claire miller

claire miller 14 yaşında olarkən, 19 yaşlı əlil bacısını qətlə yetirən abş-lı tiktoker və qatil.

claire miller 2007-ci ildə pennsylvania, lancasterin manheim qəsəbəsində dünyaya gəlmişdir. bacısı helen isə 2002-ci ildə dünyaya gəlmişdir. helen hələ körpə olarkən yaşıdlarından fərqli olaraq bədənin aşağı hissəsini tərpədə bilmir, hərəkətsiz qalırdı. daha körpə olarkən ona "celebral palsy" diaqnozu qoyuldu. helenin 24 saata yardıma və baxıma ehtiyacı vardı. valideynləri isə 2 övladına heç bir fərq qoymur. onların yaxşı olması üçün əllərindən gələni edirdilər.
claire, hadisədən öncə hər bir gənc qız kimi sosial şəbəkədə vaxt keçirir, anime izləyir, tiktokda kontent hazırlayırdı. tiktok videolarında ailəsi ilə vaxt keçirdiyi anları paylaşır və bacısına videolarda yer verir, ona yardım etdiyini göstərirdi.
görünən o idi ki, ailə içərisində heç bir sıxıntı yox idi.

2021-ci il, fevralın 21-i gecəsi claire-ın ailəsi həmişə olduğu kimi gündəlik işlərini görmüş, yataq otaqlarına qalxmışdılar. claire isə oyaq idi. claire öz planını gerçəkləşdirmək üçün ailəsinin yuxuya getməsini gözləyirdi. valideynlərinin yuxuya getdiyindən əmin olduqdan sonra mətbəxə getdi, əlinə bıçaq aldı və əlil bacısı helenin otağına daxil oldu. bacısı helen-ə hücum etdi və onu boynundan dəfələrlə bıçaqladı. bıçağı helen-in sinəsi ilə boynu arasında bölgəyə qoydu və bacısını cəsədinin üzünü yastıqla örtdü. gecə 01:08-də claire 911-ə (abş polis nömrəsi) zəng etdi və operatora bacısını öldürdüyünü etiraf etdi. 01:13 - 01:15 radələrində polis, miller ailəsinin evinə gəldi. polislər claire-in qanlı əllərini yerdəki qarla təmizlədiyi gördülər, ancaq claire-ın paltarı qan içərisində idi. claire polisləri evə dəvət etdi və qətlə yetirdiyi bacısı helen-in yatağına yönləndirdi. orada olan polis əməkdaşları helen-ə yardım etməyə cəhd etsələrdə, helen artıq vəfat etmişdi. bu vaxtlarda elə claire-ın valideynləri oyandı və olanlardan dolayı şok içərisində idilər.

işin ən dəhşətli olanı isə claire, polislər gələnə qədər 01:08 - 01:13 ərəfələrində bir tiktok videosu çəkmişdir. videoda qanlı tibb əlcəkləri və qan içində olan zürafə oyuncağını göstərmişdir.

claire qəribə qızdı idi, bir qrup insan (sinif yoldaşları) onun haqqında; "mehriban və səmimi qız idi" deyirdi. bir başqa insan (kim olduğu açıqlanmayıb) isə onun haqqında; "ilk dəfə onunla telefonda söhbət etdim, öz canına qəsd etməyi, intiharı düşünürdü" dedi. o insanın söylədiyinə görə claire cinayətə meyilli bir insan idi. bəzi sinif yoldaşları isə, claire-ın əlil bacısı helen-i qısqandığını və bacısı sırf əlil olduğunda dolayı ailəsinin bacısına daha çox vaxt ayırdığını deyirdi. bəziləri isə, claire-ın əlil bacısına baxmaqdan bezdiyini və artıq ona yardım etmək istəmədiyini deyirdi. claire, məşhur "death note" animesində baş personaj yagami light-ın fanatı idi.

(abş - pennsylvania-da məhkəmələrdə, bilərəkdən insan öldürən 10 yaşdan yuxarı hər bir şəxs həddi-büluğa yəni yetkinlik yaşına çatmış şəxs kimi mühakimə olunur və hökm oxunur.)

ilk məhkəmədə, claire miller qəsdən adam öldürmək cinayətindən 12 il 6 aydan - 40 ilədək həbs cəzası verilməsi danışılır, amma nə qədər müddət azadlıqdan məhrum olunacağı gecikdilir. məhkəmə nəticəsiz olduğundan dolayı claire birbaşa həbsxanaya yox, uşaq islah evinə göndərilir. məhkəmədən 6 ay sonra claire cinayəti işləmədiyini bildirir. bu zamanda claire-ın vəkili məhkəməyə "claire miller-ın ağıl sağlamlığı yerində olmaya bilər" deyə bildirir. məhkəmə tibbi ekspertizası, claire miller-ın cinayəti işlədiyi zaman şüurunun yerində olduğunu və heç bir əqli geriliyə sahib olmadığı bildirir.
son məhkəmədə isə claire miller qəsdən adam öldürməkdən 40 il azadlıqdan məhrum olunur.
2024-cü ildə claire miller 16-17 yaşındadır.

apple music vs spotify

sözün açığı bir çox musiqi dinləmə platforması yoxlamışam. apple music, spotify, deezer, yandex music, soundcloud və.s amma bunlar arasında sadəcə apple music və spotify arasında qalmışdım. mən apple music-i seçdim. indi isə gəlin bunlar barədə danışım.

apple music - çox yaxşı səs keyfiyyəti verir, normal halda alac formatında 24 bit/48 kHZ səs keyfiyyəti mövcuddur. əgər sənətçilər daxil etsə 24 bit/ 192 kHz qədər dəstəkliyə bilir. bəzi sənətçilər irəli gedib dolby atmos-da daxil edə bilirlər (məsələn; metallica - 72 seasons albomu dolby atmos və 24 bit/192 kHz dəstəkləyir). əgər sizdə keyfiyyətli qulaqlıq varsa, bu özəllikləri yoxlaya bilərsiz. bu özəlliklərlə hər insturmenti ayırd edə bilərsiz. söz ilə başa salmaq olmur. mütləq yoxlamaq lazımdır, dediyim kimi səslər çox möhtəşəm gəlir. karaoke özəlliyi belə var. amma apple music-in interface-i rəzalətdir. radio özəlliyi isə o qədər yaxşı deyil. bir vaxtdan sonra eyni mahnıları çıxarmağa başlayır, arada bir gic-gic mahnılar çıxır və bütün kayfınıza pox qoya bilir. qısaca dediyim kimi, yaxşı keyfiyyətdə musiqi dinləmək istəyirsizsə apple music əladır, əgər iphone işlədirsizsə və keyfiyyətli bir qulaqlığınız varsa, məsləhətim apple music-dir.

spotify - interface-i çox yaxşıdır. musiqi yükləmək tək kliklədir. rahat-rahat arxivlər arasında gəzəbilirsiz və pleylist yaratmaq, idarə etmək asandır. hətta spotify-da pleylistin içində aşağı sürüşdürsəz sizdə olmayan amma sizə məsləhət görülmüş mahnıları görürsüz, buda sizi playlistdə ki, zövqünüz ilə əlaqəlidir. səs keyfiyyəti normaldır, bəli normaldır. qardaş amma niyə 2024-də hələ də 320 kbps səs keyfiyyəti var anlamamışam. yəni səs keyfiyyəti normaldır, amma əla deyil, hələ metal-rock dinləyirsizsə, hölölö-hölölö heç ləzzət eləmir. qulaqlığınız keyfiyyətli deyilsə, spotify istifadə edin bəs edir. spotify-da "radio" özəlliyi olaraq keçmir amma "sizə özəl mahnılar" deyə pleylist olur. nisbətən apple music-dən yaxşıdır. bir-iki pleylistdən sonra eyni mahnıları çıxarmağa başlayır, mənimdə o vaxt sinir-sistemim qalxmağa başlayır. qısaca dediyim kimi, interface və.s çox yaxşı. səs keyfiyyəti normaldır, amma əla deyil. keyfiyyətli qulaqlığınız yoxdursa və android istifadə edirsinizsə, mütləq spotify seçin. çünki, apple music-in android versiyasının pox kimi olduğunu deyirlər, birbaşa yoxlamamışam.

bu arada desəz ki, android istifadə edirəm və istəyirəm keyfiyyətli musiqi dinləyim; ya deezer istifadə edin aylıq 18-20 manatdır ya da internetdən albomları flac formatında yükləyin.
bir əlavə apple music səs formatından və keyfiyyətindən dolayı musiqilər çox yüksək yaddaş ilə yükləyir xəbəriniz olsun.