kurçulava

123 0 0 0

4. nəsil yazar

Entry: 123

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

xoşladığın qızın öncədən sekslə məşğul olmasını öyrənmək

+67 əjdaha

icazənizlə yaxşı kin qusmaq istədiyim başlıqdır. indidən spoiler verib deyim ki, əsəbisinizsə, dünya sizə dar gəlirsə, beyniniz çönürsə bu entryni oxumadan keçə bilər, rahatlıqla umbaylaya bilərsiniz. necə ki, mən yuxarıda yazılan entrylərin 70 faizini umbaylamışam. qorxmayın, rahat olun. indi isə getdik.

hər hansısa təsadüf nəticəsində azərbaycanda doğulan və doğulandan sonra ona aşılanan dəyərlərə ikiəlli yapışanlar varlıqlar, siz yuxarıda qeyd etmisiniz ki, bunu qəbul edənlər şərəfsizdir, nədir və s. yaxşı, mən sizinlə razı. bunu qəbul edənlər şərəfsizdir, dünyanın ən yaxşı yaşam səviyyəsinə malik ölkələrin insanları şərəfsizdir, afrikalılar, piqmeylər, eskimoslar, burkino fasolular, ümumiyyətlə sikimsonik islam mədəniyyəti xaricində qalan bütün insanlar şərəfsizdir, çünki onlar bunu qəbul edirlər. lap gözəl, lap əla. sizlər, içinizə soxanlar, ikiüzlülük edənlər, yaxınınız xəstəxanaya düşəndə əlacsızlıqdan kredit götürənlər, aldığı pensiya ilə dərman almağa pulu çatmayan yaşlıların nəvələri olan sizlər, pulları havaya sovrulan ölkənin insanları sizlər, rüşvətxorluğun hər tərəfdə tüğyan edən ölkənin vətəndaşları sizlər şərəflisiniz? nə vaxta qədər dəvəquşu kimi başınızı quma soxub götünüzü bayırda qoyacaqsınız? hər şeyə göz yumursunuz, içinizə soxunursunuz, cəmiyyətdə hər cürə oğraşlığın ayaq açmasına səsinizi çıxarmırsınız, amma kiminsə intim, bax burasına diqqət edin, intim deyirəm ha, yəni sizə girib-çıxanı olmayan mövzu haqqında insanları mühakimə edirsiniz? bəlkə gendən genə ötürülən şamtutanlıq fəlsəfəsini kənara qoyub, həyatda daha doğru-düzgün işlərlə məşğul olmağa başlayasınız? pis olmaz? hələlik, gələn görüşlərədək.

(baxma: açacağın başlığı sikim )

64 əjdaha! 12.08.2015 04:33, kurçulava

#177876 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

acı uşaqlıq xatirələri

+20 əjdaha

həmişə bu başlığı görüb yan keçirdim, axır bugün, necə deyərlər özümdə qüvvə tapıb bu haqda yazmağı qərarlaşdırdım. əslində, bir xeyli belə xatirələr var, amma bu nədənsə ağlıma ilişib qalıb və məhz, bunu danışmaq istəyirəm. elə isə getdik.

balacayam, hardasa 10-11 yaşım olar, ya yox. soyuq qış günlərindən biridi, ayın tarixi 31 dekabrı göstərir. evdə atam yoxdu. yemək bişirmək lazımdı, amma qaz gəlmir. lənət sənə kor şeytan, tərslikdən propan balonda da qaz qutarıb və bunu doldurmağa aparmaq lazımdı. əlbəttə, məndən başqa kimsə gedə bilməyəcəyinə görə mən getməliyəm. propan doldurmaq üçün məntəqə uzaqdadı, avtobusla getmək lazımdı. propan dolu olanda güclə daşıyıram, yüngül olanda isə elə zənn edirəm ki, məndən daha güclüsü yoxdu. nəysə, evdən çıxdım, getdim düşdüm qazdoldurma məntəqəsinin qabağında. yağış da yağıb, bakını da özünüz bilirsiniz də, hər tərəf palçıqdı. güclə-bəlayla 4 cərgəlik yolu qorxa-qorxa keçmişəm. görürəm xeyli adam durub, mən də keçdim dayandım sırada. gözlə ki gözləyəsən, yağış da gah yağır, gah dayanır. yer bütün sudur, ayaqlarım islanmağa başlayıb, soyuq yavaş-yavaş iliyimə işləyir. insanların sırası isə azalmır, elə bil təkcə qazdoldurma məntəqəsində həmrəylik günü keçirdirik. yarım saat qırx dəqiqədən sonra 10 nəfər qalmışdı qabağımda, reski bir ortayaşlı kişi başladı mənimlə danışmağa. mən də başa düşmürəm bu nə danışır, qulaq asmıram. sonra üzümü çevirdim, sən demə kişi mənə deyirmiş ki, sən nə vaxtdan burdasan? sırasız gəlib girmisən. mən də gözlərimi zilləmişəm, heçnə başa düşmürəm. kişi deyir ki, gəlib dayananda demək lazımdır ki, axırıncı kimdirsə ondan sonra mənəm. mən indi bilmirəm nə edim, bu qədər vaxt gözləmişəm. axırda başqa bir kişi bu birinə dedi ki, uşaqdı da, bilməyib, bayaqdan gözləyir. yaxşı sıyrıldım, biraz daha gözlədikdən sonra doldurub ordan uzaqlaşdım. yolda gələn avtobuslar da balacayam, pul vermirəm deyə saxlamır. oturub dua edirəm ki, kimsə də gəlib məniynən dayansın, o əl eləsin, mən minim. yenə 30-40 dəqiqədən avtobusun biri saxladı. nəyi var islanmışdım, ayaqlarım yaş idi, lakin avtobusdan düşüb evə gedəndə özümü böyük bir qələbə qazanmış sərkərdə kimi hiss edirdim. o vaxtdan bəri həmişə hardasa gözləyirəmsə, kişinin dediyi sözləri deyirəm. tanımadığım digər kişi olmasaydı mən nə vaxta qədər gözləməli olardım bir allah bilir. həmin yeni il axşamı mənim yaşadığım ən kədərli və stressli axşamlardan biri oldu. amma nəhayət evdə yemək bişəndə özümü yaxşı hiss etdim və duyduğum kədər, əzginlik bir balaca da olsa azaldı.

20 əjdaha! 13.08.2015 00:25, kurçulava

#177922 şikayət

sözaltı sözlük e-kitab arxivi

+17 əjdaha

keçən səfər bir yoldaşın rt etməsiylə qarşılaşdığım möhtəşəm arxiv link

10 əjdaha! 02.06.2015 00:58, kurçulava

#168286 şikayət

eyyub yaqubov

+16 əjdaha

eyyubun oxuduğu "blatnoy" mahnılar bakı şansonudur və sırf bu musiqini sevən yüzlərlə adam var, çünki bu əsərlərdə itirilmiç bakının axtarışı prosesi var. bakılı olmayan, bakıda böyüməyən, o nostaljidən uzaq insanların bunları anlamamağı təbiidir, anlaşılandır, amma di gəl belə mahnılardan ötrü adamı tənqid etmək çox gülüncdür, qusmaqdır. şansonu sevmirsənsə anlayaram, lakin "həsrətinin yollarındayam", "kim bilir", "neylərəm", "uzaqda", "unutdun", "yağış" kimi ifalara haqsızlıq etmək olmaz, vallah olmaz. təkcə "neylərəm" mahnısının sözləri və ona uyğun çəkilmiş klip nəyə desən dəyər, çünki orda insan şəxsiyyətinin ikiləşməsi, keçmişlə indiki halımızın bir-birinə duyduğu ehtiyac kimi mövzulara toxunur, insanın özünə "sən olmasan, mən neylərəm?"sualı ritorikləşir, itirdiyimiz və xəyalında olduğumuz "mən" gerçək mənlə üzləşir, istəklərimiz və ola bilmədiyimiz bütün şəxslər və keyfiyyətlər qarşı-qarşıya durur.

çox dəyərli mahnıları və klipləri olan sənətkar, hər şeyin kitschləşdiyi cəmiyyətdğ öz spesifikliyini və dəyərini pozmadab qoruyub saxlayan şəxsiyyət. var ol, çox yaşa.

14 əjdaha! 13.10.2015 11:58, kurçulava

#183621 şikayət

idiot

+17 əjdaha

fyodor dostoyevski nin 1868-ci ildə yayımlanmış, "cinayət və cəza"dan başlayaraq "karamazov qardaşları" ilə bitəcək dörd irihəcmli romanlarından ikincisidir. idiot sözü ağıldankəm, gicbəsər kimi tərcümə edilə bilər. əsər dövrün cəmiyyətini göstərməkdən daha çox, bəşəri dəyərlərimizi bir mikroskopla böyüdüb bizə göstərən psixoloq (dostoyevski özü deyirdi ki, mən psixoloq yox, realistəm) müəllifin düşüncələridir. əsər sevimli şəhər sankt peterburqda keçir. idiotumuz knyaz mışkindir və biz onu ilk dəfə peterburqa qatarla geri dönərkən tanıyırıq. knyaz mışkin illərdir isveçrədə idiot olduğu üçün müalicə almışdır və daha sonra onu himayə edənin ölümü ilə məcburi geri qayıtmalı olur. romanın üç əsas obrazı vardır: knyaz mışkin, nastasya filippovna, parfyon roqojin. nastasya filippovna cəmiyyət tərəfindən yaxşı qəbul edilmir, buna baxmayaraq həddindən artıq gözəldir və digər iki əsas obraz bu qadına aşiq olurlar, onun uğrunda sona qədər gizlicə mübarizə davam etməkdədir. nastasya filippovna dostoyevskinin yaratdığı ən güclü qadın obrazıdır, öz doğum günündə onunla evlənmək istəyən qavrilanı həqir göstərmək, alçaltmaq üçün roqojinin gətirdiyi pulu sobaya atır və biz burda insan xarakterinin çətin vəziyyətə düşərkən yaşadığı stressləri, ağrıları görür, duyur, hiss edirik.

knyaz mışkin isa məsihlə eyniləşdirilmiş personajdır və onun üçün yeganə həqiqi dəyər sevgidir. bu çirklənmiş, intriqaların baş alıb getdiyi, insanların az qala bir-birlərini maddiyat uğrunda öldürəcəkləri dünyada həddən artıq safdır, yalandan uzaqdır, ağlından keçənləri deyəndir, hamını bağışlayan, bir sözlə cəmiyyətin şərtlərinə uyğun olmayan biridir, yəni gicbəsərdir.

bu əsər dostoyevskinin ən lirik əsəri sayılır, əsərin əsas ideyası elə "dünyanı gözəllik xilas edəcək" sözləridir. roman strukturu və forması baxımından daha fərqlidir, bütün xarakterlərin taleyi açılmadığı kimi, həm də romanın daxilində ippolitin yazdığı vəsiyətnamə, holbeynin "çarmıxdan çıxarılmış isa" əsəri haqqında düşüncələr, dövrün siyasi və ictimai düşüncələrinə münasibət, rus gəncliyinin nihilizmə baxışı kimi mövzulardan yazılmışdır. roman vahid bir mövzudan deyil, bir neçə fərqli düşüncələrin birləşməsindən ərsəyə gəlmişdir. yepançinlər ailəsinin ailədaxili əlaqələri və onların knyaz mışkinlə olan münasibəti xeyli ətraflı işlənmişdir. knyaz mışkinin ilk başlarda danışdığı gilyotin və edam daha sonra albert camusə "yad"ı yazarkən ilham mənbəyi olmuşdur deyə düşünürəm. daha bir şəxsi mülahizəmi söyləyib yekunlaşdırıram. knyaz mışkin edam olunmağa aparılan adam haqqında danışır və məhz edamdan son anda qurtulan adamın dediklərin təkrar edir. bu kimdir? o adam elə dostoyevskinin özüdür, inanmırsınızsa açın oxuyun. -*

-- ağır spoiler--
mən olsaydım aqlaya ilə evlənmişdim, heyif o cür qızdan
-- ağır spoiler--

oxuyun, oxutdurun.

12 əjdaha! 26.08.2015 03:53, kurçulava

#179122 şikayət

gözəl qızlar

+17 əjdaha

universitetin həyətində olan skameykada oturub yanda oturan qadına baxıram, daha doğrusu kitab oxuyuram, hərdən nə etdiyinə göz yetirirəm. diqqət etdikcə gözəlliyi bütün bədənimə hakim kəsilir, hər zaman gülümsəyən adam olan mən istər-istəməz ciddiləşirəm, çox ciddi mimikalarla baxıram, sonra yenidən kitaba qayıdıram. göz-gözə gəlirik, ciddiliyimdən narahat olduğunu anlayıram, amma gülə, ən azından gülümsəyə bilmirəm. bütün gözəlliyi, saçları, eynəyi, əlləri məni heyrətləndirir, bu varlığın nə düşündüyünü, hansı maraqları olduğunu, nəyi sevib-sevmədiyini, hansı havalarda sevinib, hansında özünü pis hiss etdiyini, necə bir uşaqlıq keçirdiyini öyrənmək istəyirəm, heç kim yoxdu aramızda, həm də sanki bütün bəşər tarixi də aramızdadı və mən bunu heç vaxt aşa bilməyəcəm. yenidən başımı aşağı salıb kitabımı oxumağa davam edirəm, o qarşımdan keçərək çıxıb gedir, utandığımdan heç başımı qaldırıb baxa bilmirəm. o nə ilk idi, nə də sondu, ancaq gülmək lazımdı, gülmək, bu təcrübəmdən bunu öyrənmiş oluram. yaxşı ki varlar və yaxşı ki tanrı belə möcüzələri yaradır.
not: gözəllik insandan insana dəyişən bir şeydi, yuxarıda sözükeçən qadın bəlkə də hazırda dəbdə olan gözəllik kriteriyalarına görə heç də gözəl deyil, amma bunlar boş şeydi. bir çox yerdə bizə itələnən gözəllik anlayışını lazım gələndə rədd etmək lazımdı, çünki şair demişkən, mən sevdim və sən indi dünyanın ən gözəlisən.

16 əjdaha! 18.10.2015 05:33, kurçulava

#184077 şikayət

gözəl qız və çirkin oğlan münasibəti

+13 əjdaha

bu çox məşhur bir hadisədir, illərlə feysbukun statuslarında aparılan sorğularla dərinliyinə enilmişdir, yenidən bu söhbətlərə edib başağrısı vermək istəmirəm, toxunacağım nöqtə başqadır.

münasibətdə olduğum insanlara qarşı çalışıram həmişə səmimi olum, amma onların mənə qarşı qeyri-səmimi davranışları, sözləri məni tam özümdən çıxarırdı. pis-yaxşı münasibətlərim oımuşdu, amma bir gün elə bir gözəllik sahibiylə münasibətə başladım ki, özünü artıq bu gözəlliyim altında əzilmiş kimi hiss edirdim. heç cürə anlaya bilmirdim ki, belə gözəl biri necə mənimlə münasibət qurub və davam edir. yox, başa düşürəm, adam düşüncəli, başa düşən, qayğıkeş, nə bilim bütün cəhətləri özündə cəmləyə bilər, amma bu fiziki olaraq qarşılıq tapmadığında istər-istəməz təəccüblənir. qarşı tərəfdən soruşduqda deyirdi ki, yox, sən özünü düzgün qiymətləndirmirsən, düşündüyün kimi deyil və s. bu sözləri mənə o qədər təlqin etdi ki, o vaxtdan bəri eqom aşağılara doğru enmir, qətiyyən çirkinlik barəsində düşünmürəm.

həmin qadına isə burdan demək istəyirən ki, adam bu qədər gözəl olmaz axı, indisə kimisə bəyənməkdə əziyyət çəkirəm.

12 əjdaha! 12.08.2015 19:09, kurçulava

#177905 şikayət

yad qadının məktubu

+10 əjdaha

əsərin özü haqqında yox, əsərin xatirəsi barəsində yazmaq istərdim.əsər onsuz qısadı, öz psixoloji dərinliyi və zweigin etdiyi psixoanalizlə əvəz olunmazdır.

bir dostumla uzun müddət idi danışmırdıq, narahat idim. heç cür əlaqə saxlaya bilmirdim, gözləyirdim. bir gün necə oldusa əlaqə saxlaya bildik. havadan-sudan danışdıq, sonra oxuduğumuz kitablardan danışırdıq, nələrlə maraqlanırıq və s. bu əsərin adını çəkdi, dedi ki, oxumusan? dedim hə. dedi ki, mən o əsərdəki qadını başa düşürəm. bu söz mənə şillə kimi dəydi, hələ də unuda bilmirəm. bu sözün altında ifadə oluna bilməyəcək o qədər dərin mənalar yatırdı ki, heçnə deyə bilmədim, içimə soxaraq təkcə "bilirəm" dedim. hələ də bu cümlənin ağırlığı altında əzilirəm. indi uzaqdadır, şairin də dediyi kimi, bilmirəm əlləri necədi, baxışı necədi, yerini bilmirəm, bilsəm gedərəm. bu cümlənin deyilməsindən 5-6 aydan çox keçir, 5-6 il keçsə də unuda bilməyəcəyimdən qorxuram və məni həmişə bir kölgə kimi izləyəcəyini düşünürəm, eynən yad qadının məktubundakı kimi.

10 əjdaha! 16.08.2015 00:53, kurçulava

#178190 şikayət

sözlük yazarlarının niklərinin hekayəsi

+12 əjdaha

uşaq vaxtı atam həmişə cavanlığında necə yaxşı futbol oynadığından danışırdı, bir də peledən və murtaz xrutsilavadan ağız dolusu danışırdı. danışdıqları yadımdadı, daha çox əfsanə qarışıq təhkiyə idi ki, mənə bu qədər təsir etmişdi. bu yaxınlarda ssri futbol yığması haqda yazılar oxuyanda xrutsilava adlı gürcü kapitanın adına rast gəldim. sonra haqqında internetdə baxanda gördüm ki, atamın uşaqlıq dövründə ssridə kapitanlıq edib. niyə bəs xrutsilava yox, məhz kurçulava? çünki atam belə deyir adını.

12 əjdaha! 30.05.2015 21:52, kurçulava

#167758 şikayət

sergey bodrov

+9 əjdaha

1971-ci ildə doğulmuş, 2002-ci ildə faciəvi şəkildə vəfat etmiş aktyor, rejissor, incəsənət tarixçisi. rol aldığı ən məşhur filmlər brat və brat 2 filmləridir. bu filmlərdə səhnələdiyi rolla insanların hafizələrində özünə əbədi və xoş bir yer etmiş, unudulmaz performans sərgiləmişdir. debütü atasının çəkdiyi qafqaz əsiri filmiylə olmuşdur. moskva universitetinin incəsənət tarixi məzunudur.

--sitat--

incəsənət tarixi məzunu olmaq sizə nə qazandırmışdır? sualına, "siz bir şəhər getdiyiniz zaman o şəhərdə harda nə olduğunu, meydanları filan bilərsiniz, mən isə o şəhərdə olan muzeydə bütün gün boyu qarşısında duraraq vaxt keçirdə biləcəyim əsərin olduğunu bilirəm. həmin gün həyata dair bir gündür" demişdir.

--sitat--

rejissor olaraq isə ilk filmi "brat" seriyasının adəta davamı olaraq çəkdiyi syostrı filmidir. filmdə istifadə etdiyi viktor tsoi musiqiləri dahi tsoiya olan hörmət və pərəstişindən xəbər verir.

ölümü ikinci filmini çəkdiyi zaman qar uçqunu altında qalaraq gerçəkləşmişdir. meyiti tapılmamışdır. yaraşıqlı və xarizmatik bodrov əbədi olaraq "qafqaz əsiri"dir və onu qurtaracaq heç kim və heç nə yoxdur. təəssüf.

8 əjdaha! 11.08.2015 19:20, kurçulava

#177803 şikayət

salyarka ilə silinmiş sinif otağı

+8 əjdaha

-cəfərov, pulu gətirmisən?
+yox, müəllimə.
-niyə? eviniz yaxındadı, get gətir.
+atam hələ maaş almayıb, müəllimə.

tipində minlərlə dialoqla eyni anda ağla gələn mənzərədir. çirkli otaqlar, birinci güb gəlib qapı-pəncərəni açmaq, daha nələr nələr.

(baxma: yazarların uşaqlıq travmaları)

8 əjdaha! 28.05.2015 23:47, kurçulava

#167357 şikayət

qərb cəbhəsində yeni heçnə yoxdur

+8 əjdaha

bir neçə il öncə oxumuşdum, remark yaradıcılığına xas sadə, amma təsiredici bir roman. insan oxumaqda püxtələşdikcə artıq bu tərz romanlar ləzzət verməməyə başlayır, lakin təzə oxumağa başlayırsınızsa məhz remarkdan başlasanız heç də pis olmaz, o sizə ədəbiyyatı sevdirəcəkdir. roman haqda yalnız bunu demık bəsdir ki, əsər elə çap olunduğu il azərbaycan dilinə tərcüməyə başlanmış və jurnalda hissə çıxmışdır. 1930 ya da 1931 ilində kitab kimi nəşr edilmişdir.

8 əjdaha! 08.08.2015 00:45, kurçulava

#177410 şikayət

park

+8 əjdaha

rasim ocaqovun corc oruel ilində çəkdiyi bədii filmdir. filmin ssenarisi rüstəm ibrahimbəyovun, musiqiləri emin sabitoğlunundur. baş rolda ocaqovun sevimlisi fəxrəddin manafov oynayır. film ideya baxımından gerçəkləşməyini istədiyimiz, amma heç vaxt gerçəkləşməyəcək hadisələrə qarşı çəkilən həsrət, intizar və gözləntilərin dəfələrlə boş çıxmasından yaranan ümidsizlikdən bəhs edir. film boyu biz bakınən altımışıncı illərinə boylanırıq ki, həmin vaxtlar bakının jazz vaxtlar olmuşdur. gördüyümüz kadrlarla adam lap qayıdıb həmin bakıda yaşamaq istəyir. gənclər kafe, restoranda jazz müşayiəti ilə nahar edir, əylənir, gəzirlər. saksafonun müşayiəti ilə qaldırıcı kranların fonunda batan günəş mənzərəsi insanı valeh edir. emin sabitoğlu yenə öz dühasını ortaya qoyur, musiqilər bizi tamam başqa aləmlərə aparır, insan həyatlarından ortalığa səpələnmiş xatirələr gözümüzün önündən keçərək səssizcə uzaqlaşır və baxa-baxa qalırıq, əlimizdən nəsə gəlmir.

--spoiler--

marat neftçıxarma qrupunun briqadiridir, günlərin bir günü onun yanına dostu gəlir və deyir ki, eksperiment üçün icazə lazımdır. marat razı olmur, daha sonra biz keçmişə dönüş edərək maratı və dostunu tanıyırıq. dostu özünü bəyənmiş, xudbin, uğur qazanmaq və xoşbəxt olmaq üçün əlindən gələni edəcək, pis yaxşı fərqi qoymadan özünü isbatlamağa çalışan biridir, hətta maratın sevdiyi qızı onun əlindən alaraq evlənmişdir. maratla vikanın sevgisini, ayrılmaqlarını, bir-birlərinə münasibətlərini, illər keçməsinə rəğmən hisslərin çox az dəyişdiyini görürük. bir xeyli müzarikələrdən, xahiş minnətdən sonra marat dostunun eksperiment təklifini qəbul edir. maratın simasında biz əfv etmənin müdrikliyinə şahid oluruq.
filmin adı isə maratın evinin yanındakı daşkarxanasının yerində qurulacaq parka görədir. marat dostundan öyrənir ki, sən demə heç burda park olmayacaqmış, ordan köçmək lazımdır.
park metafordur, olmağını istəyib, amma olmayan bütün istəklərin bənzətməsidir. filmdəki üç baş qəhrəmanın üçü də gerçəkləşməyən, nə vaxtsa yaxşı olacağını düşünüb qərarlar alan, lakin olmayan həyatları yaşayan insanlardır. üç şəxs də özünü aldatmaqla məşğuldur. marat xoşbəxt olmaq istəyir, amma ola bilmir, çünki gecikir. vika xoşbəxt olmaq üçün evlənir, amma sevgisini unuda bilmir, xoşbəxt deyil. dost isə xoşbəxt kimi görünən, lakin uğursuz həyat yaşayan insanı təmsil edir. filmi sonluğu möhtəşəmdir. belə ki, marat başqa bir qıza görə döyülür, həmin qız maratın həyətin gələndə qız karxanadakı səs-küydən şikayət edir. marat onu qucaqlayaraq orda park tikiləcəyini, qayıqların, yelləncəklərin olacağını deyir (halbuki belə şey olmayacağını dostu demişdi). son kadrlar isə gözəl bir parkın şəkilləridir. rejissor bizə sonluqla bağlı iki variant təqdim edir: a) ümidlərinizdən, xəyallarınızdan əsla vazkeçməyin, onlar bəlkə nə vaxtsa gerçəkləşdilər. b) sevdiklərinizi əfv edin, belə olduğu halda bəlkə həyatımız daha dözülən olar, mükafat olaraq da istəklərimiz gerçəkləşə bilər.

--spoiler--
izləyin, izlətdirin. sadəcə şedevr.

8 əjdaha! 13.09.2015 19:56, kurçulava

#180944 şikayət

yazarların fetişi

+8 əjdaha

bayaqdan başımı sındırıram ki, görüm mənim nə fetişim var. maddi heç bir fetişim olmadığına qərar verdim. mənim fetişim xatirələrdi. indiki zamandakı heç bir şey məni qane etmir. bir insanın əlləri, qulağı, burnu və s. yalnız xatirəyə çevriləndə fetişə çevrilir. hətta sevdiyim insanların sevdiyi əşyalar da mənim üçün fetişə çevrilə bilər. nə bilim, nəsə özümü yaxşı ifadə edə bilmərəm. arifə bir işarə də kifayətdi.

7 əjdaha! 15.08.2015 01:56, kurçulava

#178109 şikayət

qodonun intizarında

+6 əjdaha

samuel beckettin ilk dəfə fransızca yazdığı, daha sonra ingiliscəyə tərcümə etdikdən sonra bütün dünyada kultlaşan əsəridir, teatr tarixinin ən uğurlu pyeslərindən sayılır.

--spoiler--

"qodonu gözlərkən" əsəri absurd və qarşısıalınmaz bir gözləntidən əlavə, həm də insanın bütün keyfiyyətlərini itirərək cılızlaşması və yox olmağını göstərən əsərdir. iki əsas personajın keçmişi haqqında heçnə bilmirik, təkcə onların neçə müddətsə dayanmadan gözlədiklərindən xəbərdarıq. onlar hər şeyi unudurlar, günləri qarışdırırlar, bir-birlərinə danışacaq nələrisə yoxdu, hərdən yuxu görsələr də biri digərinə danışmağa fürsət vermir, çünki bu mənasızdı. estraqon "bədbəxtəm" deyəndə "nə qədər vaxtdı?" sualı ilə qarşılaşır, unutmuşam deyir. unudub, unutmuşuq. nəyinsə düzələcəyi və dəyişəcəyi gözləntisi ilə hər şeyi boşa veririk. ikinci pərdədə yenidən görünən ağa və köləsinin artıq danışma və görmə qabiliyyətini itirdiyini, getdikcə daha da pis olacaqlarını ağanın dilindən eşidirik. ağa haqlıdır, onlar bütün keyfiyyətlərini itirib öləcəklər. estraqon əsərin bir yerində vladimirdən soruşur ki, etdiyimiz bütün hərəkətlər öz varoluşumzu isbat etmək cəhdlərindən başqa bir şey deyilsə, nədir?
hamı özünün yaşadığını, varolduğunu isbat etməyə çalışır, bu cəhdlərdən ən gözəli isə incəsənətdir, başqa yolumuz yoxdu.
qodo kimdir və ya nədir? bu dünyada ən çox müzakirə olunan mövzulardan biridir, şəhər əfsanələrindən birinə görə bu bekketin uşaqlıqda məktəbə getmək üçün gözlədiyi servis sürücüsünün adıdır.

--spoiler--
oxuyun, oxutdurun, inanmıram azərbaycanda olsun, amma nə vaxtsa səhnələnsə gedin izləyin, xaricdə də olsa olar.

6 əjdaha! 16.10.2015 22:44, kurçulava

#183947 şikayət

siqareti tərgitmək

+7 əjdaha

şəhərə uzun müddət yağış yağmadığında, həyatın nisbətən yoluna düşdükdə, ətrafdakılarla anlaşmağa başladığında və artıq həyatının dəyərli olduğunu, bu siqaretə xərclədiyini daha faydalı işlərə xərcləyə biləcəyini zənn etdikdə, bəzənsə sağlamlıq ucbatından atmağa məcbur olursan. elə ki, şəhərdə uzunmüddətli yağışlar başladısa, gecə erkən çökməyə başladısa, yenə öz yalnızlığına məhkum olunduğunu gördünsə, sağlamlığının da heç kimin, hətta özünün də vecinə olmadığını anladınsa, cibindəki pulun belə getməyə bir yeri yoxdursa, sən başını aşağı salıb yavaş addımlarla mağazaya gedər, ağlından keçən bir markanı deyib, özünü küçəyə atıb yağışlı və qaranlıq gecədə öz siqaretinlə qaranlığı aydınlatmağa çalışarsan. siqaret vərdişdir, ən pis vərdişimiz yaşamaq, ikincisi isə siqaretdi. hər ikisini də tərgitmək lazımdı.

6 əjdaha! 29.10.2015 18:30, kurçulava

#185290 şikayət

ata fiqurası olaraq timidusu görmək

+5 əjdaha

(baxma: yeni imperator olaraq aleksandrit lazer aparatın görürəm)

5 əjdaha! 13.08.2015 23:37, kurçulava

#178010 şikayət

fransız

+5 əjdaha

vaqif mustafayevin 1995-ci ildə özünəxas tərzini davam etdirərək çəkdiyi filmdir.

--spoiler--

film "bizi qınayanın atasına lənət - millət" sözləriylə başlayır. əlibaba fransadan yaşadıqdan sonra azərbaycanı bəyənməyən biridir və azərbaycanca danışmır. filmi iki cür şərh etmək olur: 1) milli kimliyini itirmiş azərbaycanlıya milli dəyərli xatırlatmaq cəhdi. 2) milli dəyərləri qoruyur əslində milli dəyərlərin bir şeyimə yaramadığını göstərərək möhtəşəm ironiya etmək.
əlbəttə, vaqifin tərzi ikincidir və belə edir. şairini, sazını, meyxanası, musiqisini və hətta yuxu priyomuyla dədə qorqudunu belə lağa qoyur, ələ salır, bunu elə ustalıqla edir ki, hətta o filmə çəkilənlər belə bunu anlamır. filmin sonluğu çox əladır. əlibabanı sünnət etdikdən sonra o düzəlir. yəni, bu o deməkdir ki, azərbaycanda xeyri yoxdu, sikə-sikə də olsa öz bildiklərin yeridəcəklər. sonra yaşar nuri deyir ki, bizi qınayanın atasına lənət, atova lənət bizi qınayan. əlibaba da deyir ki, siz də heç olmasa millət olun da.

--spoiler--
izləyin, izlətdirin, sadəcə şedevr

5 əjdaha! 16.10.2015 23:26, kurçulava

#183952 şikayət

xoşbəxtlik

+5 əjdaha

tam olaraq nə olduğunu hardasa izah etməyin mümkünsüz olduğu, şəxsə və situasiyaya görə dəyişən varlıqdır. telefonunuza gələn qısa bir mesaj da sizi xoşbəxt edə bilər, istədiyiniz adamla evlənəndə də xoşbəxt ola bilərsiniz, hətta avtobusda gedərkən balaca bir qızın ətrafına qarşı laqeydliklə ifa etdiyi mahnı da sizi xoşbəxt edə bilər. məsələ, xoşbəxt olmaqdan daha çox xoşbəxt olduğunun fərqinə varmaqdır, lakin təəssüf ki, çox zaman hadisələr xatirələrə çevrildiyində daha çox xoşbəxtlik hiss edirsən, çünki mahiyyət etibarı ilə gijdıllağıq, şadlığımıza şitlik edirik və ən xırda detallara ilişərək yaxalıdığımız o möhtəşəm sakitlik və xoşbəxtliyi öz əlimizlə məhv edirik. ümid edirik bundan sonra eyni səhvləri etmərik.

5 əjdaha! 11.08.2015 22:44, kurçulava

#177837 şikayət

yaradıcı ağıllı gözəl insanların yalnız olması

+4 əjdaha

çox normal bir şeydir. yaradıcı insan özünü yazdığı, yaratdığı varlıqlar ilə təmin edə bilən, insanın nə qədər sevgiyə möhtac aciz varlıq olduğunu başa düşdüyü üçün bu ehtiyacı qırmağa çalışan, bir çox sevdiyini öz əlinin tərsiynən itələyən, çox zaman heç vaxt olmayacaq adama fikrini ilişdirən, ondan əl çəkməyən adamdı. ümumiyyətlə, bir insan cəmiyyətlə münasibətlərindən vazkeçib özünə qapa bilirsə, onun edə bilməyəcəyi şey yoxdu.

3 əjdaha! 31.05.2015 03:54, kurçulava

#167833 şikayət

rasim əliyev

+5 əjdaha

(youtube:

)

"Dünən futbolçu Cavid Hüseynovun qohumları tərəfindən döyüldüyünü iddia edən jurnalist Rasim Əiyev bu gün xəstəxanada dünyasını dəyişdi.
Avqustun 8-də reportyor Rasim Əliyev döyülüb. O, "Qəbələ" futbol klubunun oyunçusu Cavid Hüseynovun qohumları tərəfindən döyüldüyünü deyir. Nəticədə jurnalist 1 saylı Şəhər Kliniki Xəstəxanasına yerləşdirilib.
Rasim Əliyevin sözlərinə görə, Facebook səhifəsində yazdığı tənqidi statusundan sonra futbolçunun qohumları ona hədə-qorxu gəliblər. Bundan sonra Cavid Hüseynov zəng edib, amma mülayim danışıb və etdiyi hərəkətin səbəbini başa salıb. Amma qohumlarının hirsi soyumayıb: "Mənə zəng etdilər ki, bəs Cavidlə danışdıq, amma gəl görüşüb çay içək, razılaşdım. Bayılda görüşəndə düşdülər üstümə, 7-8 nəfər idi. Döyərkən telefonumu da sındırdılar. Hazırda xəstəxanadayam. Qabırğalarım sınıb və sol qulağım eşitmir"
Bu gün isə Rasim Əliyev dünyasını dəyişib."

yəni, görün vəziyyət gəlib haralara çıxıb, nə günlərə düşmüşük. ölmək və öldürmək necə basitləşib bizim üçün. getdikcə özümüzdən uzaqlaşırıq demək istərdim, amma nə vaxt yaxın olmuşuq ki?

5 əjdaha! 09.08.2015 13:21, kurçulava

#177575 şikayət

məktəb tualetində sıçmaq

+3 əjdaha

çox zaman mədə və bağırsaq problemi yaşayan biri olaraq başıma dəfələrlə gəlmiş hadisədir. ən gülməlisi isə odur ki, bir dəfə tualetə getdim dərsin ortasında və oğlanlar tualetində təmizlik aparıldığı üçün məcburiyyətdən qızlar tualetinə girməli oldum. allahdan yanımda dostum var idi, qapıda durmuşdu və yaxşı ki, heç kim gəlmədi.
(baxma: bu nə jizndi, ala )

3 əjdaha! 28.05.2015 04:32, kurçulava

#167120 şikayət

polkovnikə məktub yoxdur

+4 əjdaha

gabriel garcia marquez in 1956-57'ci illərdə yazdığı, 1961'ci ildə ilk dəfə nəşr olunan povestidir. bu kitabı oxuma tarixçəmdən başlamaq istəyirəm. ilk dəfə 16 yaşımda azərbaycanlı yazar bir qadın tərəfindən hədiyyə edilmişdi (çox sağolsun) və mən ədəbiyyatla təzə tanış olurdum deyə mənə elə gəlirdi ki, ən yaxşı əsərlər səhifəcə çox, görünüşcə qalın olanlardı. elə hədiyyəni aldığım gün oxudum və bitirdim. nəsə çox dəxlisiz gəlmişdi, 16 yaşlı yeniyetmə üçün bu qoca kişinin dəxlisiz dəxlisiz gedib sahildə gözləməyi, aclıq çəkməsi və s. mövzular idi ki, bəyənmədiyimi, boş bir şey olduğunu düşünürdüm. o zamanlar tək fokuslandığım mövzu sevgi idi, belə bir şeyi anlamağım gözlənilə bilməzdi. günlər keçdikcə, illər ötdükcə bu əsərin təsiri özüne məndə göstərməyə başladı. cəmi bir dəfə oxumuşam, sonra heç oxumadım (bəlkə bu yay oxudum), amma insanın gözləmək deyilən hissini bu qədər gözəl ifadə edən nadir əsərlərdəndi. bu əsəri anlamaq üçün gözləmək lazımdı, gözünün yolda qalmağı, intizarda olmaq, elə bu saat gələr, elə bu dəqiqə gələr demək və ayıləb həyatının ümidsiz gözlənti içində keçdiyini görmək. ilahi, bu necə də kədərlidir. oxuyun, oxutdurun.

gözləməyə dair başqa əsərlər:
(baxma: qodonu gözlərkən)
(bax: tatar çölü)

4 əjdaha! 30.05.2015 17:57, kurçulava

#167708 şikayət

yadlaşdırma

+3 əjdaha

teatra brecht tərəfindən uyğulanmış texnikadır. əsas məqsədi izləyici/oxuyucuya əsərin qurmaca olduğunu bildirmək, yazarın verməyə çalışdığı fərqli ipucularından yola çıxaraq müxtəlif şərhlərə yer açmaqdı. əsəri izlərkən vəya oxurkən əsərin gerçəklik hissinə qapılıb özümüzü onun içində hiss edirik və əsas diqqətimiz süjetə yönəlir ki, bu da yazar üçün arzuolunmazdı.

filmdə istifadə olunması aktyorun birbaşa fərqli yerdən başını çevirib kameraya baxmasıyla həyata keçirilir.

ədəbiyyatda da istifadə edilir, postmodern nəsr nümunələrində metafictionun parçalarından biridir ki, yazar özü araya girir vəya personaj birbaşa oxucuya müraciət edərək oyuna dəvət edir, həm mətnin içinə dartaraq oyunda iştirak etməsini istəyir, həm də mətnin gerçək olmadığını anlayaraq süjetə qapılmamasını, yazarın əsərə səpdiyi müxtəlif detallara da fiqqət yetirməsin istəyir.

3 əjdaha! 28.05.2015 22:41, kurçulava

#167341 şikayət

ayrılmaz ikililər

+4 əjdaha

(baxma: meşədibaba və meşədi, bidənə onu diginən də)

4 əjdaha! 22.08.2015 01:07, kurçulava

#178724 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

kurçulava

son bəyənilənlər:

oxuyucuların bəyəndikləri: