1oyunbozan

219 0 0 0

9. nəsil yazar

Entry: 219

blok başlıqlarını gizlət

eurovision 2021

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

25 yanvar 2021 şəhid ailələrinin etirazı

+23 əjdaha

səhv etmirəmsə,ayın 25-dən başlayan etirazdır. o qədər əsəblərim korlanır ki, hər yerdə qabağıma çıxan o videolara risk edib baxa da bilmirəm. şəhid ailələri çöllüklərdə pis şəraitdə dəfn edilən övladlarının məzarlarının yerinin dəyişdirilməsi, şəhidlər xiyabanında və ya daha yaxşı yerdə dəfn olunması üçün aidiyyatı qurumlara dəfələrlə müraciət etdiklərini deyirlər. nəticə də hər zamankı kimi bəllidir. onların səsini duyan yoxdur. hətta hədd o qədər aşılıb ki, xəzər tv bu barədəki reportajında şəhid ailələrini "bir qrup təxribatçı" adlandırıb. yəni bu ölkədə haqqını tələb elədin və ya sözünü demək istədin (ki bunlar hamısı dövlətin siyasətinə ziddir) demək ki təxribatçı qrupsan. mən bu dövlətdən müharibə sonrası bundan fərqli və bundan başqa bir şey gözləmirdim. müharibə vaxtı ilhama ölənlər,bitənlər,ona video hazırlayanlar, bizim boss'dan yoxdur deyənlər. nə oldu? bu yerdə bu mahnı ilə özümü sakitləşdirirəm,istərdim sözlərinin bir qismini sizinlə də paylaşım:
"...ne yazık farkeden hiç birşey yok.
ah, onlara kızmayın
onlar farkında değil."

19 əjdaha! 27.01.2021 09:46, 1oyunbozan

#318446 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı etiraf

+18 əjdaha

entry-ləri oxuyanda həmişə həsəd aparıram, insanlar tanış olurlar, danışırlar, dost olurlar. mən isə vaxtım olanda və fikrim olanda gəlib bir-iki cümlə yazıb qaçıram. insanların sosial həyatını necə gözəlləşdirdiyini də oxuyub özümə "ah sən necə də yazıqsan" deyib acıyıram. mən sözlükdə kimsəni tanımıram, çox üzgünəm buna görə. amma sevin, sevilin dostlar, gözəl şeylər bunlar.

18 əjdaha! 08.12.2021 01:31, 1oyunbozan

#341152 şikayət

ikinci qarabağ müharibəsi

+14 əjdaha

müharibədən sonrakı haqsızlığı, ədalətsizliyi, qazilərin, şəhid ailələrinin bir çoxunun vəziyyətini, qaytarılan torpaqların indidən varlılar arasında bölüşdürülməsinin xəbərlərini aldıqca vaxtında böyük coşquyla xəbər gözlədiyim, hər gün yaxşı olsun, tez bitsin deyə dua etdiyim bu müharibəyə nifrət etməyə başladım, artıq bu barədə eşitdiyim tək bir söz məndə böyük qıcıq yaradır. 1 il ərzində dəyişən şey. 1 il olduğuna da inana bilmirəm, pandemiya ilə birlikdə bu müharibə mənim zaman alğımı aldı qopardı məndən. müharibə daha üstün gəldi təbii ki. sanki hər şey dünən kimidir, bütün hər şeyi yaddaşıma həkk edə-edə çıxdı getdi bu 1 il. o qədər böyük birlikdən sonra torpaqlar alınandan, müharibə bitəndən sonra bəlkə insanlar yenə bu dəfə də öz haqları üçün birləşərlər deyə ümid edib sevinirdim, müharibənin ortasında bu hiss yox olub getdi elə. müharibə sonrası da heç. ona görə bu müharibə mənim üçün o günlərdə yaşadığım hissləri ifadə etmir artıq. deyə düşünürdüm. bu günün də sıradan bir gün kimi keçəcəyini düşünürdüm. səhər hər kəsin story-də gördüyüm videoları tez-tez baxmadan keçirdim. bəzilərinə baxdım... istər-istəməz ağlamağa başladım. çox gözəl idi o birlik. amma bir az da yalandı sanki. bu bu gün gəldiyim qənaətdir. çünki sonrasında davam etmədi bu birlik. o birliyə daxil olanlar üçün heç nə ifadə etmədi. heç kim nələrə qadir ola biləcəyinin fərqinə varmadı. hər şey o 44 gündə qalmış kimi oldu. "torpaq qayıtdı, nə oldu?" deyə düşünməyə başladım. müharibə öncəsi və müharibə dövründə daha ümidliydim. indi baxıram ki, gedən sadəcə həyatlar, ümidlər, canlar, arzular oldu. nə qədər dramatik...

11 əjdaha! 27.09.2021 09:12, 1oyunbozan

#337318 şikayət

xoşladığın oğlandan bir anda soyudan şeylər

+15 əjdaha

"ərdoğan ərdoğan ilham əliyev" şəkilləri paylaşıb. bu aşk burada biter!

12 əjdaha! 29.05.2023 07:19, 1oyunbozan

#373103 şikayət

distant təhsil

+12 əjdaha

bu gün bilik günü idi. daha doğrusu dünən -* (saat 00:00-ı keçib) universitetdən dedilər ki,bəs bu gün dərs keçiləcək. hazırlaşıb,həyəcanla noutbukun qabağına keçib dərsin başlamasını gözləyirdim. baxıram ki,bu proqramda dərs qeyd olunmayıb. bəs biz haradan daxil olaq dərsə,nə edək filan deyərkən,o sırada xəbər gəldi ki, teams proqramında dərsləri qeyd edən müəllim xəstəxanadadı,bu gün işə gəlməyib,ona görə də dərs qeyd olunmayıb. demək işə bax,o boyda universitetdə bu işə baxan cəmi 1 nəfər var,o da ağlına gəlməyib ki,bu işi 1 həftə,3 gün qabaqdan görüm ki,sonra dərs vaxtı problem olmasın. o da olmayanda fakultədə dərs dayanıb,yoxdu. 1 gün də belə boş yerinə getdi,həm bizim vaxtımız,həm də həyəcanımız və marağımız. dedik,bəlkə əvvəlcədən hər şey təcrübə edilib aydın olduğuna görə bu dəfə hər şey daha ciddi və doğru dürüst yerinə yetirilər. ilk gün göstərdi ki,biz hələ də və hələ də distant təhsilə uyğun deyilik.

10 əjdaha! 16.09.2020 01:34, 1oyunbozan

#304628 şikayət

eurovision 2021

+12 əjdaha

belarusiyanı bu il yarışmada təmsil edən galasy zmesta qrupunun " ya nauchu tebya " mahnısı sözlərində siyasi mətn yerləşdirdiyinə görə yarışmadan diskvalifikasiya edilmişdir. avropa yayımları birliyi bu barədə mahnının eurovisionun rəsmi youtube kanalında yayınlanmasından sonra fanlar və belarusların öz etirazlarını da gördükdən sonra belə bir açıqlama yayımladı:
"AYB birliyi belarusiyanın mahnısını analiz etmiş və nəticədə belə qərara gəlinmişdir ki mahnı yarışmanın qaydalarını pozur. müsabiqədə iştirak edən BRTC kanalına bu barədə müraciət edilmiş və bu mahnının indiki formada yarışmada iştirak etməsinin qeyri-mümkün olduğu bildirilmişdir ki, bu cür mahnılar yarışmanı nüfuzdan salır. həll olaraq mahnının dəyişdirilməsi və ya tamamilə yeni bir mahnı hazırlanması təklif edilmişdir. əks təqdirdə, ölkə müsabiqədən kənarlaşdırılacaqdır.”

mahnının sözləri təxminən bu şəkildədir :
“mən çaldığım havaya oynamalısan. sənə mənə tabe olmağı öyrədəcəm. səni tilovumla ovlayacam” və s.
klip eurovision youtube kanalında ən çox dislike alan klip olmuşdu. ayb-nin bu açıqlamasından dərhal sonra klip rəsmi kanaldan silindi. iştirakçı kanal brtc martın 14-nə qədər yeni mahnını ayb-ə təhvil verməlidir. əks təqdirdə ölkənin yarışmada iştirakı ləğv olunacaq.
bu da belarusiyanın sözügedən "sözlərini lukaşenkonun yazdığı" eurovision 2021 mahnısı:

(youtube:

)

11 əjdaha! 12.03.2021 14:21, 1oyunbozan

#321962 şikayət

orxan əfəndi

+12 əjdaha

orxan əfəndi üçün burada başlıq olduğunu bilmirdim, hələ bu qədər uzun zamandır açıldığını görmək məni çox sevindirdi. uzun zamandır, ən son getdiyim albom təqdimatı haqqında yazmaq istəyirdim, vaxt edə bilmirdim amma bu gün təsadüfən the voice-da çıxış elədiyi videonu gördüm, əsəbimdən hələ də özümə yer tapa bilmirəm, burada başlığı da gördüm, yazım dedim. orxan azərbaycan musiqisi üçün fəxr etdiyim bir insandır. albomu yenicə çıxmışdı, instagram story-sində albomları əli ilə qoyduğu mağaza stendini çəkib göstərmişdi, cd dükanının yolunu tərif edirdi. elə o story-nin ardından dostumla tez gedib almışdıq albomunu, böyük məmnuniyyətlə. mən o albomla tanımışdım onu. albomu dinləyəndə yaşadığım qürur hissini burada anlatmağa kəlimələr yetməz. çox xoşbəxt idim, azərbaycanda rocku bu qədər gözəl ifadə edən biri var deyə. hər şeyini də özü edir. sonra qismət oldu, nəhayət konsertinə gedə bildim, təxmini 1 il sonra, 16 oktyabr 2021-də albomun təqdimatını keçirdi. ilk dəfə canlı dinləmə şansım oldu, konsertdən əvvəl də oturub danışdıq bir qədər, albomun məndə çoxdan olduğunu görəndə necə sevindi, çox sadə, mədəni və səmimi bir insandır. eurovision üçün son zamanlarda ən böyük namizədimdir orxan. özünə də dedim və seçmələrə qatılacağını, bunu özünün də istədiyini dedi. mən belə düşünürəm ki, the voice-ə də bu səbəbdən qatılıb. çünki əks halda onun bu yarışmada elə musiqi zövqü və anlayışı olmayan insanların qarşısına çıxıb onlardan bir şey ummasına gərək yox idi. orxan ordakıların hamısını musiqi zövqü, istedadı və bacarığı ilə döyər. dırnaqarası ustadların, hələ o tünzalənin gətirdiyi arqumentlər o qədər absurd idi ki, hələ də yadıma düşəndə əsəb keçirirəm. gedib axmaq - axmaq sarı gəlin zad oxuyan, qışqıran, səsi olmayan iştirakçılara elə də wow wow edərək dönürlər ki, təbii ki rammstein onlara ağır gələr, hələ belə bir səsdə. normalda elə mahnıya girişində o butonların biri basılmalıydı, çünki fərqli səs rəngi idi. bunlar oturub mahnının dilini, janrını müzakirə edirlər. mən canlı performansını dinlədim, o qədər gözəl idi ki hər şey. axırda "rock musiqisi azərbaycanda olmalıdır!" deyib rock oxuyan birini alqışların müşaiətiylə əliboş oradan göndərmək sadəcə biyabırçılıqdır. orxana dəstəyə davam, bu halda o çox böyük tanınmış sənətçi olacaq, bunu sonuna qədər haqq edir.

11 əjdaha! 07.11.2021 21:19, 1oyunbozan

#339306 şikayət

əziz əzizov

+12 əjdaha

suraxanı icra başçısı. şəhidin ad günündə üzərində şəhidin şəkli olan tort bişirtdirib, şəhid anasının qarşısına qoyub, əlinə də bıçağı verib ki, al üstündə oğlunun şəkli olan tortu kəs. bu qədərini də nə bilim... gözləmirdim desəm, olmayacaq, çünki bu vəzifəlilərin beyinsiz olduğuna o qədər əminəm ki. gözləyirdim desəm də olmayacaq, bunun ətrafında heçmi yol göstərəni olmayıb deyə düşünür adam. dəhşətli mənzərədir, həqiqətən. bu söz doğru imiş ki, bir məmurun övladı şəhid olmayana qədər müharibələr davam edəcək.

.

12 əjdaha! 10.08.2021 01:58, 1oyunbozan

#333765 şikayət

yazarları düşündürən suallar

+12 əjdaha

azərbaycanda niyə spotify yoxdur?

11 əjdaha! 13.01.2021 22:03, 1oyunbozan

#317035 şikayət

ilham əliyev

+9 əjdaha

rəis rte virusuna yoluxub. artıq şitləşire,paşinyana o da azdı amma yenə də bu bizim o ilham deyile. qıcıq yaradır artıq.
bir də ki sosial şəbəkələrdən danışırsan,belə ləzzət edirsə,aç da bu interneti bax vallah yorulduq. hər şey tərsinədie bu ölkədə vallah.

9 əjdaha! 09.10.2020 21:39, 1oyunbozan

#305929 şikayət

real tv

+9 əjdaha

təxmini 1 saat öncə "azvision" adlı verilişdə paşinyanın adının altına "ermənistanın boş naziri" , serj sarkisyanın adının altına da " paşinyanın əlavə başağrısı" yazaraq özünü zor, ultra vətənpərvər hesab edən səviyyəsiz jurnalistika nümunəsi olan kanal. bu ölkədə heç bir şey normal, olması gərəkən kimi dozasında olmur da. heç olmasa jurnalist kimliyinizə dönün bir baxın, sonra mən kiməm, nə etməliyəm deyə bir düşünün, sonra efirə elə boş-boş şeylər çıxarıb milləti ələ salmayın. özü də yemək yeyirdim o an, həyatdan soyudum e. sizi biyabır olasınız, məcbur edirsiniz ki, tüpürüb ölkəyə gedəsən, ölkə ilə bütün bağlarını qoparasan ki belə səviyyəsizliklərə tab gətirmək məcburiyyətində qalmayasan.

9 əjdaha! 09.06.2021 23:36, 1oyunbozan

#329458 şikayət

6-7 fevral 2023 türkiyə zəlzələsi

+9 əjdaha

mən buna məsuliyyətsizlik deməyəcəm, çünki bilə-bilə bu qədər insanın canına qəsd edildi, hələ də o qədər professional olmasına rəğmən əraziyə mədən işçilərinin chp dövründəki zəlzələlərdəki kimi səfərbər edilməməsi, əsgərlərin hələ də kordinasiyada iştirakının bariz şəkildə əngəllənməsi insanların canına qəsddən başqa bir şey deyil, mən buna başqa bir ad verə bilmirəm.
amma televiziyaların, iqtidar mediasının (həmçinin azərbaycanda da) duyğu pornosuna imza atması məni həyatdan soyudur, iyrəndirir. travma almış, səsini çatdırmaq üçün çırpınan insanların üzərinə onlarla kişinin təkbir gətirib bağırdığınız allah sizin bəlanızı versin. bu dəfə qurtula bilməyəcəksiniz. "...şimdi kendini kurtar kaptan."
hələ xalqın qəzəbini bu vəziyyətə səbəb olanlar yerinə sağa sola yaymağa çalışan 2 - 3 düşüyün qazandığı qələbədən söz etməsəm, olmaz : "türkiyede faaliyet gösteren hangi büyük kuruluş yardım bağışı yapmadıysa, taziye mesajı yayınlamadıysa, onlarla sonra hesaplaşacağız" sanki netflix, starbucks bir post atanda bunlara yardımı dəyəcək, bütün olanların səbəbkarı da bunlardır. siz seçimlə gətirdiyiniz dövlətinizdən indiyə qədər verdiyiniz vergilərin hesabını soruşun bir hələ, starbucks "geçmiş olsun" post atmağı yana dursun. provakasiyaya millət o qədər tez gedir ki, bu qəzəbinizi hökümətə yönəltməlisiniz, hökümətə! yoxsa aylar öncəsindən artıq onsuz da online yayımlanan bir jurnala və ya mubi kimi faciənin ilk günündən yas mesajı paylaşan quruma "boykot!", "abonelik iptal!" kimi şərhlər, mesajlar atırlar. çox çox mənasızdır mənə görə bu. onsuz da bu provakasiyaçıların işi də sizin hökümətə olan qəzəbinizi unutdurmağa, başınızı qarışdırmağa çalışmaqdır, hökümətin itləridir yəni.

tam olaraq hadisələrin önünü görə bilməmək, bundan sonra olacaqları təxmin edə bilməmək məni ilk gündən bəri çox yorur. çox qəribə, əslində məni çox da təəccübləndirməyən (çünki siyasal islamcılar sizi asla yanıltmaz (via: ünsal ünlü)) amma yenə də olanlar qarşısında insanın qanını donduran hadisələr anda qalmağa məcbur edir. bir an belə xəbərsiz qala bilmirəm, 6-cı gündür artıq twitter-dan, youtube-dan başımı qaldıra bilmirəm, heç nə etmək istəmirəm, bir qram həvəsim qalmayıb. dəhşətli vəziyyətdir. "biz bir kabusu yendik" diyebilecek miyiz?

8 əjdaha! 11.02.2023 12:31, 1oyunbozan

#367164 şikayət

azərbaycanda karantin rejimi

+8 əjdaha

operativ qərargah özü heç nə etdiyini bilmədi bu karantin dövründə. biz də heyvan kimiyik görünür qərargahın gözündə,onlar da bizim sahibimiz,istədikləri kimi idarə edirlər. heç öz dedikləri şeyləri özləri belə başa düşmürlər. dünyanın heç bir yerində belə karantin şərtləri,belə rejim yoxdur. çimərliyə icazə verildi,millət tutaq ki doluşdu çimərliyə,güya onda virus yayılmır? bu bakıda çimərlik sayılı qədərdir,kafe,restoran,digər yerlər minlərlədir. bütün insanlar bir kafeyə yığışmayacaq ki virusla bağlı təhlükə yarana. bu bütün karantin dövrü absurd şəkildə verilən digər bir qərara aiddir ki,metro bağlı qaldı,avtobuslar işə düşdü. bu metroda sıxlığı yaradan tələbələr idi,onlar da yığışdılar evlərinə,sıxlıq olmur. seçim variantını azaldırlar,bütün milləti doldururlar bir avtobusa,ara məsafəsini burax,göz məsafəsi belə qalmır,sonra da vətəndaşı günahlandırırlar. bu millətin yarısı metroyla gedirsə işə,yarısı da avtobusla gedir də,metroyla gedənləri avtobusa niyə tıxıb sıxlıq yaradırsan ki? 7-ci sinif uşağının belə düşünüb nəticə çıxara biləcəyi şeyləri niyə bizim qalstuklu,bığlı,yekəqarın adamların oturduğu operativ qərargah verə bilmir,hələ də ağlım almır.

6 əjdaha! 05.08.2020 10:20, 1oyunbozan

#302322 şikayət

kaş ki ölməyəydi deyilən məşhurlar

+7 əjdaha

elçin həmidov
hüseyn dərya
barış akarsu
freddie mercury
ümumiyyətlə ölən bütün rockstarlar kaş ki ölməsəydilər...

4 əjdaha! 16.09.2020 01:09, 1oyunbozan

#304624 şikayət

türkiyə

+10 əjdaha

dünən atama deyirəm ki,
- tam türkiyədən kitab sifariş ediləsi vaxtdı amma pulum yoxdur.
deyir:
- niyə?
- çünki hal - hazırda 1 manat 6.51 tl-dir. yox, deyirlər ayın axrına dollar 15 tl olacaq, onda stipendiya da gəlir, o vaxt sifariş edərəm.
atam da deyir ki,
- hələ onu bilmək olmaz.
-nəyi?
- dolların o qədər qalxacağını.
- ata, hal- hazırda dollar 11.56 tl-di e, özü də dəqiqədə qalxır..
- hə, hə türkiyə batır day orda həyat yoxdur (mənə fors edərək və əliylə "kifayətdir" mənasında hərəkətlər edərək)
- hə ata, batır, türkiyədə mağazalarda yağa, şəkərə limit qoyulub, gündə bir dənədən artıq almaq olmaz.
- universitet tələbəsidi, danışığına bax, onda türkiyədə hamı ölüb.
- hə ata, sən baxmırsan, bilmirsən. mən bütün günü bu xəbərlərin içindəyəm, aç hansı türk kanalını istəyirsən, bax, erdoğanın kanallarıdı amma bu gerçəyi gizlədə bilmirlər...

və dava ilə dialoq sonlanar. hər gün eyni səbəblərdən atamla dialoqumuzu 3 dəqiqədən o tərəfə sürdürə bilmirik. bu insanlar nəyi düşünürlər? erdoğan və əliyevləri onları ibtidai icma dövrünə qaytarsalar belə bu şəkildə müdafiə etməyin səbəbi nədir axı? nə vaxta qədər belə gedəcək? biz bu diktaturalardan nə vaxt qurtulacağıq? düşündükcə böyük ümidsizliklərə qapılıram: türkiyədə seçimlə nəsə mümkündür, onların qurtulmaq şansı var. bəs bizim? bu zehniyyətlə necə qurtulaq?

8 əjdaha! 19.11.2021 15:46, 1oyunbozan

#340195 şikayət

bakı dövlət universiteti

+6 əjdaha

bu günki biyabırçılıq dillərə dastan olmalıdır. belə ki, pandemiya şərtləri çərçivəsində bu universitetdə dərslər bir auditoriyada tələbə sayı 30-u keçməsin deyə mühazirələr distant qaydada keçirilir. bir daha nəzərinizə çatdırıram: sıxlıq olmasın deyə. pandemiyadan qorunmaq məqsədilə maska taxılır və covid-19 pasportu tələb olunur. amma bu gün səhər saatlarından etibarən, metro və avtobusdakı sıxlıqdan canını qurtaran yazıq bdu tələbəsi, metrodan çıxdığı anda gördüyü mənzərə qarşısında yaşadığı şokdan hələ də ayıla bilmir. (bax: mən) . saat 8-ə qalıb və universitetin darvazası önündə minlərlə insan durub. həqiqətən insan seli var. saat 8-də tələbələri tələbə bileti və covid pasportunu yoxlamaq surətiylə içəri buraxırdılar. 5 dəqiqə ərzində 5 addım atmırdıq demək olar ki. minlərlə insanı gözlədib, sonra saat 8-də yuxarıda qeyd etdiyim prosedurlara əməl edərək tələbələri insan selinin içərisində tosta bənzədən, qucaqlaşsaq belə o qədər yaxın ola bilməyəcəyimiz hala gətirən universitet rəhbərliyi covid-19 tədbirlərinə uyğun iş gördüyünü qeyd edir və bu sıxlığın da bu səbəbdən yarandığını iddia edir. bu həqiqətən gülüncdür. saat 7-dən gələn tələbələri gəldikcə yavaş-yavaş pasportunu və biletini yoxlayaraq universitetə buraxmaq olmazmıydı? minlərlə insanı 8-ə qədər gözlədib, üstünə dərsə 30 dəq qalmış o qədər insanı güya yoxlayıb içəri birdən buraxmaq nə dərəcədə doğrudur? bunu qoyaq bir qırağa, indi isə gələk valideynlərə. yanımda bir neçə tələbə var idi ki, az qala nəslini gətirmişdi oraya. bəli, əslində tələbə gətirmir, bəlkə hətta bunu istəmir də, amma valideyn gəlir. o izdihamın ən böyük səbəblərindən biri də valideynlər idi. valideyn başa düşməlidir ki, biz bu dərslərin əyani olması üçün nə qədər gözləmişik. düz 18 ay! nə istəyirsiniz? sıxlıq yaratdıqdan sonra qərar versinlər ki, sizə yaramır yumşalma, karantin sərtləşsin, uşaqlar da dərsə getməsin. sonra sən də o nəslini töküb gətirdiyin o uşağın evdə telefon kompüter önündə dərs keçməyinə şahid ol, tələbəliyini yaşamadan kompüter önündə çürüməsinin. bu təhsil nazirliyi əvvəlcədən elan etmişdi ki əvvəlki illərdəki kimi qarşılama tədbiri olmayacaq. deməli ki gəlmək olmaz da. nə var niyə anlamırsınız? güya nə başa düşdünüz ki, nə gördünüz ki o izdihamda uşağınız hara necə getdi? o izdihamı yaratmağınızla qaldınız. birisi nənəsini götürüb gəlmişdi a millət! hamımız əzilirdik, mümkün deyildi addım atmaq. metronun çıxışıyla universitetin giriş qapısı arasındakı bir az yolu 40 dəqiqəyə keçə bildim mən! axı valideynlər, siz anlatmalısınız o uşaqlarınıza ki, birdən xəstələnərsən, durma sıx yerdə, sıxlıq da yaratma. bu gün dəhşətə gəldim. böyük, həddindən artıq böyük biyabırçılıq idi ki bu, bunu bizə rəva gördülər. sonra da çıxıb boş-boş müsahibə verirlər.

6 əjdaha! 29.09.2021 23:09, 1oyunbozan

#337447 şikayət

hikmət hacıyev

+7 əjdaha

yuxarıdakı entrydə deyildiyi kimi,ağzı söz tutmayan,dilimizi bilməyən deputatlara illərdir o qədər öyrəşmişik ki,hikmət hacıyev king-ə çevrilib. bəli,mənim üçün kingdi. ən azından ağzı söz tutan,çalışqan bir məmurumuz var. klonlanası adamdı. heç olmasa məmurlarımız üçün ümid işığı buraxır sanki. 10 dənə onun kimisi olsa başımızda,sırtımız yerə gəlməz. bəli,abartmış ola bilərəm,amma siz bunu ilk dəfə təhsilli məmur görməmin həyəcanına və təlaşına verin. amaaannn amma da boş yaptım haa

6 əjdaha! 12.10.2020 00:11, 1oyunbozan

#306187 şikayət

pegasus

+7 əjdaha

israil tərəfindən hazırlanan pegasus adlı casus proqramı iphone və android cihazlarına yoluxur və operatorlara mesajlar, fotoşəkillər, e-mail-lər çıxarmaq, zəngləri qeyd etmək və mikrofonu gizlicə aktivləşdirmək imkanı verir. bu proqramın satın alındığı bəzi avtoritar dövlətlər tərəfindən aktivistlər, jurnalistlər, siyasətçilər və iş adamları olmaqla çox sayda insanı izləmək üçün istifadə olunduğu bildirilir. əlbəttə ki , bir çoxunuzun təxmin elədiyi kimi belə bir proqrama milyonlar xərcləyib satın alan həmin "bəzi avtoritar dövlətlər" içərisində azərbaycan da sözsüz ki , var. bu proqram və dövlətlər barəsindəki xəbəri bazar günü "guardian" , "Washington post" kimi dünya miqyaslı qəzetlər dərc edib.
azərbaycanda da 1000 nəfərdən artıq şəxsin izlənildiyi bildirilir. deyilənə görə tam siyahı yayımlansa da, tez bir zamanda silinib. hal- hazırda sosial mediyada isə bəzi jurnalist və aktivistlərin adları var. onlar aşağıdakılardır:
xədicə ismayılova - jurnalist
sevinc vaqifqızı - jurnalist (meydan tv)
fatimə mövlamlı - aktivist , jurnalist
ilkin rüstəmzadə - aktivist (onun həyat yoldaşı da həmin siyahıdadır)
azadliq.info qəzetinin 9 jurnalisti
bahaddin həziyev - redaktor (bizim yol)
elxan şükürlü - baş redaktor (strateq.az)
avaz zeynallı - baş redaktor (xural)
anar orucov - kanal 13-ün təsisatçısı
əziz orucov - kanal 13-ün direktoru
rauf arifoğlu - baş redaktor (müsavat qəzeti)
mehman hüseynov - jurnalist , aktivist
bayram məmmədov - "heykəl məhbusu" , aktivist ( 4 may 2021-də istanbul , kadıköy-də öldürüldü) (atası da bu siyahıdadır)
qiyas ibrahimli - "heykəl məhbusu" , aktivist (anası da bu siyahıdadır)
2019-cu ildə jurnalistlərə və siyasi məhbuslara azadlıq şüarları ilə küçə yürüşlərinə qatılan 40-dan çox fəal da bu siyahıdadır.

bu gün başqa bir neçə ölkə ilə yanaşı türkiyə ilə bağlı da belə bir xəbər çıxacaq.

5 əjdaha! 19.07.2021 12:51, 1oyunbozan

#332396 şikayət

pentagram

+6 əjdaha

23 dekabrda elektra events hall-da konsert verəcək türk heavy metal qrupu. (p.s.: dünəndən sevincimdən uçuram)

6 əjdaha! 15.10.2022 18:49, 1oyunbozan

#361055 şikayət

8 noyabr 2020 şuşanın işğaldan azad olunması

+7 əjdaha

həqiqətən inanılmaz idi. inanılmaz. otururam öz-özümə düşünürəm ki,indi yəni şuşa qayıtdı? o möcüzəbi şuşanın dərdini çəkməyəcəyik artıq? inanılmaz. hər bir azərbaycanlını təbrik edirəm. möhtəşəm,möcüzəvi,inanılmaz olaydı. allah hər bir şəhidimizə qəni qəni rəhmət eləsin,ailələrinə səbr versin. bütün hərbiçilərimizə allahdan can sağlığı,çoxlu güc-qüvvət diləyirəm. ayaqlarına daş dəyməsin,o şir ürəklərinə qüvvət gəlsin. qələbəmiz tam və daimi olsun!

7 əjdaha! 08.11.2020 15:32, 1oyunbozan

#309721 şikayət

bitməsi istənən şeylər

+7 əjdaha

qarabağ mövzusu və yap hakimiyyəti (yəni diktatura)

7 əjdaha! 18.11.2021 23:36, 1oyunbozan

#340169 şikayət

eurovision 2021

+5 əjdaha

müəllifləri xarici olsa da (amy van der vel, coş earl,lyuk van birs və toni kornelissen) azərbaycan milli musiqi alətləri sayəsində azərbaycan! deyə bağıran əjdaha eurovision mahnımız da artıq yayımlandı,gözümüz aydın!
adı "mata hari" olan mahnımızda zurna və nağaranın, eləcə də azərbaycan xalq rəqsi yallının melodiyaları əsasında ərsəyə gəlmiş etnik motivlərdən istifadə edilmişdir.
mahnıya əjdaha deməyimin daha başqa bir səbəbi azərbaycanın müsabiqədə iştirakı tarixində ilk dəfə mahnıda azərbaycan dilində cümlənin olmasıdır:
“yalan da mən, yanan da mən, yaman da mən”.
mən belə düşünürəm ki, bu cümlə həm də ermənistana ünvanlanan bir cümlədir. mən mahnını çox bəyəndim,musiqi tərzimə uyğun olmasa da. klip də pis deyildi amma belə fikirləşirəm ki, samirənin rəqsləri bir az daha hərəkətli olsaydı,daha gözəl olacaqdı. ümid edirəm ki,yarışmaya qədər rəqs etməyi öyrənər və əgər möhtəşəm bir səhnə hazırlasalar,bu il ən pisi ilk 3-də yerimizi rahat tutacağıq.

3 əjdaha! 15.03.2021 15:32, 1oyunbozan

#322148 şikayət

bərdə

+5 əjdaha

ilk görüntülərdə bir uşaq gördüm. şokdadı,boğularaq ağlayır,üzündə həm ağrı,həm qorxu var. 8-9 yaşlı bir oğlan uşağıydı. onun üzündə ifadə olunan ağrını iliklərimə qədər hiss edirəm. nə vaxt bütün bunların acığını çıxacağıq ermənidən? çünki hal-hazırda onların yaşadığı bizim yaşadıqlarımıza baxanda bir lüksdür. bizim yaşadığımızın 1/10-i deyil.

4 əjdaha! 28.10.2020 16:13, 1oyunbozan

#308177 şikayət

serdar orçin

+4 əjdaha

əfsanə aktyor. və behzat ç. serialından sonra gülməyinə bir şəkildə alışa bilmədiyim insandır. gülən yerdə görməyə dayana bilmirəm amma normal həyatda gülərək şəkil çəkdirir həmişə.

3 əjdaha! 23.12.2021 23:54, 1oyunbozan

#342071 şikayət

ilk stipendiya ilə alınacaq şeylər

+4 əjdaha

mən ilk stipendiyamı evdəkilərə yeni aldığım telefonun kreditini ödəmək üçün vermişdim,qalanı da elə kserklərə,bir də paltara getdi,onsuz da uni ilk semestrda hamıya 75 manat verirdi,mən də məktəb vaxtı özümü öldürürdüm ki,onsuz da müəllimlik yazacam,ora düşəcəm,heç olmasa bacara bildiyim qədər yüksək yığıb "gələcəyin müəllimi" təqaüdünə düşə bilim. 50 manatdan ötrü gecələr yatmırdım. amma xeyri oldu,yoxsa 75 manatla keçinmək çox çətin idi. bu semestrin ilk stipendiyası ilə bir gitara aldım. çoxdankı xəyalım idi,nəhayət ki bacardım. hər stipendiya da kitab sıxışdırıram. bir də mor ve ötesi albomları sifariş etmişdim,az öncə gitara məşqləri edərkən o məni kahreden mesaj gəldi: "sifarişiniz müraciət etdiyimiz sayt tərəfindən ləğv edilib,sayt tərəfindən həmin cdlərin satışı dayandırılıb." ... qəlbim bütün hüceyrələrinə qədər qırıldı,parça-parça oldu. halbuki 3 həftədir həyəcanla cdlərimə qovuşacağım anı gözləyirdim...

2 əjdaha! 17.11.2020 23:46, 1oyunbozan

#310831 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

1oyunbozan

son bəyənilənlər:

oxuyucuların bəyəndikləri: