baba

444 0 0 0

1. nəsil yazar

Entry: 444

blok başlıqlarını gizlət

kreuzweg

the suffering of light

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

absurd teatr

+27 əjdaha

absurd teatr qərbi avropa dramaturgiyasında və teatrında 20ci əsrin ortalarında başlayan absurd hərəkatdır.
absurd pyeslərində mənasız dünya, məntiqdən uzaq qarışıq faktlar, sözlər, taleler təsvir olunur. absurdizm daha çox rumın-fransız dramaturqu eugene ionesconun “ keçəl müğənni” ( the bald soprano, 1950) və irland yazıçısı samuel beckettin “ qodonu gözləyərkən” (waiting for godot, 1952) dramlarında təcəssüm olunub.
“absurd teatr” termini ilk dəfə 1962-ci ildə teatr tənqidçisi martin esslin tərəfindən işlədilmişdir. absurd teatrın kökləri 1910-20-ci illərdə avanqard sənəti, dadaizm fəlsəfəsinə kimi gedib çıxır. kəskin tənqidlərə baxmayaraq, bu janr ikinci dünya müharibəsindən sonra böyük uğur qazandı. bu yeni termin tənqidlərə məruz qaldı, hətta onu “anti-teatr” adlandırmağa başladılar. esslinin fikrincə, absurd teatr 4 dramaturqun istehsalından ibarət idi: eugene ionesco, samuel beckett, jean genet, arthur adamov. lakin o vurğulamışdı ki, onların hər biri özünəməxsus “absurd” termini çərçivəsindən çıxırdılar.
bu teatrın görkəmli yazıçılarıdan albert camus, tom stoppard, friedrich dürrenmatt, harold pinter, edward albee, jean tardieu, alfred jarry, luigi pirandello, stanislaw witkiewicz, guillaume apollinairein adını çəkmək olar. absurd teatr böyük ehtimalla parisdə avanqard fenomeni kimi yaranıb, sonra isə dünya səviyyəsində tanınmağa başlayıb.
absurd teatr real personajları, hadisələri və digər teatra məxsus texnikaları inkar edir. yer və vaxt təyin olunmur, qarışıq hadisələr, mənasız intriqalar, təkrarlanan dioloqlar və məqsədsiz danışıqlarla zəngin olur. məqsəd insanlarda inanılmaz, bəlkə də dəhşətli bir əhval oyatmaqdı.

23 əjdaha! 12.12.2015 01:38, baba

#190073 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

franz schubert

+18 əjdaha

yaradıcılığı klassik eranın sonu, romantik eranın əvvəllərinə təsadüf edən bəstəkar. məni şubertlə bağlı təəccübləndirən şey onun məhsuldarlığıdır: 31 illik qısa bir ömrə 1500dən çox əsər, variyasiya sığdırıb. bura daxildir - solo səs və piano üçün 600dən çox lieder, bir o qədər piano parçaları, təxminən 150 partes mahnı, bir neçəsi messa olmaqla, 40 liturgik əsər, operaları və fon musiqiləri də daxil olmaqla, 20 civarında səhnə əsəri, 7si tamamlanmış 13 simfoniya və bir neçə uvertüra, 20dən çox simli alətlər üçün kamera musiqisi və kvintetlər, triolar, duetlər.

şubert 14 uşaqlı ailənin 12cisi kimi dünyaya gəlib. 4-5 yaşlarında atasından skripka, qardaşı ignazdan isə piano dərsləri alıb. bir neçə aydan sonra qardaşına deyib ki, daha sən mənə dərs demə, bunların hamısını bilirəm. 11 yaşı olanda haydn, mozart, beethovenin orkestr əsərləri ilə tanış olacağı stadtkonvikt məktəbində təhsil almağa başlayır. 5 il sonra atası ilə yaşamaqçün geri qayıdır və məktəb müəllimi kimi işləyir. bundan əlavə, antonio salieri ilə birlikdə bəstəkarlıq təhsilini davam etdirir və yaradıcılığa başlayır.

1828in martında ömründə ilk və son dəfə öz bəstələrindən ibarət konsert verir. bu konsertdən bir neçə ay sonra vəfat edir. ölüm səbəbi rəsmi olaraq tif xəstəliyidir, lakin bəzi tarixçilər onun sifilisdən öldüyünə inanırlar.

16 əjdaha! 28.08.2021 14:25, baba

#335018 şikayət

siqareti tərgitmək

+16 əjdaha

sizə öz siqaret tərgitmə hekayəmi danışmaq istəyirəm.

aktiv şəkildə çəkməyə universitetə qəbul olarkən başlamışdım. o vaxta qədər isə siqaret çəkmə vərdişinə sahib olmaq həmişə maraqlı gəlirdi. yavaş-yavaş artırırdım, bir də gördüm ki, hər gün 1 qutu siqaret alıram. və bu, 10 il davam etdi. bu müddət ərzində 2-3 dəfə tərgitmə cəhdlərim olmuşdu, ancaq 3-5 gün buna əməl edə bilmişdim.

siqaret çəkən dostumla birlikdə tərgitmək üçün birgə cəhdlər göstərirdik; müxtəlif praktiki metodları öyrənib bir-birimizə deyirdik. biz tərgitməyə başlamadan müharibə başladı, dostum ön cəbhəyə yollandı. "indi o orda nə odun kimi siqaretlər çəkir, allah bilir" düşüncəsilə, həm də müharibə stresindən çəkməyə davam elədim. düşündüm ki, dostum qayıdar, yenə birlikdə tərgitməyə başlayarıq, yarım qalan işimizi tamamlayarıq. nəhayət ki, qayıtdı. ama birlikdə addım atmadıq. çünki onun post-müharibə dövrünün psixoloji vəziyyətini nəzərə alıb üstünə getmək istəmədim, "indi daha çox ehtiyacı var siqaretə" deyə düşünürdüm.

bir axşam qəfildən, tamamilə ani bir istəklə cibimdəki qutu hələ tam boşalmamış qərar verdim ki, sabahdan siqaret çəkməyəcəm. bu qəfil qərardan 3 ay keçdi artıq və bu müddət ərzində bir dənə də olsun siqaret çəkməmişəm. 1ci gün heç əziyyət çəkmədim, sanki bədənimin fasilə verməyə ehtiyacı var idi. amma 2-3cü günlər əziyyətli oldu. 4-5ci gündən etibarən siqaret istəkləri azalmağa başladı. artıq yavaş-yavaş siqaret istəyi öz-özünə 2-3 saniyədə ötüb keçirdi. hə, onu da deyim ki, qərarı verərkən yarım qalan qutunu hər gün cibimdə işə aparıb, evə gətirirdim. həqiqətən! üstümdə olurdu, amma qətiyyən çəkmirdim. elə düşünürdüm ki, içəndə çəkmək istəyəcəm mütləq və o zaman iradəmə güc gələ bilməyəcəm, ona görə içməyə də ürək eləmirdim. ancaq içəndə gördüm ki, yox, yenə də istəmirəm siqaret. daha doğrusu, istək gəlir, amma 3-5 saniyədə keçib gedir.

mən heç bir xüsusi metod olmadan, birdən-birə, qəfildən tərgitdim. düzü, yoxladığım metodlara da inanmıram. insanlar elə bilirlər ki, tumla, ciblərinə doldurduqları ləpə ilə başlarını qarışdırsalar, öyrəşmədikləri, daha pis siqaret alıb özlərini iyrəndirsələr çəkməyi dayandıracaqlar. ancaq bunlar məndə işə yaramamışdı. tum çırtlayıb qurtaran kimi birini yandırırdım. özünüzü məcbur edirsinizsə, tərgidə bilməyəcəksiz. bu qədər sadə.

mövzuya qayıdacam.

14 əjdaha! 31.10.2021 01:23, baba

#338938 şikayət

kurt cobain

+13 əjdaha

ölümü ilə 27lər klubuna düşmüş nirvana qrupunun yaradıcısı.

son məktubu:

--sitat--

"təcrübəli, amma sadəlövh, cəsarətin olmamasını seçən və şikayət edən balaca uşağın dili ilə yazıram. bu yazı yəqin ki, çox asan başa düşüləcək. bütün xəbərdarlıqlar bu illər ərzində "punk rock 101" kursundan götürülüb, həmin vaxtdan etibarən mənim etikaya, bir növ, baxışım, nəzərdə tutulan müstəqillik və birgə qəbul olunan dəyərlər öz doğruluğunu sübut edib. artıq neçə ildirki, mən nə musiqiyə qulaq asanda, nə musiqi yaradanda, nə də ki, şeir oxuyanda və ya yazanda həyacan keçirirəm, həzz alıram. buna görə necə utandığımı sözlə çatdırmaq çox çətindi.
misalçün, biz pərdə arxasında dayananda, işıqlar yanır və fanatik kütlənin səs-küyü eşidilən vaxt mən heç bir həyacan keçirmirəm, bütün bunlar mənə heç çür təsir eləmir. freddie mercuryni, kütlənin ona göstərdiyi təsiri yadınıza salın... görünür, kütlənin sevgisindən həzz alırdı. buna heyranam və buna paxıllığım tutur.
iş orasındadı ki, mən sizi aldada bilmərəm. sizlərdən heç kimi aldada bilmərəm. bu, sadəcə sizlərə və özümə qarşı ədalətsizlik olardı. ən böyük günah mənə görə insanları aldatmaqdı. mən axı şad və sevincli deyiləm...

hərdən, səhnəyə çıxmamışdan qabaq saatı sındırmaq istəyirəm. mən əlimdən gələni edirəm ki, aramızdakı olan münasibəti qiymətləndirim, allah görür ki hər şey edirəm! amma bu kifayət etmir... mən çoxlarının hisslərinə toxuna bildiyimi qiymətləndirirəm. yəqin ki, mən özünü sevən kəslərdən biri kimi ancaq nəyisə itirəndə dəyəri və qiymətini bilənlərdənəm... mən çox duyğusalam. uşaqlığımda olduğu kimi, yenidən entuziazm əldə etmək üçün mənə biraz hissiyatsız olmaq lazımdır. axırıncı üç tur müddətində mən yaxınlarıma və musiqimin həvəskarlarına daha çox diqqət ayırmağa başladım, daha çox qiymətləndirdim, amma mənim hələ də sizin hamınıza qarşı hiss elədiklərim sadəcə xəyallarımın alt-üst olmasıdı. halınıza yanma hisslərindən ayrıla bilmirəm. hər birimizdə yaxşı nəsə var və mənə elə gəlir ki, mən insanları çox sevirəm. o qədər çox sevirəm ki, bu hiss məndə kədər oyadır. məni insancıqların, balığın, isanın qiymətini bilməyən qəmli bir insana çevirir. niyə buna sevinmirsən? bilmirəm. mənim dərdə şərik olan və məğrurluq ilə nəfəs alan ilahə - aravadım və mənə uşaqlığımı xatırladan qızım var. o - sevgi və sevinc ilə dolan qızım, qarşısına çıxan hər kəsi öpür, çünki bilir ki, ətrafda hamı yaxşı insandı və heç kim ona pislik etməyəcək. elə bu da məni qorxudur. o dərəcədə qorxudur ki, mən heç nə barədə düşünə bilmirəm. mən frensisin nə vaxtsa mənim kimi özünü bədbəxt edən roker olması barədə fikrini heç cür qəbul edə bilmirəm.

mənə yaxşılığı əhatəm edir, hər tərəfdə yaxşılıq var və mən buna görə minnətdaram, amma yeddi yaşımdan başlayaraq mən bütün insanlara nifrət edirəm. ona görə ki, onlar üçün bir yerdə yaşamaq və bir-birinə dayaq olmaq çox sadə gəlir. dərdə şərik olmaq! ancaq ona görə ki, mən insanları çox sevirəm və onların halına acıyıram. mən belə hesab edirəm. alovlanan və bulanan mədəmin dərinliyindən sizə axırıncı illərimdə daha çox hiss etməyə məcbur edən məktublarınıza və qayğılarınıza görə minnətdarlığımı bildirirəm. mənim içimdə dəlisov və kaprizli uşaq var.
mənim içimdə ehtiras artıq ölüb... ona görə də yadda saxlayın: yavaş-yavaş sönməkdənsə, tez alışıb yanmaq yaxşıdı.

sülh, sevgi, və şəfqət.
kurt cobain.
frensis və kortni, mən sizin səcdəgahınızda olacam.
kortni, xahiş edirəm, davam elə frensisin xətrinə.
onun həyatının xətrinə, hansı ki, mənsiz daha xoşbəxt olacaq.
mən sizi sevirəm, mən sizi sevirəm...

--sitat--

9 əjdaha! 15.07.2014 17:37, baba

#126976 şikayət

rena effendi

+13 əjdaha

qahirədə yaşayan azərbaycanlı fotoqraf. 1977də bakıda doğulub. fotoqrafiya müəllimi senan aleskerov olub. ilk fotolarını da bakı küçələrində, sovetskidə çəkib. daha sonralar azərbaycan bir çox fotohekayələr, layihələr işləyib. azərbaycanda onu az adam tanıyır. ancaq fotojurnalistika, küçə fotoqrafiyası, sənədli fotoqrafiya ilə maraqlanan, məşğul olanların hamısı onu tanıyır.

azərbaycanlılar üçün əsasən xınalıq kəndində çəkdiyi fotohekayə link

ilə yaddaqalan olub. pipe dreams adlı fotokitabı var: bakı-tiflis-ceyhan neft-boru kəməri, onun, yəni neftin, neft satışının insanların sosial-ictimai, siyasi həyatına necə təsir etməsindən danışır. * bu haqda daha sonra yazacam

the guardian rena effendinin ən yaxşı fotosu haqda müsahibə alıb. maraqlı və diqqətəlayiqdi: ingiliscə link

, azərbaycanca link

bundan başqa, rumıniyada otlar üstündəki həyat link

haqqında, nüvə qəzasından illər sonra çernobıldakı həyat link

haqqında çəkdiyi fotohekayələr də onun mükəmməl işlərindəndir. qeyd edim ki, transilvaniya: otlar üstündəki həyat fotohekayəsi dünyanın ən nüfuzlu world press photoda 3cü yeri qazanıb.

hazırda institute və grinberg gallery kompaniyalarını təmsil edir. amma national geographic, new yorker, newsweek, marie claire, the sunday times, more, geo və başqa nüfuzlu jurnal, qəzet və agentliklərdən də sifarişlər alır.

mükafatları sırasında:
prince claus fund award
world press photo - 2 dəfə (hər 2sini də 2014-cü ildə ayrı-ayrı kateqoriyalar üzrə alıb)
getty images editorial grant

13 əjdaha! 20.10.2015 01:38, baba

#184255 şikayət

cem yılmazın bir pox olmaması

+13 əjdaha

adamın nikində "seks" sözü var, beldən aşağı-zad deyir.

yeri gəlmişkən, kompüterə azərbaycan şrifti gətirməkçün yol.
ekranın sağ aşağı küncündə en yazılan zadın üstündə mouse-un sağ düyməsini vur.
"параметры..." --> "добовить..." --> "азербайджанский, латинца (азербайджан)" seç. sonra 2 dəfə ok vur. ondan sonra doya-doya yaz öz hərflərimizlə. "azərbaycanlıları təhqir eliyir" deyə yazmısan e, ona görə yazdım bunu. yoxsa heç mənim də vecimə deyil kim nətər yazır

13 əjdaha! 19.10.2015 23:21, baba

#184228 şikayət

deep purple

+12 əjdaha

dillərə dastan smoke on the water parçasının müəllifi olan qrup.

mahnının sözləri həqiqi hadisədən bəhs edir. deməli, 72ci ildə deep purple albom yazmaq üçün isveçrəyə yollanırlar. orda montreux şəhərində olurlar. sonra yanğın hadisəsi olur. cenevrə gölünün üstündə də yanan ağac budağı-zad olur. çoxdan eşitmişəm deyə yadımda səhv qala bilər. smoke on the water söhbəti də ordan yaranıb.

mahnını cover eləməyən qalmayıb day:

bu orijinaldı

(youtube:

)

black sabbath coveri

(youtube:

)

iron maiden coveri

(youtube:

)

jimi hendrix coveri

(youtube:

)

dream theater coveri

(youtube:

)

metalium coveri

(youtube:

)

siyahını bir az da uzatmaq olar

11 əjdaha! 04.08.2014 00:29, baba

#129030 şikayət

bakı vs sumqayıt

+10 əjdaha

bir məsələni demək istiyirəm. harda yazacağımı bilmirəm deyə elə bu başlıqda yazıram.

bakıda sumqayıta getmək üçün 20 qəpiyi sumqayıtlılar istəmir, bakılılar istəyir. bəs onda sumqayıtda niyə bakıya getməkçün 20 qəpik istəyən yoxdu? sumqayıtdan bakıya gedən adam yolunun hesabını bilir. bakıda mən elə dilənçilər görmüşəm ki... * inanmayan üçün çerez var-yox söyüşü and içə bilərəm ki boğazında əqrəb tatusu, çox səliqəli, dəbli, dirsəyi yamaqlı (u:dəbə uyğun yamaq) pencək geyinmiş bir qaqaş oğlanları bir-bir qırağa çəkib pul dilənirdi. sumqayıtda belə şeyi görməzsən. sumqayıtda pul dilənmək bu cür olmur. burda pulu ya dilənçi kökündə görünüb istəyirlər, ya da səni qırağa çəkib soxub puluvu alırlar. yoxsa bakıdakı kimi 200 manatlıq geyimlə 20 qəpik istəmirlər.

bakının dilənçiləri də özü kimi ikiüzlü, abırdan-həyadan uzaqdı.

tanım: aparılması vacib müqayisələrdən biridi bakı vs sumqayıt

10 əjdaha! 14.04.2015 15:26, baba

#157962 şikayət

amores perros

+11 əjdaha

6 baş qəhrəmanı olan 3 hekayəli 1 film. hər hekayənin 2 qəhrəmanı var: itlər və onların sahibləri. hekayə dediyim də əslində hekayədən çox ayrıca filmdi. 1 film içində 3 film. o 3 filmi bir-birinə bağlayan bir yol qəza hadisəsidir; 3 hekayənin düyün nöqtəsidi bu hadisə. itlərin taleyi sahiblərinin taleyilə eynilik/oxşarlıq təşkil edir.

film əslində bir montaj məhsuludur. rejissor alejandro gonzalez inarritu filmi daha uzun çəkmişdi. bir gün guillermo del toroya göstərir filmi, o isə deyir ki, bu bir masterpiecedi, amma qısaltmalısan. nəysə, rejissoru inandırır və filmi qısaldıb 154 dəqiqə edirlər. tv versiyası isə 115 dəqiqədir. bu millət uzun filmdən niyə qaçır anlamıram.

3 filmi bir filmə sığdırmaq bu olsa gərək. özü də hər biri qəribə bir hekayədir. 3cü hekayəyə baxanda 1cisi yaddan çıxır. 1ci hekayədəki döyüşkən it 3cü hekayədəki itləri öldürür. 2ci hekayədəki aktrisa 1ci hekayədəki hadisələrin son mərhələsində tvdə görülür. belə qarışıqlıq var yəni. amma diqqətli baxan üçün heç bir çətinliyi yoxdu.

filmdə aşırı dərəcə heyvana zülm var. özü də ilk səhnələrdə. həddən artıq ürək ağrıdan mənzərələrdi, amma film xatirinə buna dözmək lazımdı. itlərin döyüş səhnələri filan.

3cü hekayədə bomj daydayın gəlib 1ci hekayədəki itin onun itlərini öldürməsini görəndə itin başına tapança nişan alır, amma tətiyi sıxmır. çox güman ki, itlə adamın talelərinin eyni olması üçün güllə atmır. hər ikisi öz növünü, öz cinsini öldürüb. kişi iti öldürsə idi, gərək özünə də öldürəydi.

10 əjdaha! 02.01.2015 15:18, baba

#141950 şikayət

bozbaş picturesə gülən insanlar

+11 əjdaha

məni çox dərdləndirən bir tayfa. sözün əsl mənasında təəssüfləndirən insanlardı. fikir vermişəm ki, bu insanlar toylar kralına da baxırlar, manaf ağayevi, əflatun qubadovu toylarına da çağırırlar. sonra ikirəqəmli qiymətə recep ivedik filmlərinə bilet alıb nizami kinoteatrında növbəyə dururlar. hər nə zövqləri olsa da bunlar xalqdır. xalq. biz əsgərliyə bunlara görə gedirik. avropadan bu insanları gizlədirik ki bizə gülməsinlər. sayları o qədər çoxdu ki xalq deməmək olmur. bu insanlar arasında mənim də, bəlkə elə sizin də ailə üzvləriniz var. həmin bu insanlarla bu barədə heç cür müzakirə, mübahisə, debat keçirə, apara bilmirsən. hamısı da hərənin bir zövqü var deyir. ancaq heç birisinə başa sala bilmirsən ki, estetik zövq deyilən şey var ki, orda mozartlar, beethovenlər, tarkovskilər, nuri bilge ceylanlar, hüqolar, stendallar, mopassanlar toplaşıb.
həmin bu insanlara görə hələ də mirzə cəlil, sabir zad aktualdı. əgər onlar belə olmasaydı, daha başqa cür satira yaranardı incəsənətdə. yaranan yeni satiraların da, karikaturaların da ana xətti, tənqid obyekti eynidi əvvəlkilərlə. nəysə əşi, bu ölkə mənim ən böyük dərdimdi.

10 əjdaha! 19.07.2014 00:12, baba

#127234 şikayət

yaran lətifələr

+12 əjdaha

deməli bir gün filosoflar futbol oynuyurlar. uduzmaqlarına əsəbiləşən friedrich nietzsche bunun günahını immanuel kantda görür və o birilərə tapşırır ki, "kanta atmıyın!"

12 əjdaha! 04.07.2014 01:03, baba

#125907 şikayət

vinaver variantı

+9 əjdaha

1. e4, e6; 2. d4, d5; 3. ac3, fb4 gedişləri ilə müşayiət olunan fransız müdafiəsinin variantlarından biri. bu variant nəzəriyyəçisi alman şahmatçı szymon winawerin * [şimon vinaver] şərəfinə adlandırılıb. qaraların 3...fb4 gedişi bu variantı təşkil edir. bu gedişlə qaralar ağların c3 xanasındakı atını çıxılmaz vəziyyətə salaraq növbəti gedişlərdə mərkəz uğrunda mübarizədə qalib gəlməyə çalışır. bundan sonra ağlar 4. e5 gedişilə mərkəz uğrunda mübarizəni öz xeyirlərinə dəyişib, qaraların fil b4 gedişinin mənasız olduğu təsiri yaratmağa çalışır. oyun, adətən, bu gedişlərlə davam edir: 4...c5; 5. a3, fxc3+; 6. bxc3

ağların qoşalaşmış piyadaları qaralara vəzir cinahında əks-hücum imkanı yaratsa da, onların mərkəzdəki mübarizəsini gücləndirir. eyni zamanda ağlar şah cinahında məkan üstünlüyü əldə edib, qaralar isə bu cinahda adi halda olduğundan daha zəifdir, çünki qara xanalı fili rəqibin atına dəyişib.

bu vəziyyətdə qaralar daha çox 6...ae7 gedişilə cavab verirlər. ağlar rəqibi qara xanalı filinin olmamasına görə 7. vg4 gedişilə g7 piyadasına hücum edir. qaraların 2 seçimi var:
• 7...vc7; 8. vxg7, tg8; 9. vxh7, cxd4 - qaralar şah cinahındakı piyadalarını qurban verərək, ağların mərkəz müdafiəsini darmadağın edir;
• 7...0-0; 8. fd3, abc6 - seçimdə isə qaralar rəqibə artıq fiqur qurban vermir, lakin şahını ağların hücuma cəhd göstərdiyi şah cinahında saxlayır.

yox, əgər ağlar 7ci gedişdə vəzir g4 oynamaq istəmirlərsə, 7. af3 və ya 7. a4 gedişlərini yoxlaya bilərlər:
• 7. af3 təbii inkişaf gedişidir. burada ideya növbəti gedişdə ağ xanalı fili e2, d3 (nadir hallarda b5) xanalarına gəlməklə qısa qalaqurma əməliyyatını yerinə yetirməkdir. bu, vinaver hücum variantı adlanır. görüş, adətən, bu gedişlə davam edir: 7...fd7; 8. fd3, c4; 9. fe2, fa4; 10. 0-0, va5; 11. fd2, abc6; 12. ag5, h6; 13. ah3, 0-0-0
• 7. a4 gedişində isə üçhissəli məqsəd var: bu, qaraların qara xanalı filinin olmaması ilə yaranan üstünlükdən istifadə üçün fil c1-a3 gedişinə hazırlıqdır. həmçinin qaraların gələcəkdə vəzir a5-a4 və ya c2 xanasına hücum etmək üçün fil d7-a4 gedişlərinin qarşısını alır. bunlardan başqa, əgər qaralar gələcəkdə piyada b6 oynayarsa (daha sonra ...fa6 oynamaqla pis vəziyyətdəki filini dəyişməyə çalışır), ağlar piyada a5 oynamaqla b6 piyadasına hücum edə bilər.

vinaver variantının əlavə versiyaları:
ağlar üçün 4cü gediş versiyaları:
• 4.exd5, exd5 - dəyişdirmə variantı
• 4. ae2, dxe4; 5. a3, fe7 (əgər qaralar piyadasını qorumaq istəyirsə, 5...fxc3+; 6. axe4) qaralar qoşa piyada yaranmasının qarşısını alır
• 4. fd3 - e4 xanasını müdafiə edir
• 4. a3, fxc3+; 5. bxc3, dxe4; 6. vg4 - qaraların g7 xanasındakı zəifliyinə hücum edilir
• 4. e5, c5; 5. fd2 - yenidən piyada qoşalaşmasının qarşısı alınır
• 4. fd2

qaralar üçün 4cü gediş versiyaları:
• 4...ae7
• 4...b6 ardınca ...fa6 ideyası ilə, yaxud 4...vd7 vəzirlərini görüşü ideyası ilə: 5. vg4, f5
• 4. e5, c5; 5. a3, fa5 - erməni variantı. nəzəriyyəsi erməni şahmatçıları (xüsusən də rafel vaqanyan) tərəfindən işləndiyinə və ən çox bu şahmatçılar tərəfindən oynanıldığına görə belə adlandırılıb. qaralar atı çıxılmaz vəziyyətə salır və ağlar, adətən, onu bu vəziyyətdən çıxarmağa çalışırlar: 6. b4, cxb4; 7. vg4, yaxud 7. ab5 (adətən, 7. ab5, bxa3+; 8. c3, fc7; 9. fxa3

9 əjdaha! 29.02.2016 20:18, baba

#201428 şikayət

aziza mustafa zadeh

+9 əjdaha

azərbaycanlı cazz musiqiçi əzizə mustafazadənin 1991ci ildə çıxardığı ilk albomudur. elə öz adını daşıyır. albomdakı musiqilər almaniyanın lüdviqsburq şəhərində columbia studiyasında yazılıb. statistikaya əsasən, ümumi olaraq 700 mindən çox nüsxəsi satılan albomda azərbaycan xalq musiqisi və muğamı qərb cazzı ilə sintez edilir. atası vaqif mustafazadənin təsiri ilə yanaşı, tənqidçilərin dediyinə görə, chick korea, keith jarrett kimi cazmen və qrupların təsiri də aydın hiss olunur.

albom üzərində çalışanlar:
ifaçı: əzizə mustafazadə (piano, vokal) (digər ifaçıların kimliyini tapa bilmədim)
prodüserlər: dr. george butler, reinhard karwatky, ingo werner
Dizayner: aimee macauley

youtube-da dinlə link

torrent-dən yüklə link

itunes-dən al link

amazon-dan sifariş ver link

9 əjdaha! 11.01.2016 21:09, baba

#194104 şikayət

kreuzweg

+9 əjdaha

rejissoru dietrich brüggemann olan alman filmi.

hər şeydən əvvəl xahiş edirəm ki, filmə baxmadan bu entryni oxumayın. həm spoiler var, həm də baxmamış oxusaz, temanı tutmayacaqsız.

filmi anlamaq üçün onun adından başlamaq lazımdı. kreuzweg - almancadan tərcümədə " çarmıxın dayanacaqları" deməkdir. ingiliscəsi stations of the cross, ruscası богослужение крестного пути. çarmıxın dayanacaqları isa məsihin çarmıxa çəkildiyi gününü təsvir edən şəkillər seriyasına verilən addır. seriya 14 şəkildən link

ibarətdir. əsasən baş katolik kilsələrində rast gəlinir.
və hər şəkil isanın çarmıxa çəkilməsi hadisəsinin bir mərhələsidir, bir dayanacağıdır. dayanacaqlar belə sıralanır:

1. isa ölümə məhkum edilir (jesus is condemned to death)
2. isa çarmıxını daşıyır (jesus carries his cross)
3. isa birinci dəfə yıxılır (jesus falls the first time)
4. isa anası ilə görüşür (jesus meets his mother)
5. kirenalı simon isaya çarmıxı daşımaqda kömək edir (simon of cyrene helps jesus carry the cross)
6. veronika isanın üzünü silir (veronica wipes the face of jesus)
7. isa ikinci dəfə yıxılır (jesus falls the second time)
8. isa qüds qadınları ilə görüşür (jesus meets the women of jerusalem)
9. isa üçüncü dəfə yıxılır (jesus falls the third time)
10. isanın libası çıxardılır (jesus is stripped of his garments)
11. isa çarmıxa çəkilir (crucifixion: jesus is nailed to the cross)
12. isa çarmıxda ölür (jesus dies on the cross)
13. isa çarmıxdan düşürdülür (jesus is taken down from the cross)
14. isa məzara qoyulur (jesus is laid in the tomb)

bunları nahaq yerə yazmadım; film 14 hissədən və səhnədən/kadrdan ibarətdir. hamısı da şəkillər seriyası ilə uzlaşır və hər hissənin də adı yuxarıda yazdığım kimidir.

film qatı katolik ailəsində böyüyən 14 yaşlı mariya adlı qızdan bəhs edir.
1ci səhnədə * 1. isa ölümə məhkum edilir 6 şagird 1 rahibdən sonuncu dərsi alırlar. bu dərsdən bir neçə gün sonra uşaqlar qüvvətləndirmə ayininə qatılacaqlar. rahib uşaqlara musiqinin şeytani əməl olduğunu, hər cür zövqdən qurtularaq günahlardan arınmağın mümkünlüyünü başa salır, artıq onların isanın döyüşçüləri olduğunu deyir. hamı gedəndən sonra maria qalır və danışa bilməyən 4 yaşlı qardaşı johannes üçün həyatını isa məsihə fəda etməsi fikrini rahibinə açıqlayır.

2ci səhnədə * isa çarmıxını daşıyır ailə gəzintisi zamanı maria ona isti olduğunu deyir və paltarlarını çıxardır. ailəvi şəkil çəkdirməkdən imtina etsə də, sonra kadrda gülümsəmir. ağlayan qardaşını yalnız o sakitləşdirir.

3cü səhnədə * isa birinci dəfə yıxılır məktəbin kitabxanasında christian adlı oğlanla tanış olur. o da dindardı, amma məzhəbləri fərqlidir. christian onu öz kilsə xorlarına dəvət edir. maria getməyi çox istəyir, ancaq anasından icazə almalıdır.

4cü səhnədə * isa anası ilə görüşür maria kitabxanadan çıxıb anasının maşınına əyləşir və birlikdə evə gəlirlər. yolda söhbət əsnasında mariya rebecca adlı paralel sinif yoldaşının onu kilsə xoruna dəvət etdiyini deyir, yəni cümləsinin yarısı yalandı. qorxur ki, anası onun oğlanla kilsəyə getməsini bilib icazə verməyəcək, ona görə christian-ı rebecca ilə dəyişir. amma yenə də bu mübahisəni uduzur və icazə ala bilmir.

5ci səhnədə * kirenalı simon isaya çarmıxı daşımaqda kömək edir maria altarda padreyə günahlarını etiraf edir: tənbəllikdən ev işlərində kömək etməyib, doyduqdan sonra yeməyə davam edib, özünübəyənmişlik edib görünüşü haqqında düşünüb (burda 2ci səhnədə ailəvi şəkil çəkilərkən gözəl görünməməsi üçün gülümsəməməsinə işarə edir), anasının kiçik qardaşına qarşı yaxşı davranmadığını, onun daha yaxşı davrana biləcəyini düşündüyünü deyir. padre decalogue-dakı * xristian inancındakı 10 əmr 4cü əmri ona xatırladır: valideynlərinə iltifat göstər * honour thy father and thy mother . daha sonra mariya anasına yalan danışdığını (christian yerinə rebecca deməsini) deyir, padre də ondan bu günahını düzəltməsini istəyir.

6cı səhnədə * veronika isanın üzünü silir ailə yemək masasına toplaşır. maria hər kəsin içində anasına yalan danışdığını etiraf edib həqiqətləri açır. anası onu çox danlayır və maria göz yaşı tökməyə başlayır. bu zaman uşaqların dayəsi bernadette marianı sakitləşdirir və onlar yeməyə davam edirlər.

7ci səhnədə * isa ikinci dəfə yıxılır məktəbdə idman dərsində gimnastik hərəkətlər edərkən müəllim mahnı qoşur. maria (1ci səhnədəki rahib müəllimin tapşırığını xatırlayaraq) müəlliminə musiqinin şeytani olduğunu deyib onu dayandırmasını istəyir. qısa söz-söhbətdən sonra müəllim musiqini dayandırır. bu zaman digər uşaqlar mariayaya lağ etməyə başlayır. christian ona qahmar çıxmaq istəyərkən hər ikisi birlikdə məzhəkə obyektinə çevrilir. burada dinə və dinsizliyə hörmət, tolerantlıq kimi məsələlər müzakirə olunur:

(youtube:

)

8ci səhnədə * isa qüds qadınları ilə görüşür maria christiandan xahiş edir ki, ondan uzaqlaşsın. çünki o, cənnətə, allahın yanına getmək istəyir. christian isə ona bu yolda mane olur.

9cu səhnədə * isa üçüncü dəfə yıxılır kilsə moizəsi dinlənilir, ondan sonra isə uşaqların qüvvətləndirmə ayini yerinə yetirilir. sıra mariaya çatanda o, huşunu itirib yıxılır.

10cu səhnədə * isanın libası çıxardılır maria həkimin otağında müayinə üçün yarıçılpaq vəziyyətdədir. həkim maria ilə söhbət etmək üçün anasından otağı tərk etməyi tələb edir. anası qəti şəkildə fikrindən dönmür, otaqdan çıxmır. maria bernadette-nin onun yanına gəlməsini xahiş edir.

11ci səhnədə * isa çarmıxa çəkilir xəstəxanada maria yeməkdən imtina edir, onu heç cürə yola gətirə bilmirlər. o, bernadette ilə birlikdə dua edir, sonra maria öləcəyindən əminliklə danışmağa başlayır və bernadette-dən xahiş edir ki, rahibi çağırsın və onun üçün aşai rabbani ayinini icra etsinlər.

12ci səhnədə * isa çarmıxda ölür aşai rabbani ayini yerinə yetirilərkən ağzında çörək olan maria ölür. həkimlər dərhal şok verməyə, ürək masajı etməyə çalışsalar da, həyatını xilas edə bilmirlər. maria ölən kimi danışa bilməyən kiçik qardaşı johannes-in nitqi açılır və ilk sözü: "maria! maria hardadı?" olur.

13cü səhnədə * isa çarmıxdan düşürdülür marianın atası və anası birlikdə kataloqdan tabut seçirlər. anası ağ rəngli tabut istəyir. daha sonra tabutsatana qızının müqəddəs olması barədə danışır. söhbətini bitirməmiş hönkürərək ağlayır.

və nəhayət, sonuncu, 14cü səhnədə * isa məzara qoyulur maria qəbrinin içində yatır, traktorla məzarını torpaqlayırlar.

göründüyü kimi, stations of the cross bircə-bircə tamamlanır. isa məsihin başına gələn hadisələr eynilə marianın da başına gəlir və maria həmin hadisələrdən sonra isanın keçirdiyi hisslərin, yaşadığı əzabların eynisini yaşayır:
1ci səhnədə marianın qardaşının danışa bilməsi üçün həyatını fəda etməyə qərar verməsi - isa məsihin ölümə məhkum edilməsi.
2ci səhnədə marianın bilərəkdən palto geyinməməsi, ki bu yolla özünü soyuğa verib xəstələndirəcək və onun xəstə həyatı başlayacaq - isanın çarmıxını daşıması.
3cü səhnədə marianın christiana aşiq olması * bunu altarda etiraf edir , kilsə xorunda musiqi ifa etməklə günah işlətməyə meyilli olması - isanın birinci dəfə yıxılması.
4cü səhnədə kitabxanadan çıxıb anası ilə bu barədə söhbət etməsi - isanın anası ilə görüşməsi
5ci səhnədə padrenin marianın günahlarını çıxartması - kirenalı simonun isaya çarmıxı daşımasında kömək etməsi.
6cı səhnədə yemək masasında maria ağlayarkən bernadette onu sakitləşdirir - veronikanın isanın üzünü silməsi.
7ci səhnədə idman dərsində marianın inancına hörmət edilməməsi, lağa qoyulması - isanın ikinci dəfə yıxılması.
8ci səhnədə marianın christianı özündən uzaqlaşdırması - isanın qüds qadınları ilə görüşməsi.
9cu səhnədə qüvvətləndirmə mərasimi zamanı marianın huşunu itirib yıxılması - isanın üçüncü dəfə yıxılması.
10cu səhnədə müayinə üçün marianın soyunması - isanın libasının çıxarılması.
11ci səhnədə maria öləcəyini bilir, son dəfə dua edir - isanın çarmıxa çəkilməsi.
12ci səhnədə marianın ölməsi - isanın çarmıxda ölməsi.
13cü səhnədə valideynləri tabut seçərkən anası marianın müqəddəs olmasından danışdığı yerdə ağlayır (burada anası mariaya qarşı dürüst olmadığını, onu incitdiyini başa düşür məncə) - isanın çarmıxdan endirilməsi.
14cü səhnədə marianın qəbrinin torpaqlanması - isanın məzara yatırılması.

eyniləşdirmələr və ya oxşatmalar:
maria - isa məsih
bernadette - veronika
altardakı padre - kirenalı simon

5 əjdaha! 20.10.2015 20:51, baba

#184304 şikayət

nəsimi

+7 əjdaha

son səhnəsinə gözlərim dolan bir film. ümumiyyətlə baxsaq, imadəddin nəsimi yaradıcılığı azərbaycan ədəbiyyatında ən hörmət etdiyim, ən sevdiyim əşarlardandır. sufizmə, hürufizmə də rəğbətimin olduğunu düşünsək, demək ki, film tam sevdiklərimdəndir.

düzdü, müəyyən qüsurlar var: işıq düzgün istifadə olunmayıb, 1-2 yerdə "skaçok" var, soundtrack'lərin səsi dialoqlardan daha çox çıxır. amma yenə də bunlar filmin gözəlliyinə xələl gətirmir.

bildiyim qədərilə:
film heyəti hələb şəhərinə getmir/gedə bilmir deyə orda olan dostlardan hələb küçələrindən görüntülər çəkib göndərməsini xahiş edirlər. onlar da boş, insansız küçə kadrları çəkib göndərirlər. elə bu kadrlarda yerdə kanalizasiya lyuku görünür. filmin buraxdığı ən böyük tarixi fakt səhvlərindəndir bu. həmin vaxt kanalizasiya ola bilməzdi.
film 2 dəfə çəkilib. birinci dəfə məşq xarakterli olub, ikinci dəfə isə lentə alınıb.
edam səhnəsi rejissor həsən seyidbəylinin xoşuna gəlmir və rasim balayevi çox sıxışdırır. axırda rejissor aktyoru azı 24 saat ac, yuxusuz saxlayır ki, edam səhnəsini istədiyi kimi çəkə bilsin.

6 əjdaha! 18.12.2014 16:32, baba

#139001 şikayət

henri cartier-bresson

+8 əjdaha

xatirələrində “orduda ikən mənim üçün çox çətin idi. çünki cibimdə james joyce'un kitabı, çiynimdə isə lebel tüfəngi var idi” - yazan, ikinci dünya müharibəsində 35 aylıq almanların əlində əsir olan 2 dəfə uğursuz cəhd göstərsə də, 3cü dəfə uğurlu qaçış həyata keçirən fotoqraf

8 əjdaha! 03.08.2014 00:38, baba

#128868 şikayət

tim burton

+7 əjdaha

eyni zamanda şairdir. bir şeirlər kitabını oxumuşam.

məsələn, aşağıda paylaşacağım the melancholy death of oyster boy şeirində hüznü elə gözəl, elə sadə anladır ki... bilmirəm 2ci, yoxsa 3cü oxunuşundan çox-çox təsirləndirmişdi məni. özümün yeyildiyimi, əldə tutarkən sürüşüb yerə düşdüyümü hiss edirdim.

the melancholy death of oyster boy
adam ilan-ı aşk için kum tepesini
düğün için deniz kıyısını seçti.
ve dokuz günlük balayı
capri adasında geçti.
ilk akşam yemeği: balık yahnisi
doğrusu çarpıcı bir yemek.
adam yumuladursun
kadından bir dilek.
dileği yerine geldi: bir bebek
ama bir sorun doğdu o an:
bir insan mıydı bu doğan?
gerçi beşer parmak vardı
ellerde ayaklarda
işitip hissediyordu da
öyleyse
mesele neydi ki?
ah bu çocuk
öyle tuhaf bir şeydi ki!
o aşk hikayesinin sonu buydu
bu doğum o mutluluğun sonuydu
çıkıştı doktora kadın:
benim olamaz bu. çok farklı huyu suyu.
kokusuna bakın:
okyanus, yosun ve deniz suyu!
doktor içerledi
hanımefendi,
kabahat benim mi oğlunuz yarı-istiridyeyse
siz yine şanslısınız dün bu ilde
gagalı bir kız doğdu. üç kulaklı. her neyse. siz
en iyisi şirin bir eve taşının: sahilde
uygun isim arandı epey. sonunda
sam oldu adı. tabii aslında
midyeye benzeyen o şey
sonra herkeste bir merak bir merak
istiridye çocuk ne zaman kabuğundan çıkacak?
bir gün thompson dördüzleri onu görünce
çift kabuklu diye alay edip kaçtı çabucak
bir bahar günü sokakta unuttular
sam yağmur altında kaldı.
biriken suyun mazgaldan gidişine
baktı-daldı.
annesi arabayı otobanda durdurmuş
ön panele vurup duruyordu
keder,
hüsran,
ızdırap.
tahammül etmek zordu.
bir gece hayatım dedi kocasına
sakın alay ettiğimi sanma
bana tuhaf gelen bir şey var
kızmaca yok ama. anlaşılan
yataktaki sorunlarından ötürü
oğlumuzu suçluyorsun her an”
adam perişan.
macunlar merhemler denedi
umutlanıp zaman zaman
iksirler losyonlar
ve kaşındıkça kaşındı kan-revan.
doktor dedi ki adama
kesin bir şey denemez ama, belki
derdinizin devası derdinizin sebebi.
istiridye seks gücünü arttırır derler. kim bilir,
oğlunuzu yerseniz
saatlerce sevişmek size vız gelebilir.
gece adam usulca
süzüldü oğlunun odasına
gözünde kan,
alnında ter,
dilinde yalan.
mutlu musun evlat? doğrusu
cennet dururken
çekilmez böyle hayat
düşün bi kere bezip de bu hayattan
ölmek istemez mi insan?”
gözlerini kırpıştırdı sam
ama cevap vermedi.
babası iyice kavrayıp bıçağı
gevşetti kıravatı.
tam tutmuş kaldırırken
oğlu ceketine damladı
adam kabukları ağzına dayadı
ve gidiverdi sam boğazından aşağı
sam’dan arta kalanları
hemen götürüp gömdüler
deniz kıyısına, kumsala.
bir damla gözyaşı, bir dua.
ve pürtelaş döndüler yuvalarına.
istiridye çocuğun mezarı:haç
sahile vurmuş olan
bir tahta parçasından
ve kuma yazılmış bir söz:
kurtarır hazret-i isa
ama silindi haritası
denizin ilk kabarmasıyla.

6 əjdaha! 21.10.2015 00:57, baba

#184334 şikayət

sen aydınlatırsın geceyi

+7 əjdaha

2013cü il onur ünlünün ağ-qara filmi. filmin adı william shakespeare'in eyni adlı sonetindən götürülüb. fantastika janrında bu günə qədər izlədiyim ən gözəl filmdi. ləhcəli danışığın tamamilə ayrı dadı var. ən gözlənilməz və ən xoşuma gələn səhnələrdən biri də göydən daş yağması səhnəsidi. mənə görə film simvolika ilə zəngindir, amma təbii ki, film kim nə başa düşürsə, özü üçün filmin anlamı ondan ibarət olur.

heç unutmadan film boyu səslənən bu 2 soundtrack'i xüsusi qeyd etmək lazımdır

mreyte ya mreyte

(youtube:

)

mehmet erdem - gülmek için yaratılmış

(youtube:

)

6 əjdaha! 31.07.2014 11:21, baba

#128521 şikayət

tabutta rövaşata

+6 əjdaha

bir dərviş zaim filmi. '96nın filmidi.
filmə çoxdan baxmışam, bəlkə 2 il keçib üstündən. ona görə yazdıqlarım bir az qeyri-dəqiq ola bilər.
çoxdan baxmağıma baxmayaraq, tövsiyə olunası filmdi. evsiz, işsiz, bomj mahsun balıqçı dostlarının sayəsində yaşayır. adamın tək sevdası maşındı. gecələr oğruladığı maşınları aparır, sürür və çox vaxt da təşəkkür olaraq yuyub, silib, təmizliyib oğruladığı yerə qaytarır. sonra bir kafenin tualetçisi kimi işə düzələ bilir yenə dostlarının sayəsində. orda bir qıza aşiq olur. tam da həyatı dəyişdi deyəcəkkən sevdim qəhbə çıxdı söhbəti çıxır ortaya. çünki qız, mahsunun ona təmənnasız verdiyi otağa kişilər gətirir, altına uzanır, pulunu qazanır və mahsunu türklər demiş, büyük hayal kırıklığına uğratır.
mahsun isə qorunan bir qalanın içində otarılan bir neçə tovuzquşuna meyil salır. və hər gün birini oğrulayır. sonunda yaxalanır. ardına gedib özüvüz baxarsız. jafar panahinin də dediyi kimi, filmləri izah etmək mümkündüsə, daha niyə çəkilir ki?! * nəsə bu məzmunda bir söz idi
mənim filmdən aldığım mesajı bir cümlə ilə ifadə etsəm: hər kəs yaşadığı həyata layiqdi. doğrudan da, düşüncələrimə təsir edən mükəmməl filmlərdəndir.

hələ-hələ soundtracki unudulmayıb. neçə-neçə gecələrimi vermişəm bu meditativ musiqiyə

(youtube:

)

5 əjdaha! 05.07.2014 14:53, baba

#126116 şikayət

yeraltı kitab kafe

+6 əjdaha

etibarını da, cool`luğunu da itirmiş kitab kafesi. ictimai sektorun nisyə pivə içənləri tökülüşür. bir də görürsən 2 gənc qucaqlaşdı, öpüşdü. çox dəxilsiz yerdə mahnının səsini artırırlar. seymur baycanı bir neçə dəfə orda qıraqda oturub (heç stulda da yox a) nəsə yazan görmüşəm

5 əjdaha! 04.07.2014 12:06, baba

#125960 şikayət

world press photo

+7 əjdaha

bu il seçdikləri ilin fotosu link

ilə təəccübləndirdilər məni. daha doğrusu, bu fotonun seçilməsi təəccübləndirmədi, əsas məsələ mükafatın burhan özbiliciyə verilməsindən sonrakı söz-söhbətlər oldu. münsiflərdən biri stuart franklin açıq şəkildə dedi ki, mən bu fotoya mənfi səs vermişdim. bu foto wpp-nun 50-60 illik ənənəsinə ziddir. amma bu foto seçildi.

şəxsi fikir olaraq bu barədə nəsə demək mənimçün çətindir, ancaq ümumiyyətlə digər kateqoriyalar üzrə laureatlar layiqli idilər. xüsusilə də daniel berehulakın fotoseriyası link

ləzzət eləmişdi. o seriyaya yayda the new york timesın saytında baxanda mükafat alacağını gözləyirdim hardasa.

5 əjdaha! 02.03.2017 01:22, baba

#247656 şikayət

aşıq qərib

+5 əjdaha

1988ci il istehsallı gürcü-erməni-azərbaycan filmi. bildiyiniz əsl qafqaz filmi. hər şeydən əvvəl filmin heyətini qeyd eləmək lazımdı:

rejissor - sergei parajanov * yaxud, paracanov
ssenari - mixail lermontovun qısa hekayəsi əsasında yazılıb
bəstəkar - cavanşir quliyev
ifa - alim qasımov
aktyorlar - yuri mqoyan, sofiko çiaureli, ramaz çxikvadze, konstantin stepankov

film azərbaycan dilindədi. rejissor filmi özünün ən yaxın dostu andrey tarkovskiyə həsr edib. şeirsəl, poetik bir filmdi. tarkovskiyə həsr olunubsa belə də olmalıydı. adi tamaşaçı üçün darıxdırıcı gələ bilər, ama art-house sevənlərin xoşuna gələcək. çünki film simvolik məna ilə doludur. sanki "12-15ci əsrlərdə film çəkilsəydi, necə olardı?" sualına bir cavabdı. istifadə olunan elementlərdə isə milli kolorit var. hər dəfə bir rəngdə olan nar, ağ və qara göyərçinlər, ağ, qara, qırmızı yolun olması və s. musiqilər də çox gözəl seçilib.

bir az ağır filmdi, hər adam üçün deyil.

baxmaq istəyənlərçün link

(youtube:

)

5 əjdaha! 06.08.2014 13:08, baba

#129286 şikayət

yazarların ən sevdiyi yazarlar

+5 əjdaha

bir qız tərəfindən açıldığı adınnan bəlli olan başlıq. 3 niyə? niyə məhz 3 yazar? mənim xoşladığım 6 yazar varsa, mən 2 entry yazmalıyam? bəlkə 3 müqəddəsdi? bəlkə atalar 3dən deyib? "yazarların sevdiyi yazarlar". vəssalam

5 əjdaha! 26.11.2014 20:58, baba

#136299 şikayət

marilyn manson

+6 əjdaha

sadəcə 2 mahnısını bəyəndiyim zad. sweet dreams və beautiful people.
əgər tifosinin yuxarıda dediyi kimi "üzündəki ağlı qaralı makyajı iyrənc adlandırıb soruşanda - mənim üzümdəki rənglər siz insanların iç üzünü göstərmək üçün sizə göstərirəm. nə qədər iyrənc olduğunuzu göstərirəm sizə." deyibsə çox böyük qələt eliyib. indi insanlar qəhbədi deyə çölə çıxıb hamıya verim mən? sonra deyim ki, əslində mən sizin iç dünyanızı göstərirəm? makiyaj istifadəsinə fəlsəfə qatmaq istiyib, alınmıyıb.
nəysə sözüm onda yox, çox da bəyənmirəm

6 əjdaha! 04.08.2014 21:06, baba

#129123 şikayət

zəngin sözlük yazarları

+5 əjdaha

adını oxuyarkən məlumat, informasiya baxımından zənginliyin ağlıma gəldiyi başlıq. rast ki söhbət mən başa düşən zənginlikdən getmir onda qoy açılmış mövzunu deyib. belə tərif çıxmasın verdiyim borcları demək olar ki heç vaxt istəmirəm. özləri nə vaxt qaytararlar onda. amma bir pis cəhətim də var ki, hərdən aldığım borc yadımnan çıxır. bu məsuliyyətsizlik deyil, yaddaşsızlıqdı

5 əjdaha! 31.07.2014 11:49, baba

#128533 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

baba

son bəyənilənlər:

oxuyucuların bəyəndikləri: