+4 əjdaha
1. (baxma: biohazard 4)2005'ci ildə *capcom* tərəfindən tərəfindən satışa buraxılan resident evil seriyasının 4'cü oyunudur. oyun aktuallığını uzun illər itirməmiş, 2011'də *playstation 3* və *xbox 360*'a; 2016'da isə *playstation 4* və *xbox one*'yə çıxmışdır. 2014'cü ildə isə oyunun ultimate hd versiyası pc üçün də satışa buraxılmışdır.
deyə bilərəm ki, resident evil seriyasının ən mükəmməl oyunudur. aksiyon və qorxu harmoniyası mükəmməl alınmışdır. oyunun sahib olduğu yeni tərz üçüncü şəxs nişancı kamerası oyun tarixində yeni bir səhifə açmışdır.
ilk dəfə bu oyunu *ps2*'imdə oynamışdım. oyunun əvvəlində olan kənd atmosferi məni həqiqətən heyrətləndirmişdi. zombidən daha təhlükəli olan kəndlilərə əlavə olaraq oyuna yarı dumanlı kənd atmosferi də əlavə olunanda insan istər istəməz qorxur. kameranın da qarşını və arxanı tam göstərməməsi də arxadan zərbə yeyəndə insanı yerindən tullandıra bilir. hələ kənddə əlində elektrikli mişar olan dəli kimi ortalıqda dolanan yaratığı demirəm, mişarının qorxunc səsi hələ də qulağımdadır. mişarın səsi gəlir amma özü ilk başda gözə dəymir, anidən ortaya çıxır və başınızı kəsməyi an məsələsi olur.
"leon, help..." deyə qışqıran prezidentin qızı ashley'i demirəm hələ, əlindən heç nə gəlməyən, sadəcə arxanızda gizlənə bilən bu qızcığaz oyunun həyəcanını daha da artırır. bir də görürsən ki, iki dənə kəndli bunu atıb çiyninə qaçırır.
nəticə olaraq deyim ki, insan ölmədən əvvəl bu oyunu mütləq oynamalıdır.