8. sözlü mürekkep bu haqda gözəl bir yazı yazıb:

antik yunan, roma imperiyası və şumerlər haqqındakı araşdırmalar homoseksuallığın bir neçə əsrlik bir hadisə olmadığını sübut edir. bununla bərabər bilirik ki şumerlərdə və qədim romada kişilər və qadınlar arasında homoseksuallıq son dərəcə adi bir hal idi. hətta hititlərin qanunlarında iki kişinin evlənəbiləcəyinə aid konkret bir qanun olduğu da bizə məlumdur.

yunan mifologiyası ilə bağlı bir çox mənbədə kişi və ya qadın allahların həmcinslərindən insanlarla cinsi əlaqəsini təsvir edən yazılar var. farslarda da vəziyyət bundan fərqli deyil. hətta həmin dövr mesopotamiyasındakı bəzi paqan dinlərdə yüksək rahib ola bilmək üçün homoseksual əlaqə yaşamış olmaq şərt idi.

bu mövzuda bir çox nəzəriyyələr olsa da, mənim indi ən çox ağlıma yatanı, paqanizm(bütpərəstlik) və digər qədim dinlərlə səmavi dinlərin arasındakı ideoloji mübarizədir. burda o dövr üçün gedərək daha kişi hegemonlaşan bir dünyadan söhbət gedir. səmavi dinlər elə bu kişi hegemonluğunun(ata xaqanlığının) zirvəsidir. bir çox paqan və çoxallahlı dinlərdə qadınların yüksək müqəddəs mərtəbələrdə, səmavi dinlərdə isə vəz(moizə) verə bilməyəcək vəziyyətdə olmaqları bu durum açıqlayır. həm dinlər arasındakı bu rəqabət, həm də kişihegemon mədəniyyətin oturuşmuş olması homoseksuallığı hədəf halına gətirir istər-istəməz.

ilk səmavi dini çıxardan yəhudilərin o dövrdə homoseksuallığa demək olar ki ideoloji müharibə elan etdiklərini "homosexuality and civilizations" kitabını oxuyarkən öyrəndim. əlbəttə homoseksuallığın tabulaşması bir gündə olmadı. bu proses əsrlər çəkdi və qadağaların din müharibələrindən başqa iqtisadi paylaşım kimi bir çox səbəbləri olduğu da ayrı bir gerçəklikdir.
məsələn erkən xristyanlıq vaxtında da homoseksuallığa qarşı ciddi bir duruş olduğunu görmürük. amma vaxt keçdikcə bu mövzuda ciddi qadağalar qoyuldu. əslində sadəcə homoseksuallıq deyil, ümumilikdə cinsəlliyə sərhəd qoyur xristyanlıq və bütün səmavi dinlər.

dinlərin ayinlər(rituallar)ını qarşılaşdıraraq bu mövzuda daha dəqiq nəticəyə gəlmək olar. bir çox paqan dinində erotizm və seks ayinlərin əsas mövzusunu təşkil etdiyi halda, səmavi dinlərdə erotizmə önəm verilsə də bu önəm "məhrəm"(gizli) anlayışı ilə dilə gətirilir.

səmavi dinlərdəki bu məhrəmiyyət anlaşıyı əlbəttə ki cinsəlliyi idarə etmək istəyinin bir işarəsidir. cinsəlliyi idarə etmək istəyi təbiəti idarə etmək istəyindən gəlir əslində. çünki səmavi dinlərlə paqanizm(bütpərəstlik) arasındakı ən mühüm fərq paqanizmin təbiətin bir hissəsi olmağı, səmavi dinlərin isə təbiəti hərhansı formada idarə edə bilməyi əsas almasıdır. təbiəti idarə etmək üçün əvvəlcə müqəddəsliyi təbiətin əlindən almaq lazımdır. buna görə də müqəddəs adlandırılan şeylər təbiətdən yox, təbiətin xaricindən olmalıdır. elə bu səbəbdən ağacı ya da günəşi müqəddəs saymaq qadağan olunmuşdur səmavi dinlərdə.

bəs bu vəziyyətin homoseksuallığın tabulaşması ilə əlaqəsi nədir?

əslində çox yaxında əlaqəlidir. çünki təbiəti idarə etmə iradəsinin gəitrdiyi cinsəlliyi idarə etmə həvəsi cinsəlliyin mümkün qədər tək tipləşdirilməsi nəticəsini yaradır. beləcə də çoxluqdan fərqli cinsəllik yaşayan insanlar günahkar, "təbii olmayan" adını alırlar. təbii olanla olmayanı təyin etmək yenə səmavi dinlərin əlinə keçmişdir artıq.

nəticədə bu günə gəlsək homoseksuallıq artıq dünyada yenidən layiq olduğu yeri almağa başladı. məncə bunun başlıca səbəbləri isə, mənə görə (çox adam razılaşmayacaqsa da) yenidən anaxaqanlığı olan bir dünyaya getməyimiz, səmavi dinlərin zəifləməsi və insan haqlarını müdafiə edən düşüncələrin artması. artıq insanlar homoseksuallara baxdıqda bir günahkar yox bir insan görə bilməyə başladılar.

səmavi dinlər də, insan haqlarındakı inkişafdan təsirləndi və bu mövzuda həlim fikirlər yarandı. qərbdə artıq bir çox kilsə homoseksuallara qarşı duruşundan vaz keçib. eynilə musəvilikdə də çok ciddi həlim din adamları ortaya çıxıb. ən son indoneziyada çox sayda müsəlman din adamı "homoseksuallığın günah olmadığını düşündüklərini" açıqladılar.

bütün bunlara baxmayaraq dini referanslarla başqalarına heç bir zərəri olmayan bu insanları hüquqlarından məhrum edəbiləcəyinə inanan insanlar var. amma artıq daha güclü əsir ümid küləyi.

tərcümə: haqverdi