314. #334427 nömrəli entrimdə qeyd etdiyim "hələ çox yolum düşəcək buralara" ifadəsindən sonra dərin hüznlə yazıram.

yenə heç nə düz deyil. özümü boşluqda hiss etmirəm, amma bu "dolu" bir vəziyyət də deyil. belə davam etmək eyni zamanda nə gülüncdür, nə də fəxr ediləsi. nə yuxarı, nə aşağı. nə sağ, nə sol. özüm öz vəziyyətimə ad verə bilmirəm. ifadə də edə bilmirəm. nə dayazda, nə dərində olduğumu da bilmirəm.

bilmirəm, doğrudur, ya deyil. açarlar vardı əlimdə.
küçədə durduq yerdə evin açarları ilə neçə nəfər söhbət edir?
qulaqlıq da vardı qulağımda.
neçə nəfər bir mahnını dinləyəndən sonra ayılıb görür ki, yarım saatdır eyni mahnını 10 dəfə dinləmişəm?
ya da heç bir mahnı dinləməmişəm. qulaqlıqdan səs gəlmir.
mahnı açmamışdım? açdım axı..
sən imişsən danışan?
bəs bu səslər hardan gəlirdi?
səni dinləyirdim. qulağım səndə deyil? nə fərqi var əsas səni başa düşürəm axı.
fikrim səndədir. bəlkə də səndə deyil, axı sənin nədən danışdığını bilirəm.
onu da bilmirəm? bəs necə cavab verə bilirəm?
cavab da vermədim? axı, yadımdadır, biz qarşılıqlı söhbət edirdik.
sən mənim əlimi tutdun, hətta. sevgili deyilik?
nə zaman ayrıldıq?
biz heç vaxt birləşmədik?
sən istəmədin, bəlkə?
mənlə ümumiyyətlə o dərəcədə münasibətimiz də yoxdur?
bəs hər gecə yuxuma girib mənə sarılan kimdir?
bəlkə neçə gecədir mənim qorxub yuxudan oyanmağıma da səbəb odur?
mən gecə gec saatlara kimi yatmıram axı. nədir bunlar belə?
bəlkə ucdan-uca xəyallar görürəm?
xəyal ola bilməz axı. bu yazını yazdığımı bilirəm.
yox əşi, nə içmək?
içkili olanda nə olur ki?
sən içkili olub, bir dəlilik etməmisən?
mən içib evdə qapı ilə kəllələşməyə çalışmışdım. bir dəfə məni qapıda qarşılayan qardaşıma və məni evə gətirən dostuma "yaxşı ki, varsınız" demişdim.
sən heç etməmisən?
necə məgər, içəndə özünü zorla saxlayırsan?
heç bir axmaqlıq etmirsən?
onda yetərincə içmirsən. az içirsən, ya çox?
çox içəndə bəs niyə dəli olmursan?
niyə itirmirsən özünü?
anladım.. deməli sən də gerçək deyilsən.