qucaqlaşmaq

sevgidən anlanılanın, sevgiyə qarşı yanaşmanın nə olduğundan asılı olmayaraq sevgini göstərmə formasıdır. dərk etdiyim andan etibarən ilk qucaqlaşmam ailə fərdlərimdən biri ilə olub. hansı fərd olduğu elə də əhəmiyyət kəsb etmiyib, etməyəcək də. ikinci dəfə ilk sevgimi bölüşdüyüm insana qarşı olub. bərabər və ya qeyri bərabər bölüşməyimizdən asılı olmayaraq heç bir əhəmiyyət kəsb etmiyib. üçüncü qucaqlaşmam 6 yaşlı uşaqla olub nə isə anlamasını fikirləşmədiyimdən əhəmiyyət kəsb etmiyib. ən son və hələ də davam edən qucaqlaşmam özümlə olub. əhəmiyyət kəsb edib. çünki sonrasında bir ayrılıq, uzaq qalma, həsrət, kədər, qəm, dərd, fikir heç biri olmayıb. qucaqlaşmaların sonrası ümumiyyətlə pis olur. çünki proqramlanan beynimiz biz yontmadığımız müddətcə yaxşı şeyləri yadda saxlamağı və ya onu dolu dolu yaşamağı bizə rəva bilmir.