tahirson

1,034 0 0 0

1. nəsil yazar

Entry: 1,034

blok başlıqlarını gizlət

heat

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

azərbaycanda yaşamağı sevmə səbəbləri

+51 əjdaha

sizə bir şey deyim. nə qədər oğraşca səslənsə də, əslində pulu olan və pul qazana bilənlər üçün azərbaycan ideal bir ölkədir. qardaş, bahalı şüşəli, hündürmərtəbəli plazalarda qəhvən notbukun qabağında, qışda isti, yayda sərin, mehriban kolleqalı ofislər, lap bunu qoyaq kənara, kiçik şəxsi biznesini qurub rahatca oturursan evdə, aradabir işə baş çəkirsən, nə 9-6, nə də qalstuk komplkesin olur. benzin ucuz, böyük mühərrikli lüks avtomobil üçün gömrük rüsumu az (avropa və türkiyədəki vergi və rüsumlara baxın) gözəl geniş evin, avropadakı kimi bahalı kirayə və kommunal xərclərin yox, navastroykadakı 5 otaqlı evin və altındakı bahalı mercedeslə kral kimi həyat sürürsən. istəyəndə qayda pozursan (puluynan döyl?) vaxtın az olanda rüşvət verib oçeredsiz keçirsən. ildə 4-5 dəfə dünyanın istənilən yerinə gedib gəzə bilirsən, heç kəs də sənə dəyib dolaşmır ki, ay bırad, sən çox pul qazanırsan, gəl sənə 75% vergi qoyaq, axı bizdə az maaş alanlar da var asdfghjkl. niyə axı? niyə elə olmalıdır? əgər biri işləmir, evdə oturur, bekarçılıqda 9 uşaq istehsal edib oturur, sonra da kiminsə eləinə baxırsa ki, mən bunları saxlaya bilmirəm, niyə dövlət mənim pulumdan vergi adıyla (!) alıb ora bura paylamalıdır? bəlkə də mən gecələr götümü cırıb sinuslar teoremi oxuyanda həmin 9 uşaqlı qaqaş valideynlərinin hazırlıq üçün verdiyi pula bazdığ edirdi.

sözümdən belə çıxar bilər ki "ala bu mans yapokrat imiş ki". qətiyyən. bu dövlətin iqtisadi və sosial siyasətindən ən çox narazı olan insanlardan biri də mənəm. lakin həm də mən istəmirəm ki mənim götümü cıraraq qazandığım pulu dövlət əlimdən alıb hansısa nəşəxora paylasın. xeyriyyəçilik ayrı şeydir, amma bərabərlik həmişə ədalətli olmaq deyil. ona görə də kommunizmin ideal sistem olduğunu düşünənlərə yalnız gülümsəyə bilərəm. razıyam, azərbaycan norveç, hollandiya deyil. amma vergi yüklü fransa, yunanıstan və ya hər səhəri vətəndaş müharibəsi və ya bomba ilə açılan iraq, uqanda da deyil.

yuxarıda yazdıqlarım bu başlığı aşdığından hələlik vaxtımı saxlayıram.

edit: bu yazdığım vaxtdan çox şey dəyişib, amma yenə də bəzi şeylərə görə burada yaşamağa dözmək olar

silinmiş entry.

39 əjdaha! 22.11.2013 11:33, tahirson

#78957 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

azərbaycanda turizmin inkişaf etməməsinin səbəbləri

+45 əjdaha

1) vizanın qiyməti 100 dollardan bahadı. itin zülmüylə verirlər, çox vaxt reject verirlər, süründürürlər. allahın amerikalısı belə viza almalıdı bura gəlmək üçün.
2) viza prosedurunu asanlaşdırmaq üçün bakının luxury hotellərindən birinə booking eləməlisən. bu da budget turistləri ölkədən soyudur.
3) ölkədə hostel, backpackers demək olar ki yox vəziyyətindədi. yenə də budget turizmə zərbə.
4) aşağı büdcəli turistlərə maneə yaradılmasının bir səbəbi də var. backpackerə hilton, flame towers, yaxtada ikra yemək yox, dağ, dərə, bostan, şəhərin ucqar yerləri, yaşam tərzi və s. maraqlıdı. və hakimiyyət bilir ki, backpackers gəlib hiltona yox, alatavaya, yeni yasamala zada da gedəcək və ölkənin əsl üzünü görəcək.
5) ictimai nəqliyyatın turistlər üçün mümkünsüz olması (indi bir az düzəldiblər deyəsən). ingilis dilində məlumat 0, işarələr çox az. adicə gürcüstanla belə müqayisə edə bilmirik.
6) xaricdəki tədbirlərdə yalnız bakının və 5 ulduzlu otellərin, qolf meydançalarının reklam edilməsi. luxury turizmi sevən onsuz da monakoya, las vegasa, dubaya gedər, bakıda nə işi var.
7) mentalitet faktoru. turistlərə yerli camaat tərəfindən türkiyə qədər olmasa da təzyiq var. avtostop etmək çox çətindi, şortiklə gəzənə, öpüşənə mal kimi baxırlar, turist olan adam təkərə düşür, gedib bunları üstünə də 1000ini qoyub tripadvisora yazır, oxuyanlar da azərbaycanı marşrutdan silirlər.
8) müharibə faktoru. çox insan elə bilir ki ölkədə müharibə gedir, hər gün bomba partlayır və s. gəlməyə qorxur (çox adamdan eşitmişəm)

43 əjdaha! 22.06.2015 05:53, tahirson

#172294 şikayət

acı uşaqlıq xatirələri

+46 əjdaha

uşaq vaxtı məhəllədə özümdən böyükləri pokemon fişkalarında udmuşdum. pokemonları geri istəmişdilər, verməmişdim, bunlar da məni döymüşdülər. sonra bunlar çıxıb gedəndən sonra məhləmizdəki böyük oğlana bu barədə demişdim. o da "get onları tap çağır gətir bura mən onların dərsini verərəm" demişdi. sevincək gedib onları tapmışdım (ayrı məhlədə qalırdılar) çağırmışdım ki, bəs gəlin, eldar sizi döyəcək. onlar da mənlə birlikdə məhləyə gələndə eldarın burda olmadığını gördük. əsəbləşib məni yenə döydülər, sonra çıxıb getdilər.

belə.

41 əjdaha! 25.05.2013 19:47, tahirson

#47121 şikayət

velosiped alacaq olanlara məsləhətlər

+33 əjdaha

deməli bu sahədə professional olmasam da bir az araşdırmalarımı yazacam.

ümumilikdə velosipedlər 3 qrupa bölünür:

mtb* mountain bike : dağ velosipedləri. bakıda ən çox gördüyünüz tipdəndirlər. qalın təkərləri, 6061 çərçivəsi olur, çox vaxt qabaq asqıda amortizatorları olur ki bu da maneələrdən keçəndə elastiklik yaradır. bəzi bahalı modellərində çərçivənin ortasında da ikinci amortizator olur və xüsusi yağla işləyir. bu velosipedlər xüsusi ekstrim hərəkətlər üçündür və gündəlik sürüşdə lazımsızdır. belə velosipedlər adətən 2000 dollardan baha olur, yəni əgər siz 100-150 manata çin istehsalı olan iki amortizatorlu velosiped görsəniz almamağı məsləhət görürəm çünki o amortizator ya işləməyəcək, ya da sıradan çıxacaq.
mtb-lərin bir üstün cəhəti də transmissiya ilə təmin olunmasıdır ki, bu da hündürlüyə qalxanda aşağı ötürücüdən istifadə etməklə qalxmağa rahatlıq yaradır. velosipedin ötürücüsü eynilə avtomobillərdə olduğu kimidir, bir az sürdükdən sonra sistemin necə işlədiyini başa düşmək olur. keyfiyyətli sürüş istəyirsinizsə, shimano firmasının istehsal etdiyi ötürücü ilə təchiz edilmiş velosiped alın.

road bike - yol velosipedləri. nazik təkər, qıvrılmış sükan, uzun çərçivə həmin velosipedi uzun məsafələrdə sürmək üçün ideal edir. çərçivənin bu forması həm də sürət əldə etmək üçün qurulmuşdur. açığı gündəlik istifadə üçün çox narahat gəldi mənə. bunu sürmək üçün qabağa doğru əyilib (baxma: dombalmaq) sükandan bərk yapışmaq lazımdır ki, ani hərəkətdə (bakıda qabağına xam sürücü çıxsa) qəza anında başdan zərbə almaq ehtimalını artırır. bu velosipedlər mtb-yə nisbətən baha olur, mtbdən sürətli olsa da nahamar yollarda təkərin diski tez əyilə bilər.

bunların bahalı versiyaları da var, hansı ki karbondan hazırlanır və hətta 2 barmaqla belə qaldırmaq mümkündür. uzaq məsafələr və asfalt üçün idealdır, amma praktiki deyil.

hibrid - dağ və yol velosipedlərinin qarışıq versiyasıdır, gündəlik işə, universitetə getmək üçün yaxşıdır, əgər belə velosiped alacaqsınızsa çalışın yüngül modelini alın ki çanta və s də qoyanda çəki sizi yormasın.

məsləhət gördüyüm modellər. əgər büdcəniz aşağıdırsa rusiyanın stelsini və türkiyənin salcanosunu tövsiyə edərdim. əgər velosipedə görə 400 manatınızdan keçməyə hazırsınızsa artıq daha elit brendlərə müraciət edə bilərsiniz. cube və trek kimi. cube almaniya, trek və scott ştatlar istehsalıdır. bundan başqa fuji və merida da məsləhətli modellərdir.

ümumiyyətlə yaxşı velosipedlər 350 manatdan başlayır 10000ə qədər davam edir. qiymət fərqi əyləc, ötürücü sisteminə görə dəyişir.

hazırda sahibi olduğum velosiped: cube 260 teamline 2013 (349azn) - http://mountain-bikes.gearsuite.com/l/4178/2013-Cube-260-Team

22 əjdaha! 22.06.2015 06:32, tahirson

#172297 şikayət

azərbaycanda eyniləşmə

+31 əjdaha

ümumən cəmiyyətin nə qədər zövq cəhətdən kasıb və yaradıcı olmamağının göstəricisidir.

indi yazacam deyəcəksiz ki, tahirson başladı yenə ümumiləşdirməyə, belə, elə. a qardaş, danışanda aydan ulduzdan danışırıq. tarix kitablarımız pafoslu cümlələrlə alışıb yanır, mədəniyyətin keşiyi belə gəldi, dünya bizdən çox şey öyrənib belə getdi və s. əziz dost, yer adlanan planetdə milad təqvimi ilə 2014cü ildir, voyager-1 36 ildir ki səmadadır, günəş sistemini çoxdan tərk edib digər dünyalar axtarışındadır, alimlər arxeoloji sümüyü klonlaşdırıb yenidən drakon yaratmağa nail olublar, bu hadisələrin fonunda orta statistik azərbaycanlı facebookda ya hamamtimes-də like yığmaq üçün baş sındırır, ya da azərbaycan universitetləri səhifəsinə "atu yek! wubhasi olan inboxa galsin!!!" yazır. gözəl insan, dərd bununla bitmir, millətin xeyli kiçik hissəsini təşkil edən o marjinal azlığa baxanda da eyni vəziyyət müşahidə olunur. adam bir filmə baxır, vsyo, beyni çönür, mən anarxistəm bled, sikəcəm hamınızı. o biri yanındakı da ona baxır ki "ala buna bax, siqareti belə yox, elə tutur, qızları da yığıb başına, sabahdan mən də belə olacam blət" deyib ya solçu, ya ateist olur. a kişi, bir iki sual versən ağzından che, john lennon, marksdan başqa heç nə çıxara bilməyəcəksən, onun da adını kimdənsə eşidib.

bu millətin ən böyük dərdi müstəqil düşüncə qabiliyyətinin şikəst qalmasıdır ki, 20 ildir bunun səbəbləri də hamıya məlumdur - savadsızlıq və kütləvi zombiləşdirmə. əslində 20 il də deyil, 1000 illərdir gedən-gələn bizi qayırıb. tarixə baxsaq, ən çox qayırılan xalqlar arasında ilk pillələrdə olarıq mütləq. və nəticə olaraq belə vəziyyət yaranıb. bu vəziyyət də özünü əsasən 2 formada göstərir - göt qorxusu və önyarqı. fikrimi izah etmək üçün misal çəkim:

hər hansı (orta statistik avropa və ya qərb) cəmiyyətdə əgər bir nəfər nəyəsə nail olursa yanındakı adam "necə edim ki ondan daha yüksək nailiyyət əldə edim" deyə fikirləşər.
azərbaycan cəmiyyətində əgər bir nəfər nəyəsə nail olursa, ən yaxşı halda yanındakı(lar) onu copy-paste eləməyə çalışar. əgər alınmazsa uğur qazananın uğuruna sıçmaq üçün əlindən gələni edər.

heşzad. arada bir ölkə haqqında girib sosial mediada nəsə oxumağa çalışırsan, baxırsan hamı bir-birini poxa vurmağa çalışır, diblərdə sürünənlər isə öz ampulasındadır.

nə bilim valla. çətindi.

22 əjdaha! 06.04.2014 18:48, tahirson

#112832 şikayət

azərbaycan

+29 əjdaha

artıq yaşanılacaq yer olmaqdan tamamilə uzaqlaşmış, vətəndaşlarının bir qismini özündən soyutmuş, hər an ölümlə üz üzə gələ biləcəyiniz ölkə.

(bax: elmar hüseynov)
(bax: rafiq tağı)
(bax: azərbaycan polisi)
(baxma: əfruz hacıyeva)
(bax: rəşadət axundov)
(bax: intiqam əliyev)
(bax: azərbaycan qadını)
(bax: bozbash pictures)
(bax: bir azərbaycan qadınının təcavüz gündəliyi)
və ən son
(bax: rasim əliyev)
bundan başqa onlarla indi xatırlamadığım hadisələr və şəxslər
(bax: azərbaycandan rədd olub getmək)

90cı illərin uşaqları olaraq elə bir dövrdə yaşamışıq ki biz böyüyüb fizioloji və psixoloji olaraq dəyişdiyimizdə paralel olara ölkədə hadisələr çox sürətli şəkildə dəyişirdi. gözümüzü açıb böhran, müharibə gördük, kasıbçılıqla böyüdük, yoxsul amma xoşbəxt, mehriban düzgün insanlar gördük, yaxşı təhsil aldıq* söhbət sovet təhsilindən, rus dili, fizika və s. öyrənməkdən gedir , sonra neft bumu gəldi, pullar ölkəyə axmağa başladı, bu arada istəmədiyimiz hadisələr baş verirdi, amma əziyyət görmüş xalq olaraq ümidlə yaşadıq, daim "hər şey yaxşı olacaq" dedik.
bəziləri 20 yanvarda tank qarşısında canlarını verdi, bəziləri qarabağda şəhid oldu, əlil olaraq qayıtdı, bəziləri neft buruqlarında qəzalarda əlini qolunu itirdi, bəziləri 16 oktyabr 2003 hadisələrində ölümünə döyüldülər, amma birşey var ki, azərbaycanlı olaraq əlimizdən bir şey gəlməyəndə bir son şans olaraq "mən yaşamadım, bari övladlarım mənnən sonra xoşbəxt yaşasın" şüarı ilə hərəkət edirik. ümidlərini itirmədilər, övladlarını düşünüb öz həyatlarını qurban verdilər.
sonra nooldu? pullar gəlməyə, ölkə dirçəlməyə başladı, yenidənqurma, inkişaf proqramları, büdcədən ayırmalar zırt pırt. həyat şəraiti qalxdı, yeni trendlər gəldi, tamamilə dəyişdik, yaşlı təbəqə bunu qəbul eləmək istəmədi, bəlkə də olacaqlardan xəbərləri vardı, amma bu heç nəyə mane olmadı. sosial fərqlər artmağa başladı, pulların fonunda bir çox yeni fiqurlar ortaya çıxdı, gəlirləri ədalətsiz şəkildə mənimsədilər. amma xalq neynədi? "canları sağolsun" dedi.
bu yerdə ssgnin bu #158906 yazısı yadıma düşür. insan çiy süd əmib. heç vaxt əlində olanlarla yetinmir, daha çoxunu əldə etmək istəyir, əldə etdikcə cırnayır, daha da hərisləşir, başını itirir. elə buna görədir ki dünyada olan ən böyük problemlər içki, narkotik, seks, şöhrət, pul və hakimiyyət ilə bağlıdır. insan övladı doymur bunlardan, axırı yoxdur bu zibilin. deməli bu göstərdiyim fiqurlar get gedə kasıb xalqın əlində olana göz dikməyə başladılar, əvvəl şirinlik yarandı, sonra rüşvət və bu ətrafımızdakı hər şeyi əhatə elədi və zəncir şəklində bir biri ilə birləşdi. polis, məhkəmə, təhsil, səhiyyə bu bataqlığa girdi və dərinə getdi.
sizə şəxsi nöqteyi nəzərimdən bir şey deyim. insan əlində olmayan şeylərin qədrini daha çox bilir və onu əldə etməyə can atır, o olmayanda isə ya depressiyaya düşür, ya aqqressiv olur. əgər o şey heç kəsdə yoxdursa o zaman problem də olmur.
90larda hamı kasıb olmağına baxmayaraq hamı xoşbəxt yaşayırdı. insanlar daha mehriban idi, bir birinə hörmət edirdilər, ictimai qınaq (hansı ki zaman keçdikcə öz mahiyyətini itirib iyrənc bir məvhuma - mentalitetə çevrildi) vardı, ona görə də imkanlılar az olsa belə əlində olanları göstərməyə, nümayiş etdirməyə qorxurdular, bu həm də bir növ sovet dönəmindən qalma qorxu idi. zaman keçdikcə sosial fərqlər yaranmağa başladı, savadın, zəhmətkeşliyin yerini lüks, əda, göstəriş aldı, insanlar bu tendensiyaya doğru getməyə başladılar. bahalı başını olan bicbalalar oğlanların, dalı qabağı silikon olan kürk geyinənlər isə qızların kumirinə çevrildi. dediyim kimi, ətrafdakı bu qədər cah cəlalı görənlər ona can atmağa başladılar, təbii ki qara camaatın buna əlləri çatmırdı, ona görə də cırnamağa başladılar. insanlar artıq əvvəlki kimi xoşbəxt deyildi, münasibətlər soyumağa başladı. 11 tuşu candy crush, axşamlar qonşu arvadların məhlə gəzintisini seriallar əvəz elədi, qohumlar arasında get gəl azaldı, insanlar daha az gülməyə başladılar və bütün bunlar zəncirvari olaraq hər kəsi əhatə etdi (baxma: evrene negativ mesaj yollamak). məişət qayğıları artdı, ailələrdə dava-dalaş səngimək bilmədi, boşanmaların sayı fantastik həddə çatdı. digər tərəfdən təhsildə olan axsama zəncirvari öz "töhfəsini" verdi: az maaş alan müəllimlər işinə etinadsız yanaşmağa başladılar, hazırlıq, rüşvət dövrü gəldi, təhsilin keyfiyyəti düşdü. ulduzlu məsələlərin əks tapdığı yaşıl abdullayev və rəhimov kitablarının yerini qəlyan, bazlıq, qız tutmaq, 07, meyxana söhbətləri əvəz elədi. bu uşaqlar böyüdü və vətəndaşa çevrildi, amma cəmiyyətə tamamilə faydasız, əksinə yamağa çevrilən və oksigen yandırıb ağac yarpaqlarını söyüş yiyəsi olmağa məcbur edən vətəndaşlara. banklar ağızlarını açdı, savadsız insanları sözün əsl mənasında loxladılar, kreditlə iphone alan cahil kütlə borcu verə bilmədi, borcu ödəmək üçün başqa bankdan borc aldı, beləcə yığıldı artdı, nəticədə intihar dalğası yarandı. savad qazanmaq yox, əzələ yığmaq dəbə çevrildi, cılız insanların ən çox sevdiyi söz "sən bilirsən mən kiməm?" oldu* bir pox deyil . polis olmaq, adam döymək prestijə çevrildi, xalq zombiləşdi, bəziləri başını itirdi, çarəni dində, iraqda, suriyada axtardılar, radikallaşdılar, kabab yeyə yeyə video çəkib "ata bura yaxşıdı sən də gəl" dedilər, bəziləri mtnin zirzəmisində butulka ilə tanış oldular. sosial şəbəkələrdə mentalitet keşikçiləri ortaya çıxdı, əli penisində gəzən, yerə tüpürüb qabağına çıxan hər qadına söz atan kişiciklər və yaladığı penisin sayın hesabın itirən dişiciklər internetdə qeyrət fışqırmağa başladılar, hamını qəhbə, peysər çıxardılar. 10 il qabaq dəhşətli bir şey kimi görünən hər şey artıq adiləşdi bizim üçün. insanlar belə adiləşdi. insan həyatı heç oldu.

2015ci ildir. müstəqilliyimizdən 24 ilə yaxın keçib. o vaxtdan çox şey dəyişib, bəlkə də 20 il sonraya da çox şey dəyişəcək. amma indi biz hardayıq? necə vəziyyətdəyik? nə düşünürük? hara gedirik? görüntü ürəkağrıdandı.

son bir neçə ili vətəndən uzaqda keçirən bir adam kimi öz məmləkətim üçün burnumun ucu göynəyir. bəzi kiçik dəyərlər var ki, dünyanın ən xoşbəxt ölkəsində yaşamaq belə onların yerini verə bilməz. bu kiçik dəyərlər üçün bura gələndən bəri həmişə qayıtmaq arzusu ilə yaşamışam. amma artıq əl çəkirəm, qayıtmaq istəmirəm. qorxuram. öz ölkəmdən, öz xalqımdan qorxuram. qarabağ əlilinin küçədə özünü yandırdığı, tanımadığın hansısa dünyanın ən dəyərsiz insanının hər an gəlib sənin üçün ən dəyərli olan şey - canına qəsd etməsindən, kiçik qızımın, oğlumun pedofil bir cəmiyyətdə travmalarla böyüməsindən, bir gün yaşadığım evdən iti qovan kimi qovulmağımdan ya başıma uçurulmağından, cibimdə silah və ya nəişə ilə tutulmağımdan, stressdən və depressiyanın təsirində sevdiklərimə zərər verəcəyimdən qorxuram. azərbaycandan qorxuram.

silinmiş entry.

23 əjdaha! 10.08.2015 10:23, tahirson

#177678 şikayət

prezervativ alarkən utanmaq

+28 əjdaha

inkişaf etmiş ölkələrdə problem olmayan hadisə. belə ki:

1) prezervatif aptekdə yox, supermarketdə satılır
2) supermarketlərdə artıq kassirləri elektron aparatlar əvəz etmişdir, sən özün gedib malları barkoddan keçirib kartı taxıb pulu ödəyirsən.
3) lap bunlar olmasa belə, qarşındakı qız burada sənə sifət eləmir. uzaqbaşı belə olur:

(tərcümə)
-bir nanəli (!) durex lütfən
-nanəli? vau, macəra axtarışındasınız, cavan oğlan -*
-asdfghjkl
-buyurun. uğurlar -*

27 əjdaha! 18.04.2014 04:50, tahirson

#114550 şikayət

qlamur qızlar

+26 əjdaha

qızlar adlanan qruplaşmanın ən sağda dayanan fəsiləsi. xüsusiyyətləri: işlətdiyi telefonlar adətən iphone, blackberry olur, papasının imkanı yaxşıdırsa evdə güman ki ipad da mövcuddur, instagram və foursquare sevdiyi və takildığı virtual məntəqələrdir, qırmızı, çəhrayı yaxud parlaq sarı, yaşıl geyinərlər, aksesuar dəlisi olurlar, ictimai tualetlərdə yerləşən güzgülərin qabağında dodaqlarını ördək kimi uzadıb şəkil çəkdirmək, suşi yeməyə və filmə getmək sevimli məşğuliyyətlərindəndir, sıx məskunlaşdıqları arealllar park bulvar, 28 malldur. ən sevdikləri film twilightdır.

oğlan versiayları hələ elm tərəfindən təsdiqlənməyib.

23 əjdaha! 23.11.2012 12:20, tahirson

#19172 şikayət

snapchat

+19 əjdaha

insanların zombiləşdirildiyin nümunəsidir. belə mənasız, vaxt itkisi, fərdlərə və cəmiyyətə heç bir maddi və mənəvi faydası olmayan qurmadır. bəşər tarixində kəşf olunmuş ən lazımsız və axmaq kəşflərin ilk onluğuna girər rahat.
ps. yaşadığım ölkədə qocalı cavanlı hamının işlətdiyi qurmadır. gəlirlər, restoranda otururlar, başlayırlar gic gic mimikalarla ekrana baxıb oyun çıxarmağa. qıraqdan baxanda psixoloji problemi olan insan kimi görünürlər.

19 əjdaha! 10.05.2016 20:30, tahirson

#213285 şikayət

tarixin ən böyük umbaylamaları

+19 əjdaha

yüz gül kampaniyası (hundred flowers campaign). 1956-da çinin kommunist partiyası elan edir ki, ölkə vətəndaşları öz narazılıqlarını rahatlıqla ifadə edə bilərlər. cammat başlayır demokratik fikirlər yürütməyə, açılışırlar. lakin bu mühit cəmi bir il çəkir və 1957-də rejimin ideologiyasına qarşı çıxanların təqibləri başlanılır. minlərlə insan islah düşərgələrinə göndərilir. bəziləri öldürülür. mao zedong bu barədə belə qeyd edib: “bu kampaniya ilə biz ilanları yuvalarından çıxartdıq.”

19 əjdaha! 20.06.2014 17:34, tahirson

#124531 şikayət

qaraqan

+25 əjdaha

2-3 il əvvəl "televizorları evdən tullayaq" deyə bağıran, indi tipik (bəli tipik) kapitalist tv şousunda özünü axırıncı yola qoyan insan.

mahnıları qəşəngdir, söz yox, amma çoxsu oğurluqdur, oğurluq olmasa belə bu onun geydirmə biri olduğu reallığını pozmur.

25 əjdaha! 23.12.2013 14:30, tahirson

#85497 şikayət

xatirə dəftəri

+19 əjdaha

deməli bir çox entrylərdə də qeyd etdiyim kimi ( bax: #47121 ) uşaq vaxtı bir az təkər olmağım bu məsələdə də özünü göstərmişdi.

pulun pul vaxtlarında sinifin ən gözəl qlamur imkanlı qızı (təbii ki mənim də vurulduğum) bir xatirə dəftəri tutmuşdu. inanın mənə, bir dənə dəftər idi, adam vərəqinə nəsə yazmağa cəsarət etmirdi ki pis xətlə korlanacaq indi. o vaxtın puluynan 2-3 şirvan qiyməti olardı bəlkə. çəhrayı, 3d döymələri, zər və lentlər, təbii ki qıfıl yeri. obşim, bu qız da öz kruquna yazdırandan sonra sinifin qara məhəlləsinə* arxa partalarda oturan uşaqlar verməyə* dəftəri qərar vermişdi. təbii ki oxuyan uşaq olduğumdan qara məhəllənin ən ağ sakini mən idim və dəftər ilk olaraq mənə çatacaqdı. onu da deyim ki, bu mənim ilk xatirə dəftəri experience-im olacaqdı və ümumiyyətlə bunun necə yazıldığından xəbərim yox idi.
obşim, gəldim evə, açmışam, nömrələnmiş suallar, amma baxıram ki cavab yazmağa (?) yer yoxdur.
mən də hər sualın altında xırda qalan hissəyə başladım öz cavablarımı yazmağa. təbii ki yer demək olar ki olmadığından (sualları sətir buraxmadan ardbaard yazmışdı) xırda soxulcanabənzər hərflərlə qara-qura pis gündə ağzıma gələn cavabları yazdım. yadımda qalan cavablardan bəziləri

-ən sevdiyiniz film?
-sənə dəxli var?

-kumiriniz?
-kumir nədi?

-məni bir gül olaraq təsvir etsəniz bu necə olardı?
-eşşəkqanqalı, ehehe

və s.

bu arada, bitirəndən sonra növbəti səhifəyə çevirəndə hər bir adam üçün bir səhifə ayrıldığını və uşaqların cavabları həmin səhifələrə yazmalı olduğunu anladım, amma artıq gec idi. çöllüksüzlüyün nirvanasına çatmaqla bərabər min bir əziyyətlə hazırlanmış və səlis xətlə yazılmış dəftəri (sualları başqa adam yazmışdı hiss olunurdu ki xəttat idi) bir gecədə məhv edib sahibinə qaytardım.
qız dəftəri görüb ağlamağa başladı və həmin təqvim ili boyunca mənlə danışmadı.

o gündən sonra heç bir qız mənə vermir.* xatirə dəftəri

15 əjdaha! 24.12.2014 13:44, tahirson

#140426 şikayət

meyxana

+17 əjdaha

https://www.duo.uio.no/handle/10852/34226
oslo universitetində bir tələbənin araşdırması - Meykhana - The poetics of time and space. ərinmədim açdım oxudum, möhtəşəm iş qoyub ortaya.

--spoiler--

8.3 Street#Jargon
The use of dialect, the use of Russian words with their Azerbaijani rules of formation,
the features of aruz metre and the construction of personal onomatopoetic
combinations change the capacity for the different meanings of the words and enrich
them with different ‘extensions’. However, seeking to connect general rules of
grammar to any specific pattern of how such words are formed gives no reason to
epitomize rules, though mainly the formation of the new words can be spontaneous,
personal and ephemeral. However meykhana is a genre allowing usage of jargon in
much higher level than other local genres and traditions. Reasons for that fact could
be that the battle character of the genre invite partisipants to use the language in more
creative ways, and at the same time youngsters have a desire to show their skills
through the only tool they possess in these encounters, namely the language. I have
searched for the most used words of jargon, which I wish to focus on here. I am very grateful to F#rid who provided me with many of these words and has also explained to me the
meaning of them.
Dayday – uncle [from the word dayı]. An uncle can also mean here somebody who
can help one if one has problems.
G!rgeş [also qaqaş] – brother, not necessarily biological but corresponds to the
English colloquialism ‘bro’.
Xod getm!k, from the Russian word ходить [khodit] – to go. A literal translation is ‘to
go the walk’. It means to be tough, to bluff and also to be offensive [e.g. xoddadu –
somebody is offensive]. In the text it is translated as to go high-speed
Razborka – from the Russian verb разбираться [razbiratsya] – to deal, to solve.
Razborka is a noun, which means a conflict, also a fight.
Neşe – marijuana, opium or hashish.
Fırıldağ – a lie.
Nöş – why
Garadskoy – urban. From the Russian word for city, город [gorod].
Cındır – a person without aesthetic taste.
Selenni – villager, from the Russian word for village, село [selo].
Gatıglamag – the artificial verb made from the noun for yoghurt, which is qatıq. This
means ’to talk rubbish’. It corresponds to verbs indicating the utterance of nonsense in
English [‘to blather’].
Çuşka – most probably from the Russian чушка [chushka]. Translated literally it is a
new born piglet. The meaning corresponds to the English concept of a ‘hillbilly’.
Çuşka-muşka – onomatopoetic and diminutive combination, corresponding to çuşka,
above.
Krısa – from the Russian word for rat, крыса [krisa], meaning a miser, someone who
would not spend money if they could help it.
Daş-baş – jewellery [daş – stone; baş – head].
Farmazon – a fashionable person who cares for trends.
Bambılı [or bambulu] – an onomatopoetic word. A person without pride or honour.
Malımatan – an onomatopoetic word, usually applied to women and girls but could
also be applied to men. The meaning is close to bambili.
Xuligan [also xulig!n] – from the word for hooligan, meaning a criminal man or a
rebellious boy or man; also a boy who does not listen to his parents.

--spoiler--

11 əjdaha! 15.09.2016 17:46, tahirson

#229965 şikayət

kasıb olmaq

+17 əjdaha

həyata 0-1 geridə başlamaq deməkdir. arzularının əlli faizinin içində qalmasıdır bəzən. uğura gedən yolun kələ kötürlü, enişli-yoxuşlu olması deməkdir.

amerikada araşdırıblar ki, statistikaya görə indiki varlıların 97%i elə varlı olaraq dünyaya gəliblər. yəni 3%i kasıb olub, sonradan varlanıb.

necə deyərlər, kasıb olmaq çətindi. azərbaycanda, lap çətindi.

17 əjdaha! 02.02.2014 00:37, tahirson

#96638 şikayət

aztv kino dublyajları

+14 əjdaha

dənizin içində avtomobil, üstündə də bir oğlan və qız çıxıb nəsə anqırır* kömək istəyir

qıraqdan bir oğlan bunu görüb mal-mal baxır və deyir:
-what the fuck...

aztvdə tərcümə:
-eşşəyinə şükür, ilahi...

14 əjdaha! 28.11.2013 10:13, tahirson

#80240 şikayət

oralarparty

+13 əjdaha

uchuram shanxaydan tokio terefe, yaponlarin aviashirketi ile, samolet teze, yag ichinde, stuardessalar gesheng, ele bil jurnaldan dushubler, shirin shirin gulumseyirler, sernishinler hamisi kulturni, evden chimib chixiblar.
men de bir dene kino tapib, baxiram, yaponski kinodir, okki var doyecleyirler bir birini, karate filan, geyshalar exlagsizlig yuvalarinda kishilere mahnilar oxuyurlar, her sheyi basha dushmek olur, yanimdaki yapon da hormetle baxir mene ki, gor e, gebelelidir, amma bizim dili ne yaxshi bilir.
emin amanlig, dash atirsan, gedib tebessumlere deyir, sebrsizlikle magki posadkani gozleyirem, bax bele bir poletdir. rus demish, nichego ne predveshayet meselesi, birden monitorum sondu, oldu gap gara!
evvel fikirleshdim, yaygin dunya aviashirketlerin obshiy gara defteri var, adimi oxuyublar, amma sonra gordum ki, yanimdaki yapon da dilxordu, bayaxdan oyun oynayirdi, pif paf, tra ta ta ta, girirdi amerikanlari.
bes ne meseledi, baxdim ki, haminin monitoru sonub, salonda canlanma, stuardessalar gachirlar ora bura, dedim, vessalam, eceb yerde axshamladig, hech olmasa denize dushmeyek, iphone-uma kechen defe su deymishdir, ne geder remonta pul getdi.
indi bu stuardessalar ele heyacanlidir, ele heyacanlidir, ele bil evden zeng edibler ki, elchiler gelib, bunlar da ishden chixa bilmirler, onlar da giza baxmag isteyirler, yoxsa gedirik bashga eve, bu ora gachir, o bura gachir, kapitan ele gemli danishir, ele bil parashutu yaddan chixib evde galib, nehayet sturdessalar ellerine bir topa kagiz alib, bashladilar onlari bir bir paylamaga.
dedim, yaygin gelem kagiz verirler ki, son sozunu yaz, goyag butulkaya, ne vaxt sahile chatar, chatar, amma adresi ingilisce yaz, indi men fikirelshirem ki, ne yazim, yerde galanlari mi lenetliyim ki, men gedirem, siz galirsiz, ushaglara mi oyud nesyet verim, galmisham bele, baxiram ki, kagiz balacadir, gerek ikisini goturum, ureyim doludur.
ozum de baxiram, kime ki bu kagizi verirler, ele sevinir, ele bil devalvasiyadan gabag pullarini deyishe bilib, deyirem, gor e, bu yaponlar nece pozitiv insanlardir ki, hetta son anlarinda bele tebessumleri ile adami razdrajat edirler.
monitorlar ise uje yeniden ishledi, amma bunlar ele paylayirlar kagizlari.
nehayet, novbe chatdi mene, kagizimi aldim, baxiram - ne olsa yaxshidir?
yaponiya aviashirketi adindan 30 dollarilig kupon, uzrhaglig kimi ki, bes 10 degige eylencesiz galmisan, ya gelen defe bilet alanda bu geder guzeshtin olar, ya da, tokio duty free dukanindan 30 dollarlig bazarlig ede bilersen.
dilim gurudu, dedim, bu yaponlar hech vaxt adam olmayib, olmayacaglarda.
ona gore ele o gundedirler...

12 əjdaha! 05.09.2015 07:35, tahirson

#180155 şikayət

kaybedenler kulübü

+12 əjdaha

ilk öncə dialoqları orjinal dildə yazdığım üçün sözlük rəhbərliyindən və ümummilli yazar timidusdan üzr istəyirəm.

--spoiler--

- inanmak istediğim herşeye inandım , sonunda öleceğimi sonunda kanayacağımı bildiğim halde, istediğim herşeye inandım. bişeyleri elde etmeye çok yakın hissettiğimde de kaybettim.
+ angutsun yani
- evet.

---

- yasli bir kizilderili ne kadar yanilabilir?
+ bazen yanilabilir
- bazen susar
+ bazen konusmak ister
- bazen dinlemek ister
+ bazen yalniz kalmak ister
- bazen arkadas ister
+ bazen gitmek ister
- gider bazen
+ bazen gidemez
- bazen hic gidememekten korkar. bazilari sonsuz neseye dogar
+ bazilari sonsuz geceye...
- bazen ölürsün.
+ bazen ölemezsin. bazen bütün koşullar uygunken bile ölemezsin.
- bazen kendinden uzaklaşmak ister insan.
+ bazen gidersin, sırf dönebilmek için
- bazen ağlarsın bayağı.
+ bazen ağlayamıyorsun bayağı bayağı. bazen içiyorsun, bazen çok ama çok fazla içmek istiyosun da bazen sen zaten içmeye gidiyosun. bazen acıbadem'den bi taksiye biniyosun, kadıköy diyosun, bazen yüzüne bile bakmıyo.
- bazen bi kadın geliyor, oturuyor karşına ve ağlıyor.
+ kadınlar hep ağlıyor.
- bazen kadın sana "en çok korktuğum şey bir kadının gözyaşıdır" diyo, kendi adına. eğer çok sevdiysen diyor, eğer çok sevdiysen... oysa bilmiyor ki sevmek de bir ana ait.
...
+ her şeyin başı su
- felsefenin de...

---

+bence çok iyi ya, demi! standart yani..
-adın neydi senin???
+.........
+göt!!!
-çok anglosakson bi isim,nottinghamın içindenmisiniz?

---

+daha iyi misin?
-hangi anlamda?
+genel anlamda.
-genel anlamda iyiyim be mete sen nasılsın?
+allah razı olsun. iyi. idare ediyoruz be kaan. mantı çekti canım. onun dışında her şey yolunda yani. düşüniyim bir dakika.
-bir dakika uzun be.
+bir de yaz gelsin ya artık. çok sıkıcı...

---

-metecim farkındaysan hayat hala berbat ya..

---

"-korunmasız toprakları koru. kadınların ve çocukların önünde asla tükürme."

(tüpürmə səsi eşidilir)

---

-zaten cok yalnizim bi de ustume gelmesinler yaa
+katiliyorum mete yaa
-oluyorum.
+gecen gun gordum, sen oluyodun yaa.
-oluyodum vallahi.
+oluyodun da sey yaptim, kalk mete dedim yaa. degmez dedim olmeye. burda olmeye degmez dedim yani.
-oyle valla.
+burda olmeye degmez dedim. eve gidip orda oluruz.

---

-sen hiç çin seddi'ni gördün mü?
+evet iki kez uçakla geçtim,bir kere de yürüdüm üstünde.
-ben bir kez uydu fotoğrafına baktım, hiç üstünden geçmedim.
+olsun, sen de güzel insansın..

---

-..cok yalnızdım tabi..
+kim kim?..
-ben vardım, kanepe vardı, televizyonda bi film vardı. battaniye vardı. üstümde battaniye vardı...

--spoiler--

(bax: format daxilində sözlüyün anasını ağlatmaq)

12 əjdaha! 23.10.2013 12:24, tahirson

#73341 şikayət

dördüncü nəsil yazarlar

+12 əjdaha

təxminən bu ilin sonuna yaxın gələcəklərini gözlədiyim yazarlardır. bəlkə də indi sözlüyün mövcudluğundan xəbərləri yoxdur, indi ərgən vaxtlarıdır, tqdkya hazırlaşırlar, tokio hotel və avril lavigne dinləyirlər, profillərinə qabağı qalxmış 2107, qəlyanla çəkilmiş və ya mişka, barbi, gül-çiçək, dovşan şəkli qoyurlar, caps locku yandırıb fuck the system! zad yazırlar, ciddi və kədərlidirlər, xəyanəti bağışlamırlar, ş-nı "w", ç-nı "4" yazırlar, cümlənin sonunda nidaları da unutmurlar. çox şirindilər alllahaqqı.

gələcək dördüncü nəsil yazarlarla gələcək!!!11!1

12 əjdaha! 05.01.2014 21:29, tahirson

#89112 şikayət

tarixin ən böyük umbaylamaları

+12 əjdaha

rus kraliçası yekaterinanın "faciəvi" ölümü.

12 əjdaha! 10.01.2014 23:03, tahirson

#91131 şikayət

samux

+11 əjdaha

bu vaxta qədər orada olmuş, ordan olan bir şəxslə qarşılaşmadığım, haqqında artıq şübhələrin yarandığı bir yerdir. wikipediada şəklinə baxırıq, yaşayış məntəqəsi gözə dəymir.
https://az.wikipedia.org/wiki/Samux_rayonu
bəlkə həqiqətən belə yer yoxdursa?
https://en.wikipedia.org/wiki/Bielefeld_conspiracy

10 əjdaha! 29.07.2021 13:23, tahirson

#333159 şikayət

heydər əliyev olmasaydı olacaqlar

+11 əjdaha

azərbaycan dünyaya günəş kimi doğmazdı.

11 əjdaha! 13.01.2014 00:55, tahirson

#91814 şikayət

ota-poxa overrated deyən tiplər

+10 əjdaha

bir aralar hamı titanicə zada baxanda, bəziləri başladılar yeni axtarışlara və imdbdə heç də hamının baxmadığı filmlər tapdılar. içlərində həqiqətən də unudulmaz və zövq verən filmlər var idi (çox idi). burası yaxşı, amma həmin adamların bəziləri başladı titanic izləyənlərin ağzına pox qoymağa ki sən canı bu nədi izləyirsən, yaxşı oğlan bəs filan film izləyər zad. o qədər tənqid geniş vüsət aldı ki, imdbdəki top (250 demirəm, ağ olar) 50 filmi izləməyən qalmadı. təbii ki hamı bu filmləri izlədiyinə görə artıq fərqləndiriləsi bir şey qalmadı. və bu anda yeni insanlar ortaya çıxdı - imdb 8.5+ olan filmləri bəyənməyənlər (overrated generation* təzə kəşfimdi ) deməli bu adamlar da bir neçə qrupa bölünürdü: bu filmlərə baxıb "söhbəti tutmayanlar" (əslində şişirdiləsi birşey yoxdur, o siyahıda həqiqətən də ağır və çətin anlaşılan filmlər var, mənim də tam tutmadığım filmlər az deyil), bu filmlərə baxıb həqiqətən də bəyənməyənlər (təbii ki zövq məsələsidir) və filmə 10-15 dəfə baxıb bezəndən sonra "əşşi, əslində o qədər də yaxşı film deyil asdfghjkl" şəklində reaksiya verənlər. kütlənin nisbətən aşağı iq-lü hissəsi, "sənaalla, görürsən israfili, 9 ballıq filmi bəyənmir, yəqin bildiyi nəsə var umbayın" deyə təkərə düşdülər, beləliklə yaxşı filmin içinə pox qoymaq bir dəbə çevrildi. indi isə baxıram yeni bir nəsil əmələ gəlib, qısaca olaraq "yaxşı filmin içinə pox qoyanların ağzına pox qoyanlar" da adlandırmaq olar. heç də qısa olmadı amma nəysə. yəqin ki bu da 2014cü il yaz-yay kolleksiyası marjinallığın bir hissəsidir, allah axırını xeyir eləsin deyərdim amma, a kişi nə işin var, qoy istəyir 1 bal versin filmə, bu onun kütlə tərəfindən bəyənilməsi həqiqətini dəyişdirmir axı. noolubaaa?

cırtqoz olmayın, cırt eliyənlərə qoz qoymayın, bəylər.

10 əjdaha! 27.04.2014 04:09, tahirson

#115694 şikayət

azərbaycan toyları

+12 əjdaha

qəbilə ritualıdır. başçılar tərəfindən iki qurban seçilir və 6 saat başda oturmağa bənzəyir. sonra ritual başlayır. qabağda əlində mikrofon tutan kahin qışqırmağa, qəribə hərəkətlər etməyə başlayır, sonda 3 dəfə "maral!" qışqıraraq qəbilə rəqsinin icrasına start verir. bundan sonra bütün qəbilə ortalığa tökülüşərək anlaşılmaz əl-qol hərəkətləri etməyə başlayır.

ps. bütün bunlar 21-ci əsrdə baş verir.

12 əjdaha! 08.10.2013 12:03, tahirson

#70519 şikayət

woolpitin yaşıl uşaqları

+10 əjdaha

rəvayətlərə görə 12-ci əsrdə ingiltərədə baş vermiş hadisə. bir qəsəbədə təsadüfən iki ağlayan uşaq tapılır. maraqlısı isə odur ki bu uşaqlar hamıya yad olan bir dildə danışırlar, dəriləri isə yaşıl rəngdə idi. deyilənə görə oğlan olan heç nə yemədikdən sonra ölür. qız isə sadəcə noxud yeyirmiş. bir müddət keçəndən sonra qız camaatın dilini öyrənir, digər yeməkləri də yeməyə başlayır. dili öyrənəndən sonra oğlan ilə müqəddəs martin (bəzi mənbələrdə əziz martin) adlanan yerdən gəldiklərini, orada günəşin olmadığını, hamının yaşıl rəngdə olduğunu deyir.

deyilənlərə görə bu hadisənin eynisi 1883-cü ildə ispaniyanın banjos qəsəbəsində də baş verib.

10 əjdaha! 23.10.2014 08:13, tahirson

#131431 şikayət

sabirabad

+8 əjdaha

eyfel qülləsində liftin üstündəki taxtaya adı yazılan rayonumuz.

8 əjdaha! 02.02.2013 15:38, tahirson

#32177 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

tahirson

son bəyənilənlər:

oxuyucuların bəyəndikləri: