sözaltı günlük

Salam, mən kədərəm. Mən həmişə kədərəm deyəsən. Çox uzun müddətdir buraya yazmıram. Məncə bura elə gec-gec yazılmalı bir yerdir. Mən heç öz günlüyümə hər gün yazmıram. Əvvəllər yazardım, indi vaxt yoxdur. İndi ağrı o vaxtkı qədər çox deyil. Hətta azdır, tez-tez gələn yaşamaq ağrısı var, o yazdırır. Mən güclü insanam, amma yaxşı yox. Yaxşı olmaq üçün çalışan, amma özünə uşaqlıqdakı kimi əzab verməyən. Ətrafımda həyat axır gedir və mən sadəcə axınla aşağı. İllər, yaşlar, insanlar və yaşamaq bəzən o qədər yad gəlir ki. Bəzən özüm özümə o qədər yadam ki. Hüzünlü bir mahnının violin hissəsi qədər hüzünlü.