11. irqçiliyəmi yoxsa polis zorakılığınamı qarşı edilməlidir görəsən deyə düşündürən aksiyalardır. sadəcə spekulyasiya edirəm:

əlimizdəki faktlara baxaq:
- george floyd polis tərəfindən saxlanılarkən polisin kobud rəftarı * polis vəhşiliyi nəticəsində həyatını itirib.
- Derek Chauvin pis insan, pis polisdir.

əlimizdəki fakt olmayanlara baxaq:
- derek chauvin george floydu qəsdən, qara dərili olduğu üçün öldürüb.
- polis kimi güc strukturlarında işləyənlər əsasən konservativ, patriot və irqçi olurlar. ona görə də, bu hadisə şübhəsiz irqçilik zəmnində baş verib.

sual yaranır ki, həmin gün derekin qəzəbinə tuş gələn insanın dəri rəngi bir neçə ton açıq olsaydı yenə bu qədər etiraza səbəb olardımı? bəlkə də söhbət sadəcə cındır bir polisin əlində can verən hərhansı bir adamdan ibarət idi. bu hadisəni aksiyaya çevirən, alovlandıran hansı media idi? biraz at izini it leşi ilə örtmək kimi gəlir mənə bu məsələ. mənə elə gəlir bu məsələyə irqçilik problemi kimi baxan adamın özü irqçilik edib. yaralar dərindi və bəlkə də heç vaxt sağalmayacaq ancaq məncə irqçilik bir gün ağdərili birinin qaradərili birini öldürməyinə "irqi cinayət" yox, "cinayət hadisəsi" kimi baxanda bitəcək. çünki pis adamlar * əmilər var, cinayətkarlar da var, adam əzmək üçün polisə düzələnlər də. hər ölüm hadisəsi ölən və öldürülənin irqinə görə səciyyələndiriləcəksə, bu söhbət bitməz.

bu etirazların da kömək etdiyini düşünmürəm. qütbləşmədən başqa heçnəyə yaramır. sabah bir ağdərilini də bir qaradərili öldürsə, bu dəfə də ağdərililər çıxıb belə etiraz eləsələr bu söhbətin başını yığmaq olmayacaq.