grammar.nazi

98 7 0 0

9. nəsil koder

Entry: 98

blok başlıqlarını gizlət

c_o

kamran əsədov

yazarların bənzədiyi məşh

sözaltı fotoqrafiya

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük

+71 əjdaha

çox sevinciliyəm. 5 il öncə ölkədən çıxa bilməmə ehtimalım üçün üzülürdüm. sonra xəyalımdakı peşəyə yiyələnə bilmədim. universitetə qəbul olandan sonra məqsəd olaraq uşaq olanda etmək istədiyim işdə ən yaxşı olmağa çalışmaq idi. asan olmadı, amma çalışdım. birinci dəfə intern üçün müraciət etdiyim şirkətdə yeganə şəxs mən idim ki, nə hansısa kursu bitirmişdim, nə dil sertifikatım var idi, nə də sahə üzrə diplom. 6 ay pulsuz olaraq intern kimi işlədikdən sonra seçilənlər arasında mənim də adım var idi. növbəti iki ayı minimum əmək haqqının da altında işləyirdim. işləri çox dramatizə etmək istəmirəm, ancaq təxmin edəcəyiniz kimi işlərim asan deyildi. o sıralar da universitetdə kəsirlərim başladı. stipendiyam da getdiyindən dolayı bəzən olurdu ki, həftəni 5 manatla yola verirdim. ailədən də uzaq olanda bir az da çətin gəlirdi adama. sağ olsun @derek o vaxtı bacardığı qədər dəstək olurdu. daha sonra işlədiyim şirkətdə vəzifəm də, maaşım da artdı. azərbaycan ortalaması, sonra ortalama yuxarısından da yüksək maaş alırdım. sonra da texniki şöbənin rəhbəri vəzifəsinə yüksəldim. şirkətdən hissə və s. geriyə dönüb baxanda 3 günə 8 saat yuxu yatmağımla, həvəslə işləməyimlə qürur duyuram. bezmədən 12-13 saat kod yazmağımla qürur duyuram. ən əsası, bunları öz gücümə, öz bacarığıma, inadlaşıb eləyə bilərəm deyib eləməyimlə qürur duyuram. bayaq tanışımla danışanda səndəki şansın bir azı məndə olsaydı, dedi. qismətimdə var imiş deyib ötüşdürdüm. uşaq olanda həmişə məktəbdən qayıdanda 8-9 kilometr yuxarıdakı təyyarələrin cızdığı izi görüb bir gün mən də o təyyarənin içində olacam deyirdim özü-özümə. o təyyarədə oldum, uşaqlar. danimarkadayam. həmişə gəlmək istədiyim skandinaviya ölkəsindəyəm. bura gəldikdə iş tapmağa çalışırdım buradan. yarım-ştat işləyə biləcəyim üçün çətin idi tapmaq. ancaq tapdım axır ki. müsahibə 3 mərhələdən ibarət olacaqdı normalda. birinci müsahibə gözlənəndən çox-çox yaxşı keçdiyi üçün kontraktı atdılar, bu gün imzaladım və birinci gün başlayıram işləməyə. artıq burada yaşaya bilmə ehtimalım daha yüksəkdir. digər bir zaman çıxıb bura gəlmə ehtimalım da, həmçinin. görək işlərin axrı necə olacaq. gələcək üçün çox həyəcanlıyam. darıxdığım insanların yanına qayıdacam, yoxsa burada qalacam? zaman göstərəcək.

48 əjdaha! 25.10.2023 20:22, grammar.nazi

#379773 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

düşün ki o bunu oxuyur

+42 əjdaha

Sənin üçün çox darıxmışam...
Artıq 5 il keçdi. Amma hələ də qəbul edə bilmirəm. Ayın 18-i bizim üçün lənətli gündür.

Nə deyəcəm, bilmirəm. Amma çox ağrıdır. Dünən işdən çıxdım, sübh vaxtı idi, beşə işləyirdi. Evə çatdım. Ayın tarixinə baxdım. 18-i göstərirdi.
Aprel girəndə sən yadıma düşürsən. Amma o gün unutmuşdum. Peşmanlıq. ilk il sənsiz keçəndə qəbul edə bilmirdim. Özümə: "5-ci ildönümündə qəbul edəcəm", - demişdim.

Ayın 18-i idi. Artıq qəbullanma vaxtı gəlmişdi. 5 il oldu. Soyuducunu açdım, içki götürdüm. Viskini sek içə bilmirəm, alma var idi. Stəkan tapa bilmədim. Gözüm duzqabına getdi. Shot üçün ideal idi. içdim... içdim... Və içdim. Dayandım.

ilk il Heç yanına gəlmədim. Hələ də gəlməmişəm. Kaş ölməsəydin. Ailən hər aprel ayı şəklini paylaşır. Sənə bu 5 il ərzində allah rəhmət etsin sözün demədim, şəklini paylaşa bilmədim ildönümlərində. heç nə yaza bilmədim. Evinizə gələndə, şəklini elə görəndə qəbul edə bilmirəm. Divarda niyə şəklin var? Sənin necə qəbir daşın ola bilər? Durğunluq...
Gələ bilmirəm ora. Səni elə görmək istəmirəm. Qəbir daşını görmək istəmirəm.

Sən mənim dostum idin. Uşaqlıqdan bir sürüşkəndə sürüşürdük, restoranlarda zeytinə diş çöpü keçirib şarları partladırdıq, rayonda bir yerdə su gətirmək, keçilərlə məzələnmək. və oturub xəyalların haqda danışmağın, sənin xəyalların...
Tək mənim bildiyim sirlərin...
niyə öldün? Sumqayıtı niyə xaraba etdin mənim üçün? Ora gəlmək istəmirəm. Artıq yalnız sən xatirə deyilsən, sumqayıtın küçələri də xatirədir. Səndən bir xatirə.

Atanın bu yazısını hər görəndə gözlərimi yaşardır:
18 aprel 2018 ildən 15 yaşlı oğlum və dostu itkin düşdü.Dəqiq bilirdik ki,qayıqla dənizə giriblər. Ancaq dövlət bizə inanıb axtarış aparmadı.Öz gücümüzlə çox dərinlərə gedə bilmədik. 37 gündən sonra uşaqları tapdıq. Onlar elə həmin qayığın içində idilər.Ancaq acından və susuzluqdan ölmüşdülər. Səndən sonra dünya bomboş qaldı, oğlum, Yolun düşsə bu dünyaya bir də gəl... mənim qəhrəman,qorxmaz, lakin talesiz oğlum.

(youtube:

)

(youtube:

)

35 əjdaha! 19.04.2023 02:34, grammar.nazi

#370626 şikayət

sözaltı fotoqrafiya

+31 əjdaha

24 əjdaha! 03.09.2023 20:00, grammar.nazi

#378293 şikayət

türkiyə

+32 əjdaha

yazıda sizi narahat edə biləcək görüntülər mövcuddur.
Türkiyə deyərkən ağlıma 99-cu il zəlzələsi yadıma düşüb həmişə. ölkənin vətəndaşı qarşısında qala biləcəyi çətin zamanda ən aciz vəziyyətdə qalmağı bacaran ölkə idi türkiyə. insanlarını küçədə çadırsız qoyacaq qədər əxlaqsız, ölkəsindən zəlzələ vergisini 7.5 %-dən 10 %-ə qədər yüksəldəcək qədər də üzsüz ölkədir. Çox acıdır türkiyənin 24 ildir sinifdə qalmasını görmək.
səhiyyə sistemi, bina sistemi hər şeyi ilə 99-da necədirsə, 2023-də də elədir. bir addım, bir metr yol qət edə bilməyiblər.
zəlzələdə anasını itirən qadının fəryadı:

zəlzələdə ailəsini itirən şəxs:

Övladını itirən ana:

Həyat yoldaşını itirən şəxs uşaq kimi yerdə ağlayır:

dağıntılar altında qalmış körpə qız

24 ildir insan yerinə qoyulmayan şəxslər

dağəntıların altında yardımsız qaldığı üçün həyatını itirən şəxs:

xəstəxanalara insanlar yerləşmədiyi üçün insanlar çöldə ilkin tibbi yardım görülürdü. səhiyyə sistemi sinifdə qalma görüntüləridir bunlar.

insanlar xəstəxanaya yerləşmədiyi üçün futbol meydançalarında yardım görürdü

meyitləri də qaldıra bilmədi türkiyə səhiyyəsi. kocaelində buz pistinə yatırmaq məcburiyyətində qaldılar meyitləri

bu fotolar arasında bir o körpələrin bir də bu şəklin təsirindən çıxa bilməmişəm.

fotolar 99-cu il zəlzələsini qeydə alan iha-nın arxividir

25 əjdaha! 06.02.2023 20:51, grammar.nazi

#366935 şikayət

sözaltı art

+27 əjdaha

* Podkast etmək istəyən yazarlar varsa, bir-iki yayımda dizayn üçün köməklik edə bilərəm.

silinmiş entry.

26 əjdaha! 09.09.2021 22:59, grammar.nazi

#335987 şikayət

sözaltı fotoqrafiya

+25 əjdaha

23 əjdaha! 10.08.2023 01:13, grammar.nazi

#377292 şikayət

isa məsih

+23 əjdaha

Bilinənin əksinə isa özü xristian olmayıb. Belə ki, xristian kəliməsi yunancadakı "cristos" sözündən əmələ gəlmişdir. Bu sözün mənası da məsih deməkdir. Modern ingilis dilindəki xristian kəlməsi isə "isa izləyicisi" (isa yolunda gedən) mənasını verir. Hətta bəzən xristianlıq kəlməsini biz isəvilik kimi də görə bilirik. Yəni xristianlıq isanın ölümündən sonra onun tərəfkeşləri tərəfindən mənimsənmiş bir dindir. isanın özü isə yəhudi olub. Onun məqsədi yozlaşan yəhudiləri doğru yönə çəkmək idi. Ümumiyyətlə, mənbələrə baxdıqda biz onun heç vaxt hansısa yeni din təbliğ etməyə çalışdığını görmürük.

17 əjdaha! 13.08.2023 13:04, grammar.nazi

#377490 şikayət

rosy retrospection

+30 əjdaha

26 əjdaha! 23.12.2022 17:25, grammar.nazi

#364478 şikayət

sözaltı fotoqrafiya

+22 əjdaha

19 əjdaha! 17.08.2023 01:09, grammar.nazi

#377699 şikayət

sözaltı fotoqrafiya

+21 əjdaha

Payız

15 əjdaha! 04.11.2023 21:32, grammar.nazi

#380048 şikayət

19 iyun 2023 titan batiskafının itməsi hadisəsi

+20 əjdaha

Bir mühəndislik səhvinə qurban gedən 5 insan.

Əvvəlcə qeyd etmək istərdim ki, hadisələr 19 iyunda deyil, 18 iyunda baş vermişdir.
Ticari bir şirkət olan ocean gate hər səfərki kimi, titanikə səfər hazırlamışdı. bu dalışlar üçün toplamda 8-10 saat vaxt sərf edilir: 2 saat yarım (2 saat) dalış üçün, 5 saat (4 saat) titaniki izləmək, 2 saat (2 saat yarım) çıxış üçün.
Lakin bu dalış fərqli idi, çünki dalışdan 45 dəqiqə sonra batiskaf ilə əlaqə itdi. 4 gün çəkən axtarışlardan sonra 5-ci gün ictimaiyyətə batiskfanın qalıntılarını tapdıqlarını bildirdilər.

Bu triplərin məqsədi 4 min metr altdakı titaniki görməkdir. 250 min dollarınız yoxdursa, titanikin 3d modeli belə görünür:

Yazıda hər şey daha aydın olsun deyə, 4 min metr altdakı təzyiqi başa düşməliyik. yəni 4 min metr altdakı su təzyiqi xəyal etdiyimizdən belə daha qorxuncdur. 4 min metr altda haradasa təsəvvür edin ki, üstünüzə 3 ədəd alov qülləsi təzyiq göstərir. və bunu sadəcə bir tərəfdən deyil, hər tərəfdən edir. bu zaman implosion baş verir. Yəni içə doğru partlama * cem yılmazı yad edək burada swh
Məsələn, aşağıdakı gif-dən 15 psi-ın nəyə oxşadığını görə bilərik:
GIF-i izləməyinizi tövsiyə edirəm
https://i.imgur.com/jK1eLwL.mp4

bəs titanikin olduğu dərinlikdə PSi dəyəri nə qədərdir? 5500 edir. yuxarıdakı gifdən 366 dəfə daha çox bir təzyiqdən söz gedir.

Yəni orada bu vəziyyət yaranıb aşağı-yuxarı:
GIF-i izləməyinizi tövsiyə edirəm
https://i.imgur.com/eiuem1F.mp4

qorxunc görünsə də, onlar tərəfdən məsələyə yanaşsaq, ölümləri çox qısa və ağrısız olub. Çünki onurğamızın beynimizə yönləndirməsi 40 ms ikən bu implosion isə 20ms qədər bir müddətdə olub. Əgər hər şey aydındırsa, gələk əsas məsələyə. Necə olur ki, missiyası içə doğru partlamamaq olan bir gəmi içə doğru partlayır? çünki düzgün bir mühəndisliklə bunun qarşısını almaq var ikən nəyi yanlış etdilər?

Əvvəlcə öndə istifadə olunan şüşəni aradan çıxardaq, keçək batiskafın daha az bilinən özəlliklərinə. Bəli, öndəki şüşənin 1400 metr altı üçün heç bir rəsmi sertifikatı yoxdur. Yəni 4000 metrdə o şüşənin o təzyiqə tab gətirə biləcəyini sübut edəcək bir sənəd yoxdur. ancaq bir şeyi qeyd etmək lazımdır ki, o şüşələr Acrylic materialından hazırlanır və olduqca da sağlamdır. Lakin sertifikatı 1400 metr altı üçün uyğun deyil.

Lakin şirkət bir neçə dəfə titanikə eniş etdikdən sonra şirkətə bir özünəinam gəlib ki, bu batiskaf sağlamdır, şüşəsi də 4000 metrə tab gətirə bilir. hətta bu minvalda açıqlama da yaymışdılar.

Normalda bu dərinliyə çatan batiskaf və ya dənizaltılar metallardan hazırlanır.
(baxma: Deepsea Challenger)
lakin ocean gate isə karbon lifdən (fiber karbon) hazırlanmışdır. problem də buradan başlayır. karbon lifin yorulma dayanıqlığı çox aşağıdır. karbon lifləri qatlardan əmələ gəldiyi üçün və epoksid ilə sabitləndiyi üçün metaldan daha tez yorulur.
Yorulmadan qəsd edilən isə üzərinə bir yük mindiyi zaman, məsələn: bir aşağı bir yuxarı bir yük/təzyiq olduğu təqdirdə eyni bizdə olduğu kimi bu material da yorula bilir. Yəni əgər 100 dəfə karbon liflə suya girib çıxsanız yorulacaq və bir nöqtədə qırıla bilmə ehtimalı olarkən bu ehtimal metallarda daha azdır, çünki əsnəkdirlər və öyrəşirlər.
karbon liflərdə isə təzyiq olduğu təqdirdə bu təkər kimi çatlar, partlaqlar əmələ gəlir və yuxarı təzyiqlərdə isə implosion baş verir.
(karbon lifə uyğun şəkil tapa bilmədim bir təsəvvür üçün bunu göstərmək olar)

titandakı sensorlar
şirkət bəs bu ehtimalı bilmirdi? karbon liflərin yorulduğunu və anidən bir implosion olacağını? bilirdi. buna görə də gövdəyə 20 ədəd sensor yerləşdirilmişdi. bu 20 sensor davamlı olaraq gövdədə çat olub-olmadığını yoxlayır, yoxdursa, dalış edir. Olduğu təqdirdə isə güvənli yüksəkliyə çıxır. Əlbəttə, bu sensorların nə qədər safe olması isə ən böyük sual idi, çünki bu sensorlar həmişə uğurlu təcrübələrə əsaslanaraq bir nəticə göstərirdi. Heç vaxt uğursuz test yoxlanılmamışdı. və ilk dəfə uğursuz olduğunu gördük.

Bəs yaxşı əsas suallardan biri. Madam bu şirkət bunun bu qədər təhlükəli olduğunu bilirdi, karbon lifinin uyğun olmadığını bilirdi nə üçün metal istifadə etmədi? sualın cavabı üçün gərək Steve Fossett haqda oxuyaq. * bu adam haqda vaxt edib bir gün yazaram Bütün hadisələr ona dayanır. Əgər qısaca desək, bu titan, əslində, yalnız bir istifadə üçündür. bir istifadədən sonrası üçün yararsızdır.

titan hətta su üzünə çıxsaydı, içindəki adamlar, yəqin ki, günəşin istisindən elə orada da ölüb gedəcəkdilər. Yəni gördüyünüz bu qapı çöldən içəri doğru kilidlənir və içəridən isə heç cür açmaq olmur. Yalnız çöldən mühəndislər aça bilər.

digər məsələ isə titanın idarə etmə pultu logitech şirkətinin oyun pultudur. həm də bluetooth! Yəni içəridə manuel idarə etmə pultu yox idi. pult işləmir bəhanəsi də keçərlidir * swh

bu insanları tapmaq niyə belə çətindir? Bu cür implosiondan, yəqin ki, bədənləri indi bu haldadır:
(2-ci və 3-cü video)

https://www.instagram.com/p/Ct21-uNNQ1L/?utm_source=ig_web_copy_link

16 əjdaha! 26.06.2023 02:05, grammar.nazi

#374353 şikayət

sözlük yazarlarının həyata dair məsləhətləri

+20 əjdaha

şablon ifadələri görməzdən gəlməyin. Həqiqətən də, içində öyrəniləsi həqiqətlər mövcuddur. haradasa, bir il öncə ~240 nəfərlik komanda ilə 1 milyon 500 mindən çox, (xeyri saymasaq, 1 milyon 570 min) manat pul itirmişdik. -*
axrıncı dəfə yadımda qalan 80 min zərər qalmışdı. sözüm onda yox. maddi tərəfdən itirmək mümkün olan bir gerçəkdir. ancaq çalışın, sizdə qala biləcək maddi yox, başqa bir şey olsun. zəkanız, məsələn. bilgi gücdür. düzgün işlədən də güclüdür. zəkanıza fokuslanın. pula yox. çox ata/dayı məsləhəti kimi oldu. mən gördüyümdən bunu öyrəndim. yuxarıda dediyim işdə yadımdadır ki, sözün əsl mənasında şenlənirdim. yuxu rejimini saymasaq, şenlənirdim. saat 5-də viski ilə hoteldən mərkəzi küçəyə baxıb içimdən: "bir neçə saat sonra bakının xalqı işə gedəcək. kimisi 400-500 manat üçün" - deyirdim. işim sezonluq iş idi. 3 aydan sonra yenidən təkrarlanan bir iş idi. ancaq problem o idi ki, mən pul üçün çalışırdım, iş bitdikdən sonra o işdən asılı idim. riskindən asılı idim. başqa faktorlardan da asılı idim. yəni bu şenlənmək 3-4 aydan bir baş verirdi. həmçinin bir məqsədi də yox idi. ən əsası isə bu iş olmasaydı, ac qalacaq vəziyyətdə ola bilərdim. əlbəttə, bunları düşünmürdüm mən, çünki o an puldan, eyforiyadan düşünmək istəmirsən. nəticədə, yadımdadır, ilk dəfə ora gedəndə 3 manat pul qalmışdı cibimdə və 2 gün keçmədən 300 manata yaxın pul ilə fırlanırdım.

zəka elə bir şeydir ki, insanları sənə möhtac edir möhtac etməsə belə, ən əsası səni kiməsə möhtac etmir. əlbəttə, tək başına analitik zəka bir işə yaramır. ən azından iş tapana qədər. Zatən bəhs etdiyim zəka 25/25 riyaziyyat yazmaq, 700 balla universitetə girmək zəkası deyil. Ümumi zəkadan gedir söhbət. Risk dəyərləndirməsi, çıxa biləcək x məsələsinə hazırlıq, vəziyyəti dəyərləndirmək. insanlara diqqətlə baxın, müşahidə edin. ortaq dedikləri cümlələrə baxanda bilmək olur, onlardakı boşluqları. "20 il əvvəl burdan torpaq alsaydım...", "vaxtında bunu eləsə idim". ya da bunu qoydum kənara elə özümüzdən bir örnək: "o sözü deyəndə bunu desəydim kaş". baxın məsələ burasındadır ki, o fürsət, o şans həmişə mövcuddur. sadəcə onu dəyərləndirə bilən insanlar bizdən zəkalıdır. mühit təsiri böyük rol oynayır, mənim toxunmaq istədiyim mühit faktoru yox, fürsətlərin dəyərləndirilməsidir. fürsət hər zaman mövcuddur sadəcə düzgün dəyərləndirmək lazımdır.

buna görə də pul dalınca qaçmaqdansa, məncə, inkişaf etmək lazımdır. pulu tapmaq, idarə etmək çətin məsələdir. mən o işimi buraxdım. çünki mənə puldan başqa heç nə qazandırmırdı. işiniz isə sizə pul ilə yanaşı bir neçə şey də qazandırmalıdır. 8 saatınızı işə verirsinizsə, məncə, sadəcə ayın axrında bir neçə yüz manat üçün yox, bir neçə şeyə görə işləməlisiniz, işləməliyik. çünki bakıda işləmək 12-13 saat itirmək deməkdir. işə get, tıxac, işdən çıx, tıxac, evə gəl, yemək ye/bişir.

məsləhətim isə odur ki, pula ümid bağlayaraq iş görməyin. Verdiyiniz sözlər puldan asılı olmasın.

16 əjdaha! 28.02.2023 01:42, grammar.nazi

#368072 şikayət

ə hərfini a yazan azərbaycanlı

+18 əjdaha

15 əjdaha! 09.10.2020 18:10, sistem robotu

#305910 şikayət

danimarka

+22 əjdaha

iş tapmaq istəyənlər üçün bir neçə cızma-qara edim. ümumi bir neçə məlumat da verəcəm bürokratiya və sistem haqda. sonda tələbələrlə bağlı da bir neçə şeyə toxunacam.
Birinci məsələ, sistem və bürokratiyadan sonra iş məlumatların bölüşəcəm.
Əvvəlcə, remote iş tapmaq qeyri-mümkün kimidir. yəni mən bakıdan iş tapım, sonra danimarkaya relocate edim məntiqi çox-çox-çox çətindir. əgər it sahəsində işləmirsinzsə, ümumən unudun. dan dili istəyirlər çünki. amma danimarkada ola-ola peşənizdən asılı olaraq iş tapmaq asandır. Gəlir olduqca yüksəkdir. hərtərəfli xeyir almaq olur işləyərək.

viza işlərinə aşağıda toxunmuşam, indi fərz edək ki, ölkəyə daxil olmusunuz, işiniz var.
birinci məsələ, cpr number almalısınız. cpr number sizin üçün hər şeydir. qısaca, o sizin həm tin numberdır (VÖEN), həm sağlıq sistemindən pulsuz yararlanmaq üçün vasitədir. Yəni bir növ sizin danimarkada olan qeydiyyat nömrənizdir.
CPR number olmadan heç bir bürokratik iş görə bilmirsiniz.
ev tapmalısınız. ev kirayələri mərkəzdənkənar yerlərdə 10 min krondan (2500 manatdan, 1 manat ~4 krondu) başlayır. yox, mən shared roomlarda qala bilərəm, deyirsinizsə, 5 minə tapmaq olur mərkəzdən kənarda. ev üçün cpr lazımdır, amma.
digər məsələ isə, burada evə daxil olmadan öncə depozit verməlisiniz. 3 ayın pulunu birdən. evi tərk edəndə əgər evə zərər dəyibsə, ev sahibi həmin puldan xərc olaraq çıxır, geri qalan pulu verir sizə. əgər zərər yoxdursa, pulunuzu geri ala bilərsiniz.

mitid - cpr number alan kimi bunu mütləq açın. sənəd işləriniz bunsuz çox yavaşdır. yəni 10 saniyə çəkən işiniz 2 həftə uzana bilər.
nfc reader olan bir telefon alın. android telefonların çoxusunda passportu read edəndə problem çıxır həmişə. bir iphone alın atın cibinizə (iphone x), əks-halda gərək mitid üçün sayta yazasınız, və sizə hesab açacaqlar. tamam vaxt itkisidir. ümumən danimarkada sistem elədir ki, hər şeyi online həll edə bilirsiniz, əgər mitid və cpr number mövcuddursa, bürokratik işlər qəşəng sürətlidir.

skat.dk bu vebsayt sizin verginizə baxa biləcəyiniz və tax card sifariş edə biləcəyiniz saytdır.
tax card mütləq sifariş edin, 55 % vergi vermək istəmirsinizsə. lazımdır:
cpr number, mitid, job contract.
çox əla saytdır. əgər uzaqda qalırsınızsa, şirkətiniz sizə bəzi şeylərdə support verməlidir: məsələn yol pulu ilə bağlı. işin çox gözəl yanın deyim. skat.dk bunu investigate-in edir.

visa ilə bağlı, iş vizası haqda bir neçə şey qeyd edim.
https://nyidanmark.dk/en-GB/You-want-to-apply/Work

iş tipləri bir neçə yerə bölünür saytdan da görəcəyiniz kimi.
mən üçü haqda danışacam.
Fast track scheme
Pay Limit schemes
Positive Lists

fast track scheme - əgər 465 (~116k azn) dkk illik maaş təklifi olan iş təklifi (before taxes) almısınızsa, şirkətiniz də SIRI* (deyəcəm nədir) tərəfindən tanınırsa, 10 günə danimarkaya girə bilərsiniz. amma bu inanılmaz çətindir. ümumən niyəsin deyim.
çünki danimarkada sistem elədir ki, işverənləri bir növ məcbur edir ki, danimarkalıları işə götürsün. yəni ölkəndən niyə götürmürsən ki? məntiqidir. Üstə gəl, educational backgroundunuz (sahə üzrə) yoxdursa, çətin məsələdir. əlavə olaraq, xarici də (xarici dediyin non-eu isveçrə xarici olanlar) götürəndə bir ton şey yıxırlar şirkətlərin üstünə. ancaq məsələn sahəniz üzrə ekspertsinizsə, iş tapa bilərsiniz. Sadəcə şirkətiniz SIRI* tərəfindən tanınmalıdır. bütün tanınan list:
https://nyidanmark.dk/uk-UA/Words and Concepts Front Page/SIRI/List certified companies
- SIRI - sizin passport işinizi həll edən qurumdur. qısaca, səfirlik. yavaş deyillər, sürətli işləyirlər.

The Pay Limit Schemes
iki tip pay limit scheme var:
1. The Pay Limit Scheme
2. The Supplementary Pay Limit Scheme

əvvəlcə ən gözəl yanın deyim: educational backgrounda ehtiyac yoxdur

The Pay Limit Scheme illik 465 min qazanc əldə etsəniz, kifayətdir. ən çox seçilən üsul da budur. şirkətlər üçün də işçilər üçün də ən sərfəlisi budur.
side note: 465 min qazana biləcəyiniz iş tapmaq itin zülümüdür. yəni zarafat deyil, şirkətiniz aylıq 10 min manat ödəyir sizin üçün. amma tapmısınızsa, şenlənin.

The Supplementary Pay Limit Scheme - illik qazancınız 375 mindirsə
bunun bir neçə əskik yanları var, birincisi:
gərək sizin işiniz jobnet, eures veb saytında ən azı 2 həftə öncədən paylaşılmalıdır.
siri spot check edir paylaşılıbmı deyə.

the positive lists:
bunun haqda elə də bilgim, yoxdur. amma deyək ki, işiniz elə işdir ki, educational backgroundan daha çox təcrübə daha çox önəm kəsb edir. örnək: coach olmaq. aşpazlıq, yaxud. it support. iş tapmaq çətindir bu sahələrdə. yəni bunlara daha çox şirkətlər ekspert gətirmək üçün müraciət edirlər. məsələn, adam şahmatçıdır. buna müraciət edir. demək olar ki, heç nə lazım deyil, əsaslandırmalısınız.

qayıdaq bakıya. deyək ki, bakıdan işi tapdınız. nə etməlisiniz?
əfsus ki, danimarka səfirliyi, azərbaycanda yoxdur, amma işləri norveç səfirliyi ilə həll edə bilərsiniz deyirdim ki, norveç səfirliyi də azərbaycanda yoxdur, türkiyədədir.
deməli, sənəd işiniz çox uzun çəkəcək, keçmiş olsun.
sizin şirkətiniz lazımi sənədləri yollamalıdır norveç səfirliyinə (turkiye), siz isə sənədlərinizi yollamalısınız norveç səfirliyinə vfs üzərindən (xətaidə dəmirçi plazada fəaliyyət göstərirlər girişdən sağdakı liftlə 2-ci mərtəbədə. onlayn növbə götürməlisiniz) sənədləriniz aparıb verirsiniz onlara. hansı sənədlər lazımdır?
job contract
passport bütün səhifələr daxil (üz qapağı da)
oder id yaradılmalıdı (şirkətiniz yaradır bunu).
və digər bir neçə sənəd işinizdən visa tipinizdən asılı olaraq.

bir neçə şey qeyd edim.

üstünüzdə nəğd daşımayın, sonuncu dəfə bura təzə gələndə nəğd pul istifadə eləmişəm. istisnasız hər yerdə kart keçir. street food satılan yerdə belə.

ev qiymətləri yersiz bahadır. copenhagendən iş tapmısınızsa, orada qalmayın. ictimai nəqliyyat çox əla vəziyyətdədir. yəni sırf bir balaca qəsəbə üçün belə 3-4 avtobus olur. qısa məsafə işləyirlər deyə, qəti şəkildə tıxac görmürsünüz.
dot tickets deyilən bir app mövcuddur onu mütləq yükləyin. kartla ödəniş çox bahadır. aylıq abunə olursunuz, istədiyiniz qədər istifadə edə bilərsiniz ictimai nəqliyyatdan.

bank üçün lunar bank istifadə edə bilərsiniz. 2 dəqiqəyə bank hesabı aça bilirsiniz. cpr və mitid əldə etdikdən sonra. çox rahatdır.

rejseplanen - nəqliyyatdan məlumat almaq üçün. bir yerdən digər yerə getmək istəyirsinizsə, gedəcəyiniz adressi daxil edirsiniz, sizə göstərir. google, apple map istifadə edə bilərsiniz, amma mənə bu daha rahat gəlir.

togoodtogo - expire olmağa 1 gün qalan yeməkləri çox çox ucuza satırlar. minimum 2 saat öncədən sıra götürürsünüz gedib yeməyiniz götürüb, gəlirsiniz.

mobile pay - bank mitid alandan sonra bunu da yükləyin. ödəniş üçün bunu istifadə edirlər əsasən.

hə tələbə olaraq bura gəlmisinizsə, burada universitet oxuyub bitirmisinizsə, sizə avtomatik olarak job seeker visası verirlər (avtomatik dediyim də müraciət edə bilirsiniz yəni, amma ən azı 3 ay əvvəl edin). 3 il boyunca işə müraciət edə bilərsiniz. yəni burada uni bitirəndə, danimarka istəyir ki, burada da qalasınız.

tələbə kimi bura gəlməyi şəxsən mən tövsiyə etmirəm. çünki dəhşət bahadır. amma bir təhər frilans iş tapmağa əl verirsə bacarığınız, idarə etmək olar. master tələbəsi kimi gəlmisinizsə, scholarship frilans iş (ya da part time hər hansı iş) rahat qurtarar sizi aylıq.

16 əjdaha! 30.11.2023 07:44, grammar.nazi

#380652 şikayət

26 noyabr 2020 bdu-dan tələbə qovulması

+19 əjdaha

silinmiş entry.

18 əjdaha! 26.11.2020 20:04, sistem robotu

#311596 şikayət

16 noyabr 2021 azərbaycan - ermənistan sərhədində gərginliklər

+17 əjdaha

90-lara dönülmüşdür. yenə gözlər cəbhəyə dikilib, yenə gözlər ölüm xəbərinin gəlməsindən qorxur. Dilə nə qədər də asan gəlir:

- filankəsov filankəs 26 yaşında vətən torpağını müdafiə edərkən...
- erməni təxribatını qarşısını alarkən Leytenant filankəsov filankəs qəhrəmancasına şəhid olmuşdur.

6 yaşım olanda bir pişiyim var idi, 11-ci siniflər Son Zəng günündə maşınla əzmişdilər. 2 həftə ağlamışdım. böyüdükcə əməyin, zəhmətin dəyərin anlayırsan, bir şey edərkən iki dəfə düşünürsən. uşaq böyütməyin hansı dərəcə çətinliyini get-gedə anladıqca həmin ana və atalar üçün bu xəbərlərin necə dözülməz, ağrılı və sancılı olması insanı tamam ağrıdır.

bir uşaq böyütmək... ilk dəfə qızdırması qalxanda üstündə əsmək, ilk dəfə bir uğuru olanda sevinmək, hərbi liseyə daxil olduqda fəxr etmək və belə davam edən, üzüntü və sevinclə gedən həyat axışı. axırda da sadəcə bircə güllə ilə 26 illik yaşama, sevincə, kədərə son verilməsi məndə çox qəribə təəssürat yaradır. səngərdə oturmusan, yanına əl qumbarası düşdü, öldün. ikinci qarabağ müharibəsinə gedənlərin içində amallardan biri də o idi ki, övladları 20-30 ildən sonra gəlib burada ölməsin. ancaq unutduqları o idi ki, övladlarından savayı hələ başqa qohumları da öləcəkdi...

14 əjdaha! 20.11.2021 14:59, grammar.nazi

#340265 şikayət

incendies

+15 əjdaha

Denis Villeneuveün rejissorluğu ilə 2010-cu ildə yayımlanmış dram- savaş janrında olan film.
Film vəsiyyətində əkiz uşaqlarına livana dönüb böyük qardaş və atasını tapmasını istəyən qadının gəncliyindəki sancılı illəri və uşaqlarının bu illərlə üzləşməsini ələ alır.
Filmin hekayəsi ilk başda sadə gəlsə də, hətta zaman-zaman filmi bağlamaq istəyi yarastsa da, get-gedə cərəyan edən hadisələr insanı filmə sövq edərcəsinədir.

Filmdəki ən çox sevdiyim dialoqlardan birini paylaşmaq istəyirəm. Spoylerlik bir yanı yoxdur, ancaq hər bir halda spoyler qorxusu olanlar entryni burada sonlandıra bilərlər.

--spoiler--

- charbel dayım yazdıqları ilə sülhü bərqərar etməyi məqsəd qoymuşdu, buna inanırdı. Ancaq həyat mənə başqa şeylər öyrətdi.
- Yaxşı, indi nə edəcəksən?

--spoiler--

Yuxarıdakı dialoq, əslində, üzərində dayanıb düşünülməsi gərəkən dialoqdur. Həyat, doğrudan da, insana tamam ayrı şeylər öyrədir. Həyatı ilk başda bizə deyilən kimi anlayırıq, xəyalımızda fərqli canlandırırıq; olmadığı kimi. Bəlkə, elə buna görədir ki, uşaq olanda dünyanı dəyişdirə biləcək şəxslər olduğumuza inanmışdıq. Çünki biz həyatı sadəcə gördüyümüz kimi anlayırdıq, bizə dedikləri kimi. Olduğu kimi yox. Bunu anladıqda artıq bir çox şey üçün: " çox gecdir", - demək üçün çox gec olmuş olur.

--böyük spoiler--
Filmdəki "1 + 1 = 1" mövzusu elə filmin başında jeanne obrazının tələbələrə təqdim etdiyi collatz hipotezini (#327981) izah edirdi. Belə ki, bu hipotez isə müəyyən hesablama ilə istənilən müsbət tam ədəddən 1 əldə edən bir alqoritmdən bəhs edir; nəticə sonda daim 1-i verir.
Simon və Jannanın film boyu axtardıqları iki adamın - ata və qardaşının eyni adam olduğu ortaya çıxır və bu bütün yolların birə aparması ilə bağlı filmin mövzusunu gücləndirir. Kollatz hipotezinə uyğun olaraq iki birə bərabər olur.

--böyük spoiler--

Bu film dram janrında olan filmlərin üzərində taxt qura biləcək filmlərdən biridir. Açıq beyinlə izləməyinizi tövsiyə edirəm. -*

11 əjdaha! 10.07.2022 13:42, grammar.nazi

#353872 şikayət

sözaltı fotoqrafiya

+16 əjdaha

14 əjdaha! 13.05.2023 20:26, grammar.nazi

#372379 şikayət

azərbaycanda artan qazi ölümləri

+22 əjdaha

Gün etibarilə birinin də intihar etməsi ilə sayları 38-ə çatmışdır.
Azərbaycan hökuməti 5-10 min veteran və qazinin qayğısına qala bilmədi. Danışanda isə dilinin uzunluğuna metrə çatdırmaq olmur.

21 əjdaha! 12.08.2022 20:52, grammar.nazi

#357051 şikayət

sözaltı fotoqrafiya

+14 əjdaha

14 əjdaha! 16.10.2023 00:24, grammar.nazi

#379532 şikayət

sözaltı günlük

+15 əjdaha

english below:

həyatımın ən random günündən birin yaşadım desəm, yeridir. günün belə bitəcəyin heç düşünmürdüm.
burada feysbukda bir qrup var: istifadə etmədiyin əşyaları, ya da sənə lazımsız olan nə isə varsa, elan kimi yerləşdirirsən, istəyən də gəlib pulsuz götürür. Hələ ki bir dənə printer götürmək qismət olub. çox şey tapmaq olur, amma birinci yazsanız.

yeni insanlarla tanışmaq üçün çox qəşəng vasitədir, əslində, arada bir-iki dəqiqəlik söhbətin olur, maraqlı nə isə öyrənirsən o bir-iki dəqiqədə. beşinci gün bir elan gördüm, kimsə prezervatif yerləşdirmişdi, dedim götürüm bunu. nə isə, normal prosedur:
I'm interested.
vaxtı danışdıq sabah 10:30 üçün. dünən gecə də yatmamışdım. daha doğrusu saat 5-də yatmışdım. öncəki gün velosipeddən necə yıxılmışdımsa, indi-indi qabırğama ağrı verməyə başlayıb, o tərəfə uzananda diqqətim pozulur.

saat 9-da oyandım, çıxdım yola. avtobus, iki fərqli qatar dəyişəndən sonra, son hissəni də velosipedlə sürdükdən sonra axır, gəlib-çatdım ünvana. 10:25 olardı çatanda, 5 dəqiqə gözlədim, mesaj yazandan sonra baxmadı. zəng elədim, üzrxahlıq etdikdən sonra, binanın içinə dəvət etdi isinmək üçün. ayaqüstü söhbət etməyə başladıq. haradan, copenhagenə necə, niyə gəldiyimizdən danışdıq. gündəlik nələr etdiyimizdən, hobbilərimizdən danışdıq. insanlardan müsahibə götürməyin hobbisi olduğunu dedi. qəribə hobbidir, hə. hansı tip filmlərə qədər söhbət getdi. Emir Kusturica filmini bəyəndiyini, black cat and white cat adlı filmini. mənim favorit rejisorum olduğunu deyəndən sonra söhbət christmas marketə gəldi. christmas marketə gedəcəyini, maraqlı olub-olmadığını soruşdu.
--------------------------
qısa bir ara
bir ay öncə, ya da iki ay öncə Aarhus adlanan şəhərə getmişdim bir günlük qalmağa. fransadan bir də avstriyadan olan tanışlarımla. axşam pubda içməyə çıxmışdıq. perudan bir qaqaş gəldi onla danışırdıq. sona nə isə tualetə getdim, çıxanda bir başqa qaqaşla danışanda söhbət necəsə oldu, dedi ki, night cluba gedəcəyik, gəlmək istəyirsən? o rpg oyunlarında olur e, iki seçimin olur, eləməsən də, olar. elə seçimlərdən idi sanki. hostelə gedib, yatıb çıxa bilərdim səhər. amma işin axrı maraqlı idi. yes, sure, why not? deyib, tanışlarıma dəvət elədim, pubda qalmaq daha xoşlarına gəldi. aarhuslu təzə dostlarla düşdük yola. saat 2-də idi bitdi macəramız. security bardan çölə tullayandan sonra macəramız bitdi orada. maraqlı uşaqlar idilər.
--------------------------
yuxarıdakı hadisədən sonra, nə qədər random təklif olarsa, çalışıram geri çevirməyim. maraqlı şeylər çıxır işin içindən. evə gedib əynimi dəyişmək və yenidən ora gəlmək uzun vaxt alacağı üçün elə üstümdəki paltarla getməyə qərar verdik. üstüm nazik idi, nə isə istəyib-istəmədiyimi soruşdu, yox ehtiyac yoxdur, I'm good deyəndən sonra gedirdik ki, yolda yadına kamerasını götürmək istədiyini dedi, geri qayıtdıq.
çöl soyuq olduğu üçün, üstümdə isti bir şeyin olmasının yaxşı olacağını dedim. öz kurtka (jacket) və şərf gətirdi, sağ olsun. tam çıxırdıq ki, kofe götürmək üçün, sonra da mikrofonunu götürmək üçün qayıtdı. third time's a charm deyib, davam elədik yola.

atasının fransız olduğunu, anasının livandan olduğunu dedi. özü isə amerikan-fransızdır. christmas marketində yol boyu danışırdıq. gizli istedadlarımızdan, səs yamsılama bacarığımın olduğunu dedim. sonra bir musiqi oxumasını istədim. bizim məşhur sütü sevən kamyoncunu oxumağa başladı lol. ikinci dəfə şoku orada yaşadım.

(youtube:

)

gülüb bu videonu göstərəndən sonra növbəti stansiyamız olaraq pastry yeməyi seçdik.
pastry yemək üçün düşdük yola. işin sonu nepal restoranında bitdi lol.
azərbaycan haqda danışırdım, jazz musicdən xoşu gəlirdi. azərbaycanın o vaxtı jazz musiqini necə sevdiyindən, və bir neçə məşhur bəstəkarların adını sadaladım.

restoranda nepalın gürzəsindən (dumpling) yedikdən sonra bir qədər orada da danışdıq. azərbaycanın milli yeməklərindən, dinlərdən danışdıq. yeməyi bitirəndən sonra evdə christmas party idi, ora dəvət etdi. getməzdən öncə marketə baş çəkməyi istədim. çaxır götürmək üçün. evdə white wine olduğunu dedi. götürmədik, evin yolunu tutduq. kiçik bir not:
otaq yoldaşlarından biri 8 ildir danimarkada qalan iranlı idi. azərbaycandan olduğumu dedim. kiçik bir danışığımız oldu. cümlədə bizim ölkənin adın vurğuladı. uzun müddət sonra azerbaijan deyil də, [azərbaycan] eşidəndə adam qəribə olurmuş. -*

evə çatandan sonra qədəhləri götürüb otağa keçdik. ağ şərab yoxlamamışdım heç vaxt. gözlədiyimdən daha yaxşı dadırdı. alma suyu dadı gözləyirdim daha çox. yanıltdı məni.
kamerasını və mikrofonunu çıxartdı. yaxama sancdı və müsahibə burada başladı. suallar və cavablar.
sual azərbaycanın himni idi. oxumağımı istədi. ilk cümlə yaddan çıxdı o anda (ilk cümlə də çox çətin sözdü sanki. Azərbaycandı da. yaddan çıxanda çıxır). mən bitirdikdən sonra o amerikan himnini oxumağa başladı. daha sonra mən türkiyənin, o da fransanın himnini oxumağa başladı. sonda ispaniyanın himnini də bildiyimi dedim, kameranı mənə tərəf çevirdi.
aha, çəkirəm.
bilirəm, ispaniyanın himnində heç bir söz yoxdur deyib 3-2 ilə hesabı bağladıq. (swh)
velosipedi qarajdan çıxardana qədər gəldi, sağollaşdıq.
40 dəqiqəlik çıxmışdım evdən, 12 saat sonra geri döndüm. yeni dost edinib geri dönmək çox qəşəng idi.
son not: bu entryni şənbə günü yazırdım elə, yarıda saxladım. bazar ertəsi axır ki tamamladım.

Lola, I know you're reading this. I hope Google Translate translated the above text well. Here are some Azerbaijani jazz artists you should listen to. I know you're gonna love them!!!

vaqif mustafazde
aziza mustafa zadeh
isfar sarabski
shain novrasli
(just check this link)
/>

If I said I lived through one of the most random days of my life, it would be fitting. I never thought the day would end like this. There's a group here on Facebook where you post things you don't use or need anymore, and whoever wants can come and pick it up for free. So far, I've managed to get a printer. You can find a lot of things, but you have to be the first to respond.

It's actually a great way to meet new people. You end up having a brief conversation, maybe a minute or two, and you learn something interesting in that short time. On the fifth day, I saw a post where someone had offered condoms, and I thought, why not pick them up. The usual procedure followed: I'm interested. We arranged a time for the next day at 10:30. I hadn't slept the night before, or more accurately, I went to bed at 5 AM. Since I had fallen off my bike the day before, my rib had just started to hurt, and it distracted me when I tried to lie on that side.

I woke up at 9 AM and set off. After taking a bus and changing two different trains, I finally reached the place by bike. It was 10:25 when I arrived, so I waited for 5 minutes. After sending a message and getting no reply, I called. The person apologized and invited me inside the building to warm up. We started chatting while standing. We talked about where we were from, why and how we ended up in Copenhagen, what we do daily, our hobbies. sHe mentioned that interviewing people was her hobby. Odd hobby, right? We talked about all sorts of things, even our favorite types of movies. sHe mentioned liking an Emir Kusturica movie, "Black Cat, White Cat". When I said Kusturica was my favorite director, the conversation shifted to Christmas markets. sHe asked if I was going to the Christmas market and if I thought it would be interesting.

Short break
A month or two ago, I had gone to a city called Aarhus for a day trip with acquaintances from France and Austria. We went out for drinks at a pub in the evening. A guy from Peru joined us, and we were chatting. Eventually, I went to the restroom, and when I came out, I ended up talking to another guy who suggested we go to a nightclub. It felt like one of those RPG games where you're presented with two choices, and whatever you choose, the game goes on. It was such a moment. I could have gone back to the hostel and slept, but the night turned out to be interesting. I said, "Yes, sure, why not?" and invited my acquaintances, but they preferred to stay at the pub. So, off I went with my new friends from Aarhus. Our adventure ended around 2 AM when security kicked us out of the bar. They were interesting guys.

After that incident, I try not to turn down random offers. Interesting things come out of it. Since going home to change and coming back would take too long, I decided to just go in the clothes I was wearing. I was dressed lightly, and when asked if I needed anything, I said, "No, I'm good." But as we were leaving, she remembered she wanted to bring her camera, so we went back. Given the cold outside, I mentioned it would be good to have something warm to wear. sHe kindly brought me a jacket and a scarf. Just as we were about to leave, she went back again to grab her coffee and then her microphone. "Third time's a charm," we said, and continued on our way.

sHe mentioned that her father was French and her mother was from Lebanon, making her French-American. We talked a lot on our way to the Christmas market, about our hidden talents and that I had a knack for imitating voices. Then she asked me to sing a song about a famous milk-loving truck driver, which caught me off guard for the second time.

After showing me a funny video on YouTube, we decided to have some pastry as our next stop. The day ended at a Nepalese restaurant, of all places. I talked about Azerbaijan and how much it appreciates jazz music, naming a few famous composers.

At the restaurant, we had Nepalese dumplings and talked a bit more about Azerbaijan's national dishes and religions. Before leaving for a Christmas party at her place, I wanted to stop by a market to buy wine. sHe mentioned having white wine at home, so we didn't buy any and headed to her place. A small note: one of her roommates, who had been in Denmark for 8 years, was from Iran. When I mentioned I was from Azerbaijan, we had a brief chat. It's strange how hearing your country's name pronounced correctly by someone after a long time can feel so odd.

When we got to her place, we took some glasses and moved to the room. I had never tried white wine before and it tasted better than I expected. I was anticipating something more like apple juice, but it surprised me.

sHe then took out her camera and microphone, clipped the mic to me, and that's when the interview started. The questions and answers began. One of the questions was about the national anthem of Azerbaijan. sHe asked me to sing it. I forgot the first line right at that moment (and it's a tough line, especially since it's in Azerbaijani, and when you forget, you really forget). After I finished, she started singing the American national anthem. Then I sang the Turkish anthem, and she sang the French anthem. I mentioned that I also knew the Spanish anthem, and she pointed the camera at me. "Ah, I'm recording this." I noted, "You know, the Spanish anthem doesn't have any lyrics," and we ended the score at 3-2.

sHe walked me to the garage to get my bike, and we said our goodbyes. I had left home for a 40-minute errand and returned 12 hours later, having made a new friend. It was a wonderful experience.

Final note: I started writing this entry on Saturday and left it midway. Finally finished it on Monday.

Please check the links above

10 əjdaha! 04.12.2023 06:14, grammar.nazi

#380779 şikayət

sözaltı fotoqrafiya

+13 əjdaha

Üzü qışa tərəf...

12 əjdaha! 16.12.2023 06:37, grammar.nazi

#381102 şikayət

koronavirusa yoluxan yazarlar

+12 əjdaha

8 əjdaha! 02.09.2020 18:13, sistem robotu

#303795 şikayət

sözaltı music

+13 əjdaha

silinmiş entry.

13 əjdaha! 13.08.2021 21:27, grammar.nazi

#334110 şikayət

payız

+12 əjdaha

ən sevdiyim fəsil. ağac yarpaqların hər səhər oyananda daha saraldığını görmək insanı sevindirir. o mahnıda da dediyi kimi, Ürəyim yollardan qayıtmır evə. elə indi bu entryni yazanda çöldə yağış yağır, ağaclar da sarı-sarı baxır üzünə. ağacların altında yeriyəndə başıvın üstünə sarı yarpaqlar düşməsi belə payızı sevmək üçün səbəbdir. şirniyyatla çayını sevərək içəcəyin fəsildir payız. uşaqlarla yığılıb xəngəl yeməyə getmək üçün səbəbdir payız. payız gözəldir. gözəl xatirələrlə yadda qalır.

11 əjdaha! 24.10.2023 19:10, grammar.nazi

#379749 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

grammar.nazi

son bəyənilənlər:

oxuyucuların bəyəndikləri: