1. norveçli rejissor morten tyldumın 2011-ci il istehsalı triller filmi.

aksiyon triller janrını çox sevməm. o tip filmlər uşaqlıqda maraqlı, həyəcanlı gəlirdi. amma arabir bu tip filmlərə də baxmaq lazımdır deyə düşünürəm. imdb xalını yüksək görüb izlədiyim bu norveç filmini bəyəndim demək olar. bəzi səhnələr (xüsusilə silahın istifadə edildiyi səhnələr) vardı ki, yenidən işlənməli, mükəmməlləşdirilməliydi. amma ümumilikdə pis film deyil. boş vaxtınızda izləməyinizi məsləhət görürəm.

film işədüzəltmə şirkətində işləyən rogerin qiymətli rəsm əsərlərini oğurlamasından bəhs edir. növbəti qiymətli, dəyəri təxminən 100 milyon dollar olan rəsm əsərini oğurladıqdan sonra isə olanlar olur. roger ov obyektinə çevrilir, amma sonradan anlayırıq ki, əslində məsələnin olduqca gizli tərəfləri var. filmdə diana rolunda oynayan synnøve macody lundun çıxışı istisna olmaqla qalan qalan performansları bəyəndim. clas greve rolunda çıxış edən aktyor nikolaj coster-waldaunu "lost"dakı sawyerə bənzətdim.

--spoiler--

filmdə bəzi səhnələr var ki, yəqin uzun müddət unutmacağam. məsələn, rogerin özünü pox quyusuna atması, orda nəfəs almağa çalışması, rogerin iti öldürmə səhnəsi, itin traktorun qarmağına keçmiş formada rogerin gecə vaxtı traktoru sürməsi və s.

--spoiler--