mordecai

regular show-un baş qəhrəmanlarından biri olan mavi qarğa. animasiyanın yaradıcısı olan jg quintel tərəfindən, türkcə dublajlı versiyada isə harun can tərəfindən səsləndirilib. https://i.imgur.com/YrUvyx8.png uşaqlıq dostu olan yenot rigby ilə birlikdə parkda işləyir. rigby-dən bir çox mövzuda üstündür. ancaq qızlarla danışmağı bacarmır və buna görə də uzun müddətdir xoşladığı, kafedə işləyən qırmızı bülbül margaret-ə yaxınlaşa bilmir. bundan başqa, oyunlarda və yumruqlaşmada da rigby-dən daha yaxşıdır. əvvəllər rəsm təhsili alsa da, yaxşı şəkil çəkə bilmədiyi üçün təhsilini yarımçıq qoyub, parkda işləməyə başlayır. margaret ilə alınmadıqdan sonra cj adlı buludla tanış olur, ancaq onunla da alınmır. animasiyanın sonlarında kosmosdan qayıtdıqdan sonra isə, rigby ilə yollarını ayırır və new york-a köçür. burada ən sevdiyi iş olan rəssamlığa yenidən başlayır. həmçinin, burada yarasa bir qızla da tanış olub, münasibət qurur. bu yarasa qızın adı animasiyada açıqlanmasa da, animasiyanın yaradıcılarından olan matt price, bu barədə reddit-də verilmiş bir sualda obrazın adının stef olduğunu açıqlayır.