jafarov

60 0 0 0

4. nəsil yazar

Entry: 60

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yaran lətifələr

+59 əjdaha

Gürcü Moskvaya gedir. Gəzir tozur. Bir zoomaqazinə girir. Mağazaya girən kimi papuqay başlıyır danışmağa.
- Qatso iz Kutaisi, Qatso iz Kutaisi.
Gürcünün yaman xoşuna gəlir. Satıcıya deyir neçəyə verirsənsə alıram papuqayı. Satıcı da deyir papuqayı satmıram amma yumurtalarını satıram. Gürcü bundan yaxşı qiymətə 10-15 dənə yumurta alır qayıdır Kutaisiyə. Gələnə papuqaydan danışır. Yaxın dost tanışa da yumurtalardan hədiyə eləyir ki, bunlardan yaxşı danışan papuqaylar çıxacaq. Üstündən biraz keçir papuqay yumurtalarından sərçə, sığırçın kimi növ növ quşlar çıxır.
Vaxt dönür vədə çatır gürcü yenə gedir Moskvaya. Çatan kimi də gedir həmin zoomaqazinə. Mağazaya girən kimi papuqay başlıyır.
- Qatso durak, qatso durak.
Gürcü də qayıdır ki,
- Mojet bıt ya durak. No ves Kutaisi znaet şto tı şlyuxa.

53 əjdaha! 11.05.2019 07:53, jafarov

#286560 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yaran lətifələr

+16 əjdaha

Kəndlərin birində Mustafa adlı oğlan yaşayır. Bu gəlir 35 yaşına amma kim nə deyir desin evlənmir. Bir gün Mustafanın valideyinləri kəndin ağsaqqalı Qasım kişinin yanına gedib xahiş edirlər ki, çağır başa sal, məsləhət ver bəlkə sənin sözünə qulaq asıb evlənər. Qasım kişi də Mustafanı çağırır yanına saatlarla danışırlar amma oğlanı evlənməyə razı bilmie. Qasım kişi deyir sənə son sözüm budur.
- Vaxt gələcək qocalacan, əldən ayaqdan düşəcən, ölüm döşəyində su içmək istəyəcən amma bir su verənin belə yanında olmayacaq.
Nəsə bu söz Mustafaya təsir edir. Gedir bir qız tapır, evlənir. illər keçir bunun övladları, nəvələri, nəticələri olur. Böyük bir ailəsi olur. Vaxt çatır Mustafa ölüm döşəyinə düşür. Bütün nəsil yığılır başına. Mustafa dəyanır ətrafına baxır baxır. Hamı Mustafanın son sözlərini eşitmək üçün sakit dəyanır. Mustafa da qayıdır ki,
- Sənin nəslini s.kim ay Qasım heç ürəyim su da istəmir axı.

15 əjdaha! 21.11.2022 00:25, jafarov

#362818 şikayət

pakistan

+14 əjdaha

bir çox insan pakistan adındaki "pak"ın temizlik menasına gelen sözden geldiyini düşünse de, eslinde "pak" pakistanın 3 bölgesi puncab, afqan ve keşmir sözlerinin baş herflerinin birleşmesidir.

12 əjdaha! 05.01.2017 23:43, jafarov

#241464 şikayət

+12 əjdaha

həyatımızda hamımız çox ağıllı insanlar haqqında oxumuşuq və ya çox şanslıyıqsa onlarla bir başa tanış olmuşuq. bəzən də olub ki, mənim çox ağıllı bir kişi/qadın dediyim birinə bir başqası ağılsız deyib.
bəlkə də bir çoxlarımız internetdə dolaşan iq testi imtahanlarına girmişik və ya mövzu ilə daha çox maraqlananlar eq testlərinə də giriblər. bəs həqiqətən də bu testlər hər kəs üçün sabit bir zəka testi imtahanı olaraq qəbul edilə bilərmi?
harvard universitetindən psixoloq hovard qardner(howard gardner) isə 1983-cü ildə yazdığı çoxlu zəka teoriyası (theory of multiple intelligences) ilə mövzuya daha geniş prespektivdən yanaşılması gərəkdiyini vurğulayıb. qardner teoriyasında zəkanı 9 növə ayırır (ilk əvvəl 7 və daha sonra 2 əlavə birlikdə). qardnerə görə günümüzdə tətbiq edilən məntiqi-riyazi iq testlerində 170 iq-nuz olması sizi zəki biri olaraq təyin edə bilməz və ya bu testlərdə 50 yığan birinə də ağılsız/geri zəkalı deyə bilmərik. bu standart test sadəcə sizin məntiq və riyaziyyat sahəsindəki zəkanızı ölçə bilər. qardnerə görə sizin iq imtahanı nəticəniz yüksəkdi deyə sizin dahi bir filosof, memar və ya musiqiçi ola biləcəyinizin qarantiyası yoxdur.
bəs bu 9 zəka növü nədir?
1.məntiqi-riyazi zəka: məntiq, abstrakt, mühakimə, rəqəmlər, tənqidi düşüncə sahələrini əhatə edir. səbəbi sistemlərin altında yatan səbəbləri anlamaq bacarığı ilə əlaqəlidir. məsələn josef lui laqranj, con neş kimi insanlar bu qrupun içinə daxil olurlar. riyaziyyatçılar, mühəndislər, təbiət elmləri alimləri bu qrupun əhatəsindədirlər.
2.sosial zəka: digər insanların duyğularını, hisslərini, motivasiyalarını, xarakterlərini anlaya bilmə bacarığıdır. digər insanlarla rahat şəkildə ünsiyyət və empatiya qura bilirlər, çox danışmağı sevirlər. qrupun içində lider ola bilir, qrupun bir parçası ola bilirlər, insanlar üzərində təsir yaratmaqda bacarıqlıdırlar. sosial zəkaya sahib insanlar yaxşı satış mütəxəssisi, siyasətçi, müəllim, psixoloq ola bilirlər. bu qrupdaki insanların eq-larının yüksək olması mümkündür. nümunə olaraq da qandi, barak obama, cordan belfortu göstərə bilərik. həyatın içindən isə kazanova erkəklər ən böyük nümunədir.
3.humanitar zəka: bu zəka növü yüksək olan insanlar oxumada, yazmada, hekayə danışmaqda, kəlimə və tarix əzbərləməkdə məharətlidirlər. kəlimə və dil öyrənməkdə bacarıqlıdırlar. bu zəka növü yüksək olan insanlardan frederix nitşe, pablo neruda, bir çoxumuzun tanıdığı ilber ortaylını nümunə göstərə bilərik.
4.məkani zəka (visual, əyani): visual mühakimə və zehində canlandırmayla əlaqəlidir. bu sahədə zəki insanlara fransisko qoya, kandinskini misal çəkə bilərik. memarlar, dizaynerlər, rəssamlarda məkani zəka yüksəkdir.
5.musiqi zəkası: səslərə, ritmlərə, tonlara və musiqiyə həssasdırlar. mahnı oxumaqda, musiqi alətində ifa etməkdə və mahnı bəstələməkdə ustadırlar. musiqi zəkası yüksək olan insanlara ludoviko eunaudi, şostakoviç, bethoven, mozart kimi insanları nümunə göstərə bilərik.
6.təbiət zəkası: sonradan əlavə edilən zəka növlərindən birincisidir. təbiəti və canlıları tanıya bilmək, ayırd etmək, sinifləndirə bilməklə əlaqəlidir. hamımızın bildiyi çarlz darvin ən böyük təbiət zəkasına sahib insan olaraq qarşımıza çıxar.
7.daxili zəka: insanın özünü müşahidə edə bilməsi və ifadə edəbilməsi ilə əlaqədardır. öz duyğu və düşüncələrini anlaya bilmək, özündə necə biri olduğunun fərqinə varmaq, özüylə uzlaşan davranışlar sərgiləyə bilmək bacarığıdır. bu insanlar güclü və zəif yönlərini bilir, reaksiya və duyğularını kontrol edə bilirlər. yəni hər kəs ən populyar fakultə budur deyib bir fakultəni seçərkən, bu insanlar bu fakultə mənə uyğun deyil deyib, heç kimsənin seçməyəcəyi özünə həqiqətən uyöun fakultəni seçən insanlardır. çünkü bu insanlar nəyə qadir olduqlarını bilir və seçimlərini ona görə edirlər. necə bir insan olduqlarını bildiklərindən, həyatları ilə əlaqəli qərarları çox düşünmədən verə bilirlər. eq-larının yüksək olması mümkündür. bu zəka səviyyəsi ən yüksək insanlar daha çox psixoloqlardı. siqmund freud, karen horney kimi insanlar nümunədir. ancaq bütün psixoloqların daxili zəkaları yüksəkdir də deyə bilmərik.
8. eksiztinsial zəka: əslində bu qrubu sayıb saymamaqda hələ elm adamları qərarsızdırlar. pozitiv elmlə açıqlanmayacaq mövzuları əhatə etdiyinə görə bu qrup üzərində hələ də mübahisələr gedir. həyat,ölüm, din kimi mövzuların hamısı ekzistinsial mövzularla əlqaləli düşünmək bacarığıdır. din xadimlərini və filosofların bir qismini bu zəka qrupunun yüksək zəkalıları olaraq dəyərləndirə bilərik.
9.kinestetik (bədəni) zəka: bədən hərəkətlərini və əşyaları bacarıqlı bir şəkildə kontrol etmək bacarığıdır. bədənin fiziki hərəkətinin zamanını düzgün təyin etmə, fiziki hərəkətin təyinatını düzgün yerinə yetirmə və bədənin hərəkətlərə verilən ani reaksiyaları düzgün idarə etmə bacarığıdır. bu zəkaya sahib insanlar idmanda, rəqsdə, aktyorluqda bacarıqlıdırlar. bu sahəyə musiqi alətlərində ifa edən insanları da aid etmək olar. məsələn pianino çalan insanların barmaqlarını məharətlə idarə edə bilməsi. maykl cordan, maykl cekson, maykl duqlas, mixail şumaxer bu insanlara nümunə göstərilə bilər. hətta biz yenə ludoviko eunaidini bu qrupa pianino bacarığına görə əlavə edə bilərik.
qardnerin bu teoriyası bir çox insan tərəfindən tənqid edilsə belə, günümüzdə uşaqların təhsilləri ilə profesyonal bir şəkildə məşğul olan insanlar bu metoddan geniş istifadə edir. uşaqları zəka növlərinə görə qruplaşdırırlar.
yəni biz də azacıq düşünsək insan zəkasını təyin etmədəki müasir metod olan iq testinin tam işə yaramadığını görə bilərik. məsələn soruşsalar ki, qandi daha zəkidir yoxsa monet? ya da nitşe daha zəkidir yoxsa mozart? bu insanları eyni səbətin içində dəyərləndirməyimiz nə qədər düzgündür? bu insanların hər biri öz sahələrinin dahiləridir. bəlkə də biz bu insanları iq testinə soxsa idik hamısından çox zəif nətica alacaqdıq. bəs bu zəif iq onların dahi olmadığını demək üçün bizə səbəb verə bilərdimi? məncə yox.
əlavə olaraq da, bu zəka növlərinin sadəcə birində bacarıqlı olacaqsan deyilən bir qayda da yoxdur. sadəcə birində deyil bir neçəsində zəki olaraq dəyərləndirilə bilərsən. tarixdə də məncə leonardo da vinçini buna misal verə bilərik.
ümumiləşdirdiyimizdə isə, sonda bunu deyə bilərik ki, hər kəsin bir mövzuda zəki olmaq şansı var. sadəcə əsas olan düzgün bir şəkildə uşaqlıqdan etibarən bunu təyin etmək və üzə çıxartmaq lazımdır.

9 əjdaha! 18.08.2016 17:46, jafarov

#225363 şikayət

radiasiya

+14 əjdaha

13 sentyabr 1987-ci ildə braziliyanın qoias əyalətinin qoiania şəhərində laqeydlik ucbatından dünyanın yaşanmış ən ağır radioaktiv zəhərlənmələrindən biri qeydə alındı.
1987-ci ildə “qoiania radiologiya instutu” köhnə binasından, onlar üçün yenicə tikilmiş binalarına köçürlər. əşyaların köçürülməsi zamanı necə və kim tərəfindən ehmal edildiyi bilinməyən səbəblərdən, içində radioaktiv sezium xlorid olan teleterapiya aparatı unudulur. sezium xlorid aparatının içində yerləşən, bilyard topuna bənzəyən, iç tərəfdən qurğuşun, çöl tərəfdən isə iç-içə keçən paslanmaz dəmirlərdən ibarət olan bir topun içində yerləşirdi. topun içində 99 qram sezyum xlorid mövcud idi. topun içinde beta parçalarını özünə çəkən ancaq 5-6 saniyədə bir qamma işıqlarının keşməsinə icazə verən 1 santimetrlik iridyum pəncərə var idi. içindəki sezyum xloridin xammaddəsi, yarı ömrü 30 il olan sezyum-137 izotopu idi. bu maddə o qədər radioktivdir ki, 1 metr məsafəyə saatda 4,6 gy (456 rad) radiasiya yaymaqdadır. beynəlxalq atom enerjisi agentliyinin məlumatına əsasən bir insanın il ərzində məruz qala biləcəyi maksimum radiasiya limiti 5 rad və ömür boyu məruz qala biləcəyi maksimum radiasiya limi 400 raddır.
xəstəxana 1987-ci ilin may ayında köçürülmüşdür. may ayının 4-dən sentyabr ayının 11-nə qədər unudulan teleterapiya aparatı xəstəxanada qalmış və evsiz insanlar da həmin aparatın yanında yataqlarını sərib yatıblar və xoşbəxtlikdən kimsə aparata toxunmayıb. sentyabr ayında dəmir toplayan roberto dos santos alves və vagner mota pereira bina dağıdılmadan əvvəl nə tapa bilərik ümidi ilə xəstəxanaya girmiş və aparatı yerindən söküb araba ilə evlərinə aparıblar.
heç nədən xəbəri olmayan bu iki nəfər, topun 1 santimetrlik iridyum pəncərəsinə gözlərini dayayıb içəridə mavi bir işıq görüb, topu qırmağa çalışırlar amma qıra bilmirlər. daha sonraki günlərdə mədə bulantısı və qusma hiss edirlər ancaq buna səbəb topun olduğu heç ağıllarına da gəlmir. sonunda biri topu qırır və içindəki tozun bir qismi dağılır. maddənin barut olduğunu zənn eləyib yandırmağa çalışırlar, ancaq maddə yanmır. tam tərsinə sezyum onları içdən içə yandırmağa davam eləyirdi və bundan onların heç xəbərləri də yox idi.
5 gün boyunca radiasiyaya məruz qaldıqdan sonra, topu dəmir alverçisi olan devair ferreiraya satırlar. david topu incələyir və çox xoşuna gəlir. sonraki günlərdə ətrafda nə qədər dost, tanış, qohum-əqraba var hamısını çağırıb onlara topun içindəki qəribə mavi işığı göstərir. hətta daha sonra bu gözəl mavi rəngli tozu epoksi ilə qarışdırıb arvadına gözəl mavi bir üzük düzəltməyə də çalışır. bunu üçün də sezyum dolu topu məngənə ilə qırır və evə gətirib stolun üstündə çəkiclə açır.
evdə, devairin bacısı masanı təmizləyərkən, stolun üstündə qalan tozu silərkən xalçanın üstünə dağıdır. xalçanın üstündə oynayan evin kiçik uşağı 6 yaşındakı leide 600 rad dəyərində radiasiya zəhərlənməsinə məruz qalır. balaca qız tozla oynayıb əlinə qoluna sürtür və anasına göstərir. hətta ata devier mavi tozu qoluna töküb mavi bir tatu belə döyməyə çalışır.
ailə sentyabr ayının 28inə qədər evdə sezyum izotopu ilə yaşamağa davam eləyir. sonra evin xanımı hər kəsin kəskin qarın ağrısı və mədə bulantısından şikayətçi olduğunu görür. birinci içdikləri sudan şübhələnir, daha sonra da topdan və içindən çıxan tozdan şüphələnir. tozu evdən süpürüb şəffaf bir torbaya qoyur və xəstəxanaya aparır. xəstəxanaya da şəhər arası işləyən avtobusla gedir və bir saat boyunca avtobusdakı hər kəsi radioaktiv zəhərlənməyə məruz qoyur. xoşbəxtlikdən plastik torba radiasiyanın təsirini əhəmiyyətli bir şəkildə azaldır.
xəstəxanaya gəldikdən sonra maddəni görən ilk həkim paulo roberto düzgün təxmin edərək maddənin radioaktiv ola biləcəyini düşünüb maddəni tez xəstəxanadan çıxarır və xəstəxananın həyətindəki stullardan birinə qoyur və hər kəsi oradan uzaqlaşdırır. mütəxəssislər gələnə qədər çöldə qalan maddənin qamma strukturu 90% azalır və beləcə bir çox insanın həyatı qurtarır.
hadisənin ana səbəbi laqeyidlik və ehmalkarlıqdır. ehmalkarlıq artdıqca insan həyatı üçün təhlükə də artır. xəstəxana idarəsinin, iki dəmir alverçisinin, ailə rəisinin ehmalkarlıqları səbəbindən 249 nəfər ağır radiasiya zəhərlənməsi keçirir. siravi insanların əlbəttə radioaktiv maddədən məlumatları ola bilməzdi və hətta məlumatları olması da lazım deyildi. hardan alındığı bilinən ancaq nə olduğu bilinməyən bir maddəyə bu qədər safca və şüphələnmədən yaxınlaşmaq ağılsızlıqdır. hadisədə 4 nəfər ölmüş 245 nəfər ağır radiasiyaya məruz qalmış, sonraki illərdə ətrafdaki xərşəng səviyyəsi kəskin artmışdır. bir il əvvəlki çernobıl hadisəsindən sonra beynəlxalq atom enerji agentliyi bu dəfə daha tez davranmış və sürətli bir şəkildə hadisəyə müdaxil olmuş. 40 ev sökülmüş və ərazidəki torpaq 40 santimetr dərinliyində qazılmış və kənara daşınmışdır.
daha sonra braziliya höküməti xəstəxananın baş həkimini məhkəməyə vermiş, 17 il həps cəzasına məhkum etmiş və xəstəxananı 1,3 mln dollar təzminat ödəməyə məcbur edib, ətrafda bundan sonra olacaq bütün xərçəng xəstələrini pulsuz müalicəsinə məhkum etmişdir.
2008ci ölçümlərinə görə qoianiada radiasiya səviyyəsi hələ də normalın 10 qatı səviyyəsindədir. 100 gram sezyumun izotopunun nəticəsi belədirsə yüksək radiasiyaya məruz qalmanın təhlükəsini düşünmək belə dəhşətlidir.

12 əjdaha! 02.03.2017 19:29, jafarov

#247696 şikayət

avropalıların pis olması stereotipi

+9 əjdaha

dünyadakı hər millətdə bəzi stereotiplər mövcuddur. istər qərbli, istər şərqli olsun, bütün millətlərdə bu var. bizdə və türklərdə, hətta deyərdim bütün müsəlman ölkələrində olan və məni qıcıqlandıran ən böyük stereotip, avropalıların təmizliyi müsəlmanlardan öyrənməsidir. biraz uzun olsa da, bu haqda yazacam.

güya avropada səlib yürüyüşlərinə (1096-1099) qədər təmizlik deyilən heç nə olmayıb və avropalılar öz pisliklərinin içində boğulduqları bir vaxtda, gəlib ərəbləri ,türkləri, afrikalıları görüb, təmizliyi öyrəniblər.

hər şeydən əvvəl ilk olaraq arxeologiyaya müraciət etməyimiz lazımdı. keçmiş dövrlərdə təmizliyin ən böyük və sağlam mərkəzi hamamlar. hamam mədəniyyətinin ortaya çıxması üçün də, oturaq həyat şəraitini mənimsəmək lazımdır. türklər və şimalı afrika ərəbləri kimi köçəri həyat sürən heç bir millət hamam mədəniyyətini inkişaf etdirə bilməz. türklərin isə asiya steplerində, suyun belə qıt olduğu yerlərdə hamam tikmələri heç məntiqli deyil. yer üzərində bilinən ilk şəhərləşmələr və ilk hamamlar indus vadisi, mesopotamiya, misir və yunan-roma mədəniyyətlərində görülür. yunan-roma mədəniyyəti xaric, yerdə qalan 3 mədəniyyətdə də tapılan hamam tipli tikililər qabaca bir su hovuzundan daha samballı deyildi. ancaq mikonosda, efesdə, pergedə, afinada, romada, bizansda tapılan bəzi hamamlar indinin özündə belə mənəm deyən otellərin spalarında yoxdu.

təmizlik mədəniyyətinin inkişaf etməsi üçün hər şeydən əvvəl axar suyun ətrafında olmaq lazımdır. asiya steplərinin, mesopotamiyanın, şimali afrikanın nə qədər hissəsində belə axar sular var? bunun tam tərsi avropa axar sularla çox zəngin bir yerdir. suyun qıt olduğu bir yerdə, tonlarla suyu hamama, təmizliyə istifadə eləmək nə qədər məntiqlidir? onsuz da tapılmayan bir neməti orana burana sürtüb həba etməzsən.

roma hamamları isə demək olar hər biri bir sənət əsəri olub. bilinən ən böyük və ən qədim roma hamamı e.ə. iii əsrdə roma imperatoru carcalla (212-217) tərəfindən, roma sağlamlıq tanrısı asklepionun şərəfinə tikilmişdir. maraqlı bir məlumat olaraq deyim ki, asklepionun qızı təmizlik ilahəsi higeya idi. indilərdə biz higeyanı gigyena olaraq bilirik. higeyanın simvolu olan kasanın ətrafına sarılmış ilan simvolu daha sonra təbabətin simvolu olaraq hamımızın təsəvvürünə həkk olundu. burada əsas məsələ odur ki, tüklərin hələ dillərini formalaşdırmadıqları (orhon-yenisey abidələri eramızın 8-ci əsri), islam dininin yaranmadığı, ərəblərin, şimalı afrika xalqlarının qumu qazıb işlərini gördükləri bir vaxtda romada təmizlik bir din idi. dinin gətirdiyi bir məcburiyyət yox, elə dinin özü idi. vi əsrdə bizansda konstantinapolda (indiki istanbul) 80,000 ton su həcminə sahib su deposu (indiki yeraltı sarnıcı) var idi ki, o zamanlar belə bir şeyi dünyanın heç bir yerində görə bilməzdiniz. türk hamamı deyilib yerə göyə sığdırılmayan hamam da roma hamamına bənzəməyib, hər bir hissəsi ilə eyni hamamdır.

bu stereotiplərin ortaya çıxması da heç nədən olmamışdır. orta əsrlərdə avropada ən güclü qurum kilisə idi. orta əsrlərdə də roma kilisəsində ən güclü təlim cizvit təlimləri idi. cizvit təlimlərinə görə insanı bu dünyaya bağlayan hər hansı zövq verici fəaliyyət günah sayılırdı. çimmək də insana zövq verdiyi üçün, cizvit təlimlərində çimməyi minimuma endirmişdilər. kilisədə güclü olan bu təlim, bir müddət sonra insanlar arasında da rəğbət görməyə başlayır və payızın başlanğıcında geyinilən paltar, bir də yay aylarında dəyişdirilirdi. beləcə müsəlmanların gözündə pis, çirkli avropalı stereotipi formalaşdı. amma işin dərininə endiyimizdə, buna səbəb yenə bir şərq təfəkkürü olan xristianlığın səbəb olduğu görülür.

indiki dövrdə də, hamama girdiyimizdə təmizliyimiz üçün lazım olan şampunundan saç kreminə, duş gelindən bədən lasyonuna, ülgücündən törpüsünə, kombisindən şofpeninə qədər, hər şey ya qərb ağlının məhsuludur ya da qərb şirkətlərinin istehsalıdır (kisə deyib ortaya girənlərin qəlbini qıraram -*) )

hər şeyi bir qırağa qoysaq belə, avtobusda, metroda gələn tər iyindən, kafeterya, universitet, məktəb, yol üzərindəki dəyanacaqlardakı ümümi tuvaletlərin halını gördükdən sonra kimsə mənə isbat edə bilməz ki, avropa təmizliyi bizdən öyrənib. bizim haramız təmizdi ki, başqasına da öyrədək.

6 əjdaha! 27.03.2017 17:24, jafarov

#249733 şikayət

yaran lətifələr

+9 əjdaha

deyir şəkidən biri bakıya gəlir. taksiyə minməli olur. birinə yaxınlaşır deyir nərimanova neçəyə apararsan, şofer deyir ki 10manata. deyir mən 20 verim, bir əl də ver mənə. taksici deyir dur təp əə burdan. nəysə yaxınlaşır ikinci taksiyə, deyir 10manat artıq verim, bir əl ver mənə, taksici diyir bas ə bayra əclaf. nəysə beləcə 8-9 taksiyə yaxınlaşır hamısı bunu əsəbi halda qovalayır.
axrıncı taksiyə yaxınlaşır, deyir neçəyə apararsan nərmanova taksici deyir 10manata. deyir sene 20 manat verecem amma bir xahişim olacaq. sürücü deyir denən. şekili deyir ki, xahiş edirəm bu küçədən keçə keçə ordakı taksilərə əl eliyərsen

9 əjdaha! 09.10.2016 15:28, jafarov

#233728 şikayət

13 noyabr 2015 parisdə partlayış

+5 əjdaha

fransada partlayan bombaların üstündən heç bir həftə də keçmədi və biz yenə qayıtdıq köhnə və hər zaman dəvam eləyən, hamının bildiyi məmur özbaşınalıqlarına, rüşvət dərdlərinə, qapımızı döyən iqtisadi krizisə, hökümətin öz arasındaki siyasi çəkişməsinə, vicdan məhbuslarına, şərlənərək həbsə atılmış müxaliflərə, ermənistanla aramızda gedən kim daha uzağa işəyə bilər sporlarına. hamı popcornlarını aldı yenə keçdi facebook atışmalarına baxmağa. bir qaldı tək-tük fransa bayraqlı profillər. onlar da yavaş yavaş aradan çıxır və onlarla bərabər fransanın cəzayir müharibəsindəki müharibə kadrları.
bombalar partlayanda bəziləri başladı müsəlmanın terror vəhşiliyindən yazmağa, müsəlman başladı fransanın iki üzlülüyündən, müsəlmana cəzayirdəki zülmündən, milliyətçilər də atılıb düşdülər ki, fransa erməni soyqırımını tanıyıb, franszlar ölüb əcəb olub. heç kim də durub düşünmədi ki, bəs ölən 160 nəfərin canı can deyilmi, onların milliyəti nə idi, dini nə idi, arzuları nə idi, xəyalları nə idi. bu dünyada heç bir dinin, milliyətin, fikrin, əqidənin nəticəsi ölüm olmamalıdı demədi heç kim.
bütün bu hadisələrin içində isə məni düşündürən başqa bi məsələ var, o da fransanın öz dəyərlərinə xəyanətidi. fransanı düşünərkən ağlıma volter gəlir bütün doqmaları tənqid edərkən, deskartes gəlir ağlın və tənqidi zehnin üstünlüyünü müdafə edərkən, diderot gəlir insanların qanun önündə bərabərliyini, düşüncə və ifadə azadlığını müdafə edərkən, montesk gəlir öz mədəniyyətini və millətini iki məğriblinin gözündən tənqid edərkən, russo gəlir insanların doğuştan bərabərliyini, xalqın siyasi rejimə hakim olması gərəktiyini deyərkən, respublikanı və demokratiyanı müdafiə edərkən, 1789-cu ilin avqustu bastiliyanın işğalı, fransız inqilabı və ``insanın və vətəndaşın hüquqları haqqında bəyannaməsi`` gəlir, fransız xalqının monarxiyaya və diktaturaya baş qaldırmağı, devirməyi və demokratiyanı gətirməyi gəlir, heç o qədər keçmişə getməyək sartre gəlir ağlıma, de gaullu amansızca tənqid etməyi, cəzayir müharibəsinin fransanın səhvi olduğunu parisin küçələrində mülahizə etməyi gəlir, de gaullun isə ``sartreyə toxunmayın, çünkü o fransanın özüdü`` deməyi gəlir. sartre olmaq hünər, cəsarət istəyirdisə, de gaull olmaq və bu cavabı vermək də ürək istəyirdi.
bu şəxslər və bu insanların düşüncələri, fikirləridi fransanı indiki demokratik, insan haqqlarının müdafiəçisi bir dövlət mövqeyinə daşıyan. indiki fransanın isə bu dəyərlərə xəyanət elədiyini düşünürəm. indiki fransa luvrun təmiri üçün ərəb diktatorlarının təklif elədiyi pulu sevə sevə götürür, indiki fransa bizim kimi ölkələrdəki insan haqqlarının tapdalanmasına, azadlığın boğulmasına, seçkilərin saxtalaşmasına verilən pulların müqabilində göz yumur. ərəb ölkələrinin monarxiyasına göz yumub, onları xeyir gətirdiyi yerə qədər dəstəkləyib, xeyir getirmədiyi təqdirdə qarşı çıxır. bütün dəyərlərini bir neçə milyon avroya satır. daha sonra onun göz yumduğu o diktatorların bəslədiyi terrorist qruplar iynə kimi ayağına batanda şüvənlik eləməyi gecdi. dəyərlərinin satıldığı pullardı indi qarşılarına çıxan. yayda yediyin xurma qışda bir yerlərini qaşındırar.

5 əjdaha! 19.11.2015 23:01, jafarov

#187950 şikayət

yaran lətifələr

+6 əjdaha

Uzaq kəndlərin birində Əhməd adlı cavan bir oğlan yaşayırmış. Əhməd gəlir 17 yaşına, deyirlər səni evləndirək. Axtarırlar arayırlar Əhmədə qonşu kəndlərin birindən Fatma adlı bir qız tapırlar. Bunlara qəşəng bir toy edirlər. Toy gecəsi Əhməd görür Fatmanın heç nədən xəbəri yoxdu. Nə him qanır nə cim. Axırda deyir Fatma biz evləndiyimizə görə artıq mən bütün sirlərimi sənə deməliyəm. Məndə bir şey var ki, dünyada heç kimdə ondan yoxdu. indi mən sənə onu göstərəcəm amma sən heç kimə bu haqqda bir şey deməməlisən. Əhməd beləcə Fatmanı razı salır və gecəni xoşbəxt şəkildə tamamlayır. Bir il boyunca Əhməd hər gecə Fatmaya öz sirrini göstərib şad xürrəm yaşayırlar. Vaxt gəlir Əhməd əsgərə getməli olur. Fatma Əhmədin yoxluğunda Əhməd və onun sirri üçün çox darıxır. Axırda dözə bilmir evlərinin önündə Əhmədin adını çəkib ağlamağa başlayır. Elə bu vaxt evinqabağından Əhmədin əsgərlikdən yeni gəlmiş dostu Mamed keçir. Gəlir Fatmanın yanına dərdini soruşur. Fatma da Əhməd və onun sirri üçün darıxdığını deyir. Mamedə maraqlı gelir bu sirr, nə illah eləyir Fatma sirri demir. Axırda bir şəkildə Fatmadan sirri öyrənir. Mamed qayıdır ki, ondan məndə də var. Fatma inanmır. Deyir istəyirsən keçək samanlığa göstərim çünki bu mənim də sirrimdi. Hər neysə samanlıqda Fatma Mamedin də sirrini görür ve sevindiyindən Əhmədlə elədiklərini Mamedlə də eləyir. Beləcə Əhməd əsgərlikdən gələnə qədər Mamed də kef eləyir.
Vaxt gəlir Əhməd əsgərlikdən qayıdır, hamı şad xürrəm ancaq Fatmanın sifətindən zəhrimar yağır. Əhməd ha Fatmanın o tərəfinə keçir ha bu tərəfinə keçir görür yox eee, Fatma razı salınacaq kimi deyil. Gecə olur bunlar baş başa qalanda Əhməd Fatmadan niyə belə olduğunu soruşur. Fatma
- Sən yalançısan. Mənə yalan dedin. Sən dedin sənin sirrindən dünyada başqa heç kimdə yoxdu amma mən bilirəm ki, ondan dostun Mameddə də var.
Əhməd duruxsunur
- Ay Fatma ondan məndən 2 dənə var idi. Mamed mənim ən yaxın dostum olduğu üçün birini ona verdim.
Fatma
- Ay eşşək. Verirsən verirsən, da yaxşısını niyə Mamedə verirsən?

4 əjdaha! 28.02.2024 11:33, jafarov

#382911 şikayət

güldürən dialoqlar

+8 əjdaha

Bir nəfər danışır ki, uşaq vaxtı bir dialoqa şahit olmuşdum. O zaman uşaq idim, dialoqdan heç nə anlamamışdım amma illər sonra dialoq yadıma düşəndə anlamışdım.
Həyətdə iki qadın söhbət edirlər.
- Axşam bir yuxu görmüşəm. Dəli olmuşdum. Görürəm ki, yekə bir it cumur mənim üstümə. Mən də başlıyıram itdən qaçmağa. Bir xeyli qaçandan sonra yorulub dəyanıram. Görürəm it hələ də gəlir. Tez əyilirəm yerdən daş götürməyə. Daşa tutub ha çəkirəm gəlmir, ha çəkirəm qaldıra bilmirəm. Onda gördüm, təpəmə bir yumruq yuxudan oyandım ki, kişi qışqırır “ Aaaz qopartdın eee!!!”.

8 əjdaha! 21.08.2019 00:39, jafarov

#289576 şikayət

yaran lətifələr

+9 əjdaha

Günlərin bir günü Roma papası Fransa Parisə səfər etməli olur. Səfərə maşınla çıxan papa, bir müddət getdikdən sonra şoferinə deyir ki, illərdi maşın sürmürəm. icazə ver bir müddət mən sürüm. Papa keçir sükanın arxasına, şofer də keçir oturur arxada. Bir müddət keçəndən sonra papa yüksək sürət elədiyinə görə polis bunları saxlayır. Maşının yanına gələn polis, papanı tanıyır. Qaça qaça maşının yanına gedib, tez ratsiyadan polis rəisi ilə əlaqə saxlayır.
- Rəis siz əmr verdiniz ki, qaydanı pozanın kimliyindən asılı olmayaraq hamıya cəza yazın. Amma mən bu adama cəza yaza bilmərəm.
- Kimdi axı? Millətvəkilidi?
- Yox, rəis. Deyil!
- Baş nazirdir?
- Yox, rəis deyil.
- Prezidentdi?
- Yox eee rəis. O da deyil!
- Bəs kimdi axı?
- Rəis, adam bilmirəm kimdi. Amma şoferi Roma papasıdı.

5 əjdaha! 30.06.2020 22:48, jafarov

#298849 şikayət

10 illik qonşunun erməni olduğunu öyrənmək

+4 əjdaha

eger uşaqlıqdan dostun olan, yeri gelende onun üçün bütün mehellenin uşaqları ile dalaşdığın, her xasiyyetine beled olduğun, dostum dediyin insanın milliyetini bilenden sonra meyus olmusansa, o zaman inan ki, problem o milliyetini bilmediyin dostunda deyil sendedi.

4 əjdaha! 28.01.2017 09:49, jafarov

#244233 şikayət

yazarların paylaşmaq istədikləri şeirlər

+3 əjdaha

paqanlar qeder olmasa da,
men de sevirem güneşi, ayı,ulduzları,
ne şerq qeder eqzotikalıyam,
ne şimal qeder soyuq,
ne qerb qeder materyalistem,
ne cenub qeder anlaşılmaz,
emeviler kimi çıxmamışam yolumdan,
kenanlılar qeder vehşi de deyilem,
qedim misir qeder esrarengiz de deyilem,
sadece isgenderiyye kitabxanasına pis oluram,
onu da yandırdılar deye
pul sözü de yalandı, napalyon demeyib ele söz,
bu aralar heyat çetindi deyirem yeni,
ne iş var, ne pul,
hallacı mensur kimi meni de başa düşmürler, helelik derimi de üzmeyibler
tek tesellimdi o,
qezalinin müselmanları aldatdığı kimi,
min il aldatmaram men seni,
hem xeyyam qeder içki de sevmirem,
günah olduğundan deyil haaa,
idmana başlamağı düşünürem sadece,
şrödinqerin pişiyi kimi beynini de bulandırmaram,
düz adamam, hetta ultra hd,
deskartes kimi olmasa da, düşünceli biriyem hetta,
nitşe qeder nihilist de deyilem,
azdan çoxdan ideallarım da var,
lut qeder sebir ve vicdan?
belke de, ola biler,
fibonaççi reqemleri qeder mükemmele doğru da getmirem,
bezen sokratı düşünürem, yaşamağın menasını axtarıram,
şumer efsanesindeki enkini düşünürem, belke de idrisle eynidiler,
amma, mence idris daha cana yaxındı,
erebler platona eflatun dediler,
sonra da ne hikmetdise bir reng adı oldu,
şamanizmden islama keçen adetler kimi pozulmamışam da,
veronikanın ölümü sevdiyi ve istediyi kimi,
semimi ve ürekden danışıram,
yeni mövzu da o deyil,
heç mövzu nedi onu bilirem ki,
her neyse burdayam deyirem yeni, yaşayıram,
kime soruşsan gösterecekler,
bir dene freuda soruşma,
o exlaqsız ve terbiyesizdi,
yene nese seksle bağlı danışacaq.

2 əjdaha! 08.01.2017 19:28, jafarov

#241743 şikayət

cem yılmazın bir pox olmaması

+2 əjdaha

yeməmisinizsə hardan bilirsiniz?

2 əjdaha! 10.01.2017 10:51, jafarov

#242019 şikayət

yaran lətifələr

+2 əjdaha

Günlərin bir günü 3 rəfiqə öz avtomobilləri ilə səyahətə gedərkən qəza keçirilər. Rəfiqələrin üçü də cənnətə düşür. Cənnətin qapısında tanrı rəfiqələri qarşılayıb onlara təlimatlar verir
- sizin üçünüzü də cənnətimə qəbul edirəm. Ancaq cənnətimdə yeganə qayda var. Cənnətdəki ördəklərin üstünə basmamalısınız.
Cənnətə keçən rəfiqələr baxırlar ki, cənnətdə hər yer ördəklə doludur. O qədər çox ördək var ki, üstünə basmamaq demək olar mümkünsüzdür.
Rəfiqələrdən biri elə ilk gün ördəklərin birinin üstünə basır. Bu zaman tanrı qəzəbli halda yanında rəfiqələrin görüb görəbiləcəyi ən çirkin bir kişi ilə gəlir. Onları bir birlərinə bağlayır və sonsuza kimi bərabər bağlı qalacaqlarını deyib gedir.
Bir həftə sonra ikinci rəfiqə də ördəyin üstünə basır və tanrı yenə eyni şəkildə bir çirkin kişi ilə gəlir və onları bir birlərinə bağlayıb, sonsuza qədər bərabər olacaqlarını deyib gedir.
Üçüncü rəfiqə belə bir halda yaşamayacağını deyib ördəklərin üstünə basmamaq üçün bütün diqqətini sərf edir. Aylar keçir və rəfiqə heç bir ördəyin üstünə basmır. Ən sonunda tanrı yanında rəfiqələrin görüb görə biləcəkləri ən yaraşıqlı bir kişi ilə gəlir və onları birbirinə sonrəsuza qədər bağlayır. Qadın əlini açıb tanrıya təşəkkür edir
- tanrım mən necə bir hərəkət etmişəm ki, sən məni belə bir şeylə sevindirdin?
Bunu eşidən kişi cavab verir
- səni bilmirəm neynəmisən amma mən ördəyin üstünə basmışam.

2 əjdaha! 21.10.2023 20:00, jafarov

#379679 şikayət

qadın

+5 əjdaha

Kişilərdən çox fərqlidirlər. Yerdən 20 metr göyə tullanıb saatda 60-la gedən quşu ağzınla tutub, elə havadaca 2 salto vurub düz yerə düşüb, ağzındakı quşu versən deyəcək ki, tuta-tuta elə sərçə tuta bildin?, şahindən qartaldan tutardın da.

5 əjdaha! 18.04.2019 08:32, jafarov

#285328 şikayət

+3 əjdaha

istifade elediyimiz ay adlarının etimologiyası maraqlı geldiyi üçün qısaca araşdırdım. maraqlı gelenler üçün.
yanvar - latın sözü olan "januarius" sözünden gelir. "janus" bir üzü sağa bir üzü sola baxan roma tanrısıdır. janus başlanğıclar, serhedler, qapılar tanrısı hesab olunur.
fevral - latın sözü olan "februaris" sözünden gelir. sözün menası arınma, temizlenmedir. fevral ayı qedim roma kalendarında son ay olduğundan bele adlandırılmışdır.
mart - latın sözü "martius"dan gelir. "martius" marsa qedim romada verilen addır.
aprel - latın sözü "aprilis"den gelir. aprilis sözünün tanrıça afrodit (aphrodite) sözünden geldiyi düşünülür.
may - latın sözü "maius"dan gelir. maius yunan bereket tanrısı "maya"nın deyişilmiş halıdır.
iyun - latın sözü "junius"dan gelir. junius qedim romada en böyük tanrı "juno"nun adından formalaşmışdır.
iyul - miladdan önce 44cü ilde yuli sezarın (julius ceaser) öz adını 5ci aya vermesiyle olmuşdur. iyul ayının ilk adı quintilius olmuşdur.
avqust - miladdan önce 8ci ilde sezarın oğlu oktaviusun (augustus ceaser) öz adını 6cı aya vermesiyle olmuşdur. avqust ayının ilk adı sekstilis olmuşdur.
sentyabr - latın "september" sözünden gelir. menası yeddinci demekdir.
oktyabr - latın "october" sözünden gelir. menası sekkizinci demekdir.
noyabr - latın "november" sözünden gelir. menası doqquzuncu demekdir.
dekabr - latın "december" sözünden gelir. menası onuncu demekdir.

3 əjdaha! 29.01.2017 16:16, jafarov

#244415 şikayət

dostluğun üst sevgililiyin alt leveli

+2 əjdaha

millətimizin mental anlayışlarını düşünərək oğlan tərəfindən veriləcək ən doğru qərardır. bizdən fərqli olaraq qərb mədəniyyəində qızdan xoşu gələn oğlan gedər qıza təklifini edər, əgər qız da razıdırsa bir birlikdəlikləri olar. bu birlikdəlik boyunca bir birlərini tanıyırlar və bəzən bir birlərinə uyğun olduğunu anlayıb bir ömür bərabər birlikdəliklərinə davam edərlər, bəzən də alınmaz evli evinə yolçu yoluna deyib həyatlarını ayırarlar.
bizdə isə vəziyyət qəlizdir. bir qızı görərsən, çox xoşun gələr, tanımaq istəyərsən. 1-2 böyük şəhəri saymazsaq rayon yerlərində qıza edəcəyin hər hansı bir təklifin ildırım sürəti ilə yayılacağı yüz faizdir. daha sonra oğlanla qızın əlaqəsi bilindikdən sonra geriye çıxış yolu yoxdur. ikilinin münasibəti alınmadıqda, oğlan ve ya qız geri addım atdığı anda artıq qızın adı kimsə ilə çıxmış olur. vətənimizin namus keşikçisi cəyil oğlanları da evlilik məsələsinə gələndə qızın birinci sinifdə kimlə hansı partada oturduğuna qədər araşdırırlar. belə olan halda qadınlara dəyər verən, cəmiyyətimizin mental yumruğunun qadının üzərinə enməsini istəməyən hər bir oğlan məcburdur ki, qızı tanımaq, xasiyyətinə bələd olmaq üçün ilk başda dostluq münasibəti qursun. burada da əsas təhlükə "friendzoned" ərazisinə düşüb çıxa bilməməkdir. sonda isə əgər qız edilən təklifi qəbul eləməsə belə, bir qadınla (həyat yoldaşın deyilsə) ömrünün sonuna qədər münasibət qurmaq mümkünsüzdür. əvvəl axır yoxa çıxacaq əlaqəni zamanında sonlandırmış olursan. ortada da nə şiş yanır nə kabab.

2 əjdaha! 22.08.2016 11:32, jafarov

#225784 şikayət

fetih 1453

+3 əjdaha

film orta seviyeli bir filmdi. baxmağa deymez deye düşünürem. amma bir milliyetçisinizse veziyet deyişer.
eslinde men filme yox istanbulun 1453 fethine biraz ferqli münasibetim var. türklerin gözünde (10 il orada yaşadığım üçün bilirem) istanbulun fethi tarixlerinin en böyük qelebesidi. istanbulu alaraq dövr bağlayıb dövr açdıq deyirler. yeni orta esrleri bitirib yeni esri başlatdıq. bes bu yeni dövr size ne faydası oldu sualını verende çaşıb qalırlar? kimin üçün dövr qapatıb dövr açdınız? dünya üçün cavabını alırsan. eslinde sadece avropanın tarixini deyişirler türkler bu qelebe ile. avropalılar üçün renosans başlayır, yeniden keçmişe, bir simurq quşu kimi küllerinden doğmağın yolları axtarmağa başlayırlar. türklerin dedikleri kimi dövr açdıqdan sonra ne uzaq şerqde bir deyişiklik olur ne mesopotamiyada, ne rusiyada, ne afrikada. hetta türklerin özü üçün de bir deyişiklik olmur. hetta ne amerikanın dünyanın qalanından ne de dünyanın qalanın amerikadan xeberi var idi hemen vaxt. amma eksine avropa yeni ixtiralar tapır, yeni keşfler edir ve inkişaf edir. türkler ise olduqları kimi yerlerinde sayırlar. avropanın tarixini deyişmekle niye bu qeder övündüklerini ise heç anlamıram.

3 əjdaha! 25.09.2015 02:44, jafarov

#182031 şikayət

14 iyul 2020 birlik yürüşü

+2 əjdaha

Müharibə istəməmək tam normal bir hissdir. Amma müharibə başlayandan sonra müharibəyə qarşı olmaq axmaqlıqdır. Cəmiyyət olaraq müharibə məsələsini kənara qoymalıyıq. Müharibə-müharibə deyənlər hamısı ya giclikdən, ya biclikdən provokasiya ilə məşğuldurlar. Hisslərin cəmiyyətin özünün əleyhinə istismarı üçün münbit şərait yaradırlar. Prioritetiniz Azərbaycanda müasir liberal-demokratik cəmiyyət qurmaq olmalıdır. Şüarlarımız qanunun aliliyi, azad, ədalətli seçkilər, insan haqları olmalıdır. Yoxsa elə tam sıradan çıxana kimi əziyyət içində ömür keçirəcəyik. Baş işlətmək, düşünmək, rasional olmaq, tərəqqi etmək vaxtıdır, milli, dini filan hisslərinizi istismar edənlərin, kortəbiiliyin əsirinə çevrilməli deyilik.
Dövlətin millətin təməllərini bunun üzərinə qurduqdan sonra, xalqa hesabat verəcək bir hökümət olduqdan sonra həddi nədi Ermənistanın bir vətəndaşımızın tükünə belə toxunmağa.

1 əjdaha! 15.07.2020 23:23, jafarov

#300319 şikayət

kiçik hekayələr

+3 əjdaha

eşidirsen meni? hey, sen, balaca eşidirsen? yox seni demirem, sen lap balaca eşidirsen? dünyanın en möhteşem yeri ana betnindeki balaca. eşit meni sene sözlerim var.
bax men çöldeyem. hele bilmirsen buralar nece yerdi. gel men sene danışım.
bax bura yaşadığımız planetdi. adı da dünyadı. kainatın ortasında bir qum deneciyi bele olmayacaq qeder kiçikdi. sen heç qum deneciyinin ne olduğunu bilmirsen axı. olsun sen yene de meni dinle. beli çox kiçiyik. bu dünya, yer küresinin üzerinde möhteşem egolarımızla yaşayırıq. dünya üzerinde düz 6,999,999,999 ego var. bilirsen buralarda tereflere bölünmüşük. serhedlerle bölmüşük dünyanı. yox, tek tek yox. toplanmışıq bölmüşük. bura bizimdi demişik. xetler çekmişik ve bu xetlerin kenarında qalanlara içeri girmeye icaze vermirik. çünki onlar bizden deyiller. çünki onlar ferqlidiler. onların dili ferqlidi, onların rengi ferqlidi, onlar özlerini ferqli adlandırır, biz ferqli. ona göre de onlar bizim terefe keçe bilmezler. yeni ilk öyreneceyik sözlerden biri olacaq pıqqadılar, xoxandılar. hem onların uydurub inandıqları nağıllar bizim nağıllarımızdan ferqlidi. eslinde eynidi amma olsun biz bizim nağıllara inanırıq. bilirsen balaca fiziki olanın öhdesinden gele bilmek olur. amma bir de var beynimizin içindeki serhedler. bizler dünyalı ola bilmirik. bizler teref seçmeden yaşaya bilmirik. bizler bizim terefimizde olmayanla yaşaya bilmirik. bizler bizim kimi olmayandan qorxuruq. sadece qorxmaqla qalmır hem de nifret edirik. eger bizim kimi deyillerse öldürürük.
bağışla... sen hele doğulmamısan men ise sene ölümden danışıram.
bizler güc herisleriyik balaca. güclenmek isteyirik ki, indi olan güclülere günlerini gösterek. amma çox pis bir şey var ki, güclenen kimi de eyni qarşı olduğumuz güclü oluruq. ezmeyi çox sevirik balaca. çiyinlere basmadan, başları ezmeden güclene bilmirik.
belke de sen hele bilmirsen qadınsan yoxsa kişi. bax ha, nebade qadın olasan. en çox da seni ezecekler. seni idare elemeyi, sene hökm elemeyi haqq sayacaqlar. heyatına yol çekecekler. o yoldan çıxsan... yox demeyecem. bunu yaşamadan bilmek olmaz.
balaca bizim ümumi adımız insandı. biz heç ne olmadan evvel insanıq. inancımızdan evvel insanıq, milletimizden evvel insanıq, ölkemizden evvel insanıq, siyasi fikirlerimizden evvel insanıq, felsefi inancımızdan evvel insanıq, dişi veya erkekliyimizden evvel insanıq. amma bir şey var. biz indi insan deyilik. bizler her birimiz bir "ego"yuq. sen ise insan ol balaca. 6,999,999,999 ego var gel birce sen insan ol.

3 əjdaha! 27.09.2015 00:50, jafarov

#182192 şikayət

gitaranın anasını ağladanlar

+1 əjdaha

estas tonne https://youtu.be/WGTxqhSN8bE)

1 əjdaha! 11.01.2017 12:27, jafarov

#242168 şikayət

məntiq

+2 əjdaha

mentiq çerçivesiz deyil. mentiq ele bir şeydir ki axır evvel dolanıb özüne qayıdacaq. ona göre de dünyaya yalnız mentiqi baxanlar heqiqet axtarışında artıq uduzublar, çünki onlar özlerine serhed qoyublar. mentiqle kainatın serhedi var , çünki gördüyümüz her şeyin serhedi var. eger kainatın serhedi varsa demek serhedin o terefi de var. eger serhedin o terefi varsa demek mentiqle kainatın serhedi yoxdur. mentiqle mentiqsizlikdir bu?
aylardır error verdirən sual.

2 əjdaha! 16.08.2016 12:04, jafarov

#225079 şikayət

hicablı qızın içki içməyi

+1 əjdaha

keçən il secret pub`da gördüyüm bir başı örtülü ingilis xanım. pivə içərək islamda renosans ruhunu yükseldirdi.

1 əjdaha! 16.08.2016 12:00, jafarov

#225078 şikayət

dövlət qurmaq

+1 əjdaha

dövletin devizi.
"o tayım talış bu tayım talış, gel ortada biraz da sen alış."

silinmiş entry.

1 əjdaha! 03.09.2016 06:41, jafarov

#227782 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1337

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1344

jafarov

son bəyənilənlər:

oxuyucuların bəyəndikləri: