əsl adı benjamin sainte-clementine olan musiqiçi, aktyor. londonda doğulub, yeniyetmə yaşlarında parisə köçür. həmin müddətdə isə evsiz qalır. pianoda ifa etməyi isə 11 yaşında qardaşının pianosu ilə öyrənir. hələ ki dune filmində herald of the change rolunu canlandırıb.
condolence mahnısını bəyəndiklərim içərisində tapandan sonra gün ərzində dəfələrlə dinləmişəm.
blok başlıqlarını gizlət
viskningar och rop
khaneh siah ast
philippe pinel
ucal haqverdiyev
ucal haqverdiyev
ucal haqverdiyev
hallux valgus
Notice: Undefined variable: thisuser in /var/www/soz6/profilson.php on line 166
camel-in moonmadness albomundan möhtəşəm bir parça. ilk saniyələrində fleyta ilə ifa olunan hissəsi, sonrakı gitara keçidi, xarakteristik boğuq səslə oxunan musiqiyə yaraşan sözləri ilə mənə görə proqressiv rokun ən gözəl nümunələrindəndir. bir gün ən azından fleyta çalmağı öyrənib cover etmək istədiyim mahnıdır.
artıq hər bir gəncdən eşitməkdən yorulduğum mövzu. çox dar baxıram bəlkə, amma hər çıxıb getmək istəyənin bunun üçün nəsə etdiyini düşünmürəm. bir yerdən sonra müzakirə etmək də yorur. həm də mən təhsil vasitəsilə çıxış tapdığım (ya da tapacağımı düşündüyüm) üçün özümü bir az təsəlli edirəm.
insanların axtarışında olduqları şeylər çox fərqli imiş. "çox maaş versələr, qalaram, xaricdə nə işim var", "yaxşı qazansan, azərbaycan pis yer deyil" kimi cümlələr sərf edən insanın ömrünün qalan hissəsini başqa bir ölkədə keçirib xoşbəxt olacağından şübhə edirəm.
darıxmaq, öyrəşmək və s. kimi problemlərə görə əlbəttə çətin gələ bilər. sadəcə əksəriyyətdəki təşviş çox yersizdir.
2013-cü ildə londonda qurulmuş elektropop qrup - duo (christina wood və cicely goulder). john wick filmindəki think mahnıları ilə daha da tanınmağa başlayıblar. xüsusilə 99 luftballons, smells like teen spirit, take me to the river kimi mahnılara etdikləri coverları dinləməyə dəyər.
evdən çıxanda nəsə yaddan çıxar, onun nə olduğunu tapana qədər keçirdiyin o narahatlıq hissi kimidir.
gecikməyin, tələsməyin, az yeməyin, az yatmağın, çox oxumağın heç bir əhəmiyyəti yoxdur sanki.
zərərçəkənin baş verən hadisəyə görə məsul tutulması.
psixoloji proyeksiyanın praktikada bir nümunəsi sayılır. yəni əsl təqsirkarın məsuliyyəti qurbanın üzərinə proyeksiya olunur. günümüzdə əsasən təcavüz hadisələri zamanı qurbanın "qısa geyinməsəydi", "o vaxt küçədə nə işi var idi" və s. kimi iddialarla təqsirləndirilməsi victim blaming sayılır.
həmişə belə qorxunc formada da olmur. məsələn, ağır onkoloji xəstəliyə tutulan bir insanı zərərli vərdişlərinə görə günahlandırmaq da əsassızdır.
insanların zərərverəndən çox zərərçəkənə yönəlməsi ilahi ədalət anlayışı ilə əlaqələndirilir. hətta bəzən qurban belə özünü günahlandıra bilir.
john lennonun 1970-ci ildə çıxardığı solo albomundan bir parça. mənə görə imagine mahnısından daha gözəl və səmimidir.
god is a concept to measure your pain kimi əfsanəvi sözlərə sahibdir.
franz kafkanın eyniadlı ( der prozess) romanına əsasən çəkilmiş 1962-ci il istehsalı orson welles filmi. eyniadlı 1993-ci il istehsalı film də var. lakin o çox uğurlu alınmayıb, deyəsən. *
izləməmişəm
əsas rollarda anthony perkins, jeanne moreau, romy schneider, orson welles oynayıb. anthony perkinsin psycho filmindəki möhtəşəm rolundan sonra josef k. obrazı üçün seçilməsi də çox uğurlu alınıb. romanı oxuyarkən təsvir etdiyim məhkəmə salonu, vəkilin evi filmdəki ilə çox uyğun idi. vaxtına görə kamera hərəkətləri, çəkiliş çox irəli səviyyədədir. rəssamın yaşadığı yerdən çıxarkən balaca qızların k-ı təqib etdiyi səhnə çox təsirli idi, xüsusilə. adagio in g minor filmə ayrı bir hava qatıb həm də.
məhkəmə çox sevdiyim bir əsər olsa da, özümü təhlil edəcək səviyyədə görmürəm. daha çox filmin kinematoqrafik xüsusiyyətlərini yazdım.
welles filmi özünün ən yaxşı filmi adlandırır. roman ilə tam eyni deyil, rejissorun öz yazdığı sonluq ilə bitir. bitirilməmiş bir əsərə çəkilə biləcək ən yaxşı filmdir, məncə.
Amerikalı gözəl caz ifaçısı. Musiqi ilə məşğul olmasına əsas səbəb 19 yaşında keçirdiyi velosiped qəzası olur. Qəza nəticəsində Onurğası, başı, çanağı zədələnir, Uzunmüddətli Yaddaş itkisi yaşayır. Həmin vaxt ərzində fizioterapevti musiqi istedadını kəşf edib Melodyni bir növ musiqi ilə müalicə edir.
