11. bir neçə azərbaycanlının da düşdüyü kitab.
fəxrəddin vəliyev-cəbrayıl rayonunda anadan olub. hazırda belçikada yaşayan fəxrəddin vəliyev 2004-cü ildə adı ginnesin rekordlar kitabına düşmüş ilk azərbaycanlıdır. o, 5 dəqiqəyə 20 nəfərin kölgəsini (siluetini) çəkməklə bu nailiyyətə çatıb.
qədir hüseynov-azərbaycanlı şahmat qrossmeysteri. 1986-cı ildə anadan olmuş qədir hüseynov 1994-cü ildə rumıniyada keçirilmiş avropa çempionatında 1-ci yeri tutub. 8 yaşında qazandığı bu nailiyyətə görə ginnesin rekordlar kitabına düşüb.
ələsgər həsənzadə-lənkəran rayonu aşağı nüvədi kəndinin sakini ələsgər rəhim oğlu həsənzadə 1 saat 45 dəqiqə ərzində barmaqlarının ucu ilə sinəsini yerə vurmamaq şərti ilə 3 min dəfə qalxıb-enib. onun 7 yaşında göstərdiyi bu rekord "ginnesin rekordlar kitabına" düşüb. çünki həsənzadəyə qədər dünyada 7 yaşdan aşağı heç kim belə bir rekorda imza atmayıb.
stanislav şpanin-1990-cı ildə bakı şəhərində anadan olmuş stanislav milliyətcə rus olsa da, 2002-ci ildə azərbaycan vətəndaşı kimi ginnesin rekordlar kitab na düşüb. o, dünyanın ilk gənc professional rəssamı kimi rekordlar kitabına adını yazdırıb.
hüseyn rzazadə-güney azərbaycandandır. 1978-ci ildə ərdəbildə anadan olub. ağırlıqqaldırma üzrə ikiqat olimpiya və dörd dəfə dünya çempionudur. soydaşımız "ginnesin rekordlar kitabı"na planetin an güclü pəhləvanı kimi daxil olub. 263 kiloqram ağırlığı başı üzərinə qaldıran hüseyn 2004-cü ildə 263.5 kq. ağırlığı qaldırmaqla özünün müəllifi olduğu dünya rekordunu təzələyib.