ludovico einaudi

"experience" şah əsərini ilk dəfə məhz sakit yağışlı payız havasında dinləmişəm və mənim üçün əvəzolunmaz xatirəsi var. postda paylaşıldı, yenə xülyalara daldım. adını belə bilmədiyim, təsadüfi tanış olduğum şəxsin qulaqlığını mənimlə bölüşməsi ilə dinləmişdim ilk dəfə. neftçilər prospekti boyunca yanaşı addımladıqca melodiyanın hiss etdirdikləri ilə bərabər həmin oğlanın susqunluğunun səs-küyü məni başqa dünyaya aparmışdı. bəzi melodiyalar vardır insanı zamanda səyahət etdirir. bəzi melodiyalar vardır hisslərə tərcüman olur. bəzi melodiyalar vardır, bir daha qarşılaşmayacağınız insanlarla yenidən görüşdürür. bəstəkarın dahiliyi də buradadır : bu melodiya sadaladıqlarımın cəmidir.