üçün xüsusi tarixi əhəmiyyəti olan bir neçə maraqlı döyüş qoyacam
https://youtu.be/en4hR34Bl8w?si=Xm8rBGOoan4LTDtz
https://youtu.be/l8s2fsfIpUA?si=AFqEA-1VW_NkK6e8
https://youtu.be/JuBBIJ7adjM?si=l2RWjq2ktf83kZKQ

obyekt yönümlü proqramlaşdırma | proqramlama

(OYP) - verilənlərin obyektlər üzərindən formasını dəyişməsi üzərinə qurulmuş proqramlaşdırma methodu. yazılmış funksiyaların təkrər istifadəsinə və daha kompleks məntiqə kömək edir.

// birinci class-da yaradılan obyekt və methodun digərində çağırılıb istifadə edilməsi:
class a {
string name;
public void method_a();
}
// ikinci class-da implementasiyası
class b extends class a {
name = "jhon.doe'':
method("do something");
}

bəzi methodolojiyaları:
enkapsulyasiya (encapsulation),
varislik (inheritance),
polimorfizm (polymorphism),
abstraksiyası (abstraction),
obyektlər arasında informasiya axınının təşkili (sending messages / message sending),
təkrar istifadə oluna bilərlik ( reusability).

java - c - c++ - Python - php
bu linkdə azərbaycanca ətraflı və bəsit izahı da var

perfume genius | musiqi

əsl adı Michael Alden Hadreas olan əsasən indie pop, indie rock və art pop tərzlərində mahnılar bəstəyən amerikalı musiqiçidir. Özünə seçmiş olduğu bu ləqəb isə Perfume The Story of a Murderer filmindən irəli gəlir. 2020-ci ilin diqqət çəkən albumlarından biri Set My Heart on Fire Immediately olsa da onun no shape albumunu daha çox bəyənirəm.

Tanımaq istəyənlər üçün:
(baxma: jason)
(baxma: otherside)
(baxma: die 4 you)
(baxma: slip away)
(bax: queen)
(baxma: without you)

euro 2024 |

sosioloji marksizm | elm

ufc | idman

obyekt yönümlü proqramlaşdırma | proqramlama

marquis de sade ★ wiki | ədəbiyyat

adı sadizmə verilmiş, həyatının 30 ilini həbsxana və dəlixanalarda keçirən fransız yazıçı.

aristokrat bir ailənin övladı olan sade əvvəlcə əmisindən dini təhsil almış, sonra isə hərb təhsili görmüşdür. 24 yaşına gəldiyində həmin dövürdə başqa bir qadını sevməyinə baxmayaraq atasının zoru ilə varlı bir ailənin qızı ilə evləndirilir. bundan sonra sade üçün həyatın yolu bəlli idi və o da atası kimi böyük bir insan olmalı idi. amma sade bunu seçmədi əksinə öz və sonrakı dövürlərin ən çox qınaq obyektinə çəvrilən yazıçısı oldu. demək olar ki bütün əsərlərində insanın heyvanlardan və bütün canlılardan daha iyrənc olduğunu vurğulayan yazıçı bunu etmək üçün əsərlərində seks'dən istifadə edirdi. bunun nəticəsində əsərləri yaşadığı dövürdə də, indi də dünyanın bir çox ölkəsində qadağan olundu özü isə həbs edildi. həbsdə olduğu müddətdə sade otağının divarlarına qanı, spermi və nəcisi ilə yazılar yazarmış. həbsdən sonra isə sade dəlixanaya göndərilir və orada da ölür.

perfume genius | musiqi

javascript | proqramlama

28 may 1997 b.dortmund - yuventus matçı | idman

segah ★ wiki | musiqi

qeyd. entry-də bütöv segah dəstgahı izah edilib. əgər sizə orta-statistik azərbaycanlının segah dedikdə ağlına gələnin nə olduğu maraqlıdırsa, (hansı ki, qarmon qəfil giriş edir, xanəndə "yar aman, aman" ilə başlayır -*), o segah dəstgahının bir şöbəsi olan orta segahdır : (bax: ana segahı) . xatırlamadınızsa, buna qulaq asa bilərsiniz.

mənası fars dilindən tərcümədə 3 məkan və ya 3 hissə mənasına gələn həm eyniadlı dəstgah, həm də lad. bu muğam azərbaycanda ən geniş ifa olunan muğamlardan biri olduğuna görə, digər şərq xalqları ilə müqayisədə ən inkişaf etmiş muğamlardan biridir. hacıbəyova * üzeyir hacıbəyov görə segaha qulaq asmaq, insanda psixoloji cəhətdən sevgi, məhəbbət və ya "eşq iztirabı" hisləri oyadır.

azərbaycan insanının zövqünə ən yatan muğamlardan biri olması ilə əlaqədar olaraq, digər muğamlardan fərqli olaraq müxtəlif formaları yaranmışdır. ən geniş yayılan formaları aşağıdakılardır, və hər birinin əsasını segah ladı və ya məqamı təşkil edir.

mirzə hüseyn segahı;
zabul segahı və ya segah-zabul;
xaric segah ;
orta segah ;

bu dəstgahlar bir-birlərindən tərkibində olan guşələrin həm kombinasiyasına, həm ardıcıllığına, həm də mayələrində istifadə olunan səs ucalıqlarına görə fərqlənirlər. Məsələn, mirzə hüseyn segahı "lya" mayəli olduğu halda, orta segah "mi" mayəlidir.

Nümunə olaraq zabul segahını götürsək, mirzə fərəcin cədvəlinə əsasən, zabul-segah nəzəri olaraq bu şöbələrdən ibarətdir: mayeyi-zabol, muyə, manənd müxalif, orta segah, məxluq, şikəsteyi-fars, mürəbbiqə, əraq, yədi-hasar, aşıq-guş. ancaq nəzəriyyədə olduğundan fərqli olaraq segahlar həm ifaya qulaq asan dinləyicinin yorulmasının qarşısını almaq, həm də dəstgahı daha lakonik etmək üçün əsasən, daha qısa tərkibdə oxunurlar. məsələn, ən geniş ifa olunan segahlardan biri olan zabul-segah hal-hazırda aşağıdakı tərkibdə oxunur :

bərdaşt (zil registr)
mayeyi-zabul (bəm registr)
manəndi-müxalif (bəm registr)
segah (orta registr)
zil-zabul (zil registr)
manəndi-hasar (zil registr)
manəndi-müxalif (zil registr)
kadenziya (segaha ayaq) (musiqi quruluşunu tamamlayan ifadə)

və təbii ki, hər bir dəstgahda olduğu kimi dəramədlə başlanılır, şöbələr arasındakı keçidlərdə rəng və ya təsniflər ilə davam edir, sonda isə xanəndənin kadans (ayaq) etməsi ilə tamamlanır.

segah ladında quraşdırılmış və bəstələnmiş əsərlər:

xalq mahnıları: “Anacan”, “Bəri bax”, “Ceyran bala”, “Evləri var xana xana”,“Xumar oldum”, “Kəklik”, “Qaçaq Nəbi”, “Naxçıvan”, “İrəvanda xal qalmadı”, “Sarı bülbül”, “Sona bülbüllər”, “Şuşanın dağları”, “Uca dağlar başında”, “Yar bizə qonaq gələcək”

rəqslər: “Mirzəyi”, “Tərəkəmə”, “Vağzalı”

zərbi muğamlar: “Qarabağ şikəstəsi”, “Kəsmə şikəstə”, “Şirvan şikəstəsi”

simfonik əsərlər və operalardan ariyalar:

üzeyir hacıbəyov:
Leyli və Məcnun operasından 1-ci pərdə, Xor
Leyli və Məcnun operasından 1-ci pərdə, Leyli və Məcnunun dueti
Leyli və Məcnun operasından 5-ci pərdə, Məcnunun şikayəti
Koroğlu operasından, Uvertüradan ilk hissə
Koroğlu operasından 1-ci pərdə, Nigarın ariyası
Arşın mal alan musiqili komediyasından, Əsgərin ariyası, “Nalədəndir ney kimi”
Arşın mal alan musiqili komediyasından, Gülçöhrənin ariyası, “Pərişan zülfü”
Arşın mal alan musiqili komediyasından, Gülçöhrənin etirafı, “Məni saldı yaman dərdə”
Arşın mal alan musiqili komediyasından, Asyanın mahnısı “Gözəlim, yar gözəlim”
Arşın mal alan musiqili komediyasından, Asyanın rəqsi
Arşın mal alan musiqili komediyasından, Süleymanın mahnısı, “Nədir sənin dərdin”
Arşın mal alan musiqili komediyasından, Tellinin mahnısı, “Yar o yanda, sən bu yanda”
Arşın mal alan musiqili komediyasından, Soltan bəyin kupletləri “Sən dul, mən dul”
Sənsiz romansı

Fikrət Əmirov:
Sevil operasından, Atakişinin kupletləri

Vasif Adıgözəlov:
Segah simfonik muğamı
Qərənfil musiqili qəzəli

Cahangir Cahangirov:
Ana
Aylı gecələr

Ramiz Mirişli:
Dalğalar

Hacı Xanməmmədov:
Güllü

Səid Rüstəmov:
Həkim qız
Oxu gözəl

mənbə.
Azərbaycan Musiqisinin Lad Nəzəriyyəsi, İmran Şıxəliyev
Azərbaycan xalq musiqisinin əsasları, Üzeyir Hacıbəyov
Video mühazirələr, Ramiz Zöhrabov
http://enene.musigi-dunya.az/lecture.html
http://mugam.musigi-dunya.az/
https://az.wikipedia.org/wiki/Segah
Muğam radio jurnalı, segah, 1979
Ustad Dərsi, ALim qasımov)