modda olan geyimlər
Ziyarətçilərdə anadangəlmə refleksə çevrilən zad. Biraz xoş, biraz da gərəksizdir əslində. Qarın boşluğundan əməliyyat olunmuşdum, xəstəxananın verdiyi maye qidalarla qidalanırdım. Nə başınızı ağrıdım, yaxınlarım o nazir keçəli təhər parıldayan bahalı yaşıl almalardan yedirdilər. Nəticəsi də qəzəblənən tibb bacısının od püskürməsi oldu.
Təsiredici maddəsi ibuprofen olan ağrıkəsici. Eyni zamanda qızdırma və iltihabəleyhinə vasitə kimi də istifadə olunur. Mensturasiya və baş ağrılarına qarşı güclü təsiri olduğunu əminliklə deyə bilərəm. Təxminən 4-5 ildir davamlı olaraq hər ayın 3-4 günü, gündə 4 tablet istifadə edirəm. Əvvəllər 200 mg ilə başlayan sərgüzəştimə son illərdə 400 mg-lıq dozaya keçməyim səbəbilə yarandığını düşündüyüm mədə ağrısı da əlavə olunduqda, dərmandan istifadəni dayandırmaq qərarına gəldim. Sözüm odur ki, diqqət edin, başımın ağrısını kəsəcəm deyərkən bu səfər də mədənizlə əlləşmək məcburiyyətində qoya bilər.
Beyinsiz insanları barmaqlarında necə oynadacaqlarını yaxşı bilən insanlardırlar. Xəyanətkar, radikal milliyətçidirlər. Ən küncdə bucaqda qalmışının belə bütün sosial medya hesabları bayraq, plakat fotoları ilə dövlət bayramı günü kimi bəzədilmiş olur. Yaxşıları nə vaxtsa olan və ölən, pisləri başımıza qalan millətdir.
Regular show-un zarafatlarına 40 yaşıma çatsam yenə də gülərəm. Adventure time isə sanki müəyyən bir yaş kütləsinə xidmət edir.
Həmcinslərinin düşməni olması. "Qadının ən böyük düşməni qadındır" ifadəsi əksər Azərbaycan qadınlarının düşüncə tərzi ilə tam bərabərdir. Mən həmcinsinə bu qədər nifrət edən 2-ci bir topluluq görməmişəm. Əksəriyyəti ov olaraq seçdikləri oğlanların gözündə itaətkar qadın modeli olmaq üçün və ya cəmiyyət onu "yaxçı qız" tituluna layiq görsün deyə digər qadınları alçaltmağı seçir. "Yəqin nə isə zibili var" ifadəsini əllərinə bayraq edib bir söhbət olan kimi qaldırırlar. Gülməlidir. Məhz bu səbəbdən heç vaxt qadınların daha çox olduğu mühitlərə dözə bilməmişəm. Havadaki ağır qısqanclıq və rəqabət qoxusundan orda durmaq mümkün olmur çünki. (bax: yazarların linçə səbəb olacaq fikirləri)
Bu günlərdə ortalaması 90 iq olan xalqımın yenə qoyun yerinə qoyulmağı necə sevməsinin sübutu olan xeyriyyəçi. Başlığa baxırsan, kişini əvvəl qaldırıb göyə qoyublar, sonra da yerin dibinə soxublar. Hə hə, heykəlin qoyulduğu gecə hücum etdilər, heykəlin yolun qırağında yerləşdirilməsi, bu qədər cılız və görkəmsiz olması da təsadüfdür. Manipulyasiya şousunu uğurla tamamlayan başbilənlərimizi təbrik edirəm, qoyunları doğru yerə istiqamətləndirdiniz. Görək gələn dəfə kimi yerin dibinə soxacayıq-*
Bu gün 47-ci yaş doğum günü olan milli qəhrəman. Adının kimlərinsə mənafeyi, şou-biznesi üçün provokativ səhnələrdə hallanması şəxsən bir vətəndaş kimi məni çox incitdi. 50 il sonra kimlərinsə çıxıb belə möhtəşəm bir adam haqqında əks fikirlər səsləndirməyəcəyinin qarantiyası yoxdur deməli? Hansı ki bu gün cümhuriyyətin qurucuları haqqında belə əsassız iddialar asanca ortaya atılır, xalqın yaddaşından bir-bir silinir. Bir onu bilirəm ki, belə insanlar dünyaya nadirən bəxş edilir və dünyadan tez də köçür. Onların qədrini bilmək, onlar kimi, məhz onlar kimi olmaq lazımdır. Qəbriniz nurla dolsun, cənab General!
)Covid sonrası yaranan qoxu təhrifi. Qoxu və dadbilmənin itirilməsindən fərqli olaraq az sayda xəstədə görülür. Əlbəttə bu azlıqda mən olmasa idim təəccüblənərdim. Təxminən 2-3 aydır ət və bir çox ət məhsulları, süd, yumurta, un məmulatları, bəzi göyərtilər və bəzi tərəvəzlərlə onlardan aldığım qorxunc qoxu səbəbilə qidalana bilmirəm. Yeyə biləcəyim şeylərin siyahısı günü-gündən azalır. Xəstəliyin müalicəsi yoxdur və əksərən 7-8 ay çəkdiyi müşahidə olunub. Çarəni vegan kimi qidalanmaqda tapmışam hələki.
Hakimin oğlunun ağır cinayətlərə qarışmış təhlükəli bir ailənin oğlunu öldürməsi, hakimin yol ayrıcında qalaraq atalıq, yoxsa hakimlik etməsi üzərinə verdiyi qərarlara əsasən baş verən hadisələr zəncirindən ibarət serial.
Son anda fikrini dəyişib ayaqqabı olmağa qərar verən junior tanklar: https://i.imgur.com/b5VvHMA.jpg
Son bəyənilənlər