Musiqidən əlavə moda təhsili alıb. qara günəş eynəkləri də tərzinə ayrı bir gözəllik qatır.
Bir neçə sevdiyim mahnısı:
Morning sun:
Who will comfort me:
Preacherman:
Fransızca da ifa etdiyi bir neçə mahnısı var:
- what about love?
- Overrated. Biochemically no different than eating large quantities of chocolate.
(bax: The Devil's advocate)
(baxma: Dramatic irony)
izləyici və ya oxucunun hadisə haqqında obrazlardan daha çox məlumata sahib olması. Məsələn, qorxu filmlərində izləyicinin qatilin yerini obrazdan daha əvvəl bilməsi. Shakespeare də əsərlərində bu ironiya növündən çox istifadə edib.
(baxma: situational irony)
bir aktın nəzərdə tutulduğu kimi baş verməməsi, gözləniləndən fərqli nəticələnməsi. Məsələn, pilotun yüksəklikdən qorxması, yanğınsöndürmə məntəqəsinin yanması, siqaretin üzərində sağlamlığa zərər olduğunun qeyd olunması və s.
Məşhur the sixth sense filminin sonu da təmiz bir situasiya ironiyası nümunəsidir.
iranlı şair, rejissor Füruğ fərruxzad tərəfindən çəkilmiş cüzamlı xəstələrdən ibarət koloniyanın yaşantısından bəhs edən 1963-ci il istehsalı qısa film. Sənədli filmdir, lakin arxa fonda Forough Farrokhzadın oxuduğu şeirlər və quran kitabından hissələr filmə bədiilik qatıb.
- bir neçə gözəl şey say.
- ay, günəş, çiçəklər, oyun
- sən, bir neçə çirkin şey say.
- əl, ayaq, baş
Uşaqlar gülüşür..
"Eqoya yadlıq", eqonun ehtiyac və hədəflərinə uyğun olmayan düşüncə və davranışlardır. Sadəcə xəstəliklərdə yox, sağlam vəziyyətdə də müşahidə olunur. Məsələn, eqodistonik homoseksuallıq.
(bax: eqosintonik)
Eqonun ehtiyac və hədəflərinə uyğun, şəxsin ideal məni ilə toqquşmayan düşüncə və davranışlar. Adətən şəxsiyyət pozuntularındakı özünüqiymətləndirmə eqosintonik olur. Məsələn, narsisistik şəxsiyyət pozuntusuna sahib biri özündə hansısa bir pozuntu hiss etmir, hamının onun kimi düşündüyünü, davrandığını fikirləşir.
Bu videoda çox yaxşı başa salınıb:
bu sifarişi verən: Theeyeschico
Almancadan tərcümədə "həyatdan yorulmuş" mənasına gələn söz. 2 mənada işlənilir:
1. həyatdan bezmək, yaşamaq istəməmək;
2. Həyatını absurd dərəcədə riskə atmaq, məntiqə uymayan cəsarət göstərmək.
Lüğətlərdə tapa bilməsəm də, bu sifətə yaxınmənalı daseinsmüde sözü var. Mövcud olmaqdan bezmək mənasına gəlir.
Nə acıqlıdır ki, özü sepsisdən * döyülməkdən yaranan yaralarının irinləməsi nəticəsində vəfat etmiş həkim.
Sözləri sadəcə bu üç cümlədən ibarət olan möhtəşəm moby parçası:
Why does my heart feel so bad?
Why does my soul feel so bad?
He'll open doors
Optimistliklə yola verdiyiniz pis bir günün sonunda dinlənilib ağlanılası mahnıdır. *
highly recommended
(bax: uşaqlıqda oxunan kitablar)
Hindistanda yaşamış fars əsilli Ziya' al-Din Nakhshabi adlı sufi tərəfindən 14-cü əsrdə qələmə alınmış şərq ədəbiyyatının klassiklərindən biri.
Kitab Dastan xarakterli 52 fərqli hekayədən ibarətdir. Bütün bu hekayələr isə bir tutuquşu tərəfindən xocəstə *
Azərbaycan dili tərcüməsində qadının adı belə idi
adlı qadına nəql olunur. Xocəstə iş üçün evdən kənarda olan yoldaşından qaçıb hər axşam məşuqu ilə görüşmək istəyir, amma tutuquşu mövzusu əsasən qadın-kişi münasibətləri olan, əxlaqi dəyəri ilə səciyyələnən hekayələrlə qadını yasaq sevgi münasibətindən yayındırır.
Sonradan bir çox dillərə tərcümə edilərkən əsərin orijinal versiyasında islam haqqında heç bir komponentin olmamasına baxmayaraq müsəlman oxucular üçün hədislər, ayələr əlavə olunmuşdur.
mənbə
ilk dəfə 10-12 yaşlarımda babamgildə bu kitabı görmüşdüm. Şəkilli və içində bir-birindən əlaqəsiz nağıl tərzində hekayələrin olması diqqətimi çəkmişdi. Tətil vaxtı günorta hamı yatanda *
o vaxtlar siesta vardı, eh
hər gün ardıcıl olmamaqla 1-2 hekayə oxuyurdum. Sonu necə bitir, Xocastə sonda adını unutduğum oğlana qovuşurmu, heç xatırlamıram. Gərək yolum düşəndə kitabı bir az vərəqləyim.
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343