19. metrodan istifadə eliyənlərin tez-tez eşitdiyi cümlə. metroda kart sisteminə 2006-da keçilib. 8 il bundan qabaq. amma hələ də metrodan istifadə eliyənlərin, yalan olmasın, 30-40 faizinin kartı yoxdu. adam tanıyıram tələbə adamdı, gündə ən az 2 dəfə metrodan istifadə eliyir amma kart almamaqda dirəşir.
hər nə isə. sözüm bunda deyil. başıma gələn bir hadisəni danışım. deməli, bir gün gəldim metroya. karta gediş yüklüyürəm. 3 dənə qaqaş gəldi ki, ''qaqaş olar biz də ataq''. dedim atın. 3 gediş bunlarçün, 2 gediş də özümçün yüklədim(bunun qayıtmağı da var axı).gəldik keçid aparatının yanına. indi mən bu 3 qaqaşı bir-bir keçirdirəm. müqəddəs missiyanı tamamlayandan sonra 4-cü gedişi vurub özüm keçmək istəyirdim ki, sağ tərəfdən bir dənə dayday gəlib basıb keçdi. mən də fikirləşirəm ki, yəqin bu dayday başqa bir adama pul verib ki, bunu keçirtsin. sonra da həmin adamla məni səhv salıb ona görə gəlib keçdi, elə buna görə də daydaya heçnə demədim. kartda 1 dənə gediş qalmışdı. elə bunu basıb keçmək istəyirdim ki, bayaqdan orda xalayla mubahisə eliyən(böyük etimalla, xala daydaya bu aparatın nə işə yaradığını, onun nə üçün bu aparata gediş vurmalı olduğunu başa salmağa çalışırdı)başqa bir dənə də dayday sürətlə mənə yaxınlaşmağa başladı. tez gedişi vurub keçdim. elə 2-3 metr getmişdim ki, birinci keçirdiyim dayday keçirmədiyim daydaya o canalıcı sualı verdi: ayə əbülfət, bu gədə səni niyə keçirtmədi?