avtobusda görməyə alışdığımız tiplər

məsələyə başqa perspektivdən baxaraq, şəxsi müşahidələrim nəticəsində kateqorizasiya etdiyim tiplərdir. avtobusun için kiçik savaş meydanı olaraq düşünsək bu formada yazmaq olar. 1) avtobus desantları əsas xüsusiyyətləri hərəkətdə olan avtobusdan tullanmaqdır. avtobusun hansı sürətlə getdiyindən asılı olmayaraq qapının açılmasın gözləyirlər. açılan qapı onlar üçün yaşıl işıqdır. 3, 2, 1, tullan! 2) avtobus dəniz piyadaları yağışlı havalarda ən effektiv vasitədir. tərəddüdsüz avtobusdan birbaşa gölməçəyə tullanıb irəliləyirlər. bir anlıq ağıla (gbax: d-day) gəlir. 3) avtobus artilleriya batareyası avtobusun bir başından digər başındakı biriylə dava etmək bacarığına sahibdir. onlar üçün məsafələr sadəcə rəqəmdir. 4) xüsusi təyinatlı kəşfiyyat briqadası bu tiplərin qurbanı adətən əks cinsin nümayəndələri olur. avtobusun qarışıqlığından istifadə edərək neytral zonanı keçir və bıçağı arxadan "düşmənə" dirəyir. gec olmadan sağa və ya sola manevr etmək məsləhətdir. 5) imperialist xalalar yorğunsuz? işdən və ya dərsdən çıxmısız? heç fərq etməz. özləri yorğun olmasalar belə sizi öz oturacağınızdan durğuzacaqlar. bəzən oturacağı sülh yolu ilə bir tərəfin təslim olmasından sonra alsalar da arada bir müharibə yoluyla da zəbt etməkləri görülmüşdür. və nəhayət! 6) radioaktiv daşıyıcılar. içlərində radioaktiv maddə daşıyan bu tiplər çox təhlükəlidir. gözlənilməyən anda bütün avtobusun havasın zəhərləyərək 1 illik radiasiya dozasın sizə 1 dəqiqədə qəbul etdirərlər. hələ pozisyanız pəncərə açmağa uyğun deyilsə, zəhərin ciyərlərinizi deşməsin işkəncəylə hiss edə bilərsiz.