Jalapeno

2 əjdaha! 08.08.2019 00:48, Jalapeno

Atam yox, dayımdır. Buna görə ona sonsuz minnətdəram. Onunçün gerçək rok hardasa 1990. ildə bitmişdi. Bir dəfə "Nirvana" dinlətmək istədim, az qala mənimlə əlaqəsini kəsəcəkdi.

#289229 şikayət

yazarların 17 yaşlarındakı hallarına deyəcəkləri

4 əjdaha! 08.08.2019 14:46, Jalapeno

Qısaca: Çox da şey eləmə. Bir az daha uzun: sərt ol, boş şeylərin, boş adamların səni sarsıtmasına imkan vermə. Zaman ən böyük sərvətindir. Onu yaxşı dəyərləndir. Hər kəs görmək istədiyini görür, eşitmək istədiyini eşidir. Bunu heç vaxt unutma. Bir də ən əsası, o sonuncu qədəhi içmə.

#289262 şikayət

yazarların ən pis pərt olduğu an

+6 əjdaha

il 2011. istanbulda marketdən avakado alıb oteldə səhər yeməyində yemək qərarına gəlmişdik. Qabığını çox çətinliklə yara bildik. Yağlı içini görüb və dadına baxıb pis pərt olduq. Manqo kimi şirin və sulu bir şey olduğunu təsəvvür edirdik.
Ümumiyyətlə, eqzotik meyvə və tərəvəzlərin dadına baxılması 90% halda məndə bu pərtlik və xərclənən pula təəssüflənmək duyğusu yaradır

5 əjdaha! 09.08.2019 14:23, Jalapeno

#289305 şikayət

çırpınırdı qara deniz

2 əjdaha! 06.08.2019 15:03, Jalapeno

istisnasız türkün himnidir. Azərindən də başqasının ifası yalandır.

#289169 şikayət

aybilet.az

3 əjdaha! 07.08.2019 16:53, Jalapeno

Zövqsüzlüyün göstərici olan sayt adı.

#289218 şikayət

sevilən mahnının ən vurucu cümləsi

+3 əjdaha

Halıma yanan gərək, səsin düşəndə yada,
Ötən günləri qoru, yaxşı bax, vermə bada,
Ayrılıq bir dənizmiş, sən uzaq yaşıl ada.

2 əjdaha! 06.08.2019 14:23, Jalapeno

#289164 şikayət

naim süleymanoğlu

4 əjdaha! 09.08.2019 15:48, Jalapeno

Bolqar türkü əfsanəvi ağır atlet. Bütün zamanların ən yaxşı ağır atleti hesab olunur. 1996. ildə Atlanta olimpiyadasındakı qələbəsinə ailəlikcə necə sevindiyimiz heç yadımdan çıxmır. Eypio haqqında oxuyur ki, "bir derdin varsa söyle Naim gelir kaldırır".

#289308 şikayət

rimworld

+6 əjdaha

Kəşf etdiyimdə "axı mən səni niyə daha əvvəldən tapmamışam?" dediyim PC oyunu. Oyun özünü "heyrətamiz hekayələr generatoru" kimi təqdim edir və zərrə yalan demir. Hər şeydən öncə, "Rimworld" qalib gəlmək, oyunu bağlamaq yox, yaşayacağınız hekayələr və alacağınız təəssüratlar haqdadır.
Deməli, kosmosun dərinliklərində sizin gəminiz qəzaya uğrayır və bir neçə kolonistiniz əndrəbadı bir planetə düşür. Məqsəd isə burda koloniya qurub inkişaf etmək və kosmik gəmi qayırıb buralardan sikdir olub getməkdir. Amma oyuna adam elə dalır, kolonistlərə elə bağlanır ki, heç çıxıb getmək istəmir. Otaqlar tikirsiz, silahlar, xüsusi vasitələr, müdafiə qurğuları hazırlayırsız. Geyim, dərman, yemək hazırlayırsız. Bitki əkirsiz, heyvan yetişdirirsiz. Zədələnmiş və ya itirilmiş bədən orqanlarını yeniləri ilə əvəz edir, insanları kiborqa çevirə bilirsiz. Oyun çox dərin və maraqlıdır. insan münasibətlərinə çox böyük diqqət ayrıldığı üçün isə koloniyadakı varlığınız çox çətinləşir. Abraham Maslow'un o məşhur piramidi burda da bütün varlığı ilə aktualdır və sizi gic edəcək. Modlarla oyun daha da dərinlik qazanır. Bütün bunlar az-çox başqa oyunlarda da var, Rimworld isə hər şeydən öncə hekayələri ilə məşhurdur. Mən də sizə son koloniyam haqda danışacam.
3 kolonistim yeni planetə düşdü. Samantha - aşpaz, fermer; Mogadishu - əsgər və heykəltaraş; Nine - cərrah və elmi araşdırmalar aparacaq mütəxəssis. Yavaş-yavaş inkişaf edirdik, kolonistlərin sayı artırdı, qəsəbəm böyüyürdü. Artıq 12 nəfər olmuşduq, xəbər gəldi ki, bizdən bir az aralıda yaralı biri var, onu xilas etsək, bizim qəsəbəyə qoşulacaq. Bu oyunda insan resursu çox önəmlidir, təbii ki, onları yedirə, geydirə və digər tələbatlarını ödəyə bilirsinizsə. 5 nəfər ən yaxşı döyüşçümü ayırdım, onları göndərdim yaralını xilas etməyə. Heç bir məlumat yox idi ki, o getdiyimiz yerdə bizi hansı bəlalar, təhdidlər gözləyir. Hardasa 2 günə mənimkilər yaralıya çatdı. Bu arada, 2 gün Rimworld'də xeyli uzun zamandır. Bu müddət ərzində asanlıqla koloniyanız meşə yanğınlarında məhv ola və ya hücumlar zamanı yağmalana bilər. Və məlum oldu ki, bu yaralı 92 yaşlı, gözləri yaxşı görməyən, qulaqları eşitməyən və mental problemləri olan qarıdır. Təsəvvür edin, xüsusi təyinatlıları sərhədin o biri tərəfində çox önəmli bir əməliyyata yollamısınız, məsələn, düşmənin önəmli şəxslərini və ya texnikasını, bilgisini ələ keçirmək üçün və onlar geriyə məsələn əllərində 2 toyuq ilə geri dönürlər. Əvvəl düşündüm ki, qadını aparmayım geriyə, qalıb canı çıxsın burda, sonra amma fikrimdən daşındım. Nə yaxşı ki, daşındım da. Adam çox ciddi sənətkar imiş. Geyim və silah hazırlamaq işlərimizə çox töhfələr verdi. Yeganə pis cəhəti isə odur ki, hərdən bizə hücum olunanda güllə səsi eşidən kimi ağlını itirir və hamını poxa salır. Məsələn, bizimkilərə atəş aça, yaxud da müdafiə qurğularımızı dağıtmağa cəhd edə bilər. O qədər dəlisov və qeyri-adekvat tipdir ki, atış qabiliyyəti yaxşı olsa da, əlinə silah vermirəm. Yoxsa növbəti tutması tutduğunda heç şübhəsiz bizimkilərdən birini vurub öldürəcək.
Bir digər hekayəmdə isə tanrı bizi aclıqla sınağa çəkirdi. Adam sayımız hədsiz çox idi, amma yeməyə bir pox qalmamışdı. Əkinlərim isə hələ 3-4 gün sonra məhsul verəcəkdi. Oturub düşünürdüm ki, bəlkə kolonistlərdən ən yararsızlarını kəsim, qalanları heç olmasa, acından ölməsin. Baxmayaraq ki, bu sakinlərimin ruh halını darmadağın edəcəkdi və hər şey qorxunc bir hal ala bilərdi. Çox sevdiyim qəsəbəmlə artıq vidalaşırdım ki, təxminən 15 gərgədan koloniyaya hücum çəkdi. Kor nə istəyər, iki göz. Hamısını ovladıq, xeyli ət və paltar tikmək üçün dəri əldə etdik. Aclıq başlamadan bitdi və əkinlər yetişdi. indi kosmik gəmi hazırlayıb buralardan azad olmaq üçün hər şeyim var, amma qalıram. Niyə, çünki adamlarla qorxulu səslənsə də doğma olmuşam. Həm də, güya gedəcəyimiz yer bundan yaxşı olacaq?

5 əjdaha! 06.08.2019 13:18, Jalapeno

#289157 şikayət

blade runner 2049

0 əjdaha! 06.08.2019 16:10, Jalapeno

Hər şeydən əvvəl onu demək istəyirəm ki, ala yekə kişisiz, 2 saat 40 dəqiqə nədir, keçib, bunu 3 saat edəydiniz, heç olmasa.
Film gerçəkdən gərəksiz uzun alınıb. Denis Villeneuve son zamanların ən sevdiyim rejissorlarındandır, amma bu filmi oturda bilməyib. Bəlkə də düşüncə tərzi, ya baxışları uyğun gəlməyib. Amma görünən odur ki, 2049 ilk filmin yanında sönük qalır. Birinci başdan sona fəlsəfə dərsliyi idi, düşündürürdü, ortaya amansız dilemmalar qoyurdu. Bu dəfəki isə kosmik miqyasda oynanan Mad Max'dır sanki.

#289174 şikayət

the walking dead

2 əjdaha! 08.08.2019 00:43, Jalapeno

4 mövsümünü izləmişəm. ilk 2 mövsümü çox yaxşı idi, 3. mövsüm də pis deyildi, amma 4. mövsümdə ürəyim sıxılmağa başladı. Hər il də növbəti mövsümə uzandığını eşidirəm. Payızda 10. mövsümü başlayacaq. Belə baxanda, bu serialı ömür boyu çəkmək olar. Zaman anlayışının öz mənasını itirdiyi bir dövrdə baş verir hadisələr. Belə çıxır ki, babat da izlənilir. Nə bilim vallah, mənim şəxsəm səbrim çatmadı.
Serialın çox ağır, dözülməz ağır dünyası var. Dünyanın içi sikilib, artıq heç nə əvvəlki kimi olmayacaq. Bütün insan varlığı sadəcə mövcud olmağa və zombilərlə, təbiətlə və həyatın özü ilə mübarizə aparmağa köklənib. Açığı, yazdığımı oxuyanda başa düşdüm ki, bəzi rahatlıqlarımızı və ümidlərimizi çıxsaq, elə biz də oxşar bir dünyada yaşayırıq. Harda qalmışdıq, serialda ümidin ən kiçik bir işartısı da yoxdur. Ola da bilməz, dünya elə bir yerə çevrilib ki, adam rahatlığı və xoşbəxtliyi təsəvvür də edə bilmir. Buna baxmayaraq bizim qəhrəmanlarımız yaşamağa və mübarizə aparmağa davam edir. Düzdür, arada hər şeydən - bu ümidsizlikdən, sonsuz ağrılardan və kədərdən yorulub təslim olanlar olur, amma belələri azlıqdadır və çoxu yola davam edir. Yol demişkən, baxdığım heç bir serialda adamlar bu qədər yol getmir. Yol gedirlər və zombiləri öldürürlər. Yol gedirlər və xırda dərdlərdən, keçmişdən danışırlar - o işıqlı, xoşbəxt keçmişdən. Yol gedirlər və gedəcəkləri növbəti yolların planını qururlar, onları düşünürlər. Yollar isə heç yerə aparmır. Əslində aparır - növbəti insan cəmiyyətinin formalaşdığı yerə ki, bizim qəhrəmanlarımız gedib onların pis-yaxşı rahatlıqlarının içinə pox qoysunlar. Birinin həyata baxışlarından xoşları gəlmir, başqa birinin gözlərinin rəngindən və ya boyundan. Oğraş-oğraş səbəblərlə onların rifahını məhv edirlər. Nə özləri bir gün görə bilirlər, nə başqalarına bir gün görməyə imkan verirlər.

#289228 şikayət

sözlük yazarlarının həyat prinsipləri

1 əjdaha! 08.08.2019 13:11, Jalapeno

Verirlər götür, vururlar qaç.

#289251 şikayət

yeniyetmə

2 əjdaha! 05.08.2019 18:32, Jalapeno

Həyatın ən çətin dövrü. Belə baxanda, hansı dövr çətin deyil ki? Amma bu həyatın bu hissəsi daha çətindir. Artıq uşaq deyilsən, bunu qəbul etmək istəmirsən. Eyni zamanda böyük də deyilsən - sən nə istəyirsən, səndən nə istəyirlər, fərqi yoxdur. Böyüklərin dünyasına hələ daxil deyilsən, amma o dünya yavaş-yavaş sənə girməyə başlayıb. Uşaqlığın gətirdiyi imtiyazlar get-gedə yoxa çıxmaqdadır. Onların yerini məsuliyyətlər, gözləntilər alır. Bir yandan da hormonlar insanla pis oyunlar oynamağa başlayır. intellektin, erudisiyan kifayət qədər ola bilər, amma həyat təcrübən sıfra yaxındır, müdrik deyilsən. Bu da səni sonsuz səhvlər etməyə, sonsuz kədərlənməyə və özünü dünyanın ən tənha, ən anlaşılmayan adamı hiss etməyə gətirib çıxarır. Bir sözlə, həyatın ən rəzil, ən iyrənc dönəmidir. Xüsusən, tabuların, qadağaların və yoxsulluğun hökm sürdüyü toplumlarda.

#289102 şikayət

squat

1 əjdaha! 06.08.2019 14:10, Jalapeno

Powerlifting idman növünün deadlift və bench press ilə birlikdə 3 hərəkətindən biri. Bu hərəkətdə 190 kq çatmışdım. Və düşünüldüyünün əksinə, doğru icra edildiyində dizləri, beli və bədənin digər yerlərini xarab etmir, əksinə gücləndirir. Deadlift ilə birlikdə bəlkə də dünyanın ən ağır, insanı darmadağın edən hərəkətlərindən biridir. Metaforik olsaq, dünyanın yükünü qaldırırsan. Asan iş deyil.

#289161 şikayət

miles davis

1 əjdaha! 09.08.2019 00:51, Jalapeno

"Kind of Blue" albomunu çox sevirəm. Yadımdadır, məni sevən bir qız var idi, o vermişdi dinləməyə. Musiqiçi idi, ikimiz də cazı sevirdi, o isə üstəlik məni. sevgisi qarşılıqsız idi, amma mənə elə gəlirdi ki, bu hal ondan çox məni incidirdi. Albomu dinlədiyim gecə ağlımı itirmişdim. O gündən hardasa 15 il keçib. Amma "Blue in Green" kompozisyasını ilk dinlədiyim an içimdən keçənləri hələ də unutmuram və hər dinlədiyimdə məni məndən alır. Necə hesablamaq olar bilmirəm, bəlkə də üst-üstə toplasam, 1000 saat dinləmişliyim var bu musiqini. Çox sakit başlayır, sıradan bir caz kompoziyası kimi. Bir neçə dəqiqə sonra bitəcək və növbəti musiqi başlayacaq. Sonra onu başqası əvəz edəcək və ilaxır. Amma bir neçə saniyə keçir və hər şey darmadağın olur. Həyat onsuz da çətin və ağrılıdır. Daha da ağrılı olur. Qaranlıqlar daha da qaranlıq, ümidsizliklərimiz daha da ümidsiz olur. Amma əl çəkə bilmirsən. Dinlədikcə dinləyirsən.

#289279 şikayət

saybu swag

2 əjdaha! 08.08.2019 13:48, Jalapeno

“Yarı zarafat” adlı əfsanə trekin sahibi repçi. Okaber ilə “ölür yaxşılar” duetindən tanımışdım. Arzu edirəm ki, vəhşi potensialını reallaşdıra biləcək.

#289257 şikayət

xəzər tv xəbər başlıqları

1 əjdaha! 07.08.2019 02:27, Jalapeno

Əksər hallarda valideynlərimdə qonaq olanda dadına baxmaq imkanım olan tütiyədir. Bizim televizoru heç bir televiziya şəbəkəsinə qoşmamışıq deyə, bu cür dadlardan məhrum oluruq açığı.
1. Nə vaxt baxsam, mütləq yollardakı vəziyyətdən, yol işarələrindən, yol hərəkəti qaydalarından danışırlar. Avtomobili olmayan və bu mövzuyla yaxından-uzaqdan heç maraqlanmayan biri kimi dəqiq deyə bilmərəm, nə qədər ciddi mövzulara toxunurlar, amma nəsə mənə elə gəlir ki, adamlar bu söhbətlərə bir az ciddi qulaq assaydılar daha az sarsaq sürücü və daha az sarsaq piyada görərdik.
2. Çoxbaşlı, çoxayaqlı və s. anomaliya ilə doğulmuş heyvanlar göstərirlər. Adam bir anlıq elə düşünür ki, Çernobıl anomaliya zonasında yaşayır.
3. Növbəti sevimli kənd təsərrüfatı mövzuları hansısa ağacı calaq edən, yaxud da çox məhsul alan fermerlərdir. Hərdən müsahiblərini o qədər coşdururlar ki, adamlar başlayırlar absurd vədlər verməyə. Üçrəngli meyvələr yetişdirəcəklər, yaxud da bir bağdan az qala bütün ölkənin məhsullarını alacaqlar kimi.
4. Müxtəlif anomaliyalar. Həmişə də bu mövzular qulaqdan qan axıdan musiqi tərtibatı ilə təqdim olunur. Ruhlar basan rayon evləri, öz-özünə hərəkət edən əşyalar, ağlını itirən heyvanlar, adamları gecələr qorxudan varlıqlar, gülyabanılar və s.
5. Mənasız şeylər qayıran ixtiraçılar. Bunları da 3. bənddəki fermerlər kimi coşdurub ağlasığmaz vədlər verdirirlər. Avtomobil ixtira edən kim, təyyarə qayıran kim, xərçəngin dərmanını tapan kim, hamam vannasında, unitazda sualtı qayıq buraxanlar kim. Bir dəfə də fake bir çanta söhbəti çıxmışdı və yaman məşhurlaşmışdı. O da deyəsən bu kanalda idi. Hə, lap unutmuşdum, bir də cürbəcür gic-gic oyunlar, musiqi alətləri yaradanlar olur. Biri şahmat kimi oyun yaratmışdı və oyunda ancaq ağ fiqurlar qalib gələ bilirdi. Və bu bug deyildi, yaradıcının konsepsiyası idi. Heç nə.

silinmiş entry.

#289196 şikayət

bomba klassik pop musiqiləri

1 əjdaha! 08.08.2019 02:58, Jalapeno

Youssou N'Dour ft. Neneh Cherry - 7 Seconds

#289234 şikayət

avtobusdakı insan modelləri

1 əjdaha! 07.08.2019 16:49, Jalapeno

Avtobusa girirsən, salonun ortasında 5-6 nəfər məktəbli bir-birinə zəncirlənmiş kimi durub söhbət edir və ya oyun oynayırlar, test həll edirlər, pəncərədən boylanırlar, fərq etməz. Özü də lap balacalardan tutmuş buraxılış sinfi şagirdlərinə qədər hamısı belə yol gedir. Üstəlik də kürəklərində çantalar, gəliş-gedişi əməlli-başlı iflic edirlər. Avtomobil olsaydılar, belələrini çoxdan tutub cərimələmişdilər. Mən hələ bu uşaqların bir-biri ilə yüksək səslə bağırışmalarını, bir-birini zarafatla itələmələrini və s. demirəm. Səbəb nədir? Nə ailə, nə məktəb öz işini görmür. Bütöv bir millətin tərbiyəsi başlı-başına buraxılıb. Bu gün bu uşaqları nədəsə qınamaq ən asan şeydir, amma təqsirin onlarda olmadığını anlayıram. Ən qorxulusu isə bu problemlərin zəncirvari təbiətidir. Sabah bu uşaqlar böyüyüb vecsiz vətəndaşa çevrilirlər. Sonra onlar uşaq, iş-güc sahibi olurlar, növbəti vecsiz, avara nəsli formalaşdırmağa başlayırlar. Axırda da, o məşhur anekdotdakı kimi "siz orda nə salat hazırlayırsınız bilmirəm, amma mayonezi mənim üstümə tökülür" məsələsi yaranır, girən normal adamlara girir.

silinmiş entry.

#289217 şikayət

sualtı taarruz komandoları

1 əjdaha! 09.08.2019 01:40, Jalapeno

1974. ildə Kipr sülh hərəkatında adaya ilk SAT komandoları daxil olub. 1995. ildə Yunanıstanla Kardak krizini çox incə yollarla həll etmiş igidlərdirlər.

#289287 şikayət

kino kimi musiqilər

1 əjdaha! 09.08.2019 01:32, Jalapeno

The Last Shadow Puppets - Aviation

#289285 şikayət

football manager 2019

1 əjdaha! 06.08.2019 13:27, Jalapeno

Football Manager seriyasını 2010. ildən oynayıram. 2019 çıxan kimi də aldım. Oyun son versiyalarında xeyli ağırlaşıb. Ağırlaşıb dediyim odur ki, həddindən artıq çox verilənə nəzarət etməlisiniz. Skautlar, həkimlər, analitiklər, elmi işçilər, məşqçilər, klub rəhbərliyi, agentlər, oyunçular - hamı, hamı sizə bilgi ötürür və tərs kimi, bütün bu bilgilər də çox önəmlidir. Bir yerdən sonra sizə elə gəlməyə başlayır ki, əməlli-başlı bir işdə çalışırcasına zəhmət çəkirsiz və yorulursuz. Əvəzində heç nə qazanmamaq bir yana, zamanınız da məhv olur.
Nəhayət ki, Almaniya çempionatı üçün rəsmi lisensiya ala biliblər. Taktika bölməsində də xeyli irəliləyiş var. Artıq beyninizdəki oyun quruluşunu gerçəkləşdirmək imkanınız artıb. Və mənim üçün ən önəmli olan yenilik isə odur ki, komandanız əməlli-başlı pressinq etməyi öyrənib.
Bunlar hamısı gözəl söhbətlərdir, problem, hətta faciə isə ondadır ki, FM seriyası insanın həyatını məhv edir, əmir, puç edir, yoxa çıxarır. Oturursan, bir də 8 saat, 10 saat sonra ayılırsan ki, orda hardasa həyat davam edir, yaşamaq lazımdır. 650 saat oynadıqdan sonra sildim, ciddi-ciddi bütün həyatım sikdir olmuşdu. Bütün seriyalarda belə olur, FM masturbasiya kimi bir şeydir: əvvəl həzz verir, sonra sonsuz peşmanlıq. Bununla belə, məni çox sevdiyim futbolun daxili dünyası, bütün çətinlikləri və iş mexanizmləri ilə tanış edib. Bircə, oyun almaq, rüşvət vermək və s. də olsaydı, lap bomba olardı.

#289158 şikayət

elektron siqaret