158. Tez-tez bu sualı eşidirəm. Dünya niyə susur? Dünya deyəndə daha çox Avropanı nəzərdə tuturuq.Gəlin vəziyyəti nəzərdən keçirək. ilk öncə hamı razılaşar ki, dünyanın vecinə deyil burda nə baş verib. Ortalama bir Avropalı üçün bu maraqlı deyil. Digər tərəfdən bizim ölkə xarici jurnalistlərin, nümayəndələrin ölkəyə gəlməyinə maneə yaradır. Birdən başqa şeyləri də çəkərlər deyə. Belə olan halda xarici mətbuat ancaq Ermənistan tərəfi göstərir. Ermənistan isə bütün jurnalistlərin ölkəyə gəlməyinə özü şərait yaradır. Və belə birtərəfli xəbərlər ortaya çıxır. Əlavə olaraq da diaspora məsələsi. Erməni diasporası mətbuata ya pulla ya tanışla təzyiq göstərir. Bəs bizim diaspora? Bizim diasporaya da milyonlar ayrılır. Bəs niyə ortada heç nə yoxdur. Çünki bizim diasporaya ayrılan pul xaricdəki müxalifəti zərərsizləşdirmək və ilham əliyevin hakimiyyətini propaganda etmək üçün nəzərdə tutulur. Bir hissəsi də yeyilir. Ümumiyyətlə əgər diasporanın fəaliyyətinə dövlət təsir edirsə, diaspora məhsuldar fəaliyyət göstərə bilmir. Ermənilərdə isə bu əksinədir. Həttə diaspora dövlətin siyasətinə təsir edir. Buna görə erməni lobbisi bu qədər güclüdür. Bütün bunları analiz edəndə dünyanın susmağı aydın məsələdir. Hətta bizim əleyhimizə qərar qəbul etmələrinə təəccüblənməmək lazımdır.