kejan

304 0 0 0

4. nəsil yazar

Entry: 304

blok başlıqlarını gizlət

voyager 1

joan cornella

ceci n est pas une pipe

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

online şahmatda cığallıq etmək

+41 əjdaha

öncəliklə kompyuterinizə yaxşı bir şahmat oyunu yükləyirsiniz. online oyuna başlamadan öncə bu programı açırsınız, əgər onlinedə qara fiqurlarsınızsa programda ağları, ağ fiqurlarsınızsa qaraları seçirsiniz. rəqibin hər gedişini kompyuterki oyunda siz gedirsiniz və kompyuterin sizin üçün ən yaxşı gedişi fikirləşməsinə icazə verirsiniz. əgər oynadığınız adam şahmat dahisi deyilsə çox güman ki qalib gələcəksiniz.

35 əjdaha! 29.05.2015 19:21, kejan

#167491 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sapioseksual

+20 əjdaha

azərbaycanda yalnızlıq səbəbidir.

19 əjdaha! 21.05.2015 02:58, kejan

#165105 şikayət

qadının ağlaması

+15 əjdaha

qadında şiddət və acı ilə həzz və xoşbəxtlik sintezlənib. qadının ilk seks təcrübəsi zamanı çəkdiyi acı, reql dönəmlərində çəkdiyi acı, doğum zamanı çəkdiyi acı və s. birbaşa cinsi həyatının bir parçasıdır və qadında həzz ilə paraleldi. bu səbəbdən düşünürəm ki, qadın istənilən acıdan az da olsa həzz alır, necə deyərlər, bütün qadınlar mazoxistdi. qadına ağlamaq üçün səbəb lazım deyil, erkəklər bikar olanda masturbasiya etdikləri kimi, qadınlar da bikar və tək olanda acılı bir xatirəni düşünüb ağlamağa başlayırlar. buna görə ağlayan qadına daha böyük həzz verə bilməyəcəksinizsə buraxın doya-doya ağlasın. bir qadın aylardır ağlamayıbsa, onun cinsi problemləri var.

12 əjdaha! 21.05.2015 15:29, kejan

#165195 şikayət

kastrasiya kompleksi

+18 əjdaha

sigmund freudun psixoanalitik nəzəriyyəsində 2-6 yaş arası uşağın penisini itirmə qorxusudur. penisini yeni kəşf etmiş uşaq, qadağan edilmiş hərəkətləri etdikdə penisinin kəsiləcəyi qorxusuna düşür. sünnət və sünnət haqqında zarafatlar, qız uşaqlarında penis olmamasının fərqinə varmaq, edip kompleksi, "çükünü kəsək bunun" kimi yalançı təhdidlər və s. bu qorxunun yaranmasına və böyüməsinə yol aça bilir. patriarxat cəmiyyətlərdə daha çox görülür və uşaq əsasən penisinin atası tərəfindən qoparılacağını düşünür, bununla belə cəmiyyətdə(ailədə) olan sevimli erkək mövqeyini itirib qız olacağı qorxusu ilə yaşayır. bu vəziyyət yetişkin şəxsdə qadın düşmanlığına(misogyny) səbəb ola bilər.

qız uşaqlarında bu vəziyyət fərqli müşahidə olunur, şüuraltı formalaşmamış qız uşağı hansısa erkəkdə penis gördükdə özününkünün kəsildiyini, qoparıldığını düşünür. buna görə qız uşağı həyatı boyu penis əldə etmək və ya penisini qaytarmaq düşüncəsində olur. bəzi tədqiqatçılara görə ananın oğlan uşağına olan ifrat sevgisi sonunda penisə sahib olduğu düşüncəsindən qaynaqlanır.

islam ölkələrində patriarxiyanın getdikcə güclənməsinin və qadın düşmanlığının artmasının səbəbi kimi göstərilə bilər sünnətə bağlı kastrasiya kompleksi.

12 əjdaha! 13.06.2015 19:58, kejan

#170733 şikayət

sillə kimi cavablar

+12 əjdaha

-cənab pollock, bir rəsmin bitdiyini necə anlayırsınız?
-siz orqazm olduğunuzu necə anlayırsınız?

(bax: jackson pollock)

11 əjdaha! 26.07.2015 02:26, kejan

#175938 şikayət

informasiya nəzəriyyəsi

+11 əjdaha

tətbiqi riyaziyyatda, elektronikada və kompyuter elmlərində istifadə olunan, claude shannon tərəfindən informasiyanın sıxılması, ötürülməsi, saxlanılmasını təmin etmək üçün inkişaf etdirilmiş nəzəriyyə.

bir az açıqlamağa çalışım: fizikadakı entropiya anlayışından fərqli olaraq burda entropiya bir məlumat sətrinin təxmin edilməsi(ehtimal) üçün lazım olan ortalama rəqəmə verilən addır. ehtimal nəzəriyyəsinin məşhur torba və şar məsələsi ilə açıqlamaq olar bunu. tutuq ki, bir torbada n fərqli rəngdə şar var, bu torbada n çoxluğuna daxil olan bir rəngli şarı çəkmə ehtimalı 1/n-dir. eyni zamanda bu bizim bir çəkişdə torbadan ala biləcəyimiz informasiya miqdarıdır, çünki hansı rəngin çıxacağını bilmirdik. əgər torbadakı bütün şarlar eyni rəngdə olsaydı, biz hansı rəngdə şarı çəkəcəyimizi bildiyimiz üçün çəkiliş sonrası bizim əldə etdiyimiz informasiya 1 olacaqdı, çünki hansı rəngdə şarı çəkəcəyimizi bilirik. n böyüdükcə bizim əldə edə biləcəyimiz informasiyaların sayı da çoxalır və bu saya entropiya deyilir və belə hesablanır(h- entopiya):

h(x)=-(x∈x)∑p(x)log(p(x))

əslində bu entropiya anlayışı fizikadakından heç də fərqli deyil, fizikadakı entopiya anlayışı sistemdəki nizamsızlığı və zamanın axınını müəyyən edir(qısaca yazdım), burdakı entropiya da eyni şeyləri bir informasiya sistemi üçün təyin edir, yəni bir proqram həmişə entropiyasını 1-ə çatdırıb sonlanmağı hədəfləyir, ehtimallar azalaraq sonda nəticə qalır və bu da sistemin zamanının miqdarını və istiqamətini müəyyən edir.

informasiya nəzəriyyəsi hazırda itkisiz məlumat sıxışdırma(məs: zip), itkili məlumat sıxışdırmada(məs: mp3, jpeg, 3gp), kommunikasiyada (məs: dsl, adsl) və s. tətbiq edilir.

11 əjdaha! 16.07.2015 23:03, kejan

#175135 şikayət

gaspar noe

+10 əjdaha

1963 təvəllüdlü argentina doğumlu fransız rejissor. sərt filmləri ilə tanınır. filmlərində hər kəsin bildiyi, amma heç kimin çəkməyə və ssenarinin bir parçası halına gətirməyə cəsarət etməyəcəyi səhnələrdən istifadə edir. ilk uzunmetrajlı filmi olan i stand alone ilə narahat edə biləcəyini hər kəsə göstərmişdi. bununla kifayətlənmədi əlbəttə, ardında irreversible filmi ilə bu narahat etmə yarışına dolaysız şəkildə girdi, üstəlik gey-bar səhnəsində cameo edərək nə qədər irəli gedə biləcəyini bir daha sübut etdi. durmaq fikri yox idi adamın, enter the void gəlir, narkotik, abort, açıq sex səhnələri. filmlərində əsasən kamera işi və işıqlandırma çox ön plana çıxır, texniki cəhətdən qüsursuz sayıla biləcək, sinematoqrafiya divarına daha bir kərpic əlavə edəcək texnikaları var. bu il kann film festivalında göstərilmiş olan love filminin traileri isə yenə narahat edən bir filmin bizi gözlədiyindən xəbər verir.

(youtube:

)

9 əjdaha! 28.05.2015 02:36, kejan

#167100 şikayət

qarışqa

+10 əjdaha

vəhşi heyvandır. kim deyirsə ən yaxşı qoxu almaq qabiliyyəti akulalardadı inanmayın, indicə kafka kitabı ilə böyük bir həşarat öldürdüm, səhv etmirəmsə maral böcəyi idi. iki dəqiqə sonra həmin yerdə bir topa qarışqa vardı və böcək yoxa çıxmışdı.

9 əjdaha! 04.07.2015 23:52, kejan

#173960 şikayət

marquis de sade

+11 əjdaha

justine və juliette adlarında kitablarında iki bacının fərqli fəlsəfi düşüncə əsasında monastırdan ayrılmalarını və başlarından keçən əhvalatları qələmə almış yazar. justine əsərində yaxşılığın, saflığın, iradə və ərdəmin gətirdiyi fəlakətlərdən bəhs edir, buna görə də həmçinin ərdəmin(mərifət, hövsələ) fəlakətləri adlanır. juliette isə böyük bacıdır, əxlaqsızlığı, iradəsizliyi - sağ qalmaq üçün bir növ opportunizmi seçmiş olandır.

--spoiler--

işgəncə, təcavüz, fəlsəfə, psixoloji işkəncə, yenə işgəncə, yenə fəlsəfə, yenə təcavüz, və yenə təcavüz. bildiyiniz sade. axırda justine ildırım vurması nəticəsində ölür.

--spoiler--

həmçinin, sadomun 120 günü və yataq otağında fəlsəfə kimi məşhur əsərləri, bir çox məqalələri, siyasi məqalələri, hekayələri, tarixi hekayələri, pyesləri var. məhsuldar yazardır.

"yazdıqlarımın çoxunu yaşamamışam, bəlkə də fürsət düşsəydi belə etməzdim. məni şəhvət və günahla bağlı dayanılmaz pəhrizə məcbur etməklə doğru bir şey etdiyinizi sandınız amma yanıldınız. beynimi işə saldınız və məni kabuslar yaratmağa məcbur etdiniz." sözlərinin sahibi.

9 əjdaha! 18.05.2015 20:35, kejan

#164526 şikayət

franz kafka

+10 əjdaha

başqa şəhərdən gələn nişanlısını görmək üçün müdirindən iki saatlıq icazə istəməyə cəsarət etməyən, saatlarla gözləyən nişanlısının çıxıb getməsinə səbəb olan, əlinə qələmi aldıqda isə cəngavərə, bütün ierarxiyalara meydan oxuyan anarxistə çevrilən yazar. praqadakı anarxist qruplaşmalara uzaqdan maraq saldığı və həmyerlisi olan psixoanalist və anarxist olan otto gross ilə də söhbətdaş olduğu rəvayət edilir. utancaq və çəkingən kafkanın bu münasibətlərinə "karla reimert - şipşak kafka" kitabında zarafatcıl dillə yaxşıca aydınlıq gətirilib. haqqında bir kitabxana kitab yazılmış yazar, yaz-yaz bitməz.

9 əjdaha! 15.05.2015 04:41, kejan

#163755 şikayət

narahat edən filmlər

+9 əjdaha

(bax: salo ya da sodomun 120 günü)
(bax: funny games)
(bax: a sırpski film )
(baxma: pink filamingos)
(bax: cannibal holocaust)
(bax: oldboy)
(bax: pieta)
(bax: american beauty)
(bax: cargo 200)
(bax: antichrist)
(bax: taxidermia)
(bax: dogville)
(bax: a clockwork orange)
(bax: santa sangre)
(baxma: possession)
(bax: i stand alone)
(bax: irreversible)
(baxma: tras el cristal)

6 əjdaha! 28.05.2015 01:10, kejan

#167080 şikayət

pritça

+10 əjdaha

kafkanın məhkəmə romanından bir pritça:
“qanunun qapısında keşikçi durur. bu keşikçinin yanına kənddən bir kişi gəlir və xahiş edir ki, onu içəri buraxsın. ancaq keşikçi deyir ki, indi ona içəri keçməyə icazə verə bilməz. kişi bir az fikirləşir və soruşur ki, sonra keçə bilərmi. “ola bilər,” – deyir keşikçi. – “ancaq indi olmaz!” həmişə olduğu kimi, onda da qanunun qapısı açıq olur və keşikçi də yana çəkildiyi üçün kişi əyilib qapıdan içəri baxır. keşikçi bunu görəndə gülür və deyir: “əgər sənin üçün belə maraqlıdırsa, mənim yasaq etməyimə baxma, içəri gir. ancaq yadında saxla: mən güclüyəm. ancaq həm də keşikçilərin ən zəifiyəm. hər zalın qapısında keşikçi durur, biri də o birindən güclü olur. mən elə üçüncünü görəndə, qorxdum. kənddən gələn kişi işin belə çətin olacağını gözləmirmiş, fikirləşirmiş ki, qanunun qapısı hamı üçün həmişə açıq olmalıdır, ancaq indi diqqətlə keşikçinin qalın kürkünə, dik burnuna, seyrək, qara saqqalına baxıb qərara alır ki, icazə verənə qədər gözləsin. keşikçi ona bir kətil verir ki, qapının yanında oturub gözləsin. kişi günlərlə, illərlə orda oturur. çox çalışır ki, içəri keçsin və xahiş-minnətilə keşikçini yorur. keşikçi də tez-tez onu sorğu-suala tutur, hardan gəldiyini soruşur, böyük adamlar kimi məsələyə dəxli olmayan suallar verir və axırda da həmişəki kimi deyir ki, hələ buraxa bilməz. çoxlu səfər ehtiyatı götürmüş kişi qiymətə baxmır, ələ almaq üçün hamısını ona verir ki, içəri buraxsın. düzdür, keşikçi verilənin hamısını götürür və götürəndə də deyir: “ ona görə götürürəm ki, fikirləşməyəsən: vay, bundan istifadə eləmədim” . bu uzun illər ərzində kişi ara vermədən keşikçini müşahidə edir. başqa keşikçiləri unudur, fikirləşir ki, onu qanunun içinə buraxmayan elə birinci keşikçidir. ilk illərdə bu kor təsadüfü ucadan lənətləyir, sonralar qocalanda isə öz- özünə donquldanır. lap uşaq kimi olur, illər uzunu keşikçini yaxından öyrənə-öyrənə, onun kürkünün yaxalığındakı birələri də tanıyır, onlardan da xahiş edir ki, kömək eləsinlər, keşikçini yola gətirsinlər. axırda gözlərinin işığı zəifləyir, doğrudanmı qaranlığın düşdüyünü, ya da gözlərininmi onu aldatdığını bilmir. ancaq indi qaranlıqda qanunun qapısındakı sönməz parıltını görür. artıq çox yaşaya bilmir. ölümündən qabaq illər uzunu qazandığı təcrübələr beynində bir yerə yığışıb elə bir sual yaradırlar ki, kişi onu hələ indiyəcən keşikçiyə verməmiş olur. qaxaca dönmüş bədənini tərpədə bilmədiyi üçün keşikçini əlinin işarəsi ilə yanına çağırır. keşikçi ona tərəf çox əyilməli olur, çünki kişi bapbalaca olmuşdu. “indi nəyi bilmək istəyirsən?” – deyə soruşur, – “səni heç razı salmaq olmur...” kişi deyir: “hamı qanuna can atır. bəs necə olur ki, bu uzun illər ərzində heç kəs ora girmək istəmədi?” keşikçi görür ki, artıq kişinin sonu çatıb, eşidə də bilmir və ona görə də çığıra-çığıra deyir: “ burdan heç kəs keçə bilməzdi, çünki bu giriş yalnız sənin üçün qoyulmuşdu. indi mən gedib onun qapısını bağlayaram!”

5 əjdaha! 05.07.2015 05:05, kejan

#173993 şikayət

arizona dream

+9 əjdaha

filmdə keçən "balıq düşünmür, çünki hər şeyi bilir." cümləsinin əsli andrei platonov kitabındakı "balıq səssizdi, balıq düşünmür, çünki balıq hər şeyi bilir" cümləsidir ki, mənim üçün atalar sözünə çevrilmiş bir şeydi. nə düşünürsən deyə sual verən qızlara cavabımda deyirəm "balıq hər şeyi bilir." mal-mal üzümə baxırlar.

9 əjdaha! 28.05.2015 23:19, kejan

#167350 şikayət

yuxu yozmaları

+9 əjdaha

sigmund freudun 1900-cu ildə çap olunmuş kitabı. kitab demək olar ki, freudun ölümünə qədər düzəlişlər və əlavələr edilərək dəfələrlə nəşr olunub.
kitabın əvvəllərində freud "yuxu nədir?", "insanlar niyə yuxu görür?" kimi suallara ondan öncəki araşdırmacıların tapdıqlarını təhlil edir. ardından üzərində israrla durduğu nəticəyə gəlir; yuxular arzuların reallaşmasıdır. kitabda freud bir çox xəstəsinin və özünün yuxularından misallar verərək yuxu yozumunun texnikasını inkişaf etdirir. yuxu yozumuna qarşı olan fikirləri, arqumentləri yeni nəşrdə əlavə edərək, dəyərləndirir. məsələn, qorxulu və ya hüzünlü yuxuların necə arzuların reallaşması olduğunu sual verən bir çox insana belə cavab verir; yuxular hər zaman arzuların reallaşmasıdır, ancaq əxlaq və məntiq sərhədlərinə ilişən yuxular senzuralanaraq kədərli və qorxulu yuxulara çevrilir. bu senzuranı sonralar superego adlandıracaqdı.

yuxugörmə mexanizmini ən yaxşı misallarla anlamaq olar, məsələn , bir dostum əsgərlikdə gördüyü yuxusunu anlatır, dediyinə görə təsirindən uzun müddət çıxa bilməyib: "xatırladığım sadəcə bir qızın üzü və bədənidi, qızın çox bəyaz üzü və arıq, sısqa bədəni vardı. heç döşləri bilinmirdi, sanki oğlan bədəniydi amma çox cazibədar idi. onunla birlikdə oldum yuxumda və oyandıqda islanmışdım."
freydin dediyinə görə burda ən önəmli olan yuxugörənin yuxusu haqda nə düşündüyüdü. soruşuram dostumdan, "səncə niyə belə bir yuxu görübsən?"
cavab: "bilmirəm, uzun müddət idi ki, masturbasiya etmirdim, yəqin ondandı, amma niyə mənə bu qədər təsir etdiyini anlaya bilmirəm."
burda diqqət edilməsi gərəkən məqam əlbəttə ki, bu güclü təsirdi. yuxunu yaradan yuxu materialları ya yaxın keçmişdən, hətta demək olar ki, yuxudan öncəki gündən gəlir, ya da uşaqlıqdan. yuxuya təsir edən digər amillər isə yatan adama təsir edən fiziki faktorlardır, otağın işığı, yatış forması, otaqdakı səs, havanın soyuğu və nəmi. bir digər faktorlar isə bioloji faktorlardır ki, sidik kisəsinin dolması(yuxuda su və ya dəniz görmək, işəmək), hansısa xəstəlik(məsələn dişi ağrıyan adam çox vaxt yuxusunda dişinin töküldüyünü görür) və s.
araşdırılmalı olan məqam əsgərin hansı şəraitdə yatdığı və öncəki gündə nə baş verdiyidir. soruşuram, cavab isə: "adi bir gün idi, xüsusi heç nə baş verməmişdi." mənim isə artıq bir fikrim vardı, sadəcə dəqiqləşdirməyə çalışırdım. soruşuram:"səninlə yan yatan cılız bir əsgər yoxdur ki?" əsgərin gözləri parıldayır və hər şeyi özü anlayır, etiraf edir ki, hə, vardı, balacaboy, ağdərili, cılız bir oğlan yatır yan tərəfində. bu yuxuyozumunun birinci hissəsidir ki, yuxuya səbəb olan faktoru tapdıq. bəs niyə bu ona bu qədər təsir edib? halbuki yuxular oyandıqdan sonra tamamilə senzuraya uğrayıb günortaya qədər yaddaşdan silinir. ona bu qədər təsir etməsinin səbəbi oğlanın gizli homofob olması və yuxudan durarkən gördüyü ilk adamın, yanındakı cılız əsgərin onun yuxusunu, şüuraltısını işə salması və senzuranın bu düşüncə ilə vuruşmasıdır. bu bəsit bir yuxuyozmadır, bir digər misalda daha qarışıq bir yuxuya baxaq.

bir qız dostum anlatır: "yuxuda görürəm ki, məhəmməd peyğəmbəri tabuta qoyub, bir neçə uzun qılınclı kişi aparır və həyətdəki toyuq hininə atırlar. "
kejan:"həmin günü xatırlayırsan?"
yuxugörən:"yox, çoxdan baş vermişdi."
k:"anan dindardı?"
yg:"hə."
k:"bu yuxunu görən vaxtı sən dindar idin?"
y:"yox ağlım qarışıq idi."
k:"ananla tez-tez dini mübahisələr edirdiniz?"
y:"hə."
k:"həmin gün bəs?"
y:"yadımda deyil."
k:"həyətdə toyuq hini olub?"
y:"əvvəllər olub."
k:"anan səni həmin toyuqlara dən tökməyə göndərirdi?"
y:"hə, bəzən də özü gedərdi."
k:"deməli belə, mənim teoriyam belədir ki, tabutda gedən sənin anan idi, nə düşünürsən?"
y:"ola bilər. niyə anamın ölümünü istəyim ki?"(əvvəlki söhbətlərdən yuxugörən yuxunun arzuların reallaşması olduğunu bilir)
k:"elektra kompleksi (edip və elektra kompleksləri ilk dəfə yuxuların yozumu kitabında ortaya atılıb). ananı dindar gördüyün üçün senzura onu məhəmməd peyğəmbərə çevirib. yuxuda görülən uzunsov cisimlər penisi təmsil edir. vurğuladığın uzun qılınclı kişilər əslində ananın potensiyal erkəkləridir ki, ananı heç də sevmədiyin iş olan toyuqlara yem atmaq kimi, toyuq hininə atırlar və bütün erkəklət sənə qalır."
y:"axı tabutdakının anam olmadığını hiss edirəm?"
k:"məhəmməd peyğəmbər olduğunu hardan bilirsən?"
y:"əslində bilmirəm, tabutun içini gördüm, amma ordakı cəsəd çürümüş iyrənc bir şey idi, mənə ən çox təsir edən də onun üzü idi."
k:"gördüyün ananın üzü idi, sadəcə yuxu üzü senzuralayıb və xəyali olaraq onu məhəmməd peyğəmbərlə təmsil edibsən."
söhbətimizin davamı artıq bir az psixoanalizə girir. bəs bu yuxuyozma nəyə lazımdı? yuxuyozma zamanı bir insanın idsini bütün çılpaqlığı ilə görmək mümkündür və ola biləcək psixoloji problemlərin səbəblərini araşdırmağa, onları müalicə etməyə çox kömək edir.
məsələn bisexual birinin bir uşaqlıqda yaşadığı bir travmanı çıxarmışdım yuxusundan, yararlı olmuşdu. anlatmayacam, onsuz bura qədər oxuyan çox səbrli biridi. yuxuyozmalar qalın kitabdı, oxuyana çox şey qatar, oxumayan isə çox səthi bir anlayış əldə edə bilər bu misallardan.

8 əjdaha! 02.06.2015 22:06, kejan

#168479 şikayət

wilhelm reich

+11 əjdaha

karl qustav yunq və alfred adlerdən fərqli olaraq sigmund freudun fikirləri ilə razılaşan, avstriyalı-amerikan psixoanalist, freydo-marksizmin banisi. radikal fikirləri və təcrübələri ilə tanınır. biyon təcrübələri, seans əsnasında pasiyentlərə çılpaq oturmağı tövsiyə etməsi, onlara toxunması, t-basili kimi təcrübələri olmuşdur, həmçinin orgon enerjisi fikri üzərinə yaratdığı orgon akulimuyatorlarının, cloudbuster maşınının ixtiraçısıdır. bir neçə dəfə həbs olunub, əsərləri məhv edilib. məhkəmə əsnasında hakimə kitablarını oxumağı tövsiyə edib, xərçəng və başqa ölümcül xəstəlikləri müalicə edə biləcəyini iddia edib, üstünə əsərlər yazıb (əsərlərinin çoxu məhv edilib), ixtiralarının satışı qadağan edilib, eynştein ilə orgon enerjisi ilə bağlı təcrübə aparıb. 3 noyabr 1957-ci ildə həbsxanada, kamerasında ayaqqabılardan başqa bütün paltarları geyinik halda yataqda ölü tapılıb.

(youtube:

)

(bax: dinlə kiçik adam)

9 əjdaha! 21.05.2015 16:29, kejan

#165214 şikayət

bakı 2015 avropa oyunları

+9 əjdaha

açılışı lady gaganın imagine mahnısını qətlə yetirməsi ilə müşayiət olunmuş oyunlardı. eloğlu, bəlkə mən səhv düşünürəm, bu qədər təzad olar? yoxsa bu dərin bir yumor anlayışıdır, əgər elədirsə həqiqətən gülməlidir, alqışlanasıdır. oliqarxiyanın hökm sürdüyü ölkədə səfalətin üzərində möhtəşəm görüntü yaradırsan və ora yığılmış alçaqlara * hə alçaqlar elə bir mahnı dinlədirsən ki, söyüş kimi, istehzanın dibi kimi. bu mahnını kim seçib, niyə seçib? bu qədər anlayışdan yoxsun olmaq olar? sənin idealizmini götürüb kapitalist orqazmında sex toy kimi istifadə edirlər, bu mənəvi təcavüzdür, başqa adı yoxdu.

9 əjdaha! 12.06.2015 22:57, kejan

#170535 şikayət

ulduz metrostansiyası

+8 əjdaha

hər dəfə böyük, işıqlı lovhədə yazılan "şəhərə çıxış" sözünü gördükdə gülümsəməmi saxlaya bilmədiyim metrostansiya.
(baxma: ulduz metrostansiyasının ay kraterinə çıxması həqiqəti)

8 əjdaha! 02.06.2015 19:34, kejan

#168458 şikayət

irreversible

+6 əjdaha

2002-ci ildə göstərilmiş gaspar noe filmi. baş rollarında monica belluci, əri vincent cassel və albert dupontel çəkilib. bir çox tənqidlərə məruz qalan film, film tarixinin ən narahat edən filmlər siyahısına düşüb. nə qədər tənqid olunsa da, kamera işi və filmin sondan başa doğru irəliləyən ssenarisi sinematoqrafiya baxımından ən gözəl işlərdən biridir.

--spoiler--

filmin ilk səhnəsi gaspar noenin əvvəlki filmindəki baş qəhramanın görünməsi ilə başlayır. öz qızına təcavüz etdiyinə görə həbs yatıb, həbsdən çıxıb və bir hotel otağında bir adamla danışır. bu əsnada küçədəki homoseksualların barında hadisə çıxır. bar səhnəsini ayrıca qeyd etmək istəyirəm. kamera işi möhtəşəmdi. hamının bildiyi şablonlar var, məsələn qızın döşləri görünməsin deyə yorğan sinəsində dayanar, kişinin penisi görünməsin deyə aktyor kameraya uyğun vəziyyət seçər. bu şablonlar bu filmdə yoxdu, o soxa-sox barda kameranın obyektivinə çarpan mənzərələr adamı dəhşətə düşürür, bir yandan da nə baş verdiyini, əsəbi cavan oğlanın nə axtardığını fikirləşirsiniz. bir də təcavüz səhnəsini xüsusi qeyd etmək istəyirəm. kamera tərpənmir, görünən yerə uzadılmış, bir keçiddə təcavüz edilən monica bellucinin üzüdür. film axır, sadəcə təcavüz olunur. dəhşətli səhnədi, heç nə fikirləşmirsən, heç nə hiss etmirsən, sadəcə izləyirsən.

--spoiler--

3 əjdaha! 28.05.2015 01:03, kejan

#167079 şikayət

homoseksuallığın xəstəlik olmadığı gerçəyi

+7 əjdaha

seksual orientasiya xəstəlik deyil, ən sadə izahı ilə xəstəliyin tərifinə uymur. seksual orientasiya genetik, hormonal, nevroloji və ərtaf mühit faktorlarının birləşməsi ilə ortaya çıxan bir fenomendir. ümumi görüşü kobudca yuvarlaqlaşdırsaq 30% genetik,60% ətraf mühit faktorlarından ortaya çıxır, dəyişdirilə bilməz, bir heteroseksual uzun müddət erkəklərin arasında qaldıqda çox rahat şəkildə kinsey şkalasında 1 və ya 2 rəqəmi ilə təyin oluna bilər ancaq bu daha çox seksual parafiliya adlandırmaq olar. şəxsi fikrimcə bütün insanlar seksual orientasiyasını qismən təyin olunmuş ancaq formalaşa biləcək şəkildə doğulur, gerisi ətraf mühitdən asılırdır və çox vaxt formalaşmış psixologiyada dəyişdirilə bilməz. heç kim skalada qəti 0 və ya qəti 6 göstərmir. amma bütün bunlara baxmayaraq üzümü bütün orientasiya sahiblərinə tutub deyirəm, homoseksual olmaq əlinə bayraq alıb qışqırmağını gərəktirmir, homoseksual evliliyi bağırmanı da gərəktirmir. evlilik yaranışından bu yana atanın genetik kodunu qorumaq məntiqi üzərinə qurulmuş bir hadisədir, homoseksualların evlənməsi bir yadlaşmadır, sevişin, başqa gen daşıyan uşaqlara baxın, ancaq bu evlilik söhbəti gülüncdür, məntiqsizdir. yəni qadın olaraq kişi sperminə , kişi olaraq qadın yumurtalığına can atmaq o rəngli bayraqdan daha rənglidir. bunu sözlük üçün deyirəm, yəni sublimasiyaya uğramış libidolarla ortalıqda fırlanan lgtb nümayəndələri haqlarından məhrumdurlar, bu sözlükdə yox, real həyatda, burda "mən homoseksualam ura" deyə bağırmaq lazım deyil.

6 əjdaha! 06.06.2015 10:42, kejan

#169238 şikayət

salyarka ilə silinmiş sinif otağı

+7 əjdaha

yadıma bir əhvalatı salan başlıq. sinifin boyasını təzələmək üçün pul toplamışıq, bir neçə uşaq da dərsdən sonra qalıb sinifi boyayırıq. sinifin ən avara uşağı da siqaret gətirmişdi, ilk siqaret təcrübəmi yaşayıram bir yandan, bir yandan da bir neçə yeniyetmə, alov və aseton. nəysə başladıq asetonu süngərə töküb, yandırıb yanan topla futbol oynamağa. birdən beynimizə girdi ki, sinifi yeni boyamışıq, birdən yanğın çıxar. süngəri söndürdük, onsuz üstünə basan kimi sönürdü. çıxdıq məktəbin qabağına. orda da qaşqabaqlı, heç kimlə yola getməyən qoca bir qadın olurdu həmişə. nəysə biz alovlu topla futbola davam edirik. birdən uşaqlardan biri necə vurdusa süngərə düz gedib bu qarının ətəyinin altına düşdü. o yaşlı, zorla yeriyən qadın can dərdində göyə tullandı, sirkələndi qaçmağa başladı. üç hissin combosunu yaşayırdım, həyacan, təəccüb və gülmə hissi. nəysə.
(baxma: bu da böyle bir anımdır)

6 əjdaha! 28.05.2015 23:38, kejan

#167355 şikayət

asparagas

+5 əjdaha

yalan, saxta, uydurma xəbərlərə verilən addır. bu xəbərlər heç bir mənbəyə əsaslanmır, tamamilə bir və ya bir çox şəxsin xəyal gücünün məhsullarıdırr.

sırf bu işlə məşğul olan bəzi jurnal və qazetlər:
(bax: zaytung)
(baxma: asparagaz)
(baxma: the onion)

5 əjdaha! 20.07.2015 14:09, kejan

#175401 şikayət

həyatın nə qədər gözəl olduğunun anlaşıldığı anlar

+5 əjdaha

oyaq olduğumuz vaxtları saymasaq həyat o qədər də bərbad deyil.
(bax: sözlük yazarlarından aforizmlər)

5 əjdaha! 22.05.2015 15:30, kejan

#165436 şikayət

the show must go on

+4 əjdaha

freddie mercury sağ olarkən queen qrupunun çıxardığı son albomun son mahnısı. mahnının səsyazması zamanı freddie-nin xəstəliyi artıq olduqca irəliləmişdi. * qiçs mahnının sözləri mükəmməldi, adam deyəcək söz tapmır, belə dolu-dolu yaşamış, möhtəşəm bir şəxsin son sözləri kimi dinlədikdə həqiqətən musiqi tarixinin ən yaxşı mahnılarından olduğu anlaşılır.

my soul is painted like the wings of butterflies
fairy tales of yesterday will grow but never die
i can fly, my friends

-deyir freddie. və 2 ay sonra ölür.

3 əjdaha! 25.05.2015 21:53, kejan

#166504 şikayət

siçanlar və insanlar

+6 əjdaha

john steinbeckin 1937-ci ildə çap olunmuş əsəridir. əsər experimental səciyyə daşıyır və pyes ilə roman janrını birləşdirməyə çalışır. ingiliscə adı " of mice and men". həm film, həm də teatr versiyaları vardır ki, pyes olaraq əsər fərqli ölkələrdə sayısız dəfə oynanılıb. 1992-ci ildə üzərinə çəkilən film kann filim festivalında qızıl palma budağına namizə olmuşdur.

--spoiler--

bir fermada işləmək üzrə gələn iki dostdan biri cılız və bic, digəri isə abdaldır. kiçik olan corcun bir xəyalı var, öz fermasını və evini qurub, öz işinin ağası olmaq. yekəpər lenni səhvən sıxaraq öldürdüyü itinin yasını tutur. fermada keçirdikləri müddət ərzində corc daima xəyallarından danışır, lenni onu dinləyib sevinir. fermanın sahibinin arvadı isə ərindən narazı, ferma işçiləri ilə oynaşır. bir gün bu abdal lennini görür və ona da yaxınlaşmağa çalışır. lenninin onu saçlarından çox xoşu gəlir və saçlarını oxşamaq istəyərkən boynunu qırır və qaçır. corc lennini tapsalar onu döyərək öldürəcəklərini bilir deyə axtarış dəstəsinə özü də qoşulur və lennini özü öldürür.
əsərin çoxu dialoqlarını xatırlamıram amma lenninin cibində gəzdirdiyi ölü siçanı, corcun xəyallarını və corcun lennini öldürmə səhnəsini, deyəsən, həyatım boyu unuta bilməyəcəm.

--spoiler--

5 əjdaha! 31.05.2015 02:15, kejan

#167820 şikayət

sözaltı hekayə

+4 əjdaha

böyük adam iki gün öncə zədə almışdı. mağazalara daşıdıqları malları yuk maşınından endirərkən ayağı sürüşmüş, onurğa sütununu qapının kənarına vurmuşdu. eybi yox, olar belə qəzalar. gəzə bilmir, olsun, günü yola verib evə getsə- nə yaxşı, sabah da bazar günüdü- yaxşıca dincələr heç nəyi qalmaz. günü yola vermək də asan iş deyil, ağır yükləri qaldır-endir, ora-bura daşı. günü yola verə bilmişdi. bazar gününü gümrah açmış, ağrıdan-sızıdan əsər qalmamışdı. günortaya doğru şiddətli baş ağrısı hiss etdi böyük adam, heç vaxt hiss etmədiyi tərzdə, gözləri də ağrıyırdı. bir-iki dərman içib yatmağa çalışdı, alınmadı. başını bərk-bərk sıxaraq həyətdə gəzişsin, bəlkə xeyri oldu. yaşı bitməmiş oğlunu da aldı qucağına, üzünün qırmızı tükləri uşağın təmiz cildinə batır, uşaq ağlayır, adamın başındakı ağrı daha da şiddətlənir. uşağı yoldaşına verib başını sıxmağa davam edir.
yoldaşı: yəni, işə girərkən heç nə imzalamayıbsan, siğorta falan?
böyük adam: yox.
yoldaşı: bəs nə edəcəksən, heç düzgün gəzə də bilmirsən, sabah necə gedəcəksən işə?
böyük adam: ayın beşini gözləyək, maaşımı alsam gedib bir həkimə baxdıraram.
yoldaşı: gedib deyərsən ki, işləyərkən yıxılmışam, bəlkə səni göndərdilər həkimə.
böyük adam: inan mənə heç veclərinə də deyil.
söhbət beləcə də bitmişdi. həmin gecəni yata bilmədi, başının ağrısından inildəyə-inildəyə günü aça bildi. yoldaşının yuxuya qalmasından istifadə edib, özünü sakitləşdirdi, qadın oyandıqda onu yaxşı görməliydi. belə də oldu, böyük adam özünü buz baltası kimi apararaq həyətdən çıxdı. heç üstündən iki saat keçməmişdi ki, yarıbükük halda evə qayıtdı. icazə aldığını deyirdi, yatağa uzandı, bir neçə dəqiqədən sonra qışqırmağa başladı.

kiçik adam maşurutda kitabını oxuyaraq evə yaxınlaşırdı. lənətə gəlsin bu tıxacı. evə də çatmağa bir neçə yüz metr məsafə var. bəlkə düşüb piyada getsin? söhbətləri dinləyir, deyirlər ki, ölkənin padişahı keçəcəkmiş, yollar bağlayıblar. bunu eşidər eşitməz enib, piyada başladı yola. keçidin qarşısında toplanmış insan kütləsinə məna verə bilmədi. keçmək üçün yaxınlaşanda əlisilahlı bir əsgərin keçidin girişini bağladığı gördü. bu nədi belə? iki polis əllərindəki dəyənəklərlə yaxınlaşırlar. "kənara çəkilin, yoldan kənara çəkilin. bax ora. divarın dibinə girin." polislərin sözünə gülsə də o da kütləyə qarışıb divarın küncünə girdi. bir qoca kişi əsgərə yaxınlaşıb:
-yolu başa düşdük, bəs bu yerüstü keçidi niyə bağlayıbsınız?
-dayı, mənə deyiləni edirəm.
kiçik adam yolun digər tərəfini müşahidə edirdi, orda da iki polis kütləni divara kərpic olaraq yeritməyə çalışırdı. əsəbindən gülümsədi. ancaq digər tərəfdəkilər şanslı idilər, onlar kölgədə qalmışdı. kiçik adamın olduğu kütləyə gün döyürdü. bir şeir gəldi ağlına mızıldanmağa başladı. harda qaldı bu şahın konvoyu? dəqiqələrdi gözləyirdilər günəşin altında. yanında iri çantası ilə məktəbdən qayıdan bir qız uşağı vardı. gözünü çəkmədən əsgərə və belindəki silaha baxırdı. nə baş verdiyini anlamırdı, əslində, kim anlayırdı ki? dəqiqələr sonra sürətlə uzaqdan gələn, qara, zirehli maşınlar göründü. bir neçə saniyənin içində kütlənin yanından keçib gözdən itdilər qara maşınlar. balaca qız bütün bunların məqsədindən xəbərsiz idi. elə kiçik adam da xəbərsiz idi; tıxacda qalan təcili tibbi yardım maşınından, iki yüz metr aralıda, bir daxmada bağıra-bağıra ölən qardaşından xəbərsiz idi.

hekayənin adı: xəbərsiz
yazılma müddəti: 20 dəqiqə
qardaşın acı çəkmə müddəti: 3 gün
yazılma tarixi: 5.25.2015
kiçik qardaşın mızıldandığı şeir: çelişkili kötü bir şiir
yazan: kejan
hekayədə bəhsi keçən hadisələr tamamilə gərçəkdi.

silinmiş entry.

4 əjdaha! 26.05.2015 03:03, kejan

#166596 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

kejan

son bəyənilənlər:

oxuyucuların bəyəndikləri: