az bilinən azərbaycan sözləri

bütün yazılanları oxuyub bir çoxuna "ala bunların nəyi az bilinəndir?" reaksiyasını verdiyim başlıq. bəlkə də az bilinən və az istifadə olunan ola bilər

(baxma: navalça) - evin, binanın damına yağan yağışın süzülüb yerə töküldüyü boru
(baxma: qənşər) - qabaq. məsələn filankəs qapının qənşərində oturmuşdu, yəni qabağında * bunu dəqiq bilən varsa mesaj qutusun qıdıqlasın editləyim
(baxma: təəssüb çəkmək) və ya (bax: təəssübünü çəkmək)

vilnüsdə gecə klubunda çay içən azərbaycanlı

(baxma: barmenə qənd aldıran azərbaycanlı)
o gün axırıncı imtahanımı verəndən sonra cümə günü gecə klubuna getməyi qərara aldıq. vilnüsdə bir neçə klubda olmuşdum, amma biri var idi ki, adını eşitmişdim, özündə olmamışdım. nəysə, saat 10, ucuz başa gəlsin deyə tez gəlmişiy kluba. amma adam elə də az deyil. saat 12-yə az qalmışdı. bara yaxınlaşdım ki, bir içki götürüm, gördüm ispana oxşayan bir qaqaş çayı nətər içir aa... özü də qəndlə. dedim ispanlar nə vaxtdan qəndlə çay içir görəsən? ərəblərdən keçmiş ola bilərsə, onda da gərək 2 dənə qəndi çayın içinə atıb qarışdırıb elə içələr, bu qəndi ağzına qoyur sonra çayı içir. dedim, sən öl bu bizimkidi deyəsən. yaxınlaşdım buna ki, əmoğlu, azərbaycanlısan? dedi "həəə kələ, hardansan belə bayavoy?" zarafat eliyirəm, elə demədi, "ooo..." eləyib zemi-zemi deyib salamlaşıb görüşdü, srazu dvijeniyalı olmağın hiss elədim. qaqam qayıtdı ki, nəsə lazımdısa qaqan həll eləsin. dedim çox sağ ol.
sonra başladım buna sualları döşədim ki, əmoğlu, gecə klubunda çay nədi? hardan tapmısan? bircə daş stəkanın çatışmır elə. qayıt mənə denən ki, lox zadam klubda içkiyə pul verim? (əlimdəki içkiyə gözucu baxdım, əmin olum ki, ən ucuz şeyi almışam bardan). qaqaşın dilindən də kələ sözü düşmür, bomba şey görən kimi də deyir kələyə bax. deyir vilnüsə bir il əvvəl təzə gəlmişdim, birinci gəldiyim yer bura olub, barmenlərlə tanışdım, dostlaşdım. elə alındı ki, o vaxtdan bu yana mən gələn kimi çayımı süzürlər, qənd almağı da mən tapşırmışam, beləcə vaxtım keçir. içirəm sonra keçirən tanc-polda civilərnən sürtüşüb öpüşüb gəlirəm. çox xərcə ehtiyac yoxdu. elə qaqam bunu demişdi düşdü rəqs meydanının ortasına, 2 dəqiqənin içində qızların sevimlisi oldu, 5-6-la müqəddəs üçləmə eliyib (bax: sürtüşdü, öpüşdü, sevişdi)

sözlükdəki türkiyəli yazarlar

sözlüyə yazmaq səbəblərini anlamadığım yazarlardır. yanlış anlaşılmasın, amma türkiyədə fikirlərini ortaya qoymaqçün böyük sözlüklər var. yazmaq üçün platforma çatışmazlığınız var türkiyədə ki, burda erdoğana definition vermək məcburiyyəti hiss edirsiz? məsələn, biz burda azərbaycan dilində məlumat yaradırıq, kontent yaradırıq. siz nə etməyə çalışırsız, əzizlərim?
bir ara ekşiden bura gəlib, təmiz azərbaycanca yazan türkiyəli yazarımız var idi, çox yaxşı da məlumatlar yazırdı. oxuya-oxuya öyrənmişdi. bacarırsızsa, oxuyun sözlüyümüzü, oxuduqca dilimizdə yazmağı öyrənin və buyurun yazın. biz onsuz da türkiyəyələ bağlı olan və ümumiyyətlə türkcə axtardığımız şeylərin izahını filan ekşisözlükdən oxuyacıq.
dərin hörmətlə,