6. persona antik teatrda aktyorların taxdığı maskaya verilən ad idi. carl gustav jung`a görə persona fərdin özü olmayan bir xarakteri yaşaması mənasına gəlir. başqa sözlə, cəmiyyətin təsdiqini qazanmaq üçün fərdin xarici aləmə qarşı taxdığı maskadır, persona.

carl gustav jung- persona bir tərəfdən başqalarında müəyyən bir təəssürat yaratmaq üçün, digər tərəfdən fərdin əsl mahiyyətini gizlətmək üçün hazırlanmış bir növ maskadır.

belə bir maska bütün insanlar üçün məcburidir. çünki, hər kəs bəzən sevmədiyi işlər görməli, sevmədiyi insanlarla əlaqədə olmalıdır, persona bizim həqiqi duyğularımız gizlədir və bu işləri görməkdə bizə kömək edir. insanlar adətən iş, təhsil həyatında personadan daha çox istifadə edirlər və tək qaldıqda bu maskanı çıxardırlar.

Personanın insana xeyirləri olduğu kimi zərərləri də ola bilər. belə ki, fərd oynamalı olduğu rol ilə özünü çox eyniləşdirər isə, öz xarakterinin bir hissəsini qırağa qoymuş olur, belə olduqda fərdin xarakteriylə personası bir-birinə uyuşmayıb, mübarizə halında olduğu üçün fərd özünü olduğu yerə qarşı özgə biri kimi, tükənmiş hiss edir. yunq`a görə "..təhlükə insanların öz personasıyla eyniləşməyə başlamasıdır - professor dərs kitabı ilə, tenor səsi ilə..".
"insanlar nə düşünər" fikrinə qarşı həddindən artıq narahatcılıq, nəticədə dayaz, həssas, konformist bir persona yarada bilər - "insanın özü və içərisində yaşadığı dünya ilə arasında olan heç bir fərqi anlamadığı zehni vəziyyət". bu şəxslər cəmiyyət onları necə görürsə odurlar, özlərini cəmiyyətin onları gördüyü varlıqdan başqa bir varlıq kimi təsəvvür edə bilmirlər. məsələn, uşaqları böyüdərkən onlara "nəzakətli ol" demək yerinə başqasının yanında "mənim uşağım çox nəzakətlidir" dedikdə, uşaq özünə qarşı olan bu düşüncəni yıxmamaq üçün nəzakətli olur. elə persona da uşaqlıq illərində valideynlərin uşaqdan gözləntilərinə uyğun olaraq inkişaf edir.

nəticə olaraq persona lazımlı bir şeydir amma çox inkişaf etmiş persona fərdi özünə qarşı özgələşdirir. entrydə adı çəkilən "persona" filmi də çox inkişaf etmiş persona ilə şəxsin öz xarakteri arasındakı mübarizədən bəhs edir.