357. getməyimin vaxtı gəlmiş sözlük, sözlüyüm, sözlüyümüz.

indiyə qədər yazdıq pozduq, etməli olduğumuz kimi. daha əvvəllər də dediyim kimi, bura fikirlərin meydanıdır egoların yox. ona görə bu xaric girdiyim 267 entry'nin hər birində tək tək bu həssasiyyəti israrla qorudum. egolar üçün özəl mesaj qutusu icad olunub. hər nə isə..

bu günə kimi olduğu üzrə yenə də sevəcəyim, izləyəcəyim, məzmununu dəstəkləyəcəyim platform olaraq qalacaq söz6. adını dilin dayağı olan "sətiraltı" ifadəsindən alan sözlüyün hər nə qədər sətir altına enə bilmək üçün yetərli mədəni səviyyəyə sahib yazar sayı az da olsa bu sözlüyün uğurlu yoluna kölgə salmır. səbr edilsə düzələcək.

və sonda, hər keçən gün fikir azadlığı bir qırağa fikrin azadığına verilən dəyərlə, ego, nəfs və tanınma istəyinin düzgün bir nisbətinin qurulduğu platforma olma yolunda irəliləyən, gündəmə təsir etmə gücünə və doğru hadisəni hiss etmə qabiliyyətinə malik səbirli yazarlara sahib, mövzuları egolarına alət etmə anlamında hər cür çirkinliyi etməyi bacaran yazarlardan təmizlənmiş, insana məxsus iyrənc duyquların yox saf fikir və ideaların sərgiləndiyi cəmiyyətin aynası ölkənin lüğəti kimi görmək istədiyim sözlük, sözlüyüm, sözlüyümüz.

fikri olan hər kəsə gülə gülə.